[轉載]窮人一出世就係輸家 － 這一代是輸家中的輸家

原帖由 S3BL100 於 2009-8-17 07:36 發表
咁上面站友Pendolino只係由社會學角度分析呢班人點解唔努力讀書的其中一個原因者。

不過無辦法，中國人「學而優則仕」個觀念、包袱太重。好可悲。 ...

有幾多個會考零分嘅係因為佢個原因而唔努力讀書???

而努力讀書又係咪為左要擠身上流社會??
我會覺得努力讀書只係一張社會入場卷


btw，我對上流社會係完全冇興趣

原帖由 Kaix 於 2009-8-18 00:16 發表

有幾多個會考零分嘅係因為佢個原因而唔努力讀書???

而努力讀書又係咪為左要擠身上流社會??
我會覺得努力讀書只係一張社會入場卷

btw，我對上流社會係完全冇興趣 ...

咁我只係話Pendolino係分析緊呢班人無motivation讀書的其中一個原因，我都好清楚
有好多會考零分根本上係對讀書、擴闊視野完全無興趣，有d仲諗住將來立志食綜援添。

我唔係話我認為呢班人咁做或者咁諗係正確，只係雖然一路講緊呢班人點解會考零分，但
係主觀上我係接受唔到點解可以唔讀書去到咁既地步。

而努力讀書又係咪為左要擠身上流社會？我唔認同，但係我相信唔少學生以至家長都係咁諗。
我叫做年年都相當留意會考/AL放榜的新聞，唔難搵到年年都有幾個狀元有呢類幻想。
（或者講「擠身上流社會」好似太巿儈，不如講upward mobility比較academic）

p.s. 或者咁講，我對於點解有人at the outset就已經注定自己會考唔會超過18分呢樣野係不可接受。
記得我會考當年考oral，試場外有個青年團體做調查，問學生需要咩支援服務，當中有一條問題係問估計
自己會考幾多分，係選擇題，類似有0-3、3-6、6-9、9-12、12-15、15-18、18+，我睇到呢條問題，
第一個反應係，唔係呀話？你係咪當18分以上班人個個都好叻，18-30都無分別？咁我果陣考完每一科都
估計自己會A果科，就填左個30落去。

[ 本帖最後由 S3BL100 於 2009-8-18 00:33 編輯 ]

原帖由 3ASV196 於 2009-8-17 16:06 發表

我覺得是一個學習模式的問題....

其實或者咁講, 中小學都是集中於已知的學問的認知.....
而大學係一個發掘新學問的地方, 這個學習模式/方向
亦係同中小學最大分別的地方....
相信閣下亦非常清楚大學教育的特色..
...

我唔係話你錯，但係其實係咪可以中學就已經俾學生多d接觸呢d不同「學習模式」呢？

再者，儘管大學比中學更強調獨立思考和自學能力，但係根據我的觀察，中學本身已經讀得唔掂、基礎
打得唔穩固的人，大學基本上無乜可能讀得掂，特別係一些technical field。而中學讀得唔差的人，當然
都唔係個個能夠適應大學的學習模式。that's why我先至懷疑大學教育普及化的效果，會唔會搞到好似美
國咁出左一大堆野雞大學野雞學生，香港而家似乎已經慢慢向呢個方向前進。

empty---

[ 本帖最後由 Kaix 於 2009-8-18 00:31 編輯 ]

原帖由 S3BL100 於 2009-8-18 00:22 發表
咁我只係話Pendolino係分析緊呢班人無motivation讀書的其中一個原因，我都好清楚
有好多會考零分根本上係對讀書、擴闊視野完全無興趣，有d仲諗住將來立志食綜援添。

而努力讀書又係咪為左要擠身上流社會？我唔認同，但係我相信唔少學生以至家長都係咁諗。
我叫做年年都相當留意會考/AL放榜的新聞，唔難搵到年年都有幾個狀元有呢類幻想。
（或者講「擠身上流社會」好似太巿儈，不如講upward mobility比較academic）

