[轉載]窮人一出世就係輸家 － 這一代是輸家中的輸家

原帖由 053h4 於 2009-8-18 23:29 發表


你所提到的例子, 某程度係反映左家景富裕的重要
除左音樂神童, 興趣係要陪養, 而家庭背景好, 屋企本身就聽下Classic玩下樂器
間中又去下聽音樂會去歐遊見識下
細路興趣就會大好多

而一般財力文化背景唔好, 咁比錢去學興趣班都唔會學得識

同一件事，大家睇法有唔同。
用返音樂做例子，
我睇到的就係，有錢人未必有聽classic玩樂器的文化；
相反，冇錢即使冇得聽音樂會，去到最遠都係長洲，都唔代表接觸唔到音樂。

我都完全沒有聽歐洲古典音樂的習慣，但我細個入過小學歌詠團，唱過三年，
而家人都係聽流行曲，由陳慧嫻到張惠妹，黎明到光良，Backstreet Boys到Aqua，
這些絕對是普通人家負擔得起的娛樂，我唔覺得流行音樂就唔係音樂，
我唔理Mark哥有冇抄，但我真係覺得佢編曲好好。
其他Il Divo、Vitas、林一峰等等全部都係自己發掘，無人教的。

我阿媽近年不斷播粵曲CD，都真係幾值得欣賞，而呢啲更加係有錢人唔會理的玩意。

講咁多，即係話，只要你有heart，有冇錢都唔係問題嘅，各有各市場架嗟～

我從來唔認同李+x。

但係如果一個社會係去到一個普通人充其一生都無任何見到李+x車尾燈的可能，
而且欠缺的的根本就唔係乜野學科知識，而係你的家底，
咁呢個社會叫人努力讀書的理據就變得相當薄弱。

係呀，你係終於換取到表面上收入分勻全家等於GDP/capita，
實際上已經係top 15%的人工，
但係規則永遠係由一堆top 5%，而且分分鐘係Top15%起步都唔會上到去的人決定個陣，
你咁努力做乜？

到底你最終並無控制生產工具的能力，專業人士只是一個較體面的無產階級罷了。

原帖由 DIH 於 2009-8-18 23:59 發表

同一件事，大家睇法有唔同。
用返音樂做例子，
我睇到的就係，有錢人未必有聽classic玩樂器的文化；
相反，冇錢即使冇得聽音樂會，去到最遠都係長洲，都唔代表接觸唔到音樂。

我都完全沒有聽歐洲古典音樂的習慣，但我細個 ...

當然呢D全部都係音樂，但係呢D音樂並唔能夠幫你係香港社會入面達成甚麼。

粵曲班都無用架，佢可以幫你拎到乜野船去讀好書？

看畢這個topic想了很久
越想越覺得不對勁

何謂機會少了?
也許你要發達的機會少了
但你能做到自己所想的機會
並不比以前少

會考0分一定是失敗?
不是的，或者佢拍拖拍得好開心呢
會考15分一定比30分聰明?
不是的，15分或者更加明白0分同30分的感受呢
因為他與兩者的差距都只有15分嘛

我覺得
如果你有讀書才能而又想去讀書
咪去讀囉~ 我相信你會快樂的
如果你係有焗麵包才能而又想焗麵包
咪去焗囉~ 何必要做某個標準下的成功人士?

原帖由 ming 於 2009-8-19 01:57 發表
看畢這個topic想了很久
越想越覺得不對勁

何謂機會少了?
也許你要發達的機會少了
但你能做到自己所想的機會
並不比以前少

呢篇文咁多板友似乎真係將「機會」個focus擺左晌「發達」方面。

但係，事實上，就算唔講發達，無錢既人機會的確係少過有錢人。

例如，屋企環境唔好，小朋友想學樂器，都係一種負擔，你唔通就咁同佢講，「何必一定要conform，人學樂器你又學樂器？得閒聽下流行曲就滿足啦」？
根本講唔通。雖則好多學樂器的小朋友都唔係真係有興趣，但係因為無錢而無法學，分分鐘係導致才華被埋沒。

