本帖最後由 dennis28a 於 2017-6-5 06:42 編輯
依個問題就係當年政府有欠規劃，點解政府 97 年將馬鞍山支線交由九鐵興建，
而唔係按原有規劃，將馬鞍山至大圍鐵路同東九龍綫連接，而最好笑既係，係興建馬鞍山支線果已經講明可以延伸至鑽石山為目標。
當年政府透露過，地鐵方案唔方取既原因，係因為要係大圍另外搵地再興建第三組鐵路線，以及轉車設施，所以遠比九鐵方案為差。
紅磡站比九鐵方案差，就係因為紅磡站大部份土地均為九鐵所佔用，只能依靠轉車通道去處理龐大東鐵客流。
大圍站問題好明顯係 97 年馬鞍山支線種下既因。
更荒謬既係，大圍／紅磡站問題一早係《第二次鐵路發展研究》提及過。
所以《第二次鐵路發展研究》同《鐵路發展策略 2000》將沙中線公開比兩間公司投標本身係錯誤，當時係無充分考慮過鐵路線接駁既問題。
如果基於「已規劃」鐵路線接駁，根本唔需要考慮比地鐵公司興建。
另一個問題要再去番 98-00 年，係《鐵路發展策略 2000》出爐前，《第二次鐵路發展研究》入面係提出過幾點：
1. 區域方案（南北走廊+東西走廊）對整體乘客而言，一定會帶黎最高既經濟效益，但同時如果東鐵信號系統得到改善，係無必要即時興建大圍至鑽石山線
2. 市區方案（馬鞍山支線 - 大圍至鑽石山線 - 東九龍綫 - 第四條過海鐵路）貫通亦有高經濟效益，
主因減少大圍站另建第三條鐵路車站成本，而馬鞍山乘客可以直達港島亦可以大大紓緩筆架山隧道壓力，同時直通服務有較高收入去抵銷開支
3. 如果市區方案由地鐵與建，有一個莫大好處，有助紓緩北港島綫引致東隧壓力（當時預計 2016 年飽和），因為東九龍乘客可以分流到鑽石山、會展、金鐘站
4. 市區方案一定由地鐵與建一定係最平，由九鐵興建一定係最貴。但由於九鐵負責可以收到較高直達過海車費，回報率反而較高。
而份報告亦指明，雖然所以交由地鐵興建係可取，
但由於九龍南環線、東九龍綫、大圍至鑽石山線係可以連接西鐵、東鐵（尖沙咀支線）、馬鐵，
好明顯份文件係屬意由九鐵起，咁先可以善用晒咁多條「已規劃」鐵路線。
咁再倒帶，明明係 60 年代、70 年代、80 年代、90 年代，所有鐵路運輸政策都考慮過沙田綫、東九龍綫、沙田環狀線、馬鞍山鐵路問題。
每一份報告都提及過，亦考慮過沙田地鐵線／馬鞍山鐵路一定要同東九龍綫一齊規劃。
係奇奇怪怪地係 97 年路政署做完份可行性研究，完全無考慮過依個因素而直接將馬鞍山鐵路交比九鐵興建，仲要假設馬鞍山鐵路去到鑽石山止步。
咁而家馬後砲講地鐵方案，會搞到大圍站變成「三線轉車站」一定有問題嫁，咁都叫「胡亂陳述」？
單係因為「需求放緩」，係 70 年代、90 年代 21 世紀講左 3 次，亦一早提出過馬鞍山鐵路會對東鐵筆架山隧道帶黎壓力。
「胡亂陳述」？咁不如你試解釋下點解一個明明 2008 年完工既 Project 會係 2017 年都未起好？一定有人叫停左個計劃嫁。
如果筆架山隧道樽頸問題唔係咁重要，而為左「最高既經濟效益」，
九鐵竟然認為行返區域方案最好（南北走廊+東西走廊），點解當年政府又走去搞公平招標，拖到 2004 年又行番回頭路？
東鐵過海依個 item 我係唔反對，畢竟 1989 年《第二次整體運輸研究》已經提出過（天馬行空到落去南區）。
但最大問題係，明明一早可以好似南環線咁指明九鐵起晒所有野，點解要拖？
