【資訊】東九龍線計劃的最新消息

del

eternalflame 發表於 2018-2-1 12:51
新蒲崗去到考評局、景福街個頭都算係，宜家呢個站剛剛係前大磡村南面，叫返鑽石山並無不妥。政府公布RDS- ...

采頤同新蒲崗八街工業區係鑽石山我第一次知道...
采頤同四美街巴士總站本來都係叫“彩虹”添，前者以前係彩虹軍營，後者係彩虹臨時巴士總站
你講個頭係舊區同工業佢，係最in個頭
新蒲崗個劃線除咗上者，就係用彩虹道同太子道東做包圍嘅地方，有工業區，譽港灣，景泰苑個頭舊區（某時候會包括埋啓德花園）
路程假如好好地整大有街行人隧道基本唔會好似宜家咁惡走，譽港灣個頭甚至縮短至慳5分鐘步行時間

要妥協，一係用地理學上嘅落腳位，叫大磡，一係叫隧道靠住個邊爲主嘅新蒲崗更好，兩者稜模兩可，兩者就算冇咗個名都可以用佈景去講返大磡村同67暴動（if OK）或者新蒲崗工業區嘅特色
不過老龜垃圾，識玩design language唔識去製造各站特色歷史增加公司軟實力（月台整個當年今日好有限，最多整啲啲越來越行嘅馬賽克現代藝術），我對呢啲站名冇信心，而且設計好大機會會同鑽石山合併收費區，睇怕都係鑽石山，而唔會係鑽石山南，邊有人會再學東涌綫咁爲咗遊客而傻到分站名+蘇聯式賜名（奧運站，九龍站）嘅決定（不過唔排除會再傻落去）

del

仲有有個好傻嘅諗法
宜家地鐵系統有無可能行“之”字型嘅行山鐵路架構？
記得呢種模式有利於爬升/降落急斜，類似行車路用髮夾灣解決急斜咁
不過用TBM掘好似好多工程咁，定係計劃書有乜方法解決多個深山建站嘅問題？（冇爬文，sor）

053h4 發表於 2018-1-26 11:43
九成政府覺得有條垃圾單軌就夠

但我之前都提過, 其實去台場, 好多人寧願坐"臨海線"而唔係單軌

就算單軌，都要整好區內爆到七彩嘅工業區（尤其開源道）同觀塘道交通，但整呢啲其實唔在乎單軌定電車抑或膠轆，只要可以feed到啓德郵輪區域同工業區對內外交通已經叫成功
問題單軌變咗旅客連接系統，變Q咗悉尼市區嘅超級大笨象單軌，即係民建聯成功爭取砌個垃圾出來獻世

Lyt_Kondisc 發表於 2020-2-29 21:27
鑽石山 - 東頭 - 九龍城/仔 - 九龍醫院 - 旺角永久終點站［不可再向西延伸］

或

我會傾向方案一，但總站放九龍站。

九龍站（預留月台）
下穿高鐵、西鐵、櫻桃街公園、長旺道
旺角（旺角道遊樂場對開一段旺角道）挖開砵蘭街、快富街建轉乘通道
經旺角道、男拔附小、加多利山
九龍醫院（賽馬會復康花園）
經亞皆老街
宋皇臺（宋皇臺遊樂場及對出一截協調道）通道轉乘屯馬綫
經石鼓壟道遊樂場、東隆道
東頭（衙前圍村舊址）
經彩虹道
鑽石山（東九龍綫車站）

Lyt_Kondisc 發表於 2020-2-29 21:27
鑽石山 - 東頭 - 九龍城/仔 - 九龍醫院 - 旺角永久終點站［不可再向西延伸］

或

要伸延去九龍城反而無咩異議
因爲可以利用呢個時機去重建賈柄達道公園（九龍寨城明顯要保育唔會亂整，但都要定期翻新）
九龍仔公園太近洋房區，幾乎冇乜可能郁到（最多搵機會整個機房疏通空氣）
九龍醫院同樣道理，整天光道嘅話唔夠空位，隔離又一堆豪宅，有無方法可以通融到喺天光道遊樂場明掘都係問題

然後經何文田（掘深多層？）轉去九龍站
將目標集中去九東住宅未連有鐵路嘅區域快速連接西隧同紅隧區域，附帶一定優勢去九西海皮（目前去九中九東去西九龍海皮似乎太多流水線巴士），咁樣價值就提高咗，順便製造機會重建部分老舊嘅公園

PS：淨係睇google判斷，歡迎問候

bam1a 發表於 2020-3-1 16:50
采頤同新蒲崗八街工業區係鑽石山我第一次知道...
采頤同四美街巴士總站本來都係叫“彩虹”添，前者以前係 ...

