本帖最後由 ahwo1933 於 2018-5-30 22:45 編輯
老實講，所謂「乜乜道路通左會改善果區交通」呢種講法喺香港根本已經不能成立。
1970年代英皇道日日塞到不知何時出到中環，捻住日後東區走廊通車會改善港島東區一帶交通，結果呢?
而家東廊除左紅日之外日日塞車。
1980年代紅隧開始出現嚴重擠塞，當時捻住東隧，以至後來西隧通車會改善過海交通，結果呢?
而家朝早返工時間西隧無論加到天價過港島都要塞車，東隧同紅隧更加唔洗講。
1990年代地鐵荃灣綫繁忙時間嚴重飽和，當時捻住東涌綫開通會令荃灣綫得到舒緩，結果呢?
而家荃灣綫日日都迫到沙甸魚。
2016年港鐵南港島綫通車，果陣時仲捻住南區人會轉坐鐵路，可以減少香隧塞車既機會，結果呢?
而家香隧又再塞番轉頭。
講真，一日香港政府唔控制人口增長，你再起幾多條馬路、鐵路，根本係無用。
我可以講，中環灣仔繞道通車係唔會改善到港島北岸交通，因為咁樣反而係更大誘因令更多人渣私家車去港島北岸，
到時又係多一條路塞車。
所以，大家真係唔好對中環灣仔繞道有咩期望。路面繼續塞，巴士公司做幾多規劃都無用，因為車程點都唔夠鐵路快。
老實講，港島綫繁忙時間都係迫到沙甸魚，又要喺車站上上落落，之不過時間就係金錢，幾迫都好大多數人選擇邊樣，見仁見智。
| 
