問已取消及未有開辦的輕鐵路線：

原帖由 wilsonli321 於 2008-9-21 19:38 發表
53,68A,63X全部好疏車,而家都好少屯門人會搭去元天
佔輕鐵人流比例很低

K73P都算大線???
屯門都有K51,K52,K58,而且九巴區內分段線很多,又很多人上(例如58系,960,260X)
反而元天而家得264M,269D ...

K73P 唔計都有 4 條

九巴分段多又點 ? 除左碼頭區線全部向北行 , 點搭 ?

元天唔止 264M 269D , 仲有 K73 K74 K65

內地有d有企位的公交會將載客率講成上座率.
乘客量相約, 適量地減班, 用更少既車黎行, 雖然令候車時間增長少許, 但未見有上唔到車既情況, 運作成本又下降,加價壓力減低, 最終乘客繼續維持用咁平既價錢搭車, 係乘客得益. 若出街問句"肯等多一分鐘車,就可以遲一年至加價", 我諗大部份乘客都肯制.
理論錯亂果個係李生你, 連效率點解都未知

對燈號既影響, 輕鐵只要行多d拖卡, 出同一車數都可以令拎燈既次數減少. 只要有呢樣既改動, "咁對於成個輕鐵路面燈位影響根本唔會有變" 已經唔成立.

唔睇上文下理果個又係李生你. 講緊交匯處燈號而唔係輕鐵班次呀李生.

唉~ 嘈506巴士班次混亂果個又係你, 唔mind將輕鐵線轉番做巴士線又係你, 乜都係你講晒~

唔係講reload車腦資料, 而係講跳飛機時有無set番下一轉車所行既路線號, 令沿途燈位波口識拎識轉. 巴士跳飛機都可以漏set電牌報站機八達通機啦, 咁又算唔算係設計失敗呀?

751洪水橋以南客少係無計的, 唔可以過份減班令天水圍-洪水橋變樽頸/供不應求.
6系兆康以北, 平早繁在我心中減614同615班由12/13變18,屯門維持番4卡車行P線, 已經可以令載客率上升,同時有車多出黎加第二條線班.
可是552已預期到平早繁載客率過低, 非繁更不敢想像... 所以整體上"有人冇車搭,有車冇人搭"既情況將會比宜家更嚴重~!
根本整合路線黎將載客率提升或增加運作效率, 並不是萬試萬靈. 香港地巴士拆線就多,合併路線十次有九次都唔成功.

無錯, 客量比2:1係我講既, 但係寫時間表果陣個比例係咪可以全日都適用先? 就用番#550尾二段黎講, 西北面行6,東北面就要行12, 你話東北面班人條氣會唔會順,嘈唔嘈丫? 照咁既比例再估計落深宵半夜時段, 東北面可能要18-20分至有班車架咋~!

做119塊, 就係要避免跳飛機時跟車走左去第二條線而令第二班車無得用. 論廿塊, 齋數好似夠, 但以輕鐵一般只得兩三分鐘停總站黎計, 一拆一擺/一拎一裝都未必夠時間.  再者果批特別班次到左兆康, 你可以唔拆嗎? 車頭對住麒麟都楝塊牌出黎話"不經麒麟"? 你無野下話~
絕對唔係無聊. 1同3的上面講左, 2的亦都唔係老作,唔係個個客都望住抽車入站, 另外由車尾果邊追車的點睇? 失聰果個case唔洗多, 只要奶一次野就夠. 若果有呢d人搭車又真係唔知又唔問, 到時人地真係繞左個圈, 又敢去平機會投訴, 或告輕鐵歧視, 不單影響輕鐵/港鐵形象, 告入左要罰公司錢, 捉你(做proposal做得唔周到果個)出黎祭旗扣人工好唔好?! 條數我諗罰親都唔細, 無六位都有五位數字...
廣播果度, 同一條線就同一套, 唔拆線就無可能識分幾時播幾時唔播.

翻睇左對上成幾十條文,都無一句係解釋咩叫"cover客量就會更好"播.
解唔通就係怪論啦~

[ 本帖最後由 lzengalau 於 2008-9-21 21:14 編輯 ]

呀李生, 對下上文下理好喎~

#564 另西鐵(線)開後, 507, 614系非繁先後減過班次, 兆麟有進一步改善係岩既.

#572 非繁507由7.5減至9, 614系由8減至9

#584 可惜輕鐵既情況係廿年一向都係迫到爆,仲敢收車,就叫效率?

我想問你非繁收車有咩問題?!

#572 當年平早繁, 505減1卡,506減4卡,507減1卡,615加1卡,720加1拖卡, 總數減3卡

#574 你指既例子令屯門區燈位順左,原因只不過係出車率少左

#584 你講緊2002年既例子中,只不過係多左一抽720變拖卡,咁就會令輕鐵燈位明顯改善??

