lsc04d11 發表於 2024-6-3 09:51
咁玩法，長者就更加會搭九巴唔搭鐵，到時紅橋屯仁街隨時上唔到車而華都反而上到(最慘會係68A,隨時藍地都 ...
我會話最佳實行時機係 $2 變 $3 的時候，政府似乎唔想大改計劃方式，想用加價解決問題。巴士港鐵都年年加價，$2 變 $3 其實都好合理。咁加價的同時去做返 $1 雙向分段回贈，成件事會合理唔少。
落車門加部八達通機唔係唔得，但香港人繁忙時間搭車節奏，有一條友慢慢摷八達通塞住落車門拖累時間就增加乘客衝突。
KE7066 發表於 2024-6-3 13:05
上車拍一次落車拍一次點樣無數據？
無數據唯一原因係比現金姐
咁無優惠既比我都唔會拍落車啦😪
哂氣，除非你話要立法迫人做
乘客須知？ 食得架
否則你所謂大數據根本無可能實現
天空之神 發表於 2024-6-3 14:21
咁無優惠既比我都唔會拍落車啦😪
哂氣，除非你話要立法迫人做
到底立法先「迫」到個邏輯係邊？
我前面都講咗，照抄其他地方落車唔拍交易未完成就鎖卡
唔完成成個流程咪當無付款處理
唔需要另行立法架喎
本帖最後由 天空之神 於 2024-6-3 16:33 編輯
KE7066 發表於 2024-6-3 15:01
到底立法先「迫」到個邏輯係邊？
我前面都講咗，照抄其他地方落車唔拍交易未完成就鎖卡
咁唔用八達通用其他電子支付，你點鎖卡
同埋就算八仔都唔會有呢個機制，最多係比哂全程車資
上車唔收錢改落車收，不如改埋後門上車前門落車睇住拍
KE7066 發表於 2024-6-2 19:11
全民做最核心係可以合理化 $2 落車拍卡
件事成習慣就無藉口唔拍
同時數據量增加咗巴士公司可以做到更精準 ...
為咗所謂捉兩蚊長車短搭要全民拍卡根本本末倒置
就算唔計巴士公司靠兩蚊呢樣嘢，大幅增加時間成本去全體乘客同行車時間，隨時仲貴
大數據都要講獲取成本同實際利益，唔係無止境去做
長途線自然盡量唔想人長車短搭，唔使人落車拍卡我都答到你
而且大數據非萬能，只反映現況，數據話短途有客量增長，然後走去加雙分加宣傳，結果可以係趕走曬長途客，數據要到走曬啲客先答到你
而落車門拍卡，唔係一開門先著未開門就著只會一片混亂
上車就先天物理限制，車停定，開上車門，一個跟一個拍卡上車，要逃票要出古惑，車長就喺隔離隨時可以作出反應
個個擔心落車門拍卡逃票，長期開著更加難防
不過現實就係巴士站回水好似仲有效
天空之神 發表於 2024-6-3 16:30
咁唔用八達通用其他電子支付，你點鎖卡
同埋就算八仔都唔會有呢個機制，最多係比哂全程車資
去到鎖卡咁大陣杖
輕鐵唔出閘/地鐵跳閘冇出閘記錄都未鎖卡;P
成件事夠曬黐線
不如人面辨識+AI算啦,卡都唔使嘟
本帖最後由 bryan_KW1792 於 2024-6-3 21:28 編輯
Waiyin12 發表於 2024-6-3 04:43
單純損害既得利益當然會有反對，但如果只要落車拍足卡，開支可以少過而家（aka 比返少少甜頭），未必行唔 ...
當年政策目的就係為左令老人家出多啲街，唔需要擔心因為貴所以唔去某啲地方。將啲車set到唔同價錢係本末倒置，令班老人家又會再因為價格因素而唔去遠啲。
由此始終都唔明要封咩頂，輿論好多聲音都係話政府年年亂用幾十億，但搭車問題就連嗰幾蚊都要同老人家計，仲要好多老人家用咗佢哋大半生時間貢獻社會，既然政府咁小家倒不如唔好畀優惠
(p.s.大家係咪唔記得咗十多年前煲呔話生果金要有入息上限都搞出大風波?)
本帖最後由 ccchhhuuunnn 於 2024-6-3 23:26 編輯
bryan_KW1792 發表於 2024-6-3 21:23
當年政策目的就係為左令老人家出多啲街，唔需要擔心因為貴所以唔去某啲地方。將啲車set到唔同價錢係本末倒 ...
原意係兩蚊搭車咁簡單，但執行上引申其他問題先有討論
大家最concern嘅長車短搭
巴士公司積極用長途車做短途兩蚊
公帤補貼已經唔係大部份為咗鼓勵長者出行嘅初心，有相當部份已經係間接補助私人巴士／小巴公司
就算唔講納稅人／政府運用公帤問題，但對非長者嚟講，要搭平價短途巴士線反而更難因為班次急劇減少，同時長途車行車時間亦增加（which當初原意冇考慮過）
換句話，個campaign唔止用非長者／納稅人嘅金錢成本，亦同時消耗埋佢地出行嘅時間成本同搭車車費成本（平車疏咗／逼住上貴車）
再簡單啲講係要人間接畀錢但反而仲差咗
但就長者而言，嚟架長途車定短途車，如果同樣去到目的地，都係咁搭
如果話當回饋長者乜乜物物，個成本本身都仲叫合理同講得通
但郁埋一般人嘅搭車時間成本同車費成本似乎有欠公平，同「雙重徵稅」冇乜分別
本帖最後由 KE7066 於 2024-6-4 00:30 編輯
ccchhhuuunnn 發表於 2024-6-3 17:06
為咗所謂捉兩蚊長車短搭要全民拍卡根本本末倒置
就算唔計巴士公司靠兩蚊呢樣嘢，大幅增加時間成本去全體 ...
要處理少數路線雙向分段問題要全部 $2 拍都一樣本末倒置架
我成個原意係想討論既然為咗 $2 加得設備何不全民化理順件事
而唔係要 $2 標奇立異走去拍卡
至於數據點用根本就另一個問題，話巴士公司會攞住數據亂玩係倒果為因