[愚問]北港島綫可否用屯馬方式，3線合一，東涌直達寶琳？

s3n370 發表於 2022-3-10 18:02
只要北港島線係全段咁起，就算係換線或交匯，
東涌同將軍澳兩線，由原本轉兩/三次車，減到轉一次就到。吸 ...

交匯直通嘅話，將軍澳去元朗、東涌去觀塘，都係轉一次車就搞掂，換線做到咩？
換線方案東區駁唔到荃灣線，東區去旺角、石硤尾嘅客逼埋上東鐵線，東鐵線仲有多位食到荃灣線本身呢啲客？
由將軍澳線去港島嘅乘客唔需要去金鐘轉荃灣線再過返海去彌敦道，但港島線本身嘅乘客要。


另外，去灣仔內街啲醫院同學校嘅乘客，係港島線沿線嘅居民多，定將軍澳線同東涌線沿線嘅九龍新界嘅居民多？邊條線方便行過去？
灣仔北海旁啲寫字樓，係港島線沿線嘅居民多客去，定將軍澳線同東涌線沿線嘅九龍新界嘅居民多？邊條線方便行過去？
再另外，你估西區南區去柴灣嘅人多，定奧運站東涌站九龍站去柴灣嘅人多？
你估將線觀線沿線去九龍站奧海城青衣荃灣西東涌赤臘角嘅人多，定將線觀線沿線去西區南區嘅人多？

qunow 發表於 2022-3-10 11:07
至於講到過海交通駁埋一條線嘅問題，沙中線同西鐵線駁做屯馬線都唔見得有問題？仲要新界出九龍三條鐵路隧 ...

屯馬駁埋 令到本身經美孚-太子轉車去東九嘅客改用鑽石山轉車 而本身屯馬綫呢段載客量唔係最高 所以冇咩問題
但係東將直通就要考慮埋會唔會令到東涌綫過海段overload

qunow 發表於 2022-3-10 19:37
交匯直通嘅話，將軍澳去元朗、東涌去觀塘，都係轉一次車就搞掂，換線做到咩？
換線方案東區駁唔到荃灣線 ...

呢個就係我反對換線嘅原因
唔只係東區班次疏咗、轉多次車咁簡單
而係好影響港島東西嘅工商業同社區往來
港島線本身喺中上環灣仔舊區，呢啲都係港島東嘅人常去甚至返工嘅地方
東區＜＞西區、東區＜＞彌敦道深長荔都要轉多次車，兩個都係繁時雙向多人嘅組合，仲有東區＜＞南區，雖然唔算多
朝早喺北角唔只轉多次車，更加要面對載住一車車將軍澳東九人嘅將軍澳線，都唔知要幾多班先上到
呢幾班客如果被逼走上地面，對港島北同紅隧路面簡直係災難

qunow 發表於 2022-3-10 11:37
交匯直通嘅話，將軍澳去元朗、東涌去觀塘，都係轉一次車就搞掂，換線做到咩？
換線方案東區駁唔到荃灣線 ...

港島線多年來都係主力做緊往返九龍新界及香港嘅過海客。
從中環、金鐘及北角站轉車人數vs留响港島線嘅人數已說明一切。

就算完全唔理呢D人流、運輸署港鐵自己嘅數字。
諗住區議會分區之間嘅需求可以大過地域（港、九、新界）之間？咪玩啦。

HV7025 發表於 2022-3-10 12:42
呢個就係我反對換線嘅原因
唔只係東區班次疏咗、轉多次車咁簡單
而係好影響港島東西嘅工商業同社區往來

東鐵一過海，新界東、西經紅磡轉巴士嘅過海客肯定落哂地底咁滯。
咁咪有空間食東區及九龍西之間嘅過海客囉。

換綫方案的確不能讓很多乘客直達目的地，但可以轉少一程車，已方便了乘客不少。如果東涌綫可以有獨立的過海隧道，東將合并將是比交匯和合拼更好的方案，一來港島綫可以保持原狀，二來過海綫可以直接將大部分乘客帶到目的地，可大大舒緩港島綫的壓力。

s3n370 發表於 2022-3-10 20:48
港島線多年來都係主力做緊往返九龍新界及香港嘅過海客。
從中環、金鐘及北角站轉車人數vs留响港島線嘅人 ...

荃灣線觀塘線過海嘅人唔駛理？

he_01 發表於 2022-3-10 20:42
屯馬駁埋 令到本身經美孚-太子轉車去東九嘅客改用鑽石山轉車 而本身屯馬綫呢段載客量唔係最高 所以冇咩問 ...

假設東將線往來東西段非過海客量好低,例子九龍<>觀塘,正常人首選搭215X,第二選去柯士甸搭屯馬線到鑽石山轉觀塘線,第3選就東將線過2次海到油塘轉觀塘線,咁樣第3選需求最低,東將合併較可行

groom1002 發表於 2022-3-10 22:11
假設東將線往來東西段非過海客量好低,例子九龍觀塘,正常人首選搭215X,第二選去柯士甸搭屯馬線到鑽石山轉 ...

另外再補充就是東涌綫大部分乘客都是過海客，無論有沒有直通，東涌綫依舊車水馬龍。東將直通後，除非有許多乘客在繁忙時間要從將軍澳往來九龍、青衣以及大嶼山一帶，否則很難有塞爆東涌綫的問題。無疑，東將直通會吸引九龍西德乘客使用這綫往來東九龍，但這些客數量不多，而且在非繁忙時間東涌綫有不少加班的空間，可輕易處理額外的乘客量。

東將合併比添馬交匯的好處是，無論是將軍澳綫(含觀塘綫轉車客)及東涌綫(含西鐵南昌轉車客)無需轉車可一程前往幾個重要商業區或辦公室大樓（香港站、添馬站[如有]、會展站、銅鑼灣北站[如有]、北角站和鰂魚涌站），這可在不影響港島綫的框架下而令九龍客直達幾個心臟地帶。我相信九龍通勤客前往上述幾個地區的乘客數目，都會比前往太古至柴灣各站的乘客量為高，即使東將合併九龍客亦只需在北角站對面月台轉車即可抵達港島綫其他車站。因此，個人認為東將合併是一個較添馬交匯方案更有分流作用的折衷方案，分流效益只僅次於換線方案，但效益絕對遠高於交匯方案。當然，東將合併與換綫都需要克服LAR規格進入URL路段的問題，我相信港鐵公司在考慮各個方案的時候，亦會研究這一方面的技術細節。