原帖由 dippy 於 2012-8-14 13:14 發表 http://www.hkitalk.net/HKiTalk2/images/common/back.gif
而家度到既數據係: 每班車平均有
(7+2+5+2+6+6+2+1)/8=3.875
差唔多係你估算既一半
仲要呢個已經係繁忙時間既平均值
咁到左非繁時呢?朝早呢?有幾多人會用由旺角去澤安(呢期街市裝修可能多啲)
你原本推算每個小時要額外開4班小巴
你肯定?
我無數據晌手，只能夠用一D合理假設去估計，又有咩問題？
至少要知道咩係「合理假設」，而出到來又差唔多班班87A/B去到澤安村都係
有落無上，咁說明左D咩？係咪可以置呢班客的需要於不顧？
30A的官方班次係25-60分一班。
唔係話唔想77/86區有全日車出深水埗
但何解新86C唔係跟85K/43X咁行, 而一定要碌到出大圍呢?
沙田圍以西其實已經有86A/287X做緊同樣既野
點解喺都要86C慢慢碌半個鐘先走?
個人建議86C重組拆線應該咁
烏溪沙-錦英-市中心-恒耀-大老山公路-獅隧公路-紅梅谷路-青沙公路-九龍
欣安-錦泰-富安-亞公角-碩門-第一城-火炭路-大埔公路-青沙公路-九龍
至少依家86C既絕大部份乘客(當然, 今次真係石硤尾找數)都快左
石硤尾既乘客要用86A-86X或者86A-86K來往馬鞍山
但實際使用人數呢, 就一定唔多咁解
新86C只係做77/86區，加埋富安濱景同第一城，係咪夠客？
當馬鞍山（以至成個沙田）去觀塘的需求都遠遠大過去西九，
而coverage同你建議呢條86C一樣的89C，
非繁都要開到14-16分一班，仲要好多時坐唔夠一半，蝕緊錢
（繁忙時間另計，兩個方向都多客），
咁market size細好多的深水步長沙灣，又係咪支持到86C第一城之後直上公路？
拆前既87D係4-8分一班, 拆完最少都8-16分一班啦
當開密少少平均都要10-12
但已經無哂密密開既優勢
所以點都要幫87D提速
繁時1拆3, 非繁1拆2會比全日1拆2理想
(第三條為跟現時87D走線, 過青沙後直出尖咀)
非繁時馬市班次有足夠空間載埋錦泰富安先上公路
做埋錦泰-旺角較符合居民利益
拆完87D之後，一條錦英跟原線耀安後上公路直入獅隧，
一條烏溪沙開後經雅景台、亞公角、第一城後上青沙，
兩條都可以單程快10分鐘左右，加快回車，班次已經可以加密。
唔好唔記得，87D上繁已經實行緊拆線，實際班次都係6-9分鐘一班，
而成條彌敦道北行，大部份乘客都可以叫兩飛，
既然如此，密車優勢又係咪無左？
至於一拆三其實唔太可取，因為疏極都要有個限度。
無話特唔特登落大圍既
只係經大圍已經係最快去到深水埗既走線
http://goo.gl/maps/tRQUf
31分鐘, 未計兜汝洲街
http://goo.gl/maps/goN9y
29分鐘, 做埋馬鞍山-大圍, 經青沙
行青沙點會無優勢呢?
呢個估算已經係去到欽洲街口, 向西推既話, 青沙既優勢只會勢嚟勢大
而且呢條定線嚟講, 只要大圍係停車公廟路唔停紅梅谷路
已經可以有彈性朝早直行全段大涌橋路唔停站避塞車
兩分鐘差別根本微不足道，尤其是以google map的計算，兩分鐘可以忽略不計。
但你記唔記得86A係行巴士專線上獅隧?
同埋你都知"澤安邨"有幾多人坐86啦, 你仲想點?
仲未計兜哂成個顯田loop先八分鐘
改行車公廟路果邊上山點可能慢到15分鐘
http://goo.gl/maps/0WPAU
13分鐘
http://goo.gl/maps/X9yLf
23分鐘
仲未計因為縮減路程而平左(8.1V.S.6.1)
81不時上到弼街已經頂閘, 深水埗大埔道竟然係客倉, 你搞笑乎?
