假如香港有特快列車路線圖!!

[size=0.83em]cCE0u90.png (347.35 KB, 下載次數: 0)
下載附件

[color=rgb(153, 153, 153) !important]2017-2-5 21:54 上傳

假如香港有特快列車 會如何?

其實直通車已經係快速

反而想知羅湖去紅磡可以快東鐵綫幾多

假設唔理現有基建限制...

東鐵綫一定要四線，但九龍三站應該好難迫人快速通過 (最勉強 skip 一個旺角東)，最多係兩條軌過海、兩條軌停喺紅磡，紅磡同旺角東中間有渡線比直通車過檔。另外大圍一帶要做啲好複雜嘅交叉。

快速唔停粉嶺、太和、大學、火炭。

Service pattern 大約係咁：
金鐘 - 羅湖【快速 / 全日 5 分鐘一班】
金鐘 - 落馬洲【快速 / 全日 15 分鐘一班】
金鐘 - 烏溪沙【繁時各停】
紅磡 - 羅湖【各停 / 全日 5 分鐘一班】
紅磡 - 烏溪沙【非繁各停 / 全日 5 分鐘一班】

沙中線維持兩軌並作為西鐵綫延伸，啲車喺大圍以北改入東鐵綫，屯門出嚟嘅車以沙田為總站。


荃灣線經深井小欖延入屯門，分成以下服務：
中環 - 荃灣【快速 / 非繁 10 分鐘一班，繁時 5 分鐘一班】
中環 - 屯門【快速 / 全日 10 分鐘一班】
中環 - 荃灣【各停 / 非繁 5 分鐘一班，繁時 2.5 分鐘一班】
中環 - 屯門【各停 / 非繁 20 分鐘一班，繁時 10 分鐘一班】

快速只停中環、金鐘、尖沙咀、旺角、美孚、葵芳、荃灣、(深井、黃金海岸、屯門)


個人認為觀塘綫要快速不易，若果做就應該由將綫出，過咗觀塘只停九龍灣、鑽石山、九龍塘、旺角，然後落荃灣綫快速出中環 (我相信旺角地底會好精彩... )

dogdog002 發表於 2017-2-5 22:57
其實直通車已經係快速

反而想知羅湖去紅磡可以快東鐵綫幾多

佢果個一去就北京上海算長途特急

我呢個只係短途特快

估快半個鐘掛

羅湖去紅磡特快　落馬洲去紅磡特快　　全車7卡頭等 用舒適快速為賣點
特快 2卡頭等 區間快速就有1卡頭等
各停 全普通卡

以前真係有 紅磡至羅湖超特急不停站 (黃頭年代 及 KTT試運)

若不談基建限制, 馬鐵都應該要有特快 大圍下一站是大水坑

港鐵都玩特快，巴士咪要玩100km/h特特特快至得?

lsc04d11 發表於 2017-2-6 12:49
港鐵都玩特快，巴士咪要玩100km/h特特特快至得?

唔塞車當佢贏

[FF]
東鐵站距短、車速低(地理問題，換車無用)，大站/細站形式搞特快，效果成疑。
應該用半直通模式搞特快：
甲模式：紅磡、旺角東、九龍塘、大圍、沙田、火炭/馬場、大學、大埔墟、羅湖/落馬洲
乙模式：紅磡、旺角東、九龍塘、大埔墟、太和、粉嶺、上水、羅湖/落馬洲
[/FF]

樓主我想問下你張圖係咪你畫㗎？可唔可以解釋下點解沙中綫嘅營運模式係噉而唔係現定嘅東西綫同南北綫呢？（另外機場快綫嘅站位希望你只係手快畫錯。）

入返正題：
先講南北走廊：

• 會展站嘅服務對象主要係灣仔北一帶嘅商貿區，平日繁時都非常多人出入（可參見柯布連道天橋盛況）。唔停會展好有可能削弱南北走廊嘅分流效率，嚴重者更可能令金鐘或灣仔人流過多影響鐵路服務，希望你可以解釋下不停此站嘅理據或者特快服務嘅運行時段。
• 喺東鐵綫上面嘅馬場快速究竟係咪唯一服務馬場嘅路綫，抑或依然有各停列車前往馬場？另外點解馬場快速止於旺角東而唔係紅磡（甚至金鐘），又爲何不停頗多人流嘅沙田？（馬場綫嘅功能可以唔淨止係帶人去馬場哦！）
• 通勤快速只係比各停少停太和（姑且暫時唔理羅湖），究竟快咗喺邊度同埋用意爲何？
• 各停點解淨係去羅湖唔去落馬洲呢？上水同九龍塘可以容納到轉車嘅人流嗎？（現時好似係叫乘客原站等下一班列車，正正係爲咗避免呢個人流問題。）
• 東鐵要四綫化先可以噉玩特快應該唔使我講，不過要噉做都要解決沿途嘅個樽頸位（地理所限），否則一樣去到嗰度排隊塞車。
  

轉講東西走廊：

• 根據現今嘅輕鐵路綫編排，喺兆康只需要轉乘一次輕鐵就可以到達屯門區各站，反之屯門就唔可以。試問區間快速唔停兆康係咪有數據支持呢？
• 如果以車站符號同綫段重疊爲依據，我睇唔到西鐵嘅各停同快速有乜分別，麻煩解釋一下。
• 如果將來建成北環綫同附帶發展，係咪需要重新考慮錦上路嘅停站模式呢？
• 假設高鐵客運量嘅估算係正確嘅話（我知道呢個係好大嘅假設），東西綫嘅特快係咪要加停柯士甸呢？
• 與其沙中特快，點解唔東鐵特快經直通金鐘呢？反正只係停鑽石山同九龍塘嘅分別，行沙中好似兜咗好大個圈噉。又或者喺九龍半島（東）加多個站可能比較有意義。
• 如果沙中特快喺大圍接返東鐵綫，改建大圍南嘅渡綫令列車可以暢通往來兩邊正綫應該會具相當難道。
• 點解馬鞍山綫又唔玩特快呢？
  

再講前地鐵網絡：

• 綜括而言，東鐵仲尚且可以四綫化，地鐵系統我就睇唔到點樣做到，好想知道你嘅計劃係點畀列車扒頭嘅。
• 荃灣綫快速淨係飛油麻地同佐敦，唔係太明點解。（更何況冇咗中環？）
• 觀塘綫快速淨係去到旺角點掉頭？抑或直通荃灣綫過海？
• 維園散場時，港島快速應唔應該加停天后？（銅鑼灣家陣噉逼要多得希慎重建嗰陣冇按原來計劃空出一層地庫畀車站做大堂。）
• 唔係好明點解飛晒上環同西營盤，噉咪大半個西區都唔能夠受惠於快速服務？
• 將軍澳綫就，不如諗下點直通吖！
  

ver1 更正
荃灣線 快速  荃灣-茘景-美孚-深水埗-太子-旺角-尖沙咀-金鐘


馬鞍山線  快速  馬鞍山 - 第一城-大圍


東西區間  唔停荃灣西