[轉載]窮人一出世就係輸家 － 這一代是輸家中的輸家

原帖由 3ASV196 於 2009-8-16 17:11 發表


I SEE I SEE...原來是要配給

其實你咁講, 似乎與現在制度是極大的分歧, 配給想法
似乎同共產主義比較接近....(但內地依家都無咁做)

不過我想講係, 以現時的香港安全網, 只要你申請,
係唔會無地方住, 最多只是一 ...

同共產的分別爭好遠。

我頂多只係不承認有限責任制+不承認不直接使用的生產工具的擁有權咁多者。離共仲有好大距離。

原帖由 Kaix 於 2009-8-16 18:51 發表


原來勤奮讀書係為左做李嘉誠陳志雲，做唔到就不如唔好讀

我只可以講句不知所謂

原來第四代香港人不配為自己主宰自己地方的經濟及生產工具，而要問一堆永遠不老不死的第二代香港人或其走狗(畀面呢堆人了)下一步你要我地做到有幾似隻牛。

失覺晒。

或者咁講，呢個係社會發展以來的必然現象......

正如樓主轉載話齋，各行各業大都已發展成熟，新工種不會太容易出現，
又有很多工序被機器／電腦取代，當科技越進步，職位減少是必然現實。

奈何，大學生比例上升，都唔知係好事定壞事，睇落去好似多些人有較高學歷，好似前途會較好，
但全香港同時多了大學生，只係將以前在中五出去搵去的一班人拖遲幾年先投入勞動市場，
這班人又會以自己係大學畢業生自居，可能接受不了較低下的工作，
呼應返早前S3BL100的文所帶出的思考，當人人都想高攀，便造成低下階層無人做，中層職位太多人爭。

我有時都幾睇唔過眼，一些學歷比我低，待人接物也不見得比我圓滑的師弟妹，
搵到份工，但係話人事關係唔好就唔做，我心諗不如你讓畀我做啦，
我唔怕人講乜，亦都唔怕人地點我做多啲嘢，即使明知蝕底，我只要求有份糧開飯。
我而家就係讀完碩士，自知唔夠能力再讀上去，想搵工，不過我的能力同field好工唔易搵。

或者我對自己要求太高，如果自覺做唔好，我唔會想去apply呢份工，無謂累人累物，但可能過多幾個禮拜又唔同諗法。

我只欠defense seminar便可以MPhil畢業，教授畀錢畀到9.30，
之後係繼續做落去定係點，我都未諗清楚，現時搵緊政府工同埋與保育環保有關的工作，希望有好消息啦。

原帖由 Pendolino 於 16/8/2009 21:19 發表

原來第四代香港人不配為自己主宰自己地方的經濟及生產工具，而要問一堆永遠不老不死的第二代香港人或其走狗(畀面呢堆人了)下一步你要我地做到有幾似隻牛。

失覺晒。 ...

的確有人在受訪時明言此點──曹仁超是也。

原帖由 238X 於 2009-8-16 22:27 發表


的確有人在受訪時明言此點──曹仁超是也。

呢個就仲正，第二代香港人做第二代的走狗

原帖由 DIH 於 2009-8-16 22:07 發表
奈何，大學生比例上升，都唔知係好事定壞事，睇落去好似多些人有較高學歷，好似前途會較好，
但全香港同時多了大學生，只係將以前在中五出去搵去的一班人拖遲幾年先投入勞動市場，
這班人又會以自己係大學畢業生自居，可能接受不了較低下的工作，
呼應返早前S3BL100的文所帶出的思考，當人人都想高攀，便造成低下階層無人做，中層職位太多人爭。

１０年前真係無大學畢業生想做低下階層職位，
不過近年的心態，要是低下階層職位不受現在種種的腐朽制度束膊，一試也無妨。

原帖由 Kaix 於 2009-8-16 18:51 發表
原來勤奮讀書係為左做李嘉誠陳志雲，做唔到就不如唔好讀

我只可以講句不知所謂

咁上面站友Pendolino只係由社會學角度分析呢班人點解唔努力讀書的其中一個原因者。

不過無辦法，中國人「學而優則仕」個觀念、包袱太重。好可悲。

原帖由 kwyeung 於 2009-8-16 12:41 發表

咁講真, 好多係香港讀書既中下階層學生,
又係咪真係咁勤奮好學？.

無錯，但係當中好多我相信個問題係屋企無王管（雖則呢樣野就算係有錢人家庭都時有發生），當中有唔少
更加係因為屋企人教育程度低，唔care，無中六讀咪算囉，最好快d出去搵份工同我賺錢養家。

至少我見過有幾個咁既case。

不過講返轉頭，年年有成兩三萬人咩會考零分，我真係諗極都諗唔明。會考d野咁trivial，只要肯寫少少野落去都已經唔會零分啦。
前排個何漢權仲晌報紙撰文話咩「會考十八分果班人，成績好好丫……七年努力轉頭空」，簡直離晒大譜，乜家陣會考18分好叻咩？
（按：我得閒都有上下某大討論區個升學心得專區，佢呢篇文晌果邊俾人插到飛起）

睇見香港咁多學生無motivation讀書，政府仲話要咩大專教育普及化，真係徙氣，普及化之後就會令到呢班人水平高左咩？就會令到
需要高學歷工種的數目多左咩？計我話，18%入大學率都係太高，降返去10%就差唔多。

（我知道我係既得利益者，以上言論好容易得罪人，歡迎狠批）

原帖由 DIH 於 2009-8-16 22:07 發表

我有時都幾睇唔過眼，一些學歷比我低，待人接物也不見得比我圓滑的師弟妹，
搵到份工，但係話人事關係唔好就唔做，我心諗不如你讓畀我做啦，
我唔怕人講乜，亦都唔怕人地點我做多啲嘢，即使明知蝕底，我只要求有份糧開飯。
我而家就係讀完碩士，自知唔夠能力再讀上去，想搵工，不過我的能力同field好工唔易搵。

或者我對自己要求太高，如果自覺做唔好，我唔會想去apply呢份工，無謂累人累物，但可能過多幾個禮拜又唔同諗法。

OT：其實你有無諗過走science journalism，睇你發表的文章，我覺得其實你應該幾適合，而且我（主觀上）認為香港其實好需要多d呢類人。

anyway，唔好話「自知唔夠能力再讀上去」，要相信自己的能力的同時，留意一下別人對自己的正面及負面評價，慎重考慮，否則真係變成self-fulfilling prophecy，而且起碼你個field比起我果個講effort多過ingenuity。

原帖由 Kaix 於 2009-8-16 18:57 發表
冇人迫你買貴樓，
再講香港有6-7成人口係住公屋/居屋，
你講嘅乜野每一個香港人，係唔正確

問題係住公屋的一批，好多都係寄望子女讀書有成，供起一層樓，而子女出來工作之後，收入好易超過公屋入息上限，但係供樓又有好大困難，否則點解會有人拎呢樣野黎講？

講返正題，我叫做晌屋村小學同傳統名校分別讀左六年。傳統名校的同學，平均家境的確較好，亦都比較多人入到大學，特別係外國名校或者一些旁人趨之若鶩的專業科目。我無呢方面的確實數據，但係如果有，拎黎做statistical analysis，來分析樓主的point，其實會係一個相當有趣的research topic。