我自己住深水埗區咁耐都未見過有車私嚟呢個"客倉"清客ge?
google map差十分鐘，去到實際路面環境就起碼乘1.5，變15分鐘架喇。
86唔係淨係澤安村<->沙田巿中心，而係成個石硤尾去沙田巿中心。
當RDP話俾我地聽，搭緊87A來往南昌街至車公廟/秦石/沙田圍，
要改搭86A的，每日都有1420人（已經唔計本身搭緊86A往來南昌街
至車公廟/秦石/沙田圍的，應該都係差唔多呢個數，至少一千人），
而我地知道沙田巿中心的巿場一定遠大過呢幾條邨加埋，
咁我估計每日來往石硤尾至沙田巿中心（再加瀝源禾輋）
的人數過千，甚至多達二千人，又係咪唔合理？
RDP用6D代40，我建議6D全日延長去觀塘，
你都唔滿足，嫌6D入彩虹道，30-40分鐘車程花多個零字都係唔合理，
要6D整堆不經彩虹道特快班次，拉疏正線班次影響彩虹道客。咁點解
呢來往深水步大埔道/石硤尾南昌街至沙田巿中心的千幾二千人，
15分鐘車程變成半粒鐘，又係合理，又要佢地硬食？
唯一解釋係，你好自私。
89B而家由沙田圍去到獅隧口，正常都要三個字，
咁86A俾你拉長去巿中心，花多五分鐘，再加埋獅隧入口落到南昌街都要個幾兩個字，
何以見得車程唔係俾你大幅拉長成倍？
穗禾理解到既係
87: 碌完石硤尾先到旺角
280X: 直逹油麻地佐敦旺角, 轉車特快去中環/去尖咀/深水埗
石硤尾-穗禾有幾多人, 大家心照啦
石硤尾喺邊度揾成千人坐86去沙田市中心?資料從何來?
如果計深水埗-沙田市中心
咁只要將來拆81時沙田線行大埔道, 大圍線行青沙已經解決左
(280X行大埔道, 81+87B->288X行青沙)
你係咪無視緊沙田巿中心<->石硤尾呢個客量一定有四位數字的組合？
上面我點推算到會有成千幾人，已述，不贅。
而家87同280X都未擺俾佢地睇，
何以見得擺條87俾佢地，佢地一定會拎去同一條佢地未見過的280X去比較，
又或者，何以見得佢地一定唔會要87呢個offer，堅持要條線行青沙落佐敦，否則唔接受？
又何以見得沙田其他區一定會支持大改81/86等線，令大量原有乘客受影響，去成全280X？
81繼續行大埔道但係拉上穗禾苑，意味住要全線大車轉細車，你估夠唔夠載？
呢幾年既港島82X, 九龍5M, 286X, 287X大部份新冧把全日線都係循環
你都好好笑，新巴82X係短途線，5M都係短途線，
286X同287X來回加埋都唔過30公里，仲係可以接受水平。
而家全港最長果條循環線叫做85M，30.7公里，
繁忙時間已經周不時唔塞車情況下落到新蒲崗追到前車，跟住鑽石山拖幾卡入大隧，
班次不穩，影響候車乘客。咁試問下
馬鞍山<->青沙<->西九，一定過40公里，又係咪適宜做循環線？
短途線適合做，加埋有條叫做10號仔一轉110分，又係咪代表長途線都適合做？
你呢個邏輯都好牽強。
定係你依然無視包括我在內的一眾板友的分析，繼續沉醉在自己的世界入面？
之前仲有條更長的循環線，叫做251M，就係因為太長，
搞到行到一半就脫班拖卡，後尾結果就係取消循環運作，
就算係搞到來回路程大幅增加都要做。呢D前車可鑑，又係咪可以置諸不理？
馮我坐左2B/2F十年夠唔夠?
我自己作為巴迷, 試過一次由City行到上歌和老衐坐2B/2F已經以後唔用
亦明白點解啲人寧願行路/坐鐵都唔考慮坐2B/2F
除非你喺創意媒體中心果邊姐
BU方面, 其實又有幾多人需要?
我見大部份人都行去坐鐵(價錢問題)
反而我自己就見成班中小學生日日坐2B/2F去石硤尾
又有人坐2B/2F來往明愛
如果2B/2F深水步上車果班真係只係去到石硤尾就落晒，
咁歌和老街見到果班係人定係鬼，定係只係你心有鬼，迴避問題？
你話你「明白點解啲人寧願行路/坐鐵都唔考慮坐2B/2F」，同埋2B/2F
由深水步上車返九龍塘加埋樂富/黃大仙/慈雲山的實際客量有幾多，又有咩關係？
1. 86B一直唔經石硤尾, 86B亦繼續經深水埗
2. 第52點關深水埗區反對乜事?
