2076 發表於 2022-2-28 12:33
廢石北本線，最大問題唔係網走，而係北見。在現時沒有池北線的情況下，斬石北本線，北見基本上就冇可能有 ...
當年情況似係池北線同石北本線二揀一，最後廢咗池北線
計距離，池北線點都長過石北本線 上川 - 白瀧/遠輕
不過唔廢都廢咗，唔通復辟池北高原線咩
學樓上話齋，真係將 網走 - 札幌 改去釧網本線、根室本線的話，不如改做寢台列車啦
吸下想喺日本搭夜行列車，但唔啱Sunrise Express嘅都好
Waiyin12 發表於 2022-3-5 00:49
當年情況似係池北線同石北本線二揀一，最後廢咗池北線
計距離，池北線點都長過石北本線 上川 - 白瀧/遠輕 ...
距離長但時間短啲，對 JR 來講先係一件好事，首先特急料金同運賃都可以收多啲。
池北係 3 sector，將特急行左池北又可以趁機唔駛維護一大段石北本線線形惡劣路段，更可以將 とかち 減班，可以減輕 JR北 氣動車不足的問題，甚至宗谷可以 3 班落返晒札幌都夠車用。
其實道內夜行真係有用，至少去道東道北唔駛下下都浪費成日搭車。
2076 發表於 2022-3-5 02:06
距離長但時間短啲，對 JR 來講先係一件好事，首先特急料金同運賃都可以收多啲。
池北係 3 sector，將特急 ...
但係池北線唔廢都廢咗，池北高原間公司都執埋笠
雖則非電氣化無架空電纜，但路軌、車站等荒廢咁耐，唔係話可以就咁復辟
而家情況就係JR北海道有條石北本線放緊血，要殺線又未必得
第三部門的確可以令JR蝕少D，仲可以收埋附加費
札幌 - 帶廣可以減班都係好處，但而家池北線已成歷史，呢刻就係石北本線點收科
開寢台我係諗吸客，因為日本以運輸為目的嘅夜行列車得返 West Express 銀河 同 Sunrise 瀨戶、出雲，Sunrise 就算有夜行巴士直接競爭客量都唔錯，吸下想嘗試寢台又喺北海道嘅客
當然，唔好跟はまなす咁用國鐵車形，要做就要 285系 咁部車乾淨企理
題外話，感覺 JR 北海道 搞觀光車都唔及東日本、九州咁高質
Waiyin12 發表於 2022-3-6 02:08
但係池北線唔廢都廢咗，池北高原間公司都執埋笠
雖則非電氣化無架空電纜，但路軌、車站等荒廢咁耐，唔係 ...
一句都尾都係無錢姐。
有錢嘅咪又可以搵水戶岡鋼治出架罐頭車，到時又可以撈番筆啦
夜行車以前急行年代係有架，而最後道內寢台正正係オホーツク
sammyleung719 發表於 2022-3-6 19:05
一句都尾都係無錢姐。
有錢嘅咪又可以搵水戶岡鋼治出架罐頭車，到時又可以撈番筆啦
夜行車以前急行年代係 ...
又唔一定要水戶鋼銳治嘅，一架 HB-E300 (Resort View 白神 / 故鄉、海里) 都已經唔錯，北海道serve食物應該仲易搞，一堆海鮮
或者其他 Tohoku Emotion 咁嘅設計一樣可以，直要唔好流於 SL 蒸氣火車 同 玩塗裝，有全個乘車體驗（車內設計、風景、車內販賣、可能有限定產品/食物、展望席 etc.）
唔知搵架獨市特急玩全車Gree Car行唔行得通?
好似E261系咁~
另外好奇四季島號上面，JR北海道 除咗借出路軌有無任何角色?
Waiyin12 發表於 2022-3-10 04:44
又唔一定要水戶鋼銳治嘅，一架 HB-E300 (Resort View 白神 / 故鄉、海里) 都已經唔錯，北海道serve食物應 ...
全車Green，可能會令一部人卻步，西記架117系銀河就識玩，有Green有普通嘅nobi nobi。
至於架四季島…北海道有出人揸車同做車掌架🤣
同埋佢應該係有收足過路費掛…
sammyleung719 發表於 2022-3-6 19:05
一句都尾都係無錢姐。
有錢嘅咪又可以搵水戶岡鋼治出架罐頭車，到時又可以撈番筆啦
夜行車以前急行年代係 ...