你問番你自己呀?

何況而家講緊屯門輕鐵重組,都係單卡重組成單卡,你唔好扯開話題!

點解一定要砌單卡線/時間表? 貪拎燈次數唔夠多呀? 行到3分一單卡, 倒不如行6分一拖卡, 載客能力一樣得黎拎少半數燈同埋派少一半車長...

而且,冇左輕鐵,506可以擺返友愛做總站,當堂唔同晒架

邊度有位俾你做總站?!

行返同一條線(553),有幾多野又要再set, 就算set,又有幾難?巴士都唔算經常set漏啦!

唔係難,係做漏手尾長.  巴士都一樣, set漏扣錯錢報錯站插到你暈.

61系既問題,即使用你呢個做法,始終唔會改變到客量參差既問題,什至只會惡化問題,
你由始至終,雖然有唔少數據,但你根本只懂亂玩數字遊戲,乘客第一身受到班次混亂影響,你根本唔明白!

當610做得更主力,614,615咁既班次幾乎似係特車出黎輔助執漏,青公段班次就幾乎等如單一610既班次, 到時班次就唔再咁唔平均.

如你認為,552客少,那就大可以將552配車比例下調,增加在551或553或610線上
只要班次平均,班次合理,自然唔會有「有人冇車搭,有車冇人搭」既情況

輕鐵(港鐵)公司自然有能力/責任了解不同時段的客量比例,寫時間表要配合,花點心機有幾難?
唔係2:1,咪5:3,咁大可以非繁收車,收獨立行553既字軌;反之則收跳行552/553既字軌車,
只要唔係552 密過553,技術上就一定可以做到

輕鐵點都有50架車行元天線掛,洗唔洗整足119塊?
就算整足119塊,一塊告示牌有幾難呀? 你既反駁理由咁牽強,叫人點服你呀?

一架唔跳552既553要在北行時加塊「不停麒麟站」既告示,有幾難?
加埋廣播REMIND,乜都夠啦!
乘客搭多幾次,自然知道呢個運作!

輕鐵成日上報紙俾人插擠迫上唔到車,又班次亂,又唔見你擔心?
反而走去擔心有個失明又失聰,咁岩又去麒麟呢個超少人上落既站,仲要唔肯問人既人走去平機會投訴,
你搞唔搞笑D呀?

輕鐵唔係巴士,無指定邊批車行死邊條線, 呢個case黎講隨時行緊610執左過黎行552/553, 行得兩行做中特車果陣又無牌嚮度咁點攪?
宜家唔係整塊野出黎難, 係用佢果陣好麻煩. 停總站果d時間係俾車長休息去廁所, 你用左佢d時間,佢地無抖過去唔到廁所咁係唔掂架... 你唔好諗住加長停總站時間, 加時變相加車, 即係效率下降, 事實亦無咁多車你加.
全港七百萬人, 得果5%係輕鐵熟客, 你叫剩番果95%生客學識左個搭法先去買飛拍咭搭車呀? 你無野呀?
我已經講得好清楚, 無論有牌好有廣播好, 根本係會有客睇唔到聽唔到, 所以咁係唔夠, 如果無其他措施, 咁即係呢套唔work.
我根本一早就講左, 552同553全日班次要一樣, 至無咁多咁麻煩既細節運作野去攪, 但現實已經顯示左相同班次係不可行. 你自己睇番, 又要諗點攝番架車去補洞, 結果攪左d特車出黎, 時間唔夾又要跳飛機, 有特車就要去整乜整物, 但係睇唔到d牌聽唔到d廣播既話就要人去估經唔經麒麟... 最終係產生更多問題而不能徹底解決.
之前有失明人由月台跌左落路軌幾乎車死, 賣報紙頭條都賣左一兩日啦. 你咪以為到時奶左呢d野係少事.

但因為班次混亂的機會大減,那cover客量就會更好

#565尾二一段已粗色字,已清楚解釋

你d理解能力都好有問題, 我唔係問咩原因, 我係問咩叫"cover客量". 你講清楚咩叫"cover客量",至去睇下"減少班次混亂"係咪可以令呢樣唔知係咩既野更好先啦... 如果你解唔通既話,即係話你亂推亂撞隨口up啦, 亦即係怪論一個...

我想問 , 你又知一定係空車到站 ? ..

阿哥仔,唔係一定要好似早繁咁上唔到車先叫迫下話?
輕鐵廿年一向服務都好差,唔係得我講,仲敢收車? 非繁都係咁話啦!

