[綜合] 沙中綫過海後客量轉變 (不斷更新)

S3bl430 發表於 2022-6-17 21:18
我住大圍就唔覺大圍咁吸引,
你話踏單車招假日人流係真既,至於平日非繁大圍人氣旺盛主要係由買餸客帶動,
...

682去到柴斜都仲有一定客量，係小西灣先少客，但去到小西灣有流水

castanopsis 發表於 2022-6-17 23:25
大圍啲餐廳選擇唔算差，亦有好多連鎖以外既選擇
我住將軍澳都有人特登約入大圍食飯

沙田/火炭除了682轉798，仲有鐵路競爭，火炭除咗山尾街嗰邊都係近鐵鐵路多，沙田新城市更加係，你能夠保證東鐵客會回流巴士？在要兜大圍的程況下，新城市以北的站巴士的觀感已經差過鐵路，除非是新城市直出公路。

qunow 發表於 2022-6-18 00:00
682去到柴斜都仲有一定客量，係小西灣先少客，但去到小西灣有流水

但城河西東鐵轉港島線去柴灣係十分快，如果989拉去小西灣，因為要兜柴斜，咁柴灣以後的客應該都係落地底，989應該搶唔到柴灣之後的客。

1234567 發表於 2022-6-18 00:05
沙田/火炭除了682轉798，仲有鐵路競爭，火炭除咗山尾街嗰邊都係近鐵鐵路多，沙田新城市更加係，你能夠保 ...

有時做生意唔搏吓，就一定係輸。況且東鐵過海轉港島線由沙田去太古官方就話37分鐘，但我每次搭都起碼40分鐘，全程都係企我都覺得辛苦。會展站轉東廊線真心咪玩啦，試咗兩次都係送車尾，冇返15-20分鐘都唔駛旨意有車。798轉682又係，啲時間根本夾唔到，又唔係真係好快，989一程始終有優勢，差在善水想唔想玩。好老實講，留意吓非繁東鐵過海段客量，都反映沿線啲人有幾鍾意搭鐵過海

星期四黃昏坐110，1730筲箕灣開嘅北行成績竟然比南行更加好，可以坐滿上層兼下層企一兩個，主要客源依舊係太古城中心+健威花園，呢班客似乎有一班會放工後去尖東。
南行110跌客幅度應該係眾多東區線中最大

S3bl430 發表於 2022-6-17 18:12
900係賭博失敗,九巴估唔到白石角就算有900直達港島都要搭272A轉港鐵

不如話900輸俾第五波
畀多幾個月佢儲客，可能會有唔同嘅結果

JH_LE4612 發表於 2022-6-17 10:41
潛左幾日水，我冧我應該簡單覆埋今次就收尾，始終有啲野只可以 agree to disagree (同埋我都開始忙...)

...

唔好話潛唔潛水，post就擺左晌度，咁你係有絕對嘅自由決定回覆與否的，我亦唔係果種見你冇回就話你潛水嘅人，呢度好多post我只能揀某d內容去覆，因為要打真係打唔晒，咁唔通我又潛水咩。

簡單地講講啦，有情意結我係理解，但政策本應為一件應該理性看待嘅事情，諗多d就會知咩事。我地成日鬧呢個政府，就係因為佢盲目追求政治正確，忽略政策嘅理性思考，最尾咪攪到傳媒、學術自由、教育、言論自由一潭死水。

至於仲有一年，我只會話，如果呢一年嗌多d我亦唔會選擇307，大埔仲有好多民生議題要區佬去睇，將來富蝶各項跟進亦都有排做。而且去到出年，仲選唔選好？肯出黎選嘅，每個位攞幾多張票返黎，自己個位仲穩唔穩陣，尤其是移民潮下，每個區佬每個選區究竟各自流失左幾多支持者？其實某d在任嘅區佬自己都好感受到呢個問題的。
A47x同NA47，我同區佬講嘅取態係，唔會將兩者放晌同一項目裡面講，雖然兩者行法相近，但我地考慮過嘅係，通宵交通白石角遠比大埔市不便，而且最基本一個情況係，全無員工接駁車（雖然亦冇該處之機場員工數字），再睇番NA嘅開線原意，所以呢d情況我唔會直接同A47x做同一項目嘅考慮。
同埋，管治威信呢樣野，其實就向來都存在嘅，官員同代議士本身就存在對立嘅角色唔係因為中共，港英年代亦然，但就係呢個對立嘅角色先造就到以往為人熟悉嘅制度，如果個個同聲同氣嘅，咪就係今日嘅立法會囉，但而家有幾多人care立法會有咩表現？但呢種對立角色下，必然地擁有權力嘅一方都要顧全佢地嘅威望，其實無可避免會出現一種「點做都係你求我，我係順從民意」嘅局面。其實唔止運輸署的，巴士公司都係咁，只係「應議員要求」。對佢地黎講，唔止係威望，同時也是下台階。

所以272x單野，的而且確有人事後係後悔，我只能同佢講，通過左嘅野好難收番，唯有等佢落地再算，反正要攪實有方法攪，除左程序問題外，政府部門晌經過晒所有程序獲得落實後，要佢徹回，佢個下台階晌邊？同一時間區議會個下台階又晌邊？


所以某程度上對某d區佬黎講，接受NA47兜嘅程度會稍為高過A47x，雖然兩者晌討論層面上都唔太討好。

有d野，無論你同唔同意都好，我都係咁講，而且，多元社會下我會盡力爭取你同意，但亦會尊重你嘅唔同意，我只係想講，一條巴士線涉及好多政治問題，當然要攪唔係唔得，但點樣平衡各自利益，就係核心所在。

我諗唔係我同你講嘅野刺激你個腦，而係當巴士迷多以救線為主調時，我衝出黎話由得佢帶俾你嘅反差太大，而且，好現實嘅，我自己暫時睇唔到307跌嘅客真係咁多，我自己都有人幫手一直數住307嘅客量變化。
與其驚307，我不如驚71K會否因為富蝶太和線而重提分拆方案好過。

Jamesho81 發表於 2022-6-18 00:43
有時做生意唔搏吓，就一定係輸。況且東鐵過海轉港島線由沙田去太古官方就話37分鐘，但我每次搭都起碼40分 ...

你指東鐵非繁客量係唔係好差？

KW2523 發表於 2022-6-17 18:16
要講嘅話 金鐘有地鐵過海去荃灣歷史比去沙田更長
但係唔見得933會冇吸引力 (特別係佢站位好)
個人下繁睇98 ...

933全部路段無論邊個站去邊個站，而家條走線都接近最快行法
989唔係，而家條走線行青沙西隧中灣繞，係得大圍感覺係快
但係大圍大部分住宅黎，所謂工業區得兩三條街幾幢，感覺人多係因為轉車客多

沙市至少都叫有一田同埋係區內大型商場，不過相比有自由行嗰陣已經失色好多
而家都係轉東鐵綫客為主，西北面連城廣場同東南面史諾比嗰邊人流差距越嚟越大

Jamesho81 發表於 2022-6-18 00:43
有時做生意唔搏吓，就一定係輸。況且東鐵過海轉港島線由沙田去太古官方就話37分鐘，但我每次搭都起碼40分 ...

問題出在匯達角度，究竟開989係咪咁值得做？
喺沙田東區巴士全無競爭，自己又有682<>798交代嗰陣，有幾大誘因去開989非繁？
甚至當989回程尾二同尾車客量唔掂嗰陣，係咪直頭應該提早開車時間/縮短班次間隔，爭取全部車喺哂東隧大隧最塞嘅時間開車？