九龍南線通車集中帖

原帖由 273a@gundam 於 2009-8-16 12:06 發表

哈
柯士甸我地成班fd一齊影相
整埋車站指南
GD

我覺得同九龍站距離勁近, 係車站10個有8個都係度影相

今日一睇有線新聞, 就見到有乘客淨係識聽港鐵呼籲行過對面月台轉車,
即使3號月台已經有一抽西鐵泊左係度都唔知咩事,
結果咪係2號月台呆等11分鐘先有一班車開出..........
(PIDS寫住11分鐘)

港鐵果個車務主管蔡先生上次叫紅磡站乘客坐東鐵去九龍塘轉地鐵去尖沙咀,
今日就呼籲乘客唔好走上走落行去另一面轉車,
行過對面月台轉車就可以~

其實佢有無諗過d乘客係對面月台轉車時見到
PIDS寫住10-11分鐘先開車的感受?
唔通仲要企係對面月台呆等咩
(今朝西鐵9分鐘一班時段,
有東鐵客轉西鐵時仲見到PIDS顯示16分鐘, 另一面月台就顯示7分鐘)

原帖由 ES464470X 於 2009-8-16 01:14 PM 發表
港鐵果個車務主管蔡先生上次叫紅磡站乘客坐東鐵去九龍塘轉地鐵去尖沙咀,
今日就呼籲乘客唔好走上走落行去另一面轉車,
行過對面月台轉車就可以~

其實佢有無諗過d乘客係對面月台轉車時見到
PIDS寫住10-11分鐘先開車的 ...

我希望電視台大特寫個pids串下蔡先生

原帖由 ES464470X 於 2009-8-16 13:00 發表
今日一睇有線新聞, 就見到有乘客淨係識聽港鐵呼籲行過對面月台轉車,
即使3號月台已經有一抽西鐵泊左係度都唔知咩事,
結果咪係2號月台呆等11分鐘先有一班車開出..........
(PIDS寫住11分鐘) ...

呢個係本身車站設計問題，想執都執唔到，執左又淨係用幾年。

想行少路要用頭尾6組扶手電梯往中層，但係又因為西鐵線只有7卡，
所以上落月堂前/後都要行一段路，而且又圍場起左鐵欄，
西鐵線果邊月台行人通道只有約一米，頭先就係因為前面有人頂住而走左班西鐵線，
要過返對面月台等另一班上行西鐵線，但係上左車都要等下一班西鐵線入左3號月台先開出，
即係如果我聽佢講唔過對面月台就要等足12分鐘先可以離開紅磡站。

有線新聞訪問一位穿衣不扣鈕的阿叔送車尾時，西鐵綫月台上PIDS顯示9分和27分後
才有車，乘客常理都會走上大堂去對面月台等車啦！跟那位港鐵車務主管所說，
只在對面月台等轉西鐵綫往尖東只有浪費自己時間 。就算西鐵列車繁忙時間3分一班，
紅磡站西鐵綫兩個月台梅花間竹開車，每面月台其實最密6分才有車。
往尖東的乘客只有「現場執生」

大家和傳媒只關注紅磡往尖東轉車可能要走上走落的不便，其實由尖東往紅磡轉乘
東鐵綫更加不方便，東鐵綫的列車有數個終點站(往羅湖、落馬州、上水、大埔墟、
沙田馬場有賽馬時更為經火炭或馬場)，更大機會1和4號月台之間走上走落轉車，
其中往落馬州和馬場最大可能性，月台有無資料顯示對面月台東鐵綫的列車終點站？

原帖由 238X 於 2009-8-16 11:43 發表


其實點解紅磡旁邊唔起番一組渡線呢？
又唔似 (太) 無位起...

可能預計將來會搬去另一個月台，所以港鐵唔想起，
而且營運中鐵路興建新波口位應該有點難度，還有信號系統。

但我個人認為近紅磡站果邊係需要有個波口位，岩岩搭左來回，
o係尖東站下行月台班列車等左陣，見到前一班入左尖東站上行月台，
搭緊果架列車先閂門開行。
搭返黎果陣就o係紅磡站2號月台等下一班西鐵線列車駛入3號月台先開行，
浪費左唔少時間。

以後都減少使用尖東站...咁樣轉過海仲慢過九龍塘...

港鐵果個車務主管蔡先生有無諗過乘客感受??

叫人唔好走上走落去轉車...行過對面月台就可以...

搭得MTR...就係想時間最快最準舒適去目的地...

以往紅磡< - >尖東...2mins...依家...不敢想像...

而且迫東鐵月票乘客使用尖東站過海...

因用尖東站過海(中/上環, 金鐘, 灣仔)為$7.7(3.9) vs 九龍塘過海(中/上環, 金鐘, 灣仔)為$9.5(4.8)

[ 本帖最後由 wty2710 於 2009-8-16 14:31 編輯 ]

原帖由 hz6751 於 2009-8-16 13:53 發表
......
大家和傳媒只關注紅磡往尖東轉車可能要走上走落的不便，
其實由尖東往紅磡轉乘東鐵綫更加不方便，東鐵綫的列車有數個終點站
(往羅湖、落馬州、上水、大埔墟、
沙田馬場有賽馬時更為經火炭或馬場)，更大機會1和4號月台之間走上走落轉車，
其中往落馬州和馬場最大可能性，月台有無資料顯示對面月台東鐵綫的列車終點站？

港鐵叫乘客上左對面果班車, 去到中途站先再轉車嘛,
不過就算中途站轉車, 對於乘客黎講都一樣會慢好多,
西鐵列車入左2號月台, 乘客想去1號月台轉車時,
睇完LCD電視再對錶, 發現開車時間係:
情況一:
落馬洲  4號月台   2分鐘
羅湖    1號月台    5分鐘
羅湖    4號月台    11分鐘
落馬洲 1號月台    14分鐘

去落馬洲的乘客如果唔走過去4號月台轉車,
就要等到14分鐘後, 1號月台先有車開往落馬洲,
去落馬洲的乘客就算中途轉車,
最後都要係中途站乘搭14分鐘後先開果班車~

情況二:
羅湖      4號月台   4分鐘
落馬洲  1號月台    7分鐘
羅湖      4號月台    11分鐘
羅湖     1號月台    16分鐘

去羅湖的乘客如果唔走過去4號月台轉車,
就要等到16分鐘後, 1號月台先有車開往羅湖,
就算乘客肯乘搭落馬洲列車再係中途站轉車,
但去到最後都一樣要登上11分鐘後4號月台開果班往羅湖列車
(倒不如一早行過另一面月台登上4分鐘後開出果班羅湖列車好過啦)

仲有呢度另一個post都有一位做港鐵車長的版友話
晚上收車時間會有列車以沙田為終點站, 不在紅磡站清客收車回廠,
即係西鐵轉東鐵乘客係有機會遇到:
羅湖    4號月台   5分鐘
沙田    1號月台   8分鐘
羅湖    4號月台   11分鐘
羅湖    1號月台   17分鐘

1號月台如果有西鐵轉東鐵乘客好似今日有線新聞拍攝到的情況,
企係月台死等爛等....就要等17分鐘先有往羅湖列車