[轉載]窮人一出世就係輸家 － 這一代是輸家中的輸家

原帖由 S3BL100 於 2009-8-17 07:47 發表


不過講返轉頭，年年有成兩三萬人咩會考零分，我真係諗極都諗唔明。會考d野咁trivial，只要肯寫少少野落去都已經唔會零分啦。
前排個何漢權仲晌報紙撰文話咩「會考十八分果班人，成績好好丫……七年努力轉頭空」，簡直離晒大譜，乜家陣會考18分好叻咩？
（按：我得閒都有上下某大討論區個升學心得專區，佢呢篇文晌果邊俾人插到飛起）

唔明會否是「學而優則仕」個觀念根深蒂固？
只要肯寫少少野落去都已經唔會零分，其實問題並非零分ｏｒ有分，而係「學而優則仕」的紛圍下即使擺脫零分執到一兩分又如何？

原帖由 barking 於 2009-8-17 08:57 發表


唔明會否是「學而優則仕」個觀念根深蒂固？
只要肯寫少少野落去都已經唔會零分，其實問題並非零分ｏｒ有分，而係「學而優則仕」的紛圍下即使擺脫零分執到一兩分又如何？ ...

其實我諗100兄講的唔係指結果, 而是想帶出好多人無心讀書...

如果真係有努力, 一個正常學生, 係唔會得0分, 或1-2分...

不過我覺得大學增加學位, 都唔可以講係壞事, 最少都俾多d
人接觸到大專教育, 即使出黎效果未必好好, 但嘗試過都唔
係壞事....

當然, 近年似乎越來越多大學生"唔生性", 大學都可以俾人踢
出校, 都見唔少...GPA 低過1 都可以出現...

原帖由 S3BL100 於 2009-8-17 07:56 發表


講返正題，我叫做晌屋村小學同傳統名校分別讀左六年。傳統名校的同學，平均家境的確較好，亦都比較多人入到大學，特別係外國名校或者一些旁人趨之若鶩的專業科目。我無呢方面的確實數據，但係如果有，拎黎做statisticalanalysis，來分析樓主的point，其實會係一個相當有趣的research topic。

會否是因為他們普遍成績彪炳，所以比較多入到外國名校或者一些旁人趨之若鶩的專業科目？

（離題一講，以我所知，很多公司在選擇聘請時亦講究應徵者的「住址」）

原帖由 barking 於 2009-8-17 09:32 發表

會否是因為他們普遍成績彪炳，所以比較多入到外國名校或者一些旁人趨之若鶩的專業科目？

（離題一講，以我所知，很多公司在選擇聘請時亦講究應徵者的「住址」） ...

當然，成績彪炳是入外國名校或者一些旁人趨之若鶩的專業科目的necessary condition，所以我提出的research question可以rephrase作：
家境與學業成績是否有任何correlation？

雖然經常聽聞窮家子弟「寒窗苦讀」考成狀元，亦有不少富家子弟終日沉迷玩樂，不過如果research的結果是兩者有positive correlation，我一點都不會覺得驚訝。

至於最後一點，我聽過有人住公屋想in Big 4，結果連interview的機會都冇，跟住借用男朋友個地址，即刻有interview機會，最後仲獲聘添。商業社會就係咁現實。

原帖由 3ASV196 於 2009-8-17 09:20 發表
不過我覺得大學增加學位, 都唔可以講係壞事, 最少都俾多d
人接觸到大專教育, 即使出黎效果未必好好, 但嘗試過都唔
係壞事.....

咁又返到一個基本問題。點解要俾更多人接受大專教育？目的係乜？

如果係專業知識，咁香港根本無咁多technical jobs需要咁多高級勞工。
如果係講緊人的整體素質，呢個無錯係外國唔少學校（特別係名牌大學）train學生的主要目的之一，
但係我會奇怪呢樣野點解會係大學的責任，而唔係中小學應該就慢慢build up。
如果係訓練思考能力，唔好意思，我唔覺得呢班終日只會搞莊務糖水會dem無聊beat呢類幼稚白痴活動
而又對社會缺乏承擔的大學生有咩咁高人一等的獨立思考能力。而思考能力，同樣應該係中學就應該訓練。

再者，顯而易見，而家個大專教育個平均效果，係比起幾十年前差得遠，呢點無須多講。

原帖由 S3BL100 於 2009-8-17 15:29 發表


咁又返到一個基本問題。點解要俾更多人接受大專教育？目的係乜？

如果係專業知識，咁香港根本無咁多technical jobs需要咁多高級勞工。
如果係講緊人的整體素質，呢個無錯係外國唔少學校（特別係名牌大學）train學生的主要目的 ...

