hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (C) Transport 交通討論區 航空(C2) 浸鹹水遇溺記 第二十二回 LS205 尋找 737 Classic 的故 ...
開啟左側

[飛行報告] 浸鹹水遇溺記 第二十二回 LS205 尋找 737 Classic 的故事

[複製鏈接]
HZ8186 發表於 2019-12-29 10:08 | 顯示全部樓層 |閱讀模式

                                    Advertisement



本帖最後由 HZ8186 於 2019-12-29 10:11 編輯


浸鹹水遇溺記 第二十二回 尋找 737 Classic 的故事

不知不覺間, 小弟已經完成咗上 Final Year 既上半部份。交咗份 Dissertation Draft 之後, 小弟就收拾行裝, 搭上一個六日既 Low Countries 之遊, 同時搭上呢個尋找 737 Classic 既故事~~

註: 由於近日 Bek Air (Z9) 於 Almaty 發生事故, 小弟會延遲推出該航空公司既飛行報告。短期內小弟亦會推出三篇飛行報告同四篇博物館短評, 敬請大家期待~~

-- Flight Info --

LS205 LBA-AMS G-GDFG 18/12
Boeing 737-300 (B733)
STD 1630 ATD 1642 (GMT)
STA 1850 ATA 1832 (CET)

-- 長路漫漫是如何走過? --

小弟今日係會先由 Nottingham 搭火車同巴士前往 Leeds, 再搭 LS205 前往阿姆斯特丹, 唯小弟前往 Leeds Bradford Airport 既路途則佈滿重重難關 - 係搭咗一程又唔隔音又唔準時既 Northern Class 150 前往 Leeds Station 後, 小弟轉乘當地既機場巴士 Flying Tiger 757 前往 LBA。如果讀者搭過 Optare 既巴士, 相信閣下都知呢款巴士係又慢又無避震 - 配上一個交通異常地繁忙既 West Yorkshire, 三個半小時後小弟終於到達 Leeds Bradford Airport

-- 私怨 mode --

好老實講, 其實唔係次次 Northern 延誤都係火車營運商既問題 - 今次 Northern 聲稱係 Network Rail 既路段出現故障導致今次延誤, 不過如果你有興趣睇 Northern 既火車做得幾差呢, 我會建議你睇呢條 link

-- Leeds Bradford Airport (LBA) --

穿過列茲市郊既緩慢交通後, 小弟終於到達 Leeds Bradford Airport。顧名思義, 呢個機場係服務 Leeds, Bradford, Harrogate 等城市, 而佢亦有交通接駁約克郡 (Yorkshire) 既各大城市。

Leeds Bradford Airport 大部份航線都係以渡假目的地為主 - Leeds 亦有少量 Commuter Destinations, 例如 LHR (BA), DUB (EI&FR), AMS (KL&LS) 以及 BHD (BE) 等, 唯 Leeds 大多航班都係以 Alicante, Tenerife 等熱門渡假勝地為主。

雖然 Leeds 既客運大樓設計係比較老舊, 不過機場設施則算係應有盡有。禁區外係有唔少租車公司, 咖啡店等商舖, 而禁區內則有一間 Duty-Free 同多間餐廳。唯由於客運大樓面積有限, LBA 只係有兩座登機橋, 而大部份航班都依賴巴士作停機坪同客運大樓之間既接駁。

可惜由於小弟係 Leeds 市郊塞車塞咗太耐, 小弟係完全無時間享受 LBA 既設施既 - 落巴士後, 小弟第一時間通過安全檢查, 狂奔直穿 Duty Free Store, 再乘上一部接駁巴士前往停機坪。

-- LS205 LBA > AMS --

Jet2 係一間主打英國旅遊市場既航空公司, 總部設於 Leeds, 而 Jet2 除咗提供航班之外, 亦會提供 Package Holiday, 定位上係同三個月前倒閉既 Thomas Cook 係相似既。Jet2 原名係 Channel Express, 並於 2003年改名成 Jet2, 並開始針對英格蘭北部開拓旅遊航線。現時 Jet2 既航線主要以英國 - 西班牙, 義大利等地中海目的地為主。

Jet2 既機隊亦算特別 - Jet2 既機隊係以波音既飛機為主, 例如 737-300, 737-800, 以及 757-200 等。Jet2 於近年更向 AirTanker 租下一部 A330MRTT, 服務 MAN-TFS, MAN-EWR 等熱門航線。

