一打開頭幾版原來仲有幾個五毛未消失，明明區選已經證明咗佢地少數派啦，仲阻住大多數人生活;P
本帖最後由 ATENU364TC196 於 2020-1-25 10:19 編輯
RH7685 發表於 2020-1-24 12:24
你講到好似冇人上深圳同廣州搭飛機咁
香港唔少人為咗平機票都會走上去大陸搭飛機
你未聽過？
香港本身有咁大個機埸，做咩要大部份人走上去？仲未計好多因為政治問題而唔肯踏足大陸嘅人
講返空域問題，基本上第三條跑道降落就一定冇問題，個爭拗點係起飛嘅空域問題，呢樣野係人為問題大於技術問題
至於你用軍營個比喻，根本兩樣冇得比，軍營係一國兩制之下根本有佢存在嘅必要性，除非你好想服兵役啦，但空域呢啲嘢絕對唔係冇得再調整，好簡單，減少去到七成半已經可以解決問題，亦都唔會好影響到國土安全，其實而家珠三角嘅空域基本上已經爆咗，但係廣州同埋深圳機場仲係起緊多一條跑道，基本上如果香港用唔到嘅話，佢哋嘅新跑道亦都一樣用唔到，如果真係唔會改嘅話，點解佢哋仲會起跑道？
依家香港正式嘅起飛航道得一條
1. 途經欣澳，青衣，再以較高嘅飛行高度飛越新界上空
實際好多時就會變咗
2. 馬灣，之後右轉向南離開
3. 青衣南，維港上空(不適用於23-7）
三跑變成咁樣已經可以解決問題
1. 途經馬灣，之後右轉向南離開
2. 途經天水圍，林村，八仙嶺離開
而家嘅爭拗點係三跑裏面嘅第二條起飛航道，有機會同深圳航道嘅安全距離不足。至於你話大陸唔會肯讓，咁如果香港係要求要管轄埋廣州嘅梗係唔肯啦，但其實只係郁少少深圳嘅範圍已經搞掂啦喎，根本唔需要郁廣州，所以嗰篇報道根本冇得作準......
更何況真正全面使用三條跑道運作嘅時候，可能已經係十幾年後嘅事，到時會發生咩事？根本無人知
去返機場選址嘅問題，首先，香港邊有地方再起多一個機場？其次，在航空公司嘅管理角度而言，「軸幅式」航空網絡最為有利營運，經營成本亦都最低，你諗下，如果集中一個機場，航空公司無論係維修，清潔，地勤都可以集中係一個機場做哂，對管理亦都方便好多。其實香港赤鱲角機場本身就係一個著名以「軸幅式」網絡而風生水起嘅機場。你叫我詳細講乜嘢係「軸幅式」就有啲複雜，建議你可以上網去搜尋一下
還有，香港國際機場連帶三跑仲有其他翻新工程，例如增建客運大樓，空港城建設等等，都有助提升香港本土嘅競爭力，例如空港城，可以吸納港珠澳大橋同埋香港國際機場轉機嘅旅客，係唔影響香港居民日常生活，同埋唔增加市區負荷嘅情況之下消費，振興香港經濟資源又唔影響到香港人。
另外，三跑增加咗香港機場嘅運力，亦都提供到更多嘅就業職位，俾年青人發揮所長。好似巴士公司咁樣，啲A線要加密班次，結果就會請多咗人，巴士司機嘅整體人工亦會有所提升，市民亦都受惠於巴士加強服務。所以工程嘅社會效益其實好大
其實機場係一個增強地球互動嘅地方，當全個世界都喺度進步緊，邁向一體化嘅時候，香港係咪甘於維持現狀？唔同世界接軌？工程其實對香港社會非常有利，亦都有助增加旅客嘅多元性，其實無分彼此政治立場，因為工程其實冇拉近過同大陸任何嘅關係，反而係增強左香港本土嘅自身優勢
最後，其實成個工程都係通過借錢/收機場建設費嚟完成，冇動用過納稅人嘅一分一毫，係用者自付性質，合情合理，點樣係大白象？
tonychow 發表於 2020-1-24 22:47
一打開頭幾版原來仲有幾個五毛未消失，明明區選已經證明咗佢地少數派啦，仲阻住大多數人生活 ...
咁又係，建制輸極都有四成得票率，票數完全無跌過，你話呢D少數派實力點可以睇少？
人地不知幾落力成立埋議會監察做"影子區議員"添，最近成功令政府拒批牌照令和你宵胎死腹中。
leo_ku 發表於 2020-1-25 10:44
咁又係，建制輸極都有四成得票率，票數完全無跌過，你話呢D少數派實力點可以睇少？
人地不知幾落力成立 ...
與其做乜嘢議會監察
不如同政府乞求公職好過啦
橫掂大把乜嘢委員會
有錢收又唔使點開會
仲好做過做議員
RH7685 發表於 2020-1-25 11:29
與其做乜嘢議會監察
不如同政府乞求公職好過啦
橫掂大把乜嘢委員會
呢D無衝突啦，公職同區議員可以增加社區經驗添。
leo_ku 發表於 2020-1-25 11:35
呢D無衝突啦，公職同區議員可以增加社區經驗添。
上屆大把區議員選完之後影都唔見
搵都搵唔到 我就唔知佢點樣增加社區經驗
既然你都唔喺度 咁不如俾第二個做下
區議員都係一個公職
委員會又係一個公職
俾佢揀梗係揀委員會
唔使落區 開吓會都有酬金
隨時仲R返個副局長做 你睇垃圾桶劉江華
開個會一句說話都唔使講已經袋袋平安
RH7685 發表於 2020-1-25 11:51
上屆大把區議員選完之後影都唔見
搵都搵唔到 我就唔知佢點樣增加社區經驗
既然你都唔喺度 咁不如俾第二個 ...