就係因為本身只有沙中線直接過海先可以大幅減少筆架山隧道客量，依個係鐵一般既事實，顧問報告都有寫，又有咩「胡亂陳述」？
而且又係九鐵自己講因為經濟唔好，而暫緩沙中線興建，依個亦係鐵一般既事實。
（當然，港鐵 2010 點解咁有信心，有 23% 東鐵客量可以分流落東西線，我都好奇條數點計出黎，
可能建基於同一網路協同效益，而依點當年 2005 年無計到掛，雖然我唔多相信有咩效益）
仲係唔係「規劃失敗」？就算九鐵無，政府係成件事上有下化？
90 年代初，地鐵東九龍綫暫緩興建，主因係「第三條過海鐵路（機場鐵路）可以紓緩地下鐵路彌敦道段擠塞問題」，而整個項目留待到香港主權回歸再處理。
我就當特區政府無責任，咁港英政府有責任下化？
咁又有咩「胡亂陳述」呢？畢竟當年維基百科有部份沙中線內容小弟都有份寫幾句。
PS：去到今時今日，政府依舊鐵路還鐵路做研究，大嶼山還大嶼山做研究，行車隧道還行車隧道做研究。
香港政府規劃好，就唔會又係依幾日，劃左一條鐵路虛線，由屯門 - 大蠔 - 梅窩 - 喜靈洲人工島 - 交椅洲人工島 - 昂船洲／堅尼地城去做研究。
只要花小小時間研究歷史，就會發現 1989 年《第二次整體運輸研究》同 1989 年《玫瑰園計劃》有咩分別？
30 年前一早講過個網絡要點起，唔係規劃失敗拖上加拖，沙中線會拖到今時今日過千億？
只有無知同愚蠢，當年既人如事，如今既人都一樣。
|
|
|
惡意回復是不道德的行為。
|
|
|
|
|
|
大圍站新界往
市區、至少一個
方向係跨月台轉乘
而將馬鐵造到右上
左落,相信已經係最大
讓步,否則只能讓馬鐵
包住大圍站的兩側,但
難度和收地肯定貴得多。
紅磡在地底則更
複雜,先唔好話係
兩鐵合併前或後才
規劃出嚟(南昌站就
的確與兩鐵是獨立時
各自定線)因為大家都
唔係未聽過「乘客俾少少
錢就要求多多」嘅廢話。
2004年僱主最開心
可用低價請能力高的
工人,但唔好忘記政府
也財困呢……如果唔係
領展會出現嗎？定係又
好似西隧/欖隧BOT,一日
未收回就繼續高昂收費,成日
望到期先合併檢討,尤其西隧
就真係大白象啦……
錯過工資低廉的年代
難道又忘記地產商強行
要求政府停售居屋嗎,甚至
故意令新界「無咁便利」到
就業機會集中的區域……
坦言集 - 陳文鴻 地產主導城市發展
地鐵未上市已經將
觀塘線過海段,分配
俾旗下物業……時至
今日都無法排除阻攔
覓地建屋者是否打手。
言歸正傳,唔想某啲
項目變大白象就減票價
吸引到有足夠使用率再
調整,非跨月台轉乘就整返
個特惠站出嚟,九卡過海係
成本問題定係用天價都解決
唔到就唔太重要。
|
|
|
|
|
|
|
|
|
係呀，點解明明一條 90 年代要動工既鐵路拖到 2021 年？
北港島綫係政府襟停地鐵唔可以起，政府唔比錢起，港鐵又有咩可以做？ |
|
|
惡意回復是不道德的行為。
|
|
|
|
|
|
沙中綫其實係生不逢時1984年因觀塘綫過海而擱置
1990年因興建東涌綫而擱置
2000年本身可以落實嘅
但撞正港鐵私有化
有2間鐵路公司就要招標
唔招標就判俾港鐵會變咗利益輸送
唔招標就判俾九鐵又會干預市場運作
招標一搞就遲咗2年
到2002年政府批淮九鐵起
然後政府2002年又要開始搞兩鐵合併
又拖咗五年
2007年先傾好合併方案
2008年先由港鐵公司正式開始設計
講真如果一開始2000年判俾九鐵做
紅磡至金鐘都要2021年先落成
