【炒埋一碟】(16/33/)40/234X/296C重組

抱歉而家先覆返Ricky兄份計劃。
我第一眼睇嘅印象得四隻字: 夠唔夠車?
因為你好似低估咗好多線嘅行車時間，同埋用車應該好唔夠
例如287X要成122分鐘咁多，234X有無可能65分鐘行完? 講緊234X九龍段仲行得多過287X。

同埋以樓主標準，而家應該好多路線用車過剩。例如296C而家67分鐘，以樓主標準應該可以用6架車就夠。又例如40號而家92分鐘，以樓主標準，應該13架車就得。所以見到新40A只係60分鐘，唔通而家40號西約去葵涌要成30分鐘?

另外九商真係有需要加車? 我見全部16版都話要搬哂啲車入九商。但九商非繁又唔會多客，又唔會慳得太多時間，建議唔使理九商住；反而九龍灣仲有淘大/牛頭角道一帶，佢地有外區人去之餘亦有人住，所以值得入去。

之前有版友提過交換 33/40 荃葵區走線（前提係 40 要飛走美孚），
33 西站開跟 290 系行法出呈祥道 / 未來中九幹去九商，
40 麗城到滿樂後跟原 33 行法去到環宇海灣上公路，
咁樣做可以橫掃大部分荃葵來往九商同偉業街嘅客源，
同時俾西約、柴灣角、三寶同環宇海灣可有全日特快出觀塘道，
不過一來麗城來往大連排、三寶同環宇海灣來往九商都變咗真空，
二來九巴依家又想星期六日搞多條 33B，唔知師兄點睇？

Ricky403 發表於 2021-3-20 16:50
40轉34X改行九龍市區道路，但界限街太子道係飛哂橋，亦改行荃灣路，其實西約同愉景係做到相若時間來往彩 ...

九龍市區道路 荃灣路 呢啲唔算熱門塞車位?
順既時候可以好順 依家撞正疫情好似冇咩事添

幾年後呢? 荃灣路近荃青交匯呢段，荃灣路近葵青交匯呢段 長沙灣道近荔枝角道呢段 黃竹街去花墟戈條天橋既路口

你知唔知依排青山道係倒塞返去長沙灣道更甚去到美孚?   
仲有蝴蝶谷道 燈位 倒塞返去呈祥道 搞埋美孚戈邊都塞塞地喎

依家師兄比我感覺係想做幾水客

但問題係本身荃葵東九要變成荃葵長深東九 係基數大左 十個茶煲九個蓋喎 你係99%肯定條40係會令人回流巴士?

到時候好似251M咁搞死條線 對師兄冇影響但其他人受罪囉 就係為左成全師兄樓下條33(尤其小弟屋企樓下就係有條40

本身客源唔同又走去拓展新客源去放棄原有客源

講緊荃葵東九又變荃葵經(兜,直) 去長沙灣道有限度停站 再有限度停太子道西

你問一問啲荃灣人 如果40肯改快行上路對比33拉到麗城同全日 分分鐘答40行上路會多過想拉長33
多年黎不斷要求真觀荃 結果依家變成觀深荔葵荃 個觀感唔多好之餘 仲要增大塞車既可能性

大佬唔好咁異想天開啦

Ricky403 發表於 2021-3-20 16:17
296C嘅流水係指邊段？
除咗海盈邨出入北河街街市叫做某啲時段獨市、尚德出入德福半獨市外，其他路段重組 ...