如果情況真係咁，建制區議員的票應該跌得好勁 。我對比番上屆同今屆建制議員的票，今屆明顯有增長，不過增長幅度未及非建制派侯選人咁解。
劉江華唔講唔等於無做，你了解民政事務局的職能嗎？
leo_ku 發表於 2020-1-25 12:05
如果情況真係咁，建制區議員的票應該跌得好勁 。我對比番上屆同今屆建制議員的票，今屆明顯有增長，不過 ...
初一都要開工就慘啲嘅
你都要出嚟洗地
高投票率就一定不利少數派
其實我建議你代劉生做局長
用你把口應該會帶唔少笑話俾香港人
好過佢坐喺度一句聲都唔出
你咁了解 應該你做
ATENU364TC196 發表於 2020-1-25 10:16
香港本身有咁大個機埸，做咩要大部份人走上去？仲未計好多因為政治問題而唔肯踏足大陸嘅人
講返空域問題 ...
啱啱患上新型肺炎嗰個馬鞍山居民
正正就係由武漢經深圳機場再過關返香港
你唔問下佢點解武漢都有去香港嘅航班
但係就揀咗經深圳？
與其話好多人因為政治問題唔返去
不如話香港人好多都係港豬
大多數都係出下聲鬧下咋
如果有咁勇嘅香港一早獨立咗
國際線香港一定多㗎
但係國內呢？
當你飛某啲內陸省份或者黑龍江吉林呢啲東北地區
香港一係冇 一係就選擇少 一係就機票貴
人哋自然走返上去搭
香港軍營就唔止一個嘅
同埋有唔少軍事用地都係荒廢
除非你話香港有可能出現WW3
香港自己有咩事都唔會出動到佢哋
咁多軍營都係用嚟托
好簡單嘅啫
白雲機場新跑道容量都係唔夠原本設計嘅一半
但係佢哋都要起
原因就係要谷GDP
同埋上面好重面子嘅 有工程做代表有政績
等於民建聯成功爭取乜乜咁樣
香港起兩個機場就唔係冇可能嘅
你要講香港面積細嘅時候
記唔記得赤鱲角隔個海已經係澳門機場？
又記唔記得澳門距離唔遠又有個珠海機場？
根本就係藉口
蒲台島或者南丫島附近一帶都已經有唔少位
而且都唔會影響赤鱲角
赤鱲角唔少都係經西貢走嘅
台北松山同埋桃園機場都係相隔40公里
人哋又做到？
只要分工做好國內同埋國際線
國泰呢啲可以留返係赤鱲角
中國嘅航空公司可以去返新機場
就冇你所講嘅問題
你只係同政府一樣 其他方案唔聽 只係覺得自己一定係最好
就業機會？香港近乎全民就業
司機同埋建造業呢啲長期都唔夠人
以前仲講緊要唔要請外勞
你係想請外勞定係點？
醒下啦 用者自付即係向旅客開刀
香港人好鍾意去旅行
可能佢哋都唔未必支持三跑
但係就要俾錢
咪又係用緊納稅人嘅錢
借錢？小心變成海洋公園咁樣
RH7685 發表於 2020-1-25 12:36
啱啱患上新型肺炎嗰個馬鞍山居民
正正就係由武漢經深圳機場再過關返香港
你唔問下佢點解武漢都有去香港嘅 ...
但無可避免嘅係事實有好多人唔敢返去，你講到話返大陸坐飛機咁好，咁我想問吓你自又敢唔敢返去？
市場裏便嘅選擇同埋整合係兩回事，你講整合就容易，實際整合點樣做？技術可唔可行？政治上啲人接唔接受？
有冇事嘅嘢大家都好難講，隨時今年就爆發世界大戰，冇人知㗎喎，係咪點都要以防萬一先？
既然你講到蒲台島或者南丫島，咁我又同你講下個選址有咩問題
首先，無論點樣設計，如果個機場喺南丫島，佢嘅起飛或者降落航道一定同現有嘅赤鱲角機場起飛或者降落航道相撞，依家部份飛機喺馬灣之後係轉右經過南丫島上空離開
其次，擺個機場係南丫島嘅話一定要喺公路同埋鐵路接駁市區，更加需要填大量土地去做後勤區等等，明日大嶼已經咁大反彈，更何況喺南丫島起機場？
仲有，至於兩個機場嘅定位，睇嚟你都唔係好明乜嘢叫做「軸幅式」航空網絡，不如你去睇吓先覆我啦......
而且，你話提供嘅就業機會太多，我真係笑咗出嚟，興建兩個機場比較興建一個機場所提供出嚟嘅就業機會唔係更加多咩？
向旅客開刀有咩問題？大把地方嘅關稅同埋機場建設費都係向旅客徵收，香港居民唔想俾建設費嘅咪唔好用香港機場囉，用者自付咋喎，等於你去超市見到$50一磅香蕉，你有得選擇唔買㗎，喺香港呢個自由市場裏便不嬲都係奉行願者上鈎嘅原則㗎啦
其實我有一點唔係好明，點解要將香港來之不易嘅「國際大都會」地位拱手相讓比大陸？起第三條跑道係增強緊香港自身嘅優勢，最好笑係有啲支持港獨嘅人居然反對起第三條跑道，大佬，你要獨立，都要經濟地位力保不失㗎......
有部份泛民主派議員反對第三條跑道建設，根本就係共產黨A隊嚟，最想嘅就係大陸經濟超越香港...
你話我咁似政府？我都唔係好明，難得政府做返一件好事，仲反對黎做乜...