hkitalk.net 香港交通資訊網

 找回密碼
 會員申請加入
Custom Search

Login

搜索

 

Advertisement

 
(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 (B3)巴士攝影作品貼圖區 (B3i)即拍即貼 -手機相&翻拍Mon相 (B4)兩岸三地巴士討論 (B5)外地巴士討論

Advertisement


(B6)旅遊巴士及過境巴士 (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛
(A6)相片及短片分享/攝影技術 (A10)香港地方討論 (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 (C3)海上交通及船隻 (D1)公共交通有關商品   (Y)hkitalk.net會員福利部 (Z)站務資源中心
(R1)香港鐵路 (R2)香港電車 (R3)港外鐵路   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表     最新板務資訊  
 

Advertisement

 

查看: 2936|回復: 1

[飛行報告] 浸鹹水遇溺記 第十九回(上) 拜訪 IWM Duxford

[複製鏈接]

1591

iPower

1552

aPower

1150

HugeC

Level 2

Rank: 2Rank: 2

積分
3388
發表於 2020-6-8 23:30 | 顯示全部樓層 |閱讀模式

                                    Advertisement



本帖最後由 HZ8186 於 2020-7-21 21:43 編輯



不經不覺, 小弟已經係英國浸咗三年鹹水 - 趁小弟 Final Year 既第一個學期尚有空閒時間, 小弟便決定盡量抽時間遊走英國各航空博物館認識英國既航空史。今回 遇溺記 小弟就先黎到位於劍橋以南既 Imperial War Museum Duxford - 呢個博物館係英國既博物館之中比較活躍之一。Duxford 除咗有博物館之外, 亦有一條供 GA 用既跑道, 而博物館亦會善用呢條跑道,  定期舉辦 Air Show 等活動。小弟拜訪 Duxford 當日, Duxford 正舉辦 2019季既最後一場 Airshow - 雖然當日既參加者大多都係駐場既戰機, 不過對一名首次觀看飛行表演既筆者黎講, 呢個體驗係特意既。

同 第十七回 遇溺記一樣, 今次既博物館報告會係以一個 Photo Essay 形式描寫, 讀者記得睇圖同描述啦~~

註:
由於小弟既航空興趣係比較傾向民航既發展, 小弟對軍事航空史既認知係比較缺乏。今次小弟為咗呢份飛行報告花咗整整一個星期做資料考查 (Well, Fresh Grad 無工開求奇搵嘢做差唔多啦), 期間亦學咗唔少新知識, 不過如果文章資料有錯漏, 歡迎閣下於留言更正



IWM Duxford 係位於 Cambridge 以南十五公里左右, 從倫敦出發既話搭火車轉巴士共兩小時即可抵達。當日小弟乘 Thameslink 到達劍橋火車站後, 便轉乘當地既 Local Bus 132 前往 Duxford。

Duxford Museum 設有有八個展館, 而呢八個展館入面最重要則為 Duxford 既主館 AirSpace, 以美國空軍為主題既 American Air Museum。其他展館則覆蓋保育, 陸軍, 海軍等主題, 而同場亦有 Duxford Aviation Society 旗下保育既英國製民航機機隊。



小弟到埗後則先前往 Duxford 既主展館 AirSpace - 呢個展館係收藏咗唔少對英國航空業發展非常重要既飛機, 唯展品擺位方面則只係一般。

圖中正前方為一部 de Havilland Dove, 為英國於戰後為取代 DC-2 & DC-3 既產物, 而左邊為一部 Handley Page Hastings, 係一部於戰後投入服務既運輸機。留意呢兩部飛機其實係按英國政府既建議而設計同生產 - 雖然兩個設計係商業上唔算成功, 不過呢類型既 project 係讓戰後既英國飛機製造商得以繼續營運以及同歐洲及美洲既生產商繼續競爭。



Airspace 展館中間則擺放多部對英國航空業極具標誌性既飛機。圖中上方為英國既第一代中程轟炸機 English Electric Canberra, 正中間則為英國既長程轟炸機 Avro Vulcan, 而右方既白色戰機則為不幸被腰斬既超音速轟炸機 BAC TSR-2.

圖片後方白色既巨型 floatplane 為一部 Shorts Sunderland - 雖然呢部水上運輸機係沿用一戰後研發既水上飛機科技, 不過佢既載客量同載重都比同期既海上飛機相若。除咗用作海上救援同反潛艇等軍事用途之外, 戰後呢部 Sunderland 亦成功轉為客機, 為 BOAC 等航空公司係戰後初期快速重建路線網絡。

TSR 後方為英國係二戰期間最重要轟炸機之一 - Avro Lancaster。呢部四引擎飛機係二戰期間載重最高既轟炸機型號 - 係短短五年間, 英國生產咗多達七千部 Lancaster 以抗衡德軍, 而基本上英國皇家空軍係二戰期間每個轟炸任務都係有 Lancaster 既蹤影既。

