JF1261 發表於 2022-12-27 19:16
係北區其實係掉轉左
由其馬亞木堆線
將軍澳嘅102咪又係差路唔多......
da93 發表於 2022-12-27 14:58
成班都唔諗下點解近十年俾人嗌咁多同巴士線相近嘅小巴線出黎
同你九仔傾，你闊佬懶理。
90 年代運輸署諗為紅巴堆 AT 不符合成本效益，
結果係迫紅巴取消大量 AT 小巴線轉開綠小，
或直接大幅減班，升級用 AM 等中型客量車行。
到堆長單層年事已高，加埋低地台政策，
唔夠單層車，結果咪搞到雙層車行屋邨線，
但又要跟上座率調節班次，而家無客燒錢仲唔減班？
有唔少屋邨線根本唔應該用雙層巴士行，
居民需要係班次密度，竟然政策開左，
居民貪心想開綠小人之常情。
反而問點解香港政府唔會用公帑補貼屋邨駁鐵線，
去維持一定班次密度，而走去允許綠小做依個角色。
我想講，兩間巴士公司有要求過政府咁做，
而家政府話唔夠客燒錢，減唔減班係商業決定。
leslie 發表於 2022-12-26 22:40
79X呢D早該拆線, 叫人轉20A來回旺角以南的彌敦道都是笑話啦...
長沙灣深水埗兜到天荒地老先上路, 劃線果個 ...
運輸署喺協調各種交通方面真係失職。小巴不宜用作大運量運輸,只宜作輔助,而巴士應作為連接各區的主要路面交通,⻆色要分清楚。需求大,路面條件許可就就唔好招標小巴。
da93 發表於 2022-12-27 14:58
成班都唔諗下點解近十年俾人嗌咁多同巴士線相近嘅小巴線出黎
同你九仔傾，你闊佬懶理。
咪就係，堆九巴線除左垃x圾真係唔知點形容，開綠小就喺度借頭借路嘈，恃住自己大巴就開幾疏都得，當然呢點運吉都有責任協調嘅，有d新區擺明就唔應該一開始就用小巴做。
dennis28a 發表於 2022-12-27 20:44
90 年代運輸署諗為紅巴堆 AT 不符合成本效益，
結果係迫紅巴取消大量 AT 小巴線轉開綠小，
或直接大幅減 ...
呢個好認同
某程度上接駁線真係要密
而唔係開架12米
但九巴今時今日都唔會用呢個方向
因為人手短缺嘅大前提下
冇咁多人去做密接駁線
Lelouch 發表於 2022-12-27 18:04
其實係咪真係條條線都要行觀塘道呢，又或者走去行海濱道再碌入宏照道
點解唔可以搵幾條特別線行晒全段偉 ...
德福大廈個位做落客站無所謂
上客始終宏照道/常怡道係主菜
JX9097 發表於 2022-12-27 23:10
呢個好認同
某程度上接駁線真係要密
而唔係開架12米
小巴需要嘅司機仲多,今日唔需要太多小巴,特別係同專利巴士重疊,執晒可以慳人手。
dennis28a 發表於 2022-12-27 00:09
黃巴想做觀市方案從來都唔係「順走」，
而係「逆走」15A 行法，直插成業街、創紀、泳池、市中心加站。
E22已經大部分時間斬到30
MrLau 發表於 2022-12-27 20:51
運輸署喺協調各種交通方面真係失職。小巴不宜用作大運量運輸,只宜作輔助,而巴士應作為連接各區的主要路面 ...
香港大運量運輸大部份都已經由巴士同鐵做緊。除左部份新區運吉規劃失當，唔少例子係巴士公司唔想做，先比到小巴乘勢而上，三催四請都唔肯開，咁梗係有小巴頂檔好過咩都冇啦。有502仲搭巴士玩華明轉乘？有26仲搭274P兜白石角？小巴唔夠載係一回事，但巴士失左先機仲有咩好講。
MrLau 發表於 2022-12-28 00:03
小巴需要嘅司機仲多,今日唔需要太多小巴,特別係同專利巴士重疊,執晒可以慳人手。
...
用今日角度睇，都唔見得小巴執左巴士會加班，比你小巴五分鐘一班，客量咪又係巴士二十分班果種程度，等車時間中位數由幾分鐘大增到十分鐘或以上，咁有咩誘因去執左佢？將個磨心由小巴/巴士公司轉去自己身上，運吉先冇咁蠢啦。