條小巴 110 同分支線 110A 行宏光道，同時做 Megabox 同九展生意，所以 296C 拆分支全日入九龍灣，係點都避唔到，只係走左去行第二條街

不過呢間唔係馬亞木，無咁惡就真。運吉早年放行 296P 同 796E，某程度上亦預視問題相對於改其他巴士線同個別綠小線（尤其馬生旗下）對撼，似乎未必咁大

如果為左要避小巴而走去停啟福道同啟祥道，倒不如唔好做。尤其是西行站位遠離商貿區最多人上車位置


而重點係暫時的確無比起 296C 拆分支更有效做到九龍灣商貿區全日來往旺角既方法，之但係係咪要令到海盈出入觀塘道由有變無呢？我又唔認為應該要搞到咁

我對 296C 拆線有少少新諗法，連帶觀深問題，可能過多兩星期得閒既話會出 post，會同時 keep 到海盈出入觀塘、尚德出入德福廿分班。當然就唔會同觀荃問題捆綁埋一齊去搞

AV296 發表於 2021-3-20 22:37
抱歉而家先覆返Ricky兄份計劃。
我第一眼睇嘅印象得四隻字: 夠唔夠車?
因為你好似低估咗好多線嘅行車時間， ...

行車時間係指九巴網個行車時間/APP個車程
234X連休息一單大約75-100分鐘
34X係參考40嘅時間表
40A連休息一單係大約70-90分鐘

287X個122分鐘主要係下晝畀超多時間行，之前擺博康嗰陣都畀兩個鐘
結果沙田開係永世唔會甩，點知大角咀返沙田甩，因為連食佐敦道東行同彌敦道左轉亞街呢兩個無定向塞車位

SE7378 發表於 2021-3-20 23:21
之前有版友提過交換 33/40 荃葵區走線（前提係 40 要飛走美孚），
33 西站開跟 290 系行法出呈祥道 / 未來 ...

如果單獨拎33同40兩條出黎睇，呢個方案係唔錯
問題始終係40飛美孚，美孚要補
無論係40A全日定係另開新線，呢到都需要新增資源/由其他路線抽調資源

而家搞40P全日，已經要出多起碼兩部車
再出多六七部車搞40A全日難度都唔會細

HN745 發表於 2021-3-20 23:30
九龍市區道路 荃灣路 呢啲唔算熱門塞車位?
順既時候可以好順 依家撞正疫情好似冇咩事添

荃灣路塞車睇情況，擴建後可以減少切線 (雖則無乜聲氣)，可以舒緩一部分，之後路況唔會太差
長沙灣道兩繁有時幾塞，但龍翔道呈翔道其實都一擔擔，先唔講兩繁黃大仙例位，間中有單TA，可以非繁都塞到20分休無哂
所以我唔認為行長沙灣道，然後界限街/太子道只停少量站會大幅拉低九龍東吸引力

思維要前瞻少少，將來嘅觀荃真特快，必然係連塞車龍呈都飛起，行三幹中九幹，荃灣至少去程應該行沙咀道
論潛力，33必然好過40 (已經唔睇我樓下你樓下呢啲問題，純粹路線設計係咁)
40就算飛美孚，都要做多一重野先至可以令條線變成觀荃真特快，咁點解唔係善用條33？

仔細啲睇，我係無擴大而家各線服務範圍，只係調整配搭，長沙灣道唔搭油尖旺而改搭九龍東
始終無論點改，西約至少會有一條線落長沙灣道
問題只係點樣選擇：
1. 油尖旺搭長沙灣道 (現況)
2. 九龍東搭長沙灣道 (做哂所有重組)
3. 長沙灣道自己做 (只做第一階段)
三種方案都各有利弊同取舍
我認為2係最平衡各方所需，當然你都可以有你自己考慮 (例如34X觀感，呢個我承認會係潛在短板)

S3V1742C 發表於 2021-3-21 14:13
搵緊人笨 果個會唔會係提出重組既你由叫緊兩飛來回觀塘道 變左叫得一飛
邊有咁大隻蛤乸隨街跳呢個說話同 ...

我再講多一次，你唔聽就算數
上
路線A尾站25分鐘車程，5分鐘一班
vs
下
路線A尾站25分鐘車程，10分鐘一班
路線B中間30分鐘車程，12分鐘一班
會揀下面嘅絕對係蠢材