原帖由 053h4 於 2013-12-23 10:19 發表 http://www.hkitalk.net/HKiTalk2/images/common/back.gif
而家上高速唔改時間, 一係102死硬, 一係118拉疏
即係唔投入額外資源一定就唔夠載
睇下到時點死啦
非繁未必死，但可能要企
繁時隧道口見出事都會有人知，到時2巴都會出救命車吧(尤其KMB會出到車)
實施左幾日就會有加車的情況的了
所以放心吧(頭幾日就大家等106/110/112/116先拉;P )
原帖由 kay 於 2013-12-22 22:33 發表 http://www.hkitalk.net/HKiTalk2/images/common/back.gif
話唔埋北角班友重組完先會瓜瓜嘈:lol
不過，如果唔想聯營變獨營咁大動作，又唔想重組路線
一係執時段，一係拉疏班次，一係繼續玩8架車開6班車呢類做法
到時睇下邊個頂唔順
反而102骾死對巴士公司黎講無損失，利益受損既只係 ...
咁都無計,鬼叫102同118都係九城聯營,106就九新聯營.
其實最值得重組既係106而唔係102.
106柴小既人都好小理佢,而家整條106p出黎就係將部份柴小客由118倒去106p.
而點樣做到呢個效果,就係將118整疏,d人自然忍唔住走去搭106p.
多左既118既車就補番102或開102p/x,拉番個平衡.
咁樣可以做到各區都有著數而唔會導致柴小客一面倒贏而其他地方輸哂.
110今次主要係改港島區走線,九龍區根本無變
但係新110個循環點竟然響九龍;P
110由頭到尾無改循環線既需要
所以110錦改其實係想陰乾同趕客,幾年之後RDP就會出現110取消建議;P
原帖由 BlackBird 於 2013-12-23 12:31 發表 http://www.hkitalk.net/HKiTalk2/images/common/back.gif
110今次主要係改港島區走線,九龍區根本無變
但係新110個循環點竟然響九龍;P
110由頭到尾無改循環線既需要
所以110錦改其實係想陰乾同趕客,幾年之後RDP就會出現110取消建議;P ...
唔駛成條取消既，改成唔入尖沙咀，
直接係隧道口調頭，專心做隧道口特快囉
如果110可以做好D，遲D高鐵通車可能對客量有幫助
原帖由 053h4 於 2013-12-23 10:19 發表 http://www.hkitalk.net/HKiTalk2/images/common/back.gif
就唔係咁計, 私牌行快路又得, 非繁行紅隧又得, 無載客班次成本係低左(因為唔洗話限時限刻一定要有車開)
最重要計左食飯小休落去
由65分鐘"車程"變到預到成80分鐘去行, 連小休即90分鐘
原來當係13分鐘一班, 即係本 ...
條數根本唔係咁計。
講左咁耐，你似乎仲唔明白點解聯營過海線要搞到長年有車私對站，
當中仲要有唔少係明明某時段A去B多人（或者雙向多人），為左維持B返A的班次，都要中間整架車由A私過去B囉:L
行紅隧成本低左，但係唔好唔記得，隧道費只係成本的一部分，
唔計隧道費，一架巴士行一個鐘都要大概三百蚊，而編定私對站好多時都要起碼40分，
呢40分鐘一樣要支付人工燃油，但係架車就唔係做緊意，白白浪費左revenue potential
而且101 601 606 619都有編定私牌要行東隧，為的只係追返時間…
即係咁，假設某過海線一個時段長80分鐘，某巴士公司某一轉開六班車，
A總站出車次序係01 02 03 04 05 06，
但係要93分鐘先行完，所以去到B總站，出車次序就唔會係01 02 03 04 05 06，
而係07 01 02 03 04 05，當由07車係要由A私牌過去B做B總站果一轉的頭車，
否則就會無左班車。
而06車去到B總站後，因為已經係對家時段，所以唔可以載客走，而一定要私走。
如果係新城，九龍一邊都有據點，好似619或者606咁，架06車會私落九龍灣廠食茶點，
或者好似601，06車會由寶達私去將軍澳站食茶點。
咁就要出七架車開六班車。
當然仲有另一個選擇係照出六架車，但係出六架車的開六班車的話，
根本唔夠時間行，結果係B總站開出就脫班，或者踢去中途起載，一樣俾人投訴。
從前路面暢通，根本唔使搞咁多野，但係而家條路越來越塞，
如果繼續可以出六架車開六班車的話，巴士公司一早做左…
所以今年新城601 606 619非繁都加多左架車落去，但無加班。
如果巴士公司唔想加資源的話，就要減班，出六架車開五班車，變16分鐘一班，
起碼叫做準時有車開，但係減左班囉。
調返轉九巴，因為港島區無合適站頭，A總站開01 02 03 04 05 06，
之後B總站車序係07 01 02 03 04 05，06車就唔係私去鄰近地方休息/食飯，
而係要私返A總站。當然，07車B總站開頭車，返到A總站亦接唔切下轉頭車，
而06車要做A總站下轉頭車更加係無可能，
所以下轉A總站車序會變左係08 07 01 02 03 04，或者08 07 01 02 03 06，結果就係要出至少八架車，先開到六班車。
呢個現象根本同雙向客量係咪平均，並無任何關係，而且係好多聯營過海線都有呢種情形。
如果每個時段由80分加到93分鐘的話，根本只需要出七架車都可以維持到同樣班次，慳一架車，
問題係一個時段加13分，由早繁完結到下繁開始就會推後左成粒鐘，
本來X公司食黃金時段，就會變左Y公司食黃金時段，兩間巴士公司都唔想送錢俾對家。
但私牌浪費資源，出多一架車的成本係高好多，長遠落去大家其實都未必有著數。
所以其實我好主張途經眾多塞車黑點、定線過時的過海線提速拆線，
包括102 112等。試諗下，
如果提速拆線或縮短後，一單由93分變返80分，等於一個時段的時間，
咁咪唔使無啦啦運架吉車去對站維持班次囉。出八架車就真係八架車做緊生意，而唔係得5-6架載緊客
而家個問題其實就係，點解佢地只係識小修小補，118就識咁諗，
102 106 112果堆就唔識囉:L
[ 本帖最後由 S3BL100 於 2013-12-23 12:57 編輯 ]
原帖由 053h4 於 2013-12-23 13:35 發表 http://www.hkitalk.net/HKiTalk2/images/common/back.gif
數緊係唔係咁計
食飯小休轉更補油呢D你完全無考慮過
全日行車時間又唔平圴，又唔諗下配額問題
只係諗部車係某條線行全日，一部車全日成本唔計隧道費都除時要四千幾，咁著數做就轉左
另外，拆線，九龍塞車重勁過港島
過左太子 ...
新城人唔跟車，人要休息食飯，車唔使。
當然好似601私將軍澳站食茶點，101私彩虹，606 619私城巴九龍灣廠另計，架車真係有起碼一粒鐘唔係做生意，
而且出多左車，點都係用多左資源。
就算九巴，過海線好多都係大兩味，早更食飯/休息交車俾夜更渣一兩轉，輪到夜更食飯早更接多轉收工再俾夜更囉…
點都好，拆線提速一定可以減行車時間，減到行車時間同時段長度一樣咪唔使無謂私牌囉。
一路都係講緊點解今次巴士公司肯改118穩定班次，但淨係識得塞爆條102
而唔係認真解決埋其他東區紅隧過海線的共同問題。