932gz6061 發表於 2024-3-4 16:33
988同682係自作孽冇得救
682應該當初學118咁微調下咪算囉
本帖最後由 12Lane 於 2024-3-14 12:08 編輯
kay 發表於 2024-3-14 09:15
幾十年既practice點解到2024年先討論？
以前唔討論係咪大家發緊夢？
有趣，幾十年嘅practice唔可以今日討論架咩？
有人默許，情況持續，都可以一直有人覺得有問題，咁咪今日繼續講囉。一樣野係可以唔因為時間性而改變本質，有問題就係有問題，喺度拗時序真係唔知jm8+1。
你覺得應該十年前討論你咪番去十年前嘅po回味，走黎話而家人地唔一早講，想點啫？我地番到去十年前講咩？觀點與角度，可以理性討論，你覺得ETA可以主宰一切，人地覺得唔得，咁咪大家討論，或者講唔掂數咪由得個分歧喺度，走去講啲唔關事嘅野係有咩意義？
巴士服務問題，四五十年前都有架啦，要傾應該幾十年前講晒，個討論區摺左佢囉。
本帖最後由 12Lane 於 2024-3-14 14:45 編輯
kay 發表於 2024-3-14 09:25
合唔合理大家都識講
但點解事實同大家講既野不符
講野唔係事實行先咩
事實係不符大家期望，就代表大家唔可以講合理期望架咩？句句都要describe現實，唔可以有個人期望嘅話大家去報新聞啦，洗唔洗上黎討論區？
地鐵令巴士跌客，係現實。
巴士公司經營環境變差，係現實。
監管當局默許，係現實。
班次不穩、唔跟時間表會令乘客卻步，都係現實，同上面三點根本冇衝突，唔知點解可以咁都有得嘈。
知你中意搵最後答案，咁你中意唔繼續探討嘅冇人阻你，但人地中意繼續發掘其他可能性同搵更多答案，進一步討論，你咪由得人地講囉。
12Lane 發表於 2024-3-14 14:38
事實係不符大家期望，就代表大家唔可以講合理期望架咩？句句都要describe現實，唔可以有個人期望嘅話大家 ...
唔講事實咁講咩？
呢度d FF友咁黑人憎其中一個原因就係唔理事實
絕大部份討論都需要考慮事實
我無話唔可以講期望
不過講事實就比人話支持巴士公司劣行
呢d係應有討論之義？
係人都想巴士做好D
但幾十年黎都係咁
賣期望只會比人話你呃人話你唔識世界
本帖最後由 12Lane 於 2024-3-14 15:10 編輯
kay 發表於 2024-3-14 15:02
唔講事實咁講咩？
呢度d FF友咁黑人憎其中一個原因就係唔理事實
你個事實同人地講嘅事實根本冇衝突。違反左咩野應有之義？
唔跟時間表係現實，希望跟時間表係期望，亦相信係合理期望，同FF友都相差甚遠。唔好混為一談好喎，
至於話連跟時間表依啲基本野都比人話唔識世界，閣下咪就係指住人個鼻話緊人唔識世界囉，「講左幾十年都係咁架啦，仲討論黎做咩？唔係未慣呀嘛？」
12Lane 發表於 2024-3-14 14:38
事實係不符大家期望，就代表大家唔可以講合理期望架咩？句句都要describe現實，唔可以有個人期望嘅話大家 ...
叫佢答咗#651先講
本帖最後由 12Lane 於 2024-3-14 15:33 編輯
brianso198 發表於 2024-3-14 15:13
叫佢答咗#651先講
佢係要將「期望」同「合理期望」撈亂晒咁都幫佢唔到。
FF開條南荃線之類，係期望，合唔合理大家都討論過。
跟時間表開車，相信冇人會爭議係唔係合理期望。
而有人就將兩樣期望同質化，總之巴士公司係冇心做，當局係唔監管架啦，係現實，所以開南荃同跟時間表開車都係罔顧「現實」。
Well邏輯錯到咁係幫唔到佢。
12Lane 發表於 2024-3-14 15:19
佢係要將「期望」同「合理期望」撈亂晒咁都幫佢唔到。
FF開條南荃線之類，係期望，合唔合理大家都討論過。 ...
連「準時開車」都畀佢同FF友混為一談，精彩呀;P
12Lane 發表於 2024-3-14 15:08
你個事實同人地講嘅事實根本冇衝突。違反左咩野應有之義？
唔跟時間表係現實，希望跟時間表係期望，亦相信 ...
有
佢地唔同意呢個事實
但事實可以輪到你地SAY NO?
就係因為觀點與事實不乎
先有講事實之必要
唔準時開車都唔係第一日發生
討論左咁多年都係得個吉
再討論落去結果都係一樣返去起點
下次再講唔準時開車
隨時有人話:你第一日先知?
唔洗討論
完
如果唔係制度上容許巴士公司/小巴做手腳
邊有陰乾理論誕生
制度問題就應該制度解決
但我只係見到話事人唔會有呢個意欲
既然無咁仲有幾多計傾
本帖最後由 12Lane 於 2024-3-14 23:05 編輯
kay 發表於 2024-3-14 21:21
有
佢地唔同意呢個事實
你將自己心目中嘅最終答案概括為"事實"，"事實"就係建制內問題，所以講多都係得個吉，我有冇總結錯?
大把PO有人講你嘅 "第一日先知?"，但依然好多人會無視而繼續討論，然後閣下就將 "第一日先知?" 當左真知灼見，用埋黎做一種似是而非嘅論點回覆，實際上同論題毫無相干；然後可以話"巴士公司不嬲都冇心做" 呢種論點去反駁番 人地話"巴士公司亂開車" which is 同樣係表達緊冇心做嘅論點，嘩呢種詭辯小弟拜服。
制度問題制度解決就更加奇怪，討論區討論政策本身就係制度之外嘅途徑，你會唔會係對討論區有咩野誤會?