最弊佢講到呢個係主因呢


高人工唔等於就係上流社會，
上流社會反而係形容緊一種生活方式

原帖由 053h4 於 2009-8-17 18:50 發表
無論升學, 就業, 非學術的所謂"多完智能", 見識, 社會地位等等都係有一定作用
有錢點都係有著數, 呢樣真係無得好講

不過, 應該咁講, 好少話努力讀書, 或者花心機係工作方面, 係正常的經濟環境, 唔會一D成績都無

或者俾我藉呢個機會補充返我晌#30提到的point：

事實上，近五至十年來，就算係DBS/DGS、Co-ed呢類傳統名校，要直入外國名牌大學，已經變得非常困難，
因為人地重視學生的多元智能，IB個syllabus比起CE/AL更能做到呢樣野；所以要入名牌大學，好多學生考完會
考都會入李寶椿或者其他boarding school/國際學校，爭取更理想機會。

我識有唔少人，會考4A至7A，經過兩年IB的洗禮之後，都入到LSE/Stanford/Harvard/MIT/Princeton，好多傳統名校
8-10A都望塵莫及。個問題係，IB學費貴好多，又係有錢人/中產的專門玩意，好似我呢類窮學生係玩唔起。

而入到呢類名牌學府，身價會比起港大中大科大出來的學生高好多（咁講真，香港幾間大學的學生，好多都不知所謂，
拖累左整個平均質素），唔好講搵工，就算係報grad school，都係勝人一籌。所以我而家都煩緊grad school application
點樣同呢班名校出身的尖子鬥。（有時候港產學生個質素未必差過外面，但係淨係個curriculum已經輸人一截，加上佢地
唔係太多收香港學生的經驗，無咁大信心去收）

想當年，我中六果陣同學校老師講我想報外國學校，搵佢地寫推薦信，即刻俾佢地打沉，話無乜可能入到，點知結果
係我晌其中一間學校俾wait-listed（果間係其中一間more equal ivy，長列世界名校top 3之列，係邊間就唔講喇），
成間學校既人的態度即刻唔同晒，校長同老師隔幾間就問我一次「有冇收到信」，最後當然失敗而回。in retrospect，
我會考衰英文，同埋當年要申請need-based financial aid，都極可能係最終衰左個原因。

原帖由 Kaix 於 2009-8-18 00:42 發表

最弊佢講到呢個係主因呢

高人工唔等於就係上流社會，
上流社會反而係形容緊一種生活方式

或者應該咁講：班人見到前途無希望就無晒motivation讀書。有好多人小學讀得唔差，但係中學成績一落千丈，
當中唔少我相信都係呢個原因造成。

之不過，我始終都係接受唔到呢d青少年點解要咁諗。

至於「上流社會」，我會話高人工係擠身「上流社會」的necessary but not sufficient condition。

原帖由 S3BL100 於 2009-8-18 00:29 發表


我唔係話你錯，但係其實係咪可以中學就已經俾學生多d接觸呢d不同「學習模式」呢？

再者，儘管大學比中學更強調獨立思考和自學能力，但係根據我的觀察，中學本身已經讀得唔掂、基礎
打得唔穩固的人，大學基本上無乜可能讀得掂， ...

雖然我都唔太熟識, 但似乎快將推出的高中新學制, 的確向呢個方向行緊...
不過同時亦要留意返, 學習本身是分階段的, 如果基本知識都不足, 本身
就難於發展新的學問, 這亦正是大學教育點解放於中學教育之後的原因,
其實似乎大學教育, 將會成為基本教育的其中一環...

