ＭＴＲ有什麼令你覺得是最難受的？

原帖由 mckhgc 於 2009-12-24 14:24 發表

最後，連太快到目的地都可以批評為缺點 ，我唔知係有人講緊反話，定係巴士迷既水準真係如此

認同
我發覺宜家有D保巴迷真係咩都可以亂up...

[ 本帖最後由 OTIS401 於 2009-12-24 21:42 編輯 ]

唔可以唔講千九車d，又話d用人體工程學設計，又跣又頂背脊，真係好唔舒服，有時同d朋友搭車都話寧願等下一架 ~

你列出三方面批評,俾我感覺「先入為主」多於「理性討論」,用詞及語氣同樣吾係咁成熟。

就以廣告方面進行回覆,有幾多人會重視廣告或口號實踐性程度?廣告同口號通常都係向大眾展示最好一面,我吾認為港鐵用哩種手法有嘜問題及值得作特別的不滿投訴。如果你要將佢地歸入服務質素一併考慮,巴士公司如九巴既口號「九巴服務,日日進步」又係咪做到口號所講?如果批評,吾應該只針對港鐵而忽略其他交通機構(如巴士公司)使用同樣宣傳手法。(希望吾好介意)你比我覺得為批評而批評。

嚴格來講,成個討論似為針對港鐵為目的,睇番大部分批評,俾我覺得係為左針對而搵一個理由,既然諗一個理由證明港鐵服務點樣吾好,不如諗下點樣為我地生活帶來吾少方便及帶來各方面的效益,好過繼續進行哩D毫無意義批評;哩種風氣可能損害italk「理性討論」的形象,哩個精神係大家需要一齊去維持。

原帖由 ASV63 於 2009-12-23 21:06 發表
擠迫、距離我屋企遠、貴、有99.99999999999999999999999999...%的機會冇得坐、焗熱、對巴士'無禮'(經常搶巴士客)、莽顧乘客安全、愛出風頭(e.g. 搭昂坪360，自然科考試100分)......
總之多到成世都未講得哂！ ...

又一巴士迷無理反MTR :@

擠迫(逼)：巴士不見得唔會，而且同樣係逼起上黎，唔知逼邊樣辛苦？巴士定MTR行車穩定？同埋當巴士擠逼時，唔知會唔會有「人」視之為優點：證明該巴士線受歡迎、成功.....
都係o個句，想唔逼？有錢就私家車或的士，冇錢就請支持開辦更多小巴、村巴，保證有位坐唔使逼

距離我屋企遠：我同意MTR既滲透率不及巴士，我亦不滿政府一邊提倡鐵路主導，一邊又唔為鐵路唔到既地方做好接駁，更不滿政府屢屢把真正對公共交通有需求的貧苦大眾踢到冇雷公咁遠，MTR站附近就起埋D炒多過住，就算係住，又係十居其九有私家車既偽豪宅................:@ 但巴士亦不見得一定去到屋企樓下，否則佢都唔使攪咁多轉乘優惠。不過批評巴士同樣既野，又會有「人」話「下下點到點，你要巴士公司有幾多車、幾多總站坑口至夠？除非自己渣車，否則有邊度一定唔使轉車？係咪行幾步路去搭車或轉多次車都咁困難？.....」同埋，假如我住既地方只有MTR，我批評巴士距離我屋企遠，唔知又會唔會有人話「唔係巴士差，係政府打壓......」

貴：以偏概全！MTR比巴士平既情況亦唔少！尤其兩鐵合併後！當年未有馬鐵，幾多住馬鞍山，沙田城河東返學(或相反)既學生哥冇得選擇，焗搭81C,86C，畀全費搭少少，馬鐵出現後，就大大改善了此情況！兩鐵合併後更有半價！ 仲有呢幾年黎，我所見的是：MTR減左價，尤其之前要KCR轉MTR(或相反)既路程，合併後減得更厲害，巴士卻加過價！
哈！話時話，點解今晚平安夜，MTR通頂，收費都同平時一樣，而巴士D所謂節日通宵線，就貴過路程相若既常規路線咁多既？

99.99999999999999999999999999...%的機會冇得坐：MTR有得坐既機會係細，但你唔好講到咁誇！我同意呢個係MTR相比巴士最弱一環，但你睇下近年九巴做緊乜？起水塘、買直梯車，全部都係減座位既好事，不過咁又大把人撐喎，仲話起水塘增加載客量喎

焗熱：無理批評，巴士唯一較好既，只有冬天搭熱狗；其它情況，冬天搭冷馬，同MTR差不多；夏天呢，烈日當空既時候，冷馬巴士往往唔多夠凍，落雨時就凍死人！反而MTR溫度就較穩定，仲有夏天搭熱狗巴士就簡直係可怕......，尤其係過獅隧

對巴士'無禮'(經常搶巴士客)：巴士係好既，點會畀人搶客？優勝劣敗，有乜好怨？好似上述馬鐵搶81C,86C區內客，根本係巴士抵死，巴士搶渡輪客你唔嘈下？

莽顧乘客安全：我唔知你個point係乜，不過講安全，MTR又一定好過巴士多多聲，MTR除非畀人推落路軌，否則未聽過會搭鐵路而攪到有死傷，而且大部份MTR車站都有月台幕/閘門；巴士呢？等車時可能被人推出馬路，唔畀人推又可能係車(唔一定係巴士)剷上行人路(記唔記得03年城隧轉車站，有人等巴士等到變肉碎呀？)，好喇上到車，又係乜嚴重意外都可能發生，98年灣仔、03年汀九、早排將軍澳發生過乜事呀？有冇聽過有人搭MTR會有同樣意外呀？

愛出風頭：賣廣告而矣！何罪之有？九巴賣廣告又賣得少？你又唔嘈下？我夠可以話，八仔97年推出，九巴就要00年尾至全八，跟著又賣廣告自吹自擂，人地MTR 97年八仔一出就全線用得都冇咁多野講:@

[ 本帖最後由 mckhgc 於 2009-12-24 21:26 編輯 ]

原帖由 homan0323 於 2009-12-24 20:00 發表
你列出三方面批評,俾我感覺「先入為主」多於「理性討論」,用詞及語氣同樣吾係咁成熟。

就以廣告方面進行回覆,有幾多人會重視廣告或口號實踐性程度?廣告同口號通常都係向大眾展示最好一面,我吾認為港鐵用哩種手法有 ...