即係你話深水步無人反對的講法已經唔成立，
仲要搞到有議員質疑，點解總站區/有其他區舊年反對，今年都要上馬囉。
1. 我講緊你堆2E/12/914/A21建議喎, 你想講呢啲建議係我整?駛唔駛揾番你篇文呀
定一話你自己都覺得建議可行性偏低?
2. 你啲"數據"從何而來?來自地球另一邊既87系平均每班7個客而唔係繁忙時間平均3.875個客?
仲未計其他"數據"
唔想再次俾人篤爆就自己去查清楚客量, 班次先
巴士班次唔係好似啲物理定律咁1+1=2嫁
亦有好多野唔係話你計到幾多個%就係咁
更君唔係你嗡到有成幾千人去石硤尾, 就有幾千人由沙田去石硤尾
我都只係用返你個邏輯，套用晌一堆途經海麗邨的巴士線上面，
得出佢地應該改道改快的結論。點解呢種邏輯，
由你用晌86/87系就得，套用晌途經/前往海麗邨的巴士線就唔得？
原帖由 dippy 於 2012-8-14 23:36 發表 http://www.hkitalk.net/HKiTalk2/images/common/back.gif
今晚入馬鞍山, 順道試坐左長沙灣番馬鞍山既邨巴今日坐班車開18:36(原18:40), 收費$11
http://www.td.gov.hk/filemanager/tc/content_405/nr827.pdf
http://goo.gl/maps/kM8iy
駛經獅隧, 獅隧公路, 沙瀝公路, 大老山 ...
巴士唔係邨巴。
不如你諗下，點解長沙灣出，明明可以直入青沙，
但係邨巴都要行獅隧？
又，如果係巴士做，咁既然都要行獅隧，
咁點解唔係好似86X咁，經埋深水步食多班客再上獅隧？
原帖由 dippy 於 2012-8-15 00:36 發表 http://www.hkitalk.net/HKiTalk2/images/common/back.gif
咪解左囉, 因為TD寫住用獅隧
反而其他既長沙灣-新界東邨巴無一條用獅隧
大埔用青沙, 上水唔經葵涌既時候都係
咁你認為係條線太守規矩定google map計錯?
另外, 我都講左, 部邨巴兜錦英再加遲21分鐘開車都仲早過86X幾分鐘到馬市
又係點既一回事呢?86X跟番依家行法真係咁有吸引力, 邨巴就唔會開一班爆一班啦
等於大埔有條72, 一樣有運頭塘, 富善, 寶雅, 大元既邨巴
巴士係咪要俾你搞到送咁一大半通勤客先安樂?
大埔同上水唔同，青沙之後唔使停燈全線公路直入，馬鞍山唔係。
如果架邨巴想改行青沙的話，晨早同運吉申請改道改左啦，點解而家仲係行緊獅隧？
如果T4路起好，咁條馬鞍山特快行青沙都仲算係有作為，但係而家無T4路。
邨巴開一班爆一班，唔代表86X完全無吸引力，
可以係邨巴有一班固定客，86X又有另一班忠實捧場者，
兩者又有咩抵觸？
至於大埔更加係唔關事，富善、運頭塘果堆根本唔係72沿線，
72方唔方便到呢班人？
又要返返去一個問題：點解長沙灣客會值錢過深水步客同石硤尾客？
長沙灣只係繁忙時間多客，非繁忙時間
唔計深水步舊區，淨係石硤尾南昌街（加歌和老街沿途）執到既客
隨時已經多過長沙灣，咁如果要搶長沙灣通勤客的話，
又有冇必要全日都改條線行青沙，放棄石硤尾？
如果目的係打邨巴的話，點解唔係繁忙時間開幾架特車？
原帖由 dippy 於 2012-8-15 01:30 發表 http://www.hkitalk.net/HKiTalk2/images/common/back.gif
如果你知道支持唔到既, 咁你建議嚟做乜?
點解唔可以係281B/281X-286X去做呢批客?
86X全日兼改行青沙?
甚至你拆完87D, 馬市線非繁已經夠運力做埋錦泰果邊上青沙既客
如果market size咁細, 你又強求一條全日線做乜?