至於野雞大學野雞學生問題, 似乎的確會出現, 但觀乎歷史發展, 這大方向
無可避免....在我地婆婆 女麻 女麻 年代, 小學已經好叻, 識字已經搵到好多工,
到我地爸媽年代, 讀到上f.7 已經算叻, 曾特首最初都好似係f.7 ....教育一直
都係不斷普及化, 而整體社會對比平均教育水平要求, 亦不斷上升...但普及教育,
相對於精英教育, 壞處就一定係平均水平下降.....但睇返中學例子, 我地唔會
因為有d中學太差, 就去縮減中學學位, 叫人讀完小學就算, 將來大學情況都是
一樣....就美國已發展成熟的例子可以睇到, 好大學同差大學, 都是一樣可以並存,
好的大學同樣可以繼續成功.....就好似band1 同 band 3 中學可以並存一樣,
本身見唔到太大問題, 而係大學生數目多左下, 社會亦自然會為大學分級.....只
不過香港過渡緊, 由精英的大學生變成普及的大學生的過程, 有點不習慣而已
如果仲係覺得"大學生"呢個名就代表係好叻好叻, 似乎就已經過時了...

回返正題, 其實現在香港, 無論有無錢, 其實都可以靠自己努力, 讀書到較高學歷,
到時機會就會更加多...如果將問題只睇成有錢無錢, 困住自己係呢d限制下, 就
一定唔成功...知識/學問, 用咩方法都好, 只可以通過努力得到, 有錢幫助都唔會太..

[ 本帖最後由 3ASV196 於 2009-8-18 10:57 編輯 ]

原帖由 3ASV196 於 2009-8-18 08:58 發表

雖然我都唔太熟識, 但似乎快將推出的高中新學制, 的確向呢個方向行緊...
不過同時亦要留意返, 學習本身是分階段的, 如果基本知識都不足, 本身
就難於發展新的學問, 這亦正是大學教育點解放於中學教育之後的原因,
其實似乎大學教育, 將會成為基本教育的其中一環...

呢點我完全認同，that's why我見到唔少中學生讀到中六、七，基本學科知識依然缺乏，
先至質疑呢班人入大學受教育，個成效到底有幾大。特別係以香港個情況，呢班缺乏基本
知識同學科能力的學生，入到大學好可能反而係讀EE/social science呢類比較technical或
者academic的科目，我真係唔認為佢地能夠讀得掂，睇下而家各間大學收生成績最差的幾
個學科，學生的平均水平係點，就略知一二。

而事實上，我係反對而家課程改革個方向，train學生的「多元智能」at the expense of基本學
科知識，我唔認為大幅減少學科知識所佔份量（as opposed to 比重）對學生發展，甚至對多
元智能發展本身，有咩好處。特別係我本身係理科人，見到而家數phy chem bio個syllabus搞
到支離破碎，實在覺得好pathetic。

原帖由 3ASV196 於 2009-8-18 08:58 發表

本身見唔到太大問題, 而係大學生數目多左下, 社會亦自然會為大學分級.....只
不過香港過渡緊, 由精英的大學生變成普及的大學生的過程, 有點不習慣而已
如果仲係覺得"大學生"呢個名就代表係好叻好叻, 似乎就已經過時了...

咁當然我從來唔認為大學生有咩咁叻，有咩咁值得boast about，次次見到班牛頭角順嫂晌人地
面前吹自己個仔/女入到香港邊間大學，我心入面都會暗笑。

不過，講返轉頭，香港同某些教育大國（例如美國）的分別，在於美國仍然可以用學生由邊間學校
出身，對其水平作初步分辨，而香港係唔存在一間世界級的名校，一放棄精英主義搞普及化，後果難料。

原帖由 3ASV196 於 2009-8-18 08:58 發表

回返正題, 其實現在香港, 無論有無錢, 其實都可以靠自己努力, 讀書到較高學歷,
到時機會就會更加多...如果將問題只睇成有錢無錢, 困住自己係呢d限制下, 就
一定唔成功...知識/學問, 用咩方法都好, 只可以通過努力得到, 有錢幫助都唔會太..

咁呢個絕對係事實，但係個proposition係，有錢同無錢，晌機會（opportunity）黎講會唔會有分別；而多種跡象
顯示，分別是存在的。