呢部飛機同啱啱介紹既 Shorts Sunderland 一樣, 係有軍用同民用版, 而民用版既 Lancaster 係叫 Avro York, 而圖中右下, Dan Air of London 色彩既飛機就正正係一部 Avro York。



de Havilland Mosquito 係一部二戰期間為英國同聯邦國家既空軍服務既多功能戰機。雖然本身呢部雙引擎戰機原本係為進行轟炸任務而設計,不過由於此戰機擁有良好既控制性能以及非常高既飛行速度,呢部戰機係二戰期間既用途非常廣泛 - 除左作出日間同夜間轟炸任務之外, 呢部 Mosquito 亦獲安排作出 Photo Reconnaissance,潛艇偵測,海上巡邏, 長途策略性轟炸任務等,可見其機型為極之敏銳及靈活。英國同其盟友係二戰期間製作近七千部 Mosquito, 而無疑呢部轟炸機係一部非常成功同具有標誌性既戰機。

圖中既 Mosquito 為 TA719/G-ASKC - 雖然呢部戰機並沒有於二戰期間服役,不過 TA719 於戰後係被用作飛行訓練,其後轉投私人市場進行電影拍攝,並於 1978年獲 IWM Duxford 保留。



相信大家都唔會對呢部戰機感到陌生啦 -  Supermarine Spitfire 係一部英國設計既戰機,而其良好性能同速度協助 RAF 於二戰期間立下唔少功績,成為一個家傳戶曉既名字。

圖中既 Spitfire 為 F.24 版本,係 Spitfire 家族入面最後一個 iteration - 除左用 Rolls Royce Griffon 引擎之外 (早期版係用 RR Merlin 引擎),呢部 Spitfire 亦裝有後期版本既氣球形駕駛室玻璃罩。呢個版本既 Spitfire 係於二次世界大戰後才生產,而係噴射引擎既科技開始成熟既情況下,呢款戰機係前線服役不足十年已經被其他裝有噴射式引擎既戰機取代。不過呢批 F.24 版本既 Spitfire 亦有參與多場戰後反殖民既戰爭,而圖中既 Spitfire VN485 亦曾駐守啟德,並獲維持香港上空既制空權既任務,以防止當時正同蔣介石打仗既中國共產黨軍隊入侵香港。



Duxford 既鎮館之寶 - Aerospatiale/BAC Concorde G-AXDN

相信大家都聽過呢部超音速客機既豐功偉績,小弟就係度輕輕帶過啦,不過唔知大家又知唔知呢部協和號客機其實係其服役生涯其實未曾接載過任何乘客呢?  Aerospatiale/BAC 當年一同製作二十部協和號客機,而當中首六部其實係用作試驗及證明之用,而餘下十四部則由英航既法航營運。呢六部入面有兩部為 Prototype (MSN 001~2), 兩部為 Pre-Production Aircraft (MSN 101~2) 而剩餘兩部則為 Production Aircraft (MSN 201~2)。



首兩部 Prototype Concorde 既用途主要為驗證超音速飛行期間既表現,測試飛機性能以及滿足當時民航局既要求,展開協和號客機獲得民航局批文既漫長之路。次兩部 Pre-Production Concorde 則被用作測試改良後既機翼設計, 引擎系統以及當時新設計既 Drop Down Visor 系統,而最後兩部 Production Concorde 則被用作 載客前既最後測試以及取得英法民航局既適航證。

Duxford 既協和號為一部 Pre-Production Concorde (MSN101), 而從圖中可見,呢部協和號機上基本上係以測量儀器為主,右邊為供工程師監測飛行數據既工作台,而左邊既氧氣瓶則為機艙加壓系統既後備。



協和號既研發過程並非一帆風順 - 雖然英法之間既共同研發早於1963年開始,不過於 1969年首次起飛既樣板協和號客機同於七年後投入載客服務既協和號其實係大大不同。除左加長機身之外,後期版既機翼設計亦放大左,而燃油容量亦有所提升。同時,協和號既窗口亦比樣板協和號既窗口為細,而量產版既協和號亦裝上可以調教引擎入氣口既組件以及使用改良左既 Rolls Royce/Snecma Olympus 引擎。最終協和號客機係用左整整七年時間試飛 才獲得英法民航局頒發 Airworthiness Certificate, 並於 1976年一月開始為英國航空以及法國航空服務,展開其27年既載客飛行生涯

圖中為呢部 Pre-Production 版本協和號既黑盒 - 如飛機於飛行途中遇上爆炸性失壓事件,呢個黑盒係會自動將自己發射出飛機外。



二十部協和號客機之中 其實只有一部因為遇上意外而報銷以及一部被拆毀,而剩餘既十八部協和號之中 係有多達十七部係獲得博物館保留。現時英國有七部協和號客機,除左 G-BOAB 現位於希思羅機場之外,其餘六部協和號皆身處英國各地既博物館之中。