順帶一提, LBA-AMS 呢條航線係對 Jet2 有特別意義 - 此航線為 Jet2 於 03年改名及改變營運策略之後既第一條航線, 而呢條航線亦係見證 Jet2 由一間只有兩部 737-300 以及一日四班 LBA-AMS 既 Start-Up, 變成當今係英國航空業一個家傳户曉既名。

今日航班係由 G-GDFG 執飛 - 呢部 737-300 係採用一個 3+3 既座位排位, 而機上共有 148 個座位。雖然飛機已經有 22 年機齡, 不過飛機既內籠保養係非常好 - 機艙既旁板係完全見唔到歲月既行跡, 而座位亦非常整潔, 除咗塊窗口膠片已經淡黃之外, 基本上乘客係唔會發覺部飛機係 1997 年落地既。

Jet2 機上既座椅係用一個 hard shell 櫈設計, 雖然張櫈係無得傾後, 不過係一個唔夠一小時既航班上, 呢張有 31吋 Legroom 既座椅舒適度絕對係綽綽有餘。

雖然機上係無 IFE 或 wifi, 不過機上提供既 Inflight Literature 則非常豐富 - 除咗有基本既餐牌, 安全卡同飛行雜誌之外, Jet2 亦有提供一本幾厚既購物指南。順帶一提, Jet2 既飛行雜誌亦有介紹 Jet2 旗下品牌 Jet2Holidays & Jet2Villas, 並介紹唔少西班牙度假勝地。 Jet2 既餐單甚至有 Nandos 提供 - 雖然小弟係機上係無得叫個 Lemon & Herb Chicken Thigh, 不過個機上有得食個 Peri Peri 味爆谷呢樣嘢小弟係覺得幾得意~~

LS205 既機組人員係既友善又有效率 - 今日實際航程只係有五十分鐘, 而機組人員可以派餐既時間亦更加短 - 機組人員係可以服務全機乘客之外, 仲有時間同購買飲品既顧客閒聊。另外, 航班既機長係航班上多次用 PA 向乘客更新航班狀況 - 即使當日航班係無 inflight moving map, 乘客都能知道自己所在位置。

小弟亦非常欣賞 Jet2 航班上既 Britishness - 唔少機組人員既廣播係帶有英式幽默, 而 Jet2 有唔少既 Stock Announcements 係有驚喜 "No matter if you want a cup of tea or a G&T, we've got something for you" 呢句真係令小弟對 Jet2 既印象加咗唔少分~~

餘下既航程都過得非常暢順 - 飛機飛越英倫海峽後, 機組人員便調暗機艙燈光及開始準備降落程序。航班於當地時間 1832 降落 Amsterdam Schiphol - 通過入境程序同會合友人之後, 小弟乘當地火車前往 Amsterdam 市中心, 開始小弟同友人既荷蘭比利時六日之行。

-- Conclusion --

整體上, 小弟覺得今班航班係一個幾好既體驗 - Jet2 無論係軟件硬件上都做得幾好, 而機組人員既表現亦令小弟對航班印象加分。雖然部 733 仲年長過小弟, 不過 Jet2 既機艙保養係做得好足, 而機艙環境係非常整潔。

同時, 今趟旅途既性價比其實係幾高 - 小弟由 Nottingham 前往 Leeds 既旅程共花咗 £7.95, 而 LBA > AMS 既機票價格則為 £43。雖然小弟既行程差啲俾 Northern Rail 既延誤買起, 不過英國既 Advance Single 同 plusbus 價格真係幾吸引, 而如果日後閣下有機會由英國前往歐洲渡假, 相信 Jet2 會係一個唔錯既選擇~~ (雖然 Northern 就真係避之則吉)





Leeds Station - 其實英格蘭北部既鐵路網絡覆蓋率真係幾高, 唯 Northern 鐵路網絡既服務質數同準時率就真係完全唔存在咯



乘搭機場巴士 'Yorkshire Tiger' - 即使小弟已經於英國留學三年半, 不過小弟搭巴士既時候依然唔慣係車上俾錢有錢找呢樣嘢 - 當然有找錢係好啦, 不過遇上大量付現金既乘客既時候, 巴士係可以埋站十分鐘郁都唔郁。



Leeds Bradford - 雖然客運大樓既設計比較舊, 不過大樓設施都算係應有盡有~~



Leeds Bradford 既 Hall A - 除咗 Jet2 之外, 所有服務 Leeds 既航空公司都係用呢部份客運大樓辦理行李寄艙, 而 Jet2 既 Check in Counter 係設於 Hall B



Leeds Bradford 既 Duty Free - 鋪頭規模唔係好大, 不過品牌同商品都係齊既



Leeds Bradford 既登機橋 - 由於 LBA 位置有限, Leeds 係得兩條登機橋。同時, 由於 Leeds Bradford Airport 位於海拔 200m 上, 因此機場係好容易受底層既雲影響 - 小弟當晚基本上係機頭見唔清機尾



