城巴將會申請 608 號線港島總站遷往筲箕灣

castanopsis 發表於 2019-2-26 07:40
新608北行使唔使兜鯉景灣，可以再傾
但就算兜埋，608行得觀繞，耀東>九龍灣一段都仍然會快過606
現有乘客 ...

如果唔兜就變咗條線唔係做緊原有嘅客，根本無得傾。

但兜咗耀東筲箕灣去東隧打後地方行車時間只會進一步增加，根本無利吸啟德客。

brianso198 發表於 2019-2-26 06:37
當然要做九龍客就唔應該飛走，但問題係用你嘅方法要幾多部車先？

家陣606/A/608
上繁每個鐘開緊7架車過九龍、7架車過港島
非繁下繁每個鐘開緊6架車過九龍、6架車過港島

我個方案入面
上繁北行每個鐘開3架608、3架西灣河特快606A過九龍（6架）
上繁南行每個鐘開3架608、3架四順樂華版606、3架彩雲四彩606P（9架）
非繁下繁不論南北行，都係每個鐘3架608、3架606（6架過九龍、6架過港島）

基本上，唔計606X（個part仲會向106/694開刀）
我個方案埋單只係上繁南行每粒鐘開多一班車
但就做多咗西灣河>東九龍特快、四順樂華>港島東，簡直係超值

做四順分分鐘連613堆客都搶埋，老九唔肯嘅機會唔細囉。

問心，613食到幾多四順客？
分分鐘我條新606A搶到既608西灣河>九龍灣客，都會多過新606搶到既613客
我深信，只要客量增幅夠大，就算分餅仔分得唔好，都可以做到兩間巴士公司一齊獲益

brianso198 發表於 2019-2-26 07:43
如果唔兜就變咗條線唔係做緊原有嘅客，根本無得傾。

但兜咗耀東筲箕灣去東隧打後地方行車時間只會進一步 ...

講重組後西灣河多咗條長時間服務、西灣河直飛東隧既606A
就算要犧牲608站位去換，佢地都未必唔肯

但假設有反對聲音，兜埋其實都唔會係大問題
係就係慢咗5分鐘，但去九龍灣埋單一樣會快過要塞觀塘迴旋處既舊606
至少無既得利益者問題

我更加會覺得，如果跟我建議既重組套路
啟德<>筲箕灣班客直接搭606X，或者用606X轉車，都會快過任何走線既608

castanopsis 發表於 2019-2-26 07:59
家陣606/A/608
上繁每個鐘開緊7架車過九龍、7架車過港島
非繁下繁每個鐘開緊6架車過九龍、6架車過港島

你知唔知成組車開緊幾架？下繁做606/X全面分拆必然多過而家，仲要608上埋耀東又要落鯉景灣一樣要有額外資源，606A上埋四順又要堆車，我會好質疑夠唔夠車做。

castanopsis 發表於 2019-2-26 08:14
講重組後西灣河多咗條長時間服務、西灣河直飛東隧既606A
就算要犧牲608站位去換，佢地都未必唔肯

慢5分？上埋耀東總站兜鯉景灣，總站擺筲箕灣，已經夠兜哂太古QB有突囉。

dennis28a 發表於 2019-2-26 03:51
咁所以呢？由你代表全部人去決定佢係唔係低競爭力？

上得 606 就一定要快？你教下我班行動不便老人家、輪 ...