"應少則少,應多則多"又係你講, 又話"只要班次平均, 班次合理", 好勒非繁客量少又話好收車減班, 乜都係你講晒

即係話,當時導致路面燈位順左既原因係出車許率減少(3架),另外多左一架720拖卡
後者根本唔會令輕鐵對路面燈位有明顯的正面貢獻!

減3卡車呢個數已經包埋加呢抽拖卡, 所以根本加左車都有正面貢獻.

我沒有必要假設重組後變成拖卡

但亦不應該限制住抽抽車都係單卡!

冇左輕鐵行,友愛路要搵個位擺506做總站,大把方法,唔洗我講都諗到!

就算放番條左線出黎, 條路既設計都無一度適合起一個泊得兩三架巴士既巴士站, 如果起左, 盲位暗位增加, 仲易撞車撞人.

輕鐵司機做漏開門上落客都試過,唔通所有路線以後都唔停站??

巴士打左鐘唔停站都試過, 理應站站停以避免事件重演.

你既講法,始終無法徹底解決問題,

總好過解決完一個問題之後, 產生更大問題有待處理. 咁唔代表不做不錯, 而係穩穩陣陣, 睇清睇楚避免更大問題發生至去做.

ok,咁整夠119塊得未,整塊咁簡單既牌你都可以嗌,真係慘過同師奶講價
插塊牌用得幾多時間? 又唔一定係經常要咁做!
咁多excause,咁簡單既野都怕煩,不如索性辭職,咁懶咁冇責任心既司機,我係乘客都唔會放心!
一塊牌,你都可以講到咁多野,真係識「上線上綱」

根本最唔了解輕鐵運作果個係李生你.
埋總站果幾分鐘對司機係最寶貴, 抖一抖, 放低渣車時一眼關七果種高度緊張狀態, 落下地郁郁對腳去買舖大細.  上番車下個抖既機會快則5個字, 耐則9個字, 中途至黎急係無人可以幫到你. 成車客係咪可以中途放個司機落地去廁所先? 好可能就係要整塊牌, 少左一分鐘, 一係搏遲開一分鐘無人投訴, 一係搏一舖或者忍多程, 但係呢d野無得估, 話黎就黎. 對於做戶外工兼唔係隨時可以去廁所的, 咁樣攪一攪真係多得你唔少. 萬一長時間係咁, "牛"出腎病, 係咪你俾醫藥費先?

搭得輕鐵,8,9成係熟客,
廣播係車廂播,點會聽唔到? 用開麒麟站既人,自然識留意,有乜唔work ?
搭錯左,一次半次,咪到左兆康搭返回頭,有咁既運作,自然大條道理可以解釋,輕鐵大可以唔罰!
失明人跌落月台同失明人搭左去兆康咁「大」件事,真係差天拱地,報紙有興趣報導先算

係熟客既又洗乜要廣播?!
之前都講, 清明重九大把人唔係去青松就係去麒麟, 人地一入屯門就俾你個plan玩一舖, 咁俾人玩法唔投訴就假lu~
弊在法庭都可以大條道理, 話你做設計策劃的做得失敗唔周到, 無照顧/理會d特別需要, 再加上咁大間公司都攪成咁, 罰都罰多幾錢重.
件事就未必報, 但班殘疾人士見一次插一次, 實話輕鐵/港鐵歧視, 唔公平, 無社會負任一大蘿野...

根本係你自己詐傻,我再解多次:
現在唔重組,即使統計上的 供=求,只要班次混亂,cover客量就一定會出現問題
(設例: 景峰站月台在10時-11時,共有2000人使用輕鐵,正常情況下,這2000人會在60分鐘內均勻地到達景峰站,
這時也假設輕鐵共有10抽車,每抽可容納200人,假設是吉車到達景峰站,統計數字遊戲下,2000乘客(求)=2000個載客能力(供)
但如果這10抽車以12分鐘...2分鐘...10分鐘..8分鐘........抵達景峰站,
那麼這10抽車去容納cover這2000人,就必然產生混亂!)

反之,重組後,即使依然是同樣的供=求,但因為班次混亂的機會大減,那cover客量就會更好
(根據以上的設例,2000乘客(求)=2000個載客能力(供),此時10班車均以相隔6分鐘到站,
這樣,cover客量就不會有問題)

成個例子根本唔成立, 乘客永遠唔會均勻地到站等車, 所以無論班次幾咁均勻, 各班車既載客率都唔會一樣, 除非要人排隊, 仲要排足二百人先黎一班車, 咁就包保班班車同一個載客率, 但現實世界係唔會發生d咁既事!
所謂的"就會更好"查實只係"不會有問題", 咁都叫做更好呀? 有語病唔該快d去醫啦~!

我只能用一句想借用左好耐既名言作個總結:
有d人"too simple, sometimes naive!"