又例如，屋企環境唔好的青少年，成績優異，想同一d屋企環境同成績都唔錯的中學生一樣，去ivy league讀書，甚至之後讀埋個PhD，但係屋企應該無乜可能供得起。唔好同我講話有咩獎學金可以申請，呢d本身競爭好大，而且係睇applicants的多方面不同才能（所以屋企環境唔好的學生又係輸蝕一截，好多外在credentials，例如課外活動，學樂器呢類，基本上機會已經比人少）。咁你唔通同佢講，「晌香港讀書都一樣者，讀完快d出去搵工賺錢仲實際」，或者「PhD要讀咁多年，不如唔好讀，唔係個個人都有PhD先至叫成功」咩？雖然硬知識可以靠自學，但係晌香港讀同外面名校讀，個體驗、得到的benefits，以至實際少少 - 搵工的競爭能力始終爭好遠；again，無錢既人呢方面又係disadvantaged。

以上呢d例子，全部同「發達」無直接關係，只係想做自己所想而已，唔通你夾硬要人因為窮，就conform，唔好做「某個標準下的成功人士」？咁仲邊度算係「想自己所想」？個現實係，窮人想做到「想自己所想」的機會，的確係少過經濟上有能力的人，而且機會因社會因素轉變而不斷減少。

原帖由 S3BL100 於 2009-8-19 05:53 發表


呢篇文咁多板友似乎真係將「機會」個focus擺左晌「發達」方面。

但係，事實上，就算唔講發達，無錢既人機會的確係少過有錢人。

例如，屋企環境唔好，小朋友想學樂器，都係一種負擔，你唔通就咁同佢講，「何必一定要conform，人學樂 ...

講真, 正如之前所講, 呢d野真係無得好講的, 比上不足, 比下有餘,
一定有人比你有錢, 又一定有人比你更窮, 邊有可能一定人有你有,
除左一直講的家底, 其實好多天份都係一樣, 點解有d人音樂天份高咁多?
有d人又語言天份高咁多? 點比都比唔到的...

但我諗重點唔係呢度, 而是一個正確的態度, 係唔係應該因為呢d
所謂原因, 就唔努力去做人呢?

樓上Pendolino 版友, 講左好多好深的原因, 什麼"無控制生產工具的能力",
什麼"無見到李+x車尾燈的可能"...直言, 我真係唔知佢講緊乜...但做人
係唔係一定要最TOP 5% 呢? 又真係咩先叫"成功"呢?

努力去讀書, 盡力去做每一件事, 原因其實真係唔駛去到咁複雜, 對得住
自己, 對得住家人/父母, 已經好足夠......

人人機會的確唔同, 甚至好多人一出生就有缺憾, 但只要係自己能力下,
做到最好就夠....呢個社會本身係需要不同階層的人, 亦唔需要700萬個
李+x...所謂努力, 並唔係指一定要去到最top, 而是係自己控制到的範圍,
做到最好, 就好似好多家庭主婦, 佢唔駛什麼控制生產工具, 亦唔駛指望
見到李+x車尾燈, 只要佢每日煮到餐好飯, 已經努力了, 亦心滿意足了...

而當然, 作為學生, 是有努力讀書的責任, 而每個人係不同崗位, 做到
自己能力的最好(或努力爭取到最好的機會), 已經係完成最大的責任..
亦係做人應有的態度...下下同人去比較機會, 真係好無意思

窮唔緊要, 而最慘唔係輸俾人, 而是輸俾自己!

[ 本帖最後由 3ASV196 於 2009-8-19 09:22 編輯 ]

控制生產工具已經唔係成唔成功的問題，而係一個好現實—雖則好左，究竟係你管理自己人生，還是被某階級將你指黎指去的問題。

香港的現實就係，並無任何往大資產階級移動的可能。小資？領匯/市建局收番你間舖未？你根本只是一名glorified proletariat.