貼舊相 - 城巴第一部樣板坡柴加五前一後算盤子波箱

Network 26 新里程

原帖由 海怡工貿 於 2009-8-2 17:01 發表
上層車頭玻璃用左冷氣車玻璃

因為城記係用Alexander RH既車頭部件幫呢批原本Alexander L型車身既坡柴翻新
而城記手上就只有冷氣車既部件,所以佢地初改裝完成時都係以冷氣車既頭幅示人
後來先加番個窗
其實呢批車改裝前同改裝後個樣真係有好大分別(即使一樣係Alexander車身)
未改裝前佢地個車身線條的確係比而家靚,但係個樣就真係整得好求其

原帖由 F-15E 於 2009-8-2 19:31 發表
點解個車牌係'N"?

請睇清楚,係「N 26」(假車牌)
佢初改裝完成時用N 26車牌只係為左響應城巴接辦中巴26線時出現既標語「Network 26 新里程」

原帖由 海怡工貿 於 2009-8-2 16:43 發表

宜家D Neoplan都好嘈, 行過個心都震埋

Neoplan都算好…嘈得嚟把聲都唔算爛…
細細個果陣坐呢批車行85…真係「印象深刻」
嘈過Neoplan之餘把聲又拆…
車廂又焗…寧願坐雞車、鴨車都唔想坐佢

原帖由 細路荃 於 2009-8-2 20:02 發表


Neoplan都算好…嘈得嚟把聲都唔算爛…
細細個果陣坐呢批車行85…真係「印象深刻」
嘈過Neoplan之餘把聲又拆…
車廂又焗…寧願坐雞車、鴨車都唔想坐佢 ...

話時話, 點解呢度特別多版友話坡柴車廂熱呢? 坡柴車廂有咩野原因令到車廂咁熱

P.s. 我印象最難忘係坡柴下層尾排坐位, 熱過火爐, 坐墊下面仲要有一條燒紅鐵辣住隻腳, 又大廢氣味

原帖由 WING93 於 2009-8-2 19:42 發表

因為城記係用Alexander RH既車頭部件幫呢批原本Alexander L型車身既坡柴翻新
而城記手上就只有冷氣車既部件,所以佢地初改裝完成時都係以冷氣車既頭幅示人
後來先加番個窗
其實呢批車改裝前同改裝後個樣真係有好大分 ...

得喱部333/602既上層車頭先係用密封式車窗之嘛﹐佢咩地........

原帖由 petcity 於 2009-8-2 02:50 PM 發表


都係做過渡性質，買一手熱狗唔化算
更何況，連冷馬都造唔切，熱狗都係一樣

係有限時間內，買呢批車已經係一個可行辦法

當年批比城巴的時候﹐到要開始提供服務﹐時間其實唔多。

當年﹐幾家車廠都做唔切﹐不論冷馬定熱九﹐都起唔到足夠的車交貨。當年﹐車廠都已經盡量交一批全新冷馬給城巴﹐但這一批車要應付26條巴士線﹐根本不足夠。

當時﹐唯一解決方法便是2手車。好彩地﹐新加坡剛好有一大批車出售﹐最重要的係性能都叫良好﹐即使不番新都可以行駛。
所以﹐城巴便購入此批車﹐並進行番新改裝﹐以符合香港的要求。


城巴當時的計劃﹐都知道批二手車唔可能長期使用﹐所以都積極買車﹐爭取盡快交貨去頂替這一批二手車。

最後﹐又令城巴有另一個意外驚喜。居然這一批二手車退下火線之後﹐又有另一個國家急於要雙層巴士﹐結果又有部分可賣出﹐收番些少利潤。


事實上﹐當年城巴有這一批二手車﹐都未夠車用﹐都要向其他公司租車去營運。相信都有人見過KCR的都城行城巴的路線﹐嶼巴行南區遊客線的相。


另一個事實﹐其實2手車都唔易找的。首先右呔車市場上是比較少的﹐再加上要雙層車便更少地方可提供。一般來說﹐巴士公司只會分批退車﹐唔會一次有過百部車一齊退役。所以﹐城巴真係算非常好運﹐短時間內可找到賣家搵到車回香港。
其實﹐基於此原因﹐賣家是可以吊高來賣﹐收一個更好的價錢的。

lee 批車真係好睇唔好坐....
唔知十幾年後,佢地係南非點呢?
有冇師兄知當時出口左幾多走?
Thx!

原帖由 海怡工貿 於 2009-8-2 20:15 發表

話時話, 點解呢度特別多版友話坡柴車廂熱呢? 坡柴車廂有咩野原因令到車廂咁熱

P.s. 我印象最難忘係坡柴下層尾排坐位, 熱過火爐, 坐墊下面仲要有一條燒紅鐵辣住隻腳, 又大廢氣味 ...

我唔肯定我講的係唔係直接原因, 但我覺得以呢個推理方向睇,應該有少少關係…

呢一點, 可能要請搭過呢批車在新加坡行走的人補充一下。


幾乎在新加坡行的每一架非冷氣巴士, 都有安裝車廂的主動式通風系統(即係風機+額外通風槽)

但係後來城巴改裝時, 已經拆走左呢套系統, 咁樣可能會引致架車特別焗(因為少了通風渠道)


P.S: 其實唔止新加坡, 在香港的所有87年之後出牌的全新熱狗都有裝, 不過後來廢左+拆埋而已。

原帖由 海怡工貿 於 2009-8-2 19:39 發表

點解城記大量買冷馬又無被迫解凍呢
同岸既競爭對手中記10部利蘭冷馬都被迫解凍, 變成LM

城巴就係要以冷氣車黎提升競爭力，咁點解仲要買新熱狗？
中巴買新熱狗同城巴買邊款車有咩關係？
仲有，個10架LM唔係解凍返黎囉....

原帖由 HB00610 於 2009-8-2 22:02 發表 我唔肯定我講的係唔係直接原因, 但我覺得以呢個推理方向睇,應該有少少關係…呢一點, 可能要請搭過呢批車在新加坡行走的人補充一下。幾乎在新加坡行的每一架非冷氣巴士, 都有安裝車廂的主動式通風系統(即係風 ...

印象中呢批車雖然係2+2座位
但其實比今時今日2+2係窄好多
所以人多就座得好逼
感覺就特別熱