我覺得是一個學習模式的問題....

其實或者咁講, 中小學都是集中於已知的學問的認知.....
而大學係一個發掘新學問的地方, 這個學習模式/方向
亦係同中小學最大分別的地方....
相信閣下亦非常清楚大學教育的特色..

而這種學習模式, 未必係人人都o岩gei, 中學考試叻的人,
未必係追尋學問方面, 可以好成功,相反亦係, 最直接
例子, 可以睇返陳同學, 雖然會考得14分(有無記錯?),
但其發明的天分是甚高, 亦獲得大學的收錄..

我想強調係, "嘗試"..我之前講係 "最少都俾多d人接觸到
大專教育, 即使出黎效果未必好好, 但嘗試過都唔係壞事...."

嘗試係俾學生係大學裡, 更加去清楚返自己學習的方向及
能力, 同時亦為將來學問研究, 收納一定人才...

另外, 一個人的思想/整體素質的建立, 唔係一時三刻, 而是由
幼稚園, 小學, 中學, 到大學, 甚至工作經驗黎建立, 我唔會
講d責任去晒一度, 不過只是覺得如果俾更多人感受到大專
教育 (當然要有一定能力的人) , 並唔係一件壞事...盡管
平均質素一定有所下降..

原帖由 S3BL100 於 2009-8-17 07:52 發表


OT：其實你有無諗過走science journalism，睇你發表的文章，我覺得其實你應該幾適合，而且我（主觀上）認為香港其實好需要多d呢類人。

anyway，唔好話「自知唔夠能力再讀上去」，要相信自己的能力的同時，留意一下別人對自己的正面 ...

大OT：我其中一份等緊有冇得in的工，似乎同你講的science journalism有少少相似......
不過已經有同學in過，唔知會唔會再搵我呢～

至於我話唔夠能力再讀上去，講真，scientific background唔係問題，
如果係十年前我可能會繼續讀，但現在多了一樣東西叫內地生，那個落差實在太大，
佢地可以由朝到晚一路做做做，無家庭無社交無娛樂。
我的教授都算有一對精明的眼睛，佢唔會只係睇你出現幾多小時，邊個做到嘢佢心知肚明，
可惜同胞們的公德心尚待改進，個lab成日周地chemical，consumables用晒又唔出聲，我真係頂唔順。

不過呢，最主要的原因，都係我發覺我對這個學科的興趣，不至於每分每秒都在「想念」，還是及早抽身為妙。

好喇，回正題：
我就真係唔覺窮人係輸家喇，我反而覺得有錢仔女，
如果被寵壞了，那副不可一世或「何不食肉糜」的態度，
今天他們可能很享受生活，將來後果還是要由自己承受的。
我自己都可以話出身於勞工家庭，廣大九巴乘客養大我，
我父母（尤其是我阿媽）非常自豪的一件事，
是我從來沒有額外拿過別人或政府一分一毫就讀完大學（政府一視同仁的津貼唔計），
現時生活尚算可以，我相信我的能力始終會有用武之地，到時回饋社會報答父母，咁就「威哩骨」喇。

[ 本帖最後由 DIH 於 2009-8-17 21:13 編輯 ]

原帖由 Pendolino 於 2009-8-16 21:19 發表

原來第四代香港人不配為自己主宰自己地方的經濟及生產工具，而要問一堆永遠不老不死的第二代香港人或其走狗(畀面呢堆人了)下一步你要我地做到有幾似隻牛。

失覺晒。 ...

香港700萬人有幾多個李嘉誠，就算陳志雲都唔會多

可能又係香港人非黑即白嘅心理，
做唔到富豪就不如乞食

我自問好冇大志，我覺得人生最終去到4-5萬人工已經好滿足，
第四代有冇人做到李嘉誠唔關我事，我做好自己分內事就ok

咁神都幾唔公平，咁冇大志嘅人就做到大學生，
目標做李嘉誠嘅就會考零分

不過會考零分嘅學生，有幾多係因為「冇機會做李嘉誠」而唔讀書?? 我真係冇聽過

[ 本帖最後由 Kaix 於 2009-8-18 00:00 編輯 ]

原帖由 S3BL100 於 2009-8-17 15:23 發表
至於最後一點，我聽過有人住公屋想in Big 4，結果連interview的機會都冇，跟住借用男朋友個地址，即刻有interview機會，最後仲獲聘添。商業社會就係咁現實。

咁呢個又過分左d