係大磡村仲存在嘅年代, 通常係配鑽石山做大地名
去到彩虹邨個面先叫彩虹, 軍營名稱一般市民唔會理會
只可以講彩虹道呢一個位係兩個地區名稱的交界處

彩虹臨時總站係因為興建觀塘繞道先至搬過去
無理由因為臨時性質 (當時應未考慮變成長期分站) 而改過個名
雖然有段時間的確用彩虹為名, 但政府最終定名係新蒲崗公共運輸總站
個度叫彩虹就真係有點牽強

EKL大家流傳個設計係會合併收費區
所以車站名很大可能都係鑽石山站

我喺隔離個Post入面有講到我自己畫嘅東九龍綫，我改咗少少之後send出嚟：

東九龍綫係黃色嗰條
呢個圖係按照現有/建議嘅規劃呢做，當中包括RDS-2U嘅部分方案，亦有考慮過唔同嘅城市發展情況，例如嘈得好勁嘅東大嶼、Farrells提嘅藍塘填海等，好多資料係睇環評報告同立法會文件而得來。
設定上：
以RDS-2014東九龍綫方案嘅基礎上分別係兩邊延伸，經西貢去到烏溪沙(RDS-2U有提)同經九龍市區去九龍站。延伸過海至灣仔則係後話，係optional方案。
設定為烏溪沙至泥涌、西貢市中心、鑽石山到九龍站之間嘅路段全部用TBM。其他路段則以鑽爆方式去興建。TBM路段車站設計類似港島綫咁，烏溪沙站係烏溪沙村嗰個位明挖，用長通道駁返去馬鐵車站。係呢個方案下，將軍澳第8區嘅車廠，未必容納我畫嘅東九龍綫入面需要嘅車隊(3卡鋼軌 vs 6至8卡)，所以車廠係烏溪沙村(鄉紳勢力會鬧死
旺角經旺角西到九龍一段，東九龍綫旺角站起喺位於彌敦道到東鐵路軌之間嘅亞皆老街地底。選擇經旺角站嘅原因係因為嗰邊更旺，但咁亦都代表更高嘅工程技術難度。
斬件上嘅話以旺角為初期終點站，去九龍站的話更好。
然後走線由櫻桃街轉入海泓道，同高鐵隧道一齊行海泓道。旺角西站(optional，因為嗰度有奧運站，主要睇翻當區需求)就係位於海泓道地底，所以真係要搞的話，就要將高鐵改道。而不設旺角西站嘅方案下，東九龍綫隧道會起得深過高鐵隧道，直入九龍站。
隧道會係過咗麗翔道之後入九龍站預留結構。
由於繁忙路段下起車站好困難，管線遷移、交通改道會等等有排搞。另外，係冇預留、冇規劃嘅情況下擴建車站，轉車安排並唔理想，有冇位起到新車站都成問題。
正因如此，計劃設定為市區重建時先搞，在重建時做預留，例如重建樓宇嘅地庫係新旺角站大堂，再通過長扶手電梯到達新車站、重建嘅時候將高鐵改道，然後喺海泓道地底興建新嘅共構結構、將鑽石山站改建為三個島式疊式月台等。
返返嚟現實：
入西貢嘅需求未必有咁大，有冇足夠客源可以支撐、當區居民會否反對(破壞寧靜環境blablabla)、經過繁忙市區，好多轉車站，工程技術難度極高、市區重建嘅進度慢等等，起得嚟大約係2100年(所以自己呢個plan真係叫2100+)，又要好多錢，可能淨係旺角到九龍段造價亦都可能拍得上沙中綫。
如果真係要拉長入西貢同落九龍市區，以依家嘅列車方案(3卡傳統輪軌/5卡直線電機/6卡APM膠輪)來講，將會係災難，所以只希望東九龍綫預留條件，例如初期用3卡，但係可以增加成6卡甚至8卡。車廠問題，就等佢延伸先算。

巴士的膠 發表於 2020-3-1 17:21
我會傾向方案一，但總站放九龍站。

九龍站（預留月台）

趁而家前水務署用地未搞，用嚟做車站，順便可以做埋旺角東-新旺角-旺角站轉乘