多謝你的回應

我都係 MTR 用家，若然是先入為主的話，我就會覺得以前仲係叫做「地鐵公司」係最好
自從地鐵上市之後，俾我感覺係太過向錢看，我明白作為上市公司係有責任賺取最高利益去回饋投資者，但正正因為這一點，眼見這家公司為了開財路而似乎忽略了乘客的舒適。

而廣告方面，再補充一點說，我個人不喜歡這種誇張的方式去推銷，舊時的一句「搭地鐵　話咁快就到」，市民大眾易入耳，而且又確切的做得到，總好過甚麼心的服務 ..... 可能在搭車時有頭暈身「慶」(唔識打) 要求助才 feel 得到 ?

原帖由 ~~Knysna~~ 於 2009-12-24 19:45 發表
唔可以唔講千九車d，又話d用人體工程學設計，又跣又頂背脊，真係好唔舒服，有時同d朋友搭車都話寧願等下一架 ~

千九既頭等位都唔係咁好咋，坐姿 / 角度唔係咁舒適而且偏硬，坐頭等梗係坐返 MLR

原帖由 1081 於 2009-12-24 22:04 發表

而廣告方面，再補充一點說，我個人不喜歡這種誇張的方式去推銷，舊時的一句「搭地鐵　話咁快就到」，市民大眾易入耳，而且又確切的做得到，總好過甚麼心的服務 ..... 可能在搭車時有頭暈身「慶」(唔識打) 要求助才 feel 得到 ?

像港鐵這樣的大公司，服務眾多，包括交通、零售、廣告、甚至繳費、無線寬頻熱點，已經很難想像單純為一項服務去賣廣告。

閣下所講的港鐵廣告，基本上並唔係宣傳任何產品、服務或路線，而係一種企業形象上的宣傳。唔需要用誇張或不誇張這把尺去量度，正如保險公司的廣告，永遠唔係直接宣傳產品，而係塑造你購買該產品後的遠景；九巴的廣告，唔係宣傳任何路線，係叫你緊握扶手，你認為會唔會有人因為扶手而多搭九巴？但九巴一樣係透過廣告塑造一個關懷乘客的形象而已。

[ 本帖最後由 ahbong 於 2009-12-24 22:55 編輯 ]

1. 經常要行很遠才到港鐵站。（由我家行去港鐵站入口要至少12分鐘（屯門站／兆康站））
2. 班次離譜（西鐵綫大部分時間都是6.5分一班，58M/58X更密）
3. 車費貴（屯門往南昌12.9，屯門往紅磡16.8）
4. 大部分(~90%)時間沒位坐
5. 不能爬頭
6. 轉車不方便（美乎／南昌）
7. 班次顯示屏誤導乘客（紅磡站的班次資料在未開車前就消失）

一時掛住批評ＭＴＲ唔記得在要ＰＯＳＴ係Ｒ１ＳＯＲＲＹ用港鐵線比較既話，東涌線班次真係幾弊下（不過比起巴士當然係ＶＥＲＹ　ＧＯＯＤ）下繁仲要有青衣特車，分分鐘要等兩班車有時放學過左青衣之後經常見到有一堆細路追逐＝　＝沙甸魚方面，又一個幾難忍既問題特別係坐長途（例如係東涌＜＞大圍）只有東涌線反應快既可能會有位坐而且有位坐都會比兩旁既客迫到想爆粗而且乘客聲浪太大，聽歌都ＲＥＬＥＡＳＥ（好似係咁串）唔到Ｄ噪音而且部分乘客公德心欠妥巴士係就係都有可能沙甸魚有時我青馬轉Ｅ３１都會無位ＢＵＴ巴士位多Ｄ而且車廂既“乘客密度”比ＭＴＲ低唔知係荃灣線車門特別虧還是該線搭客比較無公德心唔知道咩叫「停低你至精」試過荔景＜＞九龍塘除左石硤尾之外無一個站既門唔洗關左再開又關番係深水埗、太子同九龍塘情況特別嚴重見樓上講起紅磡站我都講下先南線通車之後我試過有一日放學特登坐南線紅磡站根本就唔係行過對面＝　＝而係要行上去再落第個月台港鐵站通常距離屋企有一段多於５－１０ＭＩＮ既距離我住市區既同學個個坐完ＭＴＲ仲要轉車／行好遠路係馬鐵沿線既比較好少少我不得不承認自己係個比較支持巴士（特別係載通）既巴迷港鐵都有好處既但係我唔識欣賞，唔好意思～

原帖由 1081 於 2009-12-24 18:42 發表
列車 : 唔知慳電定慳乜野，車廂的通風 / 空調都係麻麻地，唔係載得多人都好焗，熱天搭車甚至係無冷氣的感覺

香港人特別怕熱怕焗已經出哂名，
而香港地鐵車廂通風/空調好亦係世界上出哂名

唔好講倫敦咁極端，
剩係日本所有鐵路車廂，
香港人應該會窒息

相反日本人坐香港地鐵，
會覺得又凍又大風