等如澤安一樣, 如果繁時既客量連半個鐘一班小巴都做唔住, 點解要繼續做?
就係因為人地的確有需要，但係又唔可以獨立成線，
咁要條線行一條唔會塞的直路停多五六個站先上公路，又有咩問題？
你想有條線慢少少上公路，定係直頭無？
仲有，86C而家係全日經大涌橋路的，
如果你因為想馬鞍山快，就令到呢段路一程車過變成要轉車，
令到麗豪酒店至富安花園之間無左條西九線，試問
晌人地一條線都不能少的情況下，佢地接唔接受到281B轉286X？
至於你話87D拆一條經錦泰，要馬巿人兜多十分鐘，
呢種情節係無可能發生。
如果一拆三後, 非繁旺角兩條開10-12, 快10分鐘
咁尖咀果條非繁開15, 參照番RDP, 最少都可以快到15-20分鐘
時間甚至快過鐵路(馬鞍山坐鐵到九龍塘都20分鐘, 巴士都係半個鐘出到尖咀, 唔見得慢)
當然, 果兩條線既行法值得再研究, 尤其係應唔應該俾大部份人叫兩飛定係應該將兩線分工
(171A/171P, 281X/281B模式)
唔夠車咁拆
微不足道
十分鐘差別根本微不足道, 尤其是以google map的計算, 十分鐘可以忽略不計.
<-如有雷同, 實為雙重標準
唔好塞字入我口。
呢d叫做發爛渣，你係咪搵唔到理據，駁唔到我既factual points，所以就來講呢d單單打打既說話？
講嚟聽下你點知嫁?沙田市中心的市場一定大過呢幾條邨加埋
都係參考番89系
先忽略80/87B對大圍既影響
80X派車13部
89B派車12部
89派車18部
再參考下87系
87A派車10部
87已取消
城河東仲有182全日過海, 河西需求何解一定遠大過呢?
你對石硤尾既認識包唔包括啲人會行去坐火車呢?至少我識既人入面, 有一半人寧願行去火車站/坐小巴轉鐵轉火車都唔肯坐86
一嚟疏車, 二嚟繁時根本唔係班班上到, 仲未計收車等因素
我就唔信可以碌出二千人嚟坐你條線
仲未計即使係二千人次既線, 好多都係十幾二十分鐘一班
點解唔併入86A密密開呢?
你上文先話密車係優勢咋喎
對要行遠路/坐接駁既人, 慢十零分鐘係咪會失好多客呢?我有保留
仲未計你個行車時間計少左行獅隧公路既時間
(當然, google map無計錯)
你呢個比較好牽強，
第一，89系仲有條叫做89X的做沙田巿中心，
雖然巿中心客量差過89一截，但都係有客的。
第二，係人都知非繁忙時間巿中心仲都有大把客，
甚至我上個月坐過89 weekday食晏時間企幾個人入沙田（已經唔係講緊weekend多人行街的日子）
但係80X/89B呢D呢？非繁坐滿窗口位已經要偷笑。
第三，87係cut左，但係原因係仲有86同81同疊，
你點解又唔計埋？定係只係你twist緊D數字去支持自己個point？
仲有，86A就算俾你拉上沙田巿中心，又可唔可以支持到個位數班次？又有冇資源咁做？
車程增加15分鐘已經抵銷返班次增加所減少的等車時間喇。
首先, 你係咪認同如果並列87同280X, 穗禾會揀280X先, 係既我哋同時send過去咪可以比較到囉
81方面, 如果同87B合併
咁成個package已經有28部車
我當輕微加密新既大圍線, 用12部車已經夠維持繁時10分一班以內(287X走法)
剩番果條沙田線, 如果要維持10分鐘一班, 一樣只係用12部車已經夠
剩番4部車, 仲未計80M有8部
如果拉沙田線上穗禾, 可以成個package有12部車任佢舞
係咪真係無可為先
甚至穗禾既280X用16部車
87做番禾輋-大角咀, 都仲可以arrange到8部車, 繁時15非繁20絕對唔係問題
280X係咪十惡不赦先
咁RDP如果出87的建議，佢地係咪一定會唔知足而反對？
RDP如果出280X，影響瀝源禾輋美林新田圍石硤尾深水步至少千幾二千乘客，
點解佢地又會支持？乜而家火炭大晒，佢地話支持，
就一定代表其他區都會支持而過到咩？
係前車之鑑定過橋抽板先
如果開線時唔夠車, 做住大循環線, 到咁上下穩定左再轉一樣得
你要舉例既, 702都經歷過
一條由循環->總站->循環
你可以諗下發生緊乜野事
702只係班議員蠢，堅持要做循環，
無視長沙灣道/青山道唔會有人咁得閒遊車河坐去又一城再返西九新區的事實，
君不見702脫班嚴重左？
你原文係講緊BU/cityU
但兩線既主要客源喺黃大仙, 竹園, 慈雲山, 白田-長沙灣/深水埗
你原文係講緊深水步D人見86系唔上，專等2B/2F，
而無視呢班客根本有唔少唔係石硤尾就落，一定要搭2B/2F先去到目的地。
原帖由 dippy 於 2012-8-15 01:39 發表 http://www.hkitalk.net/HKiTalk2/images/common/back.gif
86X忠實捧場者咪因為平左2.9囉
如果巴士改番快, 行青沙, 升到同87D同級都絕對有市場
就係咁簡單既道理
72方便唔到組, 272P做到富善喇掛, 點解仲係無兢爭力?