小弟搭咗咁多次飛機, 今次應該係天空色彩最迷幻既一次



Jet2 既 波音 737-300 客機係採用一個標準既 3+3 座位排位



Jet2 既機艙保養同 Delta 真係有得揮 - 對呢兩間航空公司而言, 機齡果然只係一個數字



Jet2 既座位係非常整潔 - 雖然座位係無 seat-back pocket, 不過簡單既座位設計亦代表座位清潔係相對上簡單, 相對上亦比較衛生


Jet2 既 Inflight Literature



Jet2 既安全卡 & 餐派 - 唔知有無版友試過食 Nandos 既爆谷呢?



我們都懂怎麼遊戲 尋風險最低的開心
坦白不在選項裡面 事與願違就沒關係



結論:
Jet2: Friendly Low Fares?
Friendly ✔
Low Fares ✔
Jet2 ✔
Simple as that~~



Amsterdam Schiphol 真係一個 Mega-Airport - 當日航班係用 Schiphol 最長既跑道 Polderbaan 降落, 而航班降落後係用咗足足十五分鐘先由跑道滑行至閘口。



小弟既 浸鹹水遇溺記 今回黎到呢度先 - 日後小弟會推出 flybe AMS-EMA 既飛行報告 同 荷蘭航空博物館 Aviodrome 既短評, 希望大家會鐘意啦~~




如果閣下鐘意小弟既飛行報告既話, 不妨睇埋小弟之前寫落既飛行報告~~
浸鹹水遇溺記
第七回 BE7671 NCL-BHD-IOM 尋找 Jetstream 41 的故事 - 不日推出
第八回 BA3287 IOM-LCY 一個避完稅走去翻學既故事 - 不日推出
番外篇 Z92101 ALA-TSE 一個尋找 Fokker 100 的故事 - 不日推出
番外篇 KC992 KC929 TSE-ALA-HKG 一個歸家的故事 - 不日推出
第十六回 AY100 AY1301 HKG-HEL-AMS I go to school by Airbus - 不日推出
第十七回 拜訪荷蘭航空博物館 Aviodrome - 不日推出
第十八回 BE1094 AMS-EMA 重逢 Dash 8 的故事 - 不日推出
第十九回 拜訪協和號試驗機 - IWM Duxford - 不日推出
第二十回 拜訪 RAF Museum - Cosford - 不日推出
第二十一回 拜訪協和號試驗機 - Brooklands - 不日推出
第二十二回 LS205 LBA-AMS 尋找 737 Classic 的故事

















評分

參與人數 3aPower +3 HugeC +30 收起 理由
DIH + 1 + 10 多謝分享
yuenpo + 1 + 10 多謝分享
S3BL100 + 1 + 10 多謝分享

查看全部評分

S3BL100 發表於 2019-12-29 14:12 | 顯示全部樓層
本帖最後由 S3BL100 於 2019-12-29 14:13 編輯

22 年機齡不算甚麼了,美國而家淨計 DL 同 UA,都有大把 25 年以上既 A320、757 同 767 仲飛緊。就算只計歐洲,LH 今年退過幾隻 A320 都接近或者岩岩超過 30 年機齡。飛機來講,保養係關鍵,hours/cycles 比起使用年期更重要。但係 737 classic 買少見少就真


不過睇返資料,原來 Jet2 現役 733 入面,最舊一隻原來超過 33 年,今年亦退左幾隻超過 30 年既 733

同埋睇樓主既相,內籠保養真係做得好好

個人記錄中坐過至少三次 Southwest 既 733,一次 735(真係短小精悍),另外接近十年前坐過一次 Alaska Airlines 既 734,換言之三款 classic 都坐過晒。佢地亦已經全退。對比起 e.g., 麥道客機,737 classic 帶畀我既印象其實唔算特別深刻,同 737NG 分別唔係好大,最顯眼分別其實係頭頂天花板同 overhead bins。而同樣係 737 classic,同樣係廿幾年機齡,Southwest 既內籠保養明顯不及樓主坐既 Jet2,直頭係感覺昏暗

當然,今日想坐都已經無機會…
fb.com/scientisthk2usa/
淡咖啡 發表於 2019-12-30 18:19 | 顯示全部樓層
以前為了坐又平又特別既野亦試過特登走去Doncaster上機 (Thomson Fly 733), 仲係前一晚要去到響機場訓過夜.
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-28 16:52

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表