搵水戶岡都未必係好事，初期Don Design啲設計真係好有心思，往往令人覺得耳目一新，眼前一亮。但老實講近期嘅作品風格開始變得千篇一律，欠缺各自特色。再加上JR九州上至新幹線下至普通列車都搵佢設計，俗啲講佢嘅設計已經變得有啲公廁。北海道就算有嗰個錢請佢返嚟設計一格觀光列車，都好容易錢就洗咗，出嚟嘅成品就同其他水戶岡設計嘅列車大同小異，目前嘅水戶岡設計Style大概由2011年九州新幹線全線開業同時登埸嘅一批觀光列車開始定調，當時的確獲得唔少好評，但之後就略嫌食老本，接住落嚟一段時間嘅作品都係嗰個style，假設今時今日北海道搵佢設計，類似style嘅列車已經出現咗超過10年，可以吸引到眼球嘅蜜月期早已過去，洗咗錢都未必真係有辦法吸引到太多乘客。
另外順帶一提，水戶岡設計嘅列車有部份行駛觀光資源相對匱乏嘅地區，所以（一開始）較着重列車本身嘅吸引力，希望靠打造一個令人眼前一亮嘅列車以帶動沿線嘅觀光，亦都係因為呢一點，我幾認同樓上所講，東日本唔少觀光列車雖然未必係大設計師設計，但係融入咗當地特色，幾配合北海道呢啲本身觀光資源同埋物產豐富嘅地區借境。
sammyleung719 發表於 2022-3-10 06:25
全車Green，可能會令一部人卻步，西記架117系銀河就識玩，有Green有普通嘅nobi nobi。
至於架四季島…北 ...
北海道本身喺日本全國當中，都算係比較貴㗎嘅旅遊目的地（另一典型例子係箱根），以度假酒店為例，同一集團喺北海道嘅設施往往比其他地區貴，有唔少畀得起錢嘅旅客都會選擇去北海道度假，全車Green嘅列車個人覺得反而幾配合北海道嘅旅遊定位，甚至比起而家以【Cheap Cheap特別塗裝普通列車當觀光列車】或者主攻低價位市場嘅列車，對北海道旅客而言更有吸引力。
至於West Express，其實係咪識玩係咪成功實在難以定奪。本身佢賣點就係話新一代寢台列車，唔一定要跟團就咁買張飛都可以坐。結果一登場就遇上疫情，到呢一刻為止都只係做團體客生意，一次散埋都未試過。某程度上都仲未有辦法知道，以佢本來嘅賣點（散埋）運作嘅話吸引力如何。
另一方面眾所周知，日本人注重個人空間同私人嘅程度可算係世界頂級水平，一間香港都有分店嘅拉麵舖最著名嘅專利座位就可以說明一點。相對地West Express大部份座位/寢台都係開放式，而且有唔少公共空間，同日本人主流喜好以及Sunrise嘅設計可以話係背道而馳。本身實驗味道濃厚嘅呢一㗎列車，相信都係探討乘客對此等設計嘅接受程度。原本冇疫情嘅話或者好受歡迎都講唔定，但係喺後疫情時代，對個人空間嘅重視程度增加，開放式設計有機會導致乘客全程都必須佩戴口罩，尤其是瞓覺要戴口罩的話，真係唔係咁多人接受到。另外公共空間嘅捉棋位置目前都因為疫情而停用，究竟咁嘅設計係咪適合宜家呢個世代以及日本呢個地方呢？實在值得思考。
sammyleung719 發表於 2022-3-10 06:25
全車Green，可能會令一部人卻步，西記架117系銀河就識玩，有Green有普通嘅nobi nobi。
至於架四季島…北 ...
不如估下381系最終嘅下場會唔會又係改豪華特急;P
認真, 如果西記將架銀河變成定期夜行特急, 應該有得玩
夜間山陽山陰都有一定需求甚至可以改用DMU玩山陰線, serve 埋福知山 / 鳥取:victory:
以JR西咁鍾意改裝堆車嘅性格,
223/521系改sleeper都唔奇怪;P
E3Tsubasa 發表於 2022-3-10 17:16
北海道本身喺日本全國當中，都算係比較貴㗎嘅旅遊目的地（另一典型例子係箱根），以度假酒店為例，同一集 ...
WEST EXP. 嘅Nobi Nobi, 對比起前輩SUNRISE EXP.已經算好好多, 大約有大陸高級軟臥嘅程度
https://daydayplay.hk/wp-content/uploads/2020/01/JR-WEST-EXPRESS-9.jpg
WEST EXP. 嘅Nobi Nobi
https://pbs.twimg.com/media/Cvx-ElWWAAAqo39.jpg
SUNRISE EXP. 嘅Nobi Nobi
WEST EXP最大嘅敗筆可能係呢樣嘢: 3號車張Green Car凳
https://www.jr-odekake.net/railroad/westexginga/assets/img/img_modalInterior04.jpg