問題在於中環灣仔繞道填海工程被司覆核拖延
至於大圍至紅磡段
2000年判俾九鐵做係可以2010年落成
就算招埋標到2002年判俾九鐵做都可以2012年落成
問題在於2002年政府開始想傾兩鐵合併同兩鐵傾轉乘方案出問題拖咗5年
如果地鐵乖乖哋配合九鐵傾沙中綫轉乘同統一車費結構
沙中綫絕對可以早多幾年完工
但地鐵投唔到沙中綫就不合作報復
到兩鐵合併成事先順攤搞沙中綫轉乘
所以沙中綫延遲源於於政府提早將地鐵私有化
地鐵作為上市公司為咗開拓業務
一定會喺《鐵路發展策略2000》咨詢期間要求政府將沙中綫招標去試圖搶沙中綫嚟做
而港鐵搶唔到沙中綫就唔同九鐵合作搞轉乘先係沙中綫延遲嘅主要原因
|
|
|
|
|
|
|
|
|
文件係晒度，新聞係晒度，自己唔查又叫話人「懶政府」。當年北港島綫做晒環評，直頭去到等上立法會咁滯就開得工，係 2003 年行政長官襟停成個北港島綫項目。
北港島綫簡單？簡單沙中線係會展站、金鐘站唔會有咁多問題。
北港島綫最大問題係維園 - 北角調頭隧道依一段，同埋決定用「換線」或「交匯」方案都影響緊工程難度，仲要等埋中環灣仔繞道起晒先做到。
唔係好似打開個地底就可以起到，亦係成段北港島綫最貴既鑽挖地段。
而地鐵當時講明要起預留設施係填海工程度，係政府當年唔比錢做，認為當中只有荃灣綫隧道下面預留工程值得進行，同地鐵講要做就自己做。
地鐵講明，佢地埋單唔係問題，但要由政府先出錢，直到真係落實起北港島綫果下，再找番條數。
特區政府當時理由「政府實難以在現時撥款進行這個項目的早期路線預留工程」，
但唔好意思，係港英政府年代有唔少鐵路預留地係政府出定錢。
至於北港島綫，就算真係無左直接資助，當時地鐵公司唔反對由佢地出錢起，成件事有得傾。
但政府一日唔批准當時地鐵／港鐵公司去做野，依個就係北港島綫拖到 2021 年既原因。
重有，明明90年代工程拖到2021，唔該問下港鐵啦
當年上市文件講明沙中線九鐵做會對港鐵做成不利影響，左拖右拖係要拖到荃灣線插
都插唔入先搞
又關地鐵事？當時地鐵公司係起完港島綫後，內部已經準備定東九龍綫工程（否則林士站預留月台、東九龍走廊預留組件起黎仲咩）。
九鐵當時都準備緊九廣鐵路（英段）延長到港島可行性研究。
只係突然間政府做完《機場核心計劃》同《第二次整體運輸研究》去 On Hold 晒所有野。
1989年，由於政治形勢改變，政府發表香港機場核心計劃，並於《香港第二次整體運輸研究》中以「資源分配不足」理由下暫緩的東九龍線及九鐵過海延線計劃，加以配合中環至灣仔填海區重新規劃，以應付未來的交通流量需求。後來東九龍線過海段被更名為第四條過海鐵路。
2004 年暫緩沙中線興建又唔關地鐵公司咩事？
自己不如真係 Google 下，係邊個建議《經濟放緩沙中線暫擱置》：
http://the-sun.on.cc/channels/ne ... 729014514_0001.html |
|
|
惡意回復是不道德的行為。
|
|
|
|
|
|
北港島綫就算要起都要等今年中環灣仔繞道完工先可以起
問題係呢幾年政府咁多個工程都喺度搶人
沙中綫同高鐵都未起完
啲高層都忙住去撲火
邊得閒搞北港島綫
所以北港島綫延遲係好合理嘅
依家都要等港鐵交咗北港島綫報告
最快到今年年尾正式批淮港鐵興建北港島綫
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