我從來都唔同意客量係判斷巴士服務存在價值既唯一準則

好簡單一樣野，既然觀塘往來鰂魚涌太古班客，唔係事必選擇 606，甚至唔係首選，
無左呢個服務，叫佢地搭地鐵，係咪會為佢地構成好大不便？係咪個天就會冧？

相比之下，來往九龍灣商貿區，如果無左服務，係咪會為原有乘客帶來好大不便？或者增加不便既程度有幾多？

呢兩條仲有以下幾條問題，你只需要答「係」或者「唔係」：

1. 觀塘來往鰂魚涌太古，係咪應該由一條一單連休息要兩粒鐘既 606 去做？
2. 有 608 存在，606 係咪有必要繼續提供鰂魚涌太古往來九龍灣商貿區既服務，兩條線攬炒？
3. 606 係咪可以唔理沿線無 608 既地區，唔再提供東區往來九龍灣商貿區既服務，影響現有乘客？
4. 係咪應該優先照顧觀塘來往鰂魚涌太古呢班有地鐵替代既乘客，而唔理耀東柴斜小西灣呢班無地鐵乘客既需要同需求？

其實而家 606 點解仲有咁多客來往觀塘同鰂魚涌太古一帶，真係要多謝 MTR 個鰂魚涌站設計。如果我由觀塘去太古，MTR 要係油塘同鰂魚涌轉車，但鰂魚涌站轉車一係就不斷行，一係就死等升降機，學前面 d ching 話晒拎得多野既話，又咁啱見到有 606, 我都會揀 606

其實觀塘→七姊妹→鰂魚涌→太古→觀塘搵一兩架巴士甚至小巴開條循環線咪得，咁樣循環一圈用嘅時間可能都只係半個鐘鬆啲，好過你606每班車來回都繞經要用20-25分鐘一個來回要行多50分鐘

Kitkit1120 發表於 2019-2-26 14:21
其實而家 606 點解仲有咁多客來往觀塘同鰂魚涌太古一帶，真係要多謝 MTR 個鰂魚涌站設計。如果我由觀塘去太 ...

如果講得佢地明白, 就唔駛不斷逼迫人啦!

正常人行鰂魚涌站都辛苦, 何況係行動不便 老弱者 小朋友 拉車拖喼, 仲用緊80年代設計嘅鰂魚涌站, 設施不足, 擠迫唔在話下, 部lift一壞, 唔該行番過去對面月台搭多一個站去北角, 搵路去搭北角站lift去港島綫月台, 再搭一個站去鰂魚涌站繼續長征之旅啦! 至於太古站, 比鰂魚涌站仲複雜, 暫時只能夠用太古城道出口, 去英皇道同康怡, 唔該入太古城中心搭lift再落去, 一係就華蘭路上番英皇道, 兩邊都極兜路.

我已經唔想再周旋喺呢個充滿假設性陳述的FF當中, 佢地唔明白606, 就由得繼續活喺有608就唔能夠有606並存嘅世界入面, 講多盞嘥氣.

到某一日, 現實真係有個咁嘅建議先再討論, 應該唔遲嘅.


FYI:

剛才1點半又又又...進貢左$10.4俾巴士公司搭10分鐘606過鰂魚涌(城巴8238), 上層坐滿窗口位+5人搭座, 下層亦坐滿窗口位+2人搭座, 有輪椅客及陪同者, 當中有手拉車仔客, 但唔包括平日嗰位「駁寬頻」拉喼客, 有白領, 有C9, 有老人, 仲有好多單憑外表好難分辨係邊種客, 去到東隧口唔聽見有人問「去唔去東區醫院?」, 健康村冇人等車, 所以亦都冇人問「去唔去太古城?」.

大家都話因為606太兜, 西灣河同耀東打後唔會有客, 港島流水唔會有人搭, 因為有大把選擇, 如果以呢班車過海時嘅客量計, 呢班「606A」真係好好客, 唔知西灣河 耀東客多啲, 抑或係鰂魚涌 太古客多啲, 定還是筲柴小先係最好客呢?

理想情況下，當然 606A 606X 同時全日，各 20 分鐘一班，另外 84 復活就最啱大家胃口，但現實情況下有條 606 叫做到呢 d 功能，非繁巴士公司又唔洗倒咁多車去做，可樂而不為？除非 prove 到 606X 606A 全日之後非繁都叫做有 d 收視