KG1428 發表於 2020-9-28 00:28
開得呢條區內線不如要求重開264M
其實，如果54延去天水圍
唔知得唔得
3asv@59x 發表於 2020-9-28 00:35
K58直情係多鬼餘啦
佢其實只係維持山景/良景去富泰
經過兆康就已經得
K58入54區應該都幾肯定，
因為都要有一架接駁車畀人去西鐵站轉車..
條市中心線未必可以同港鐵有免費轉乘，
區議員正常都做嘢的。
GD1570 發表於 2020-9-28 09:13
K58入54區應該都幾肯定，
因為都要有一架接駁車畀人去西鐵站轉車..
港鐵好似無興趣將 K58 拉入 54 區
士刁拔尼．奧 發表於 2020-9-24 20:58
拖卡個couple不兼容嘛
其實輕鐵肯全拖卡，呢啲區內巴士就作用有限
一卡輕鐵=1.75部巴士
你漏咗小小因素：
1. 巴士站可以上超過一部巴士 (尤其是新市鎮嘅設計，巴士站更寬落)，輕鐵全拖卡嘅話唔得
2. 輕鐵要喺青公站站停，巴士可以選擇飛站，更可以上公路
3. 輕鐵一個方向得一條軌，同埋唔行得快，巴士? 幾條行車線方便越過前車，同埋行得仲快，尤其是行公路
如果區內巴士作用真係有限，甚至唔能夠比得上輕鐵全拖卡，相信就唔會有人不斷爭取。
樂仔〞 發表於 2020-9-29 21:51
港鐵好似無興趣將 K58 拉入 54 區
單係屯門醫院呢點都已經拉唔走啦
本帖最後由 ccchhhuuunnn 於 2020-9-30 00:06 編輯
AV296 發表於 2020-9-29 22:11
你漏咗小小因素：
1. 巴士站可以上超過一部巴士 (尤其是新市鎮嘅設計，巴士站更寬落)，輕鐵全拖卡嘅話唔 ...
輕鐵3門/6門單層同時上落已經揪贏巴士啦，個巴士站泊唔夠十架巴士都未使贏到輕鐵
可以飛站同爬頭就相對無聊，返學返工線有邊條巴士線唔使點停站可以飛站，又可以成日爬頭？
不如返放學時間去屯興路屯官睇下兩邊巴士站，九/城/鐵巴點樣逐架排隊入站逐架上落客
巴士同輕鐵其實要互補，唔係互相排斥
中長途(大概輕鐵站7-8個站以上)、鐵路要轉兩次（輕鐵>西鐵＞輕鐵）或巴士可以行公路/繞路，通常巴士方便啲
其他情況就輕鐵方便啲
KG1428 發表於 2020-9-28 00:28
開得呢條區內線不如要求重開264M
264M經屯門？
ccchhhuuunnn 發表於 2020-9-30 00:04
輕鐵3門/6門單層同時上落已經揪贏巴士啦，個巴士站泊唔夠十架巴士都未使贏到輕鐵
可以飛站同爬頭就相對無 ...
無可否認，輕鐵載客量比巴士多，不過係咪多到十架巴士就有少少疑惑
輕鐵一卡220人，拖卡440人，巴士 (12.8米，大西北應該無難度) 當146人先啦
其實3架巴士已經做到拖卡輕鐵嘅容量，極端D咁講，如果真係有咁嘅客量，3架巴士同時上客，開足上落客門 (點對點線上落客較分明)，都模仿到輕鐵嘅「優勢」
所以十架巴士贏唔到輕鐵? 我有保留
不過上面嘅都唔係現實，因為屯天/屯元客唔會大到塞滿幾架巴士/輕鐵，巴士根本無咁嘅必要，出十架嚟招呼呢D人
相反，輕鐵係流水線，佢嘅設計，本身唔係俾比較長途嘅旅程，220人當中，起碼200人係中途上落客嘅
飛站/爬頭就更加重要，唔明點無聊法。或者我解釋得清楚小小：
輕鐵由元天去屯門，一定要行青公，仲要站站停。如果當巴士咁理解，就係要行一條好長嘅雙線雙程路，仲要每個站都要上落。我諗咁樣會易明好多?
我唔係講緊你嗰種爬頭，而係講緊相對於輕鐵，巴士唔單止有條更闊嘅路，可以超越前車；更加有權飛哂青公嘅站
而家香港政府就係諗住用輕鐵解決哂大西北區內穿梭，但係對於好似元/天/屯之間，成10公里咁遠，即係深水埗去到觀塘咁，呢D本身唔係輕鐵嘅目的，格硬將長途運輸塞入以短途接駁為主嘅輕鐵度，即係cut咗其他交通工具迫人搭電車由東區去中環咁。
一早就要區內線巴士，輕鐵，又慢，又嘈，又兜，又疏。
ctb234 發表於 2020-9-30 09:25
一早就要區內線巴士，輕鐵，又慢，又嘈，又兜，又疏。
我認為輕鐵能應付區內線綽綽有餘
至於屯天、屯元之間嘅路線，其實用返以前K1X同K2X嘅模式行元朗公路應該夠用