唔值得思考咩?定係條線唔經澤安就對你無咁大影響?
你肯定?我話俾你聽唔係你會唔會信?
元洲, 李鄭屋, 四小龍, 海麗都係長沙灣, 長沙灣既住宅區點解一定少人啲?
我無反對過272P改行青沙，實際亦好值改，
但係272P改青沙，又係咪代表72都要改行青沙？
仲計272P根本有去無回，你講下繁邨巴個point已經irrelevant。
長沙灣都有住宅，但係你依然證明唔到
點解值得放棄石硤尾（同深水步舊區）去加快呢班客的車程。
況且近欽州街果頭，上青沙亦只係快過入獅隧少少，
回程更加因為大南西街而無分別（當然你夾硬要條馬鞍山線
40幾公里做循環就無得好講）。
都話左唔係唔俾你改線，幾條行青沙，幾條照舊行獅隧，
咪皆大歡喜，長沙灣去主要目的地有得快，石硤尾/深水步又可以維持基本所需，
使唔使做人去到咁盡，影響咁多深水步/石硤尾客？
原帖由 S3BL100 於 2012-8-14 23:20 發表 http://www.hkitalk.net/HKiTalk2/images/common/back.gif
1. 82M客量咁差，又同其他線重疊，相比之下82K同85A都仲有獨巿位，
殺82M，抽資源加強其他路線服務，又有咩問題呢？
殺82M後，抽一兩架車俾82K加班，又有咩問題？
殺82M，資源俾其他更有需要路線，只要82K仍可以應付需求，又係咪勢必有人嘈？
第一個問題本身無問題，但如果係落左去第2個問題俾老九乘機將車長收咁就有問題
第三個問題，無人嘈就最好
我想問下，有人選擇性篡改本人文章，挑起罵戰，違反板規所以被人停板，
又有咩問題呢？
你做緊同一樣野喎
講返我果篇文改觀塘短途線個構想，我係建議用八架車開兩條
四順<->彩雲<->四彩<->牛頭角<->觀塘的順逆時針循環線，
但係重組完之後，觀塘每條村的整體班次、服務水平、路線數目都唔會減少，
個別情況仲有增加，呢d又係咪叫做「抽調其他區讓資源」？
...
你莫視四彩特車失敗既事實，以重組為名開四彩線為實，咁都仲話無問題
重組當然無問題(仲幾堂而皇之添)，但你係都要繞過四彩特車同不顧實際環境，尤如一粒老鼠屎壞了一鍋粥
唔倒唔得
根本沙田、觀塘兩區情況不同
做乜鬼咁鍾意講觀塘區?
你證唔證明到82K的客量比改道前更少？
就算少左，咁少左D咩客呢？係咪少左D本身有其他替代服務（例如81M 新田圍<->隆亨呢類）的客？
唔去火炭改上黃泥頭，係咪應該多左廣源、黃泥頭的客？
我已經再三強調，82K拉上廣源後，形勢同幾年前已經完全唔同，
82K服務的屋苑數目同人口都有所增加，存在價值已經唔能夠同當年同日而語。...
你自己睇清楚有關RDP(如09-10、12-13)
你那些「山上論」，應該廣源有好多好多好多客先係喎，點解改線後不復以往客量?