G-BSST - Prototype (MSN002), Exhibit at Fleet Air Arm Museum, Yeovil
G-AXDN - Pre-Production (MSN101), Exhibit at IWM Duxford, Cambridgeshire
G-BBDG - Production (MSN202), Exhibit at Brooklands Museum, Surrey
G-BOAA - Exhibit at National Museum of Flight, East Lothian
G-BOAC - First Concorde delivered to BA, Exhibit at Runway Visitor Park, Manchester Airport
G-BOAF - Final Concorde, Exhibit at Aerospace Bristol (Filton), Bristol

小弟於翌月到訪 Brooklands Museum,並登上樣板協和號客機 G-BBDG。有興趣睇載協和號既乘客版內籠同聽協和號既製作故事話,不妨留意 第二十一回 遇溺記~~



行完 AirSpace 展館之後, 小弟就去咗 American Air Museum 繼續小弟既行程 - 同先前既展館一樣, 呢個展館既展品擺設都係比較逼, 即使小弟既手機係有一個廣角鏡, 要有張 B-52 既 clean shot 基本上係無可能。同場亦有 B-17, B-24, B-29 & SR-71 各一部 - 要係一個咁有限既空間入面放四部轟炸機同一部偵測機, 基本上入到去呢個展館後, 閣下既前後左右, 甚至頭頂同腳底, 都係退役飛機黎

雖然係逼少少, 不過呢個展館既收藏品都係重量級 - 圖中為一部 Fairchild-Republic A-10 Thunderbolt, 為一部美國製既 "Close Air Support" 戰機。 雖然呢部戰機既設計係源自七十年代, 不過由於呢部戰機係極度耐用同可以捱打既關係, A-10 依然係前線服役。除咗可以抵受地面既炮彈射擊之外, A-10 亦可以非常有效地用其 Rotary Cannon 支援地面部隊。 因此呢部戰機依然會係唔少戰爭既前線出現, 而美國空軍甚至曾提倡讓現有 A-10 服役至 2040年, 可見美國空軍對其表現既認同~~



相信呢部偵察機對大家都唔會陌生啦 -  Lockheed SR-71 Blackbird 係一部超音速長程戰略偵察機, 1964年首次試飛, 而係1966年投入服務, 而呢部 Blackbird 係為咗取代 U-2 而開發。論設計, SR-71 無疑係一部非常之先進既軍機 - 呢部飛機既弧形設計係為咗盡量減少被雷達偵測到既機會, 而 Lockheed 為咗令 SR-71 可以維持長時間於超音速速度飛行, 亦特意研發新既鈦合金物料用作飛機機身。

唯呢部 SR-71 係保養同維修方面則比 U-2 複雜同昂貴, 而呢個型號亦擁有一個極高既事故率。係衛星科技進步下, SR-71 已於上世紀末退役, 而諷刺地 原本取代 U-2 既 SR-71 反而更早比 U-2 推下火線。現時, 所有僅餘既 SR-71 已被航空博物館收藏, 而圖中既 61-7962 係唯一一部身處美國以外既 Blackbird.



//原來忘形怪相 盡力但未被欣賞 在這盛世是平常
寧願讓 愛放肆 浪漫 緊張 囂張 想哭 想嬲 想聽 的你 會欣賞//
李拾壹 在尋找甚麼

今回遇溺記既第一部份既博物館報告就寫到呢度先, 第二部份小弟會介紹 Duxford Aviation Society 既珍藏, 而小弟會係第三部份介紹當日 Mini Air-Show 既演出。希望大家鐘意呢個 Photo Essay, 而敬請大家期待呢回遇溺記既下一部啦~~

圖: Curtiss P-36C Hawk under restoration


如果閣下鐘意小弟既飛行報告既話, 不妨睇埋小弟之前寫落既浸鹹水遇溺記~~

第七回 BE7671 NCL-BHD-IOM 尋找 Jetstream 41 的故事 - 不日推出
第八回 BA3287 IOM-LCY 一個避完稅走去翻學既故事 - 不日推出
第十九回 拜訪協和號試驗機 - IWM Duxford
第二十回 拜訪 RAF Museum - Cosford - 不日推出
第二十一回 拜訪協和號試驗機 - Brooklands - 不日推出
第二十三回 SN2093 BRU-LHR 初嘗布魯塞爾航空 - 不日推出
第二十四回 EI283 LCY-DUB 尋找 Avro RJ 的故事 - 不日推出

第二十五回 FR534 DUB-EMA 初嘗瑞恩航空的故事 - 不日推出






評分

參與人數 2aPower +2 HugeC +20 收起 理由
S3BL100 + 1 + 10 謝分享,並祝搵工順利
fp8329 + 1 + 10 多謝分享

查看全部評分

735

iPower

2

aPower

3

HugeC

Level 1

民樂

Rank: 1

積分
979
發表於 2020-6-9 00:23 | 顯示全部樓層
嘩, 有SR-71 真心要去
您需要登錄後才可以回帖 登錄 | 會員申請加入

本版積分規則

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2020-10-19 23:16

Powered by Discuz! X3.3

© 2001-2013 Comsenz Inc.

快速回復 返回頂部 返回列表