要求港鐵公司停止收取月台幕門附加費

原帖由 053h4 於 2010-4-27 23:07 發表


即係你認同, 根本兩樣野都有唔合理的地方(我認為巴士公司為冷氣巴士定出較高費用，比地鐵公司收取幕門付加費更不合理)
咁真係唔知點解要收啦




我就唔知呢D係唔係叫矛盾, 後者就話絕非不合理

而家真係無一個制度 ...

不好意思，我在#25的說法是「幕門收付加費並非絕對不合理」，與你強加於我的「絕非不合理」不盡相同。

另外，合理與不合理，我不會看成是非黑即白。所以即使我認為兩樣野都有不合理的地方，但不代表我就要反對徵費，因為我亦看到當中合理的地方。
另外，希望有板友可以補充一下，當年地鐵開始徵費的詳情，到底是在非加價實施日開始向每程車費加入$0.1的附加費，還是將此附加費加入某一年的加價當中？若果是後者，似乎要港鐵停止徵費，亦並非立即每程可以減收 $0.1。

[ 本帖最後由 ahbong 於 2010-4-28 10:52 編輯 ]

地鐵由 2000 年 7 月 3 日開始收幕門附加費，聲稱至 2014-15 年才能回本。
而地鐵由金融風暴至兩鐵合併期間應無加過價。

詳細資料見於立法會文件

[ 本帖最後由 ccicoltd 於 2010-4-28 11:06 編輯 ]

其實二十億興建費係可以早幾年就回本..佢一年都有成十億進帳啦 (唔計開支)

但 07 年兩鐵合併，前地鐵路線都有得減價，
計番條數，附加費可以話已經取消左。

所以，似乎係盤數點入既問題居多。

唔係想護航，但講真，我真係覺得有 D 人將 D 本來只係
好小既問題放得好大，好似非要將自己不喜歡的東西
妖魔化不可。難聽點說，若非政客，實在沒有甚麼必要
講到咁誇張。九巴、新巴加價都唔止一毫啦，食肆甚至
一加就加好幾蚊。講增加市民負擔，有排都未輪到港鐵吧。

原帖由 238X 於 2010-4-28 11:48 發表
但 07 年兩鐵合併，前地鐵路線都有得減價，
計番條數，附加費可以話已經取消左。

所以，似乎係盤數點入既問題居多。

唔係想護航，但講真，我真係覺得有 D 人將 D 本來只係
好小既問題放得好大，好似非要將自己不喜歡的東西
妖魔化不可。難聽點說，若非政客，實在沒有甚麼必要
講到咁誇張。九巴、新巴加價都唔止一毫啦，食肆甚至
一加就加好幾蚊。講增加市民負擔，有排都未輪到港鐵吧。

地鐵車程 8 元以下減兩角, 九鐵係唔係一樣? 如果係, 咁只有地鐵車程會收的一角費用點可能話係取消左?

譬如一盒飯外賣加一元, 如果店方減價一元, 你會唔會話等如取消左飯盒的一元? 係, 你係可以咁諗紓緩下你心中的不滿, 不過外賣貴過堂食一元卻係不變事實, 因為減價係兩者一齊減. 不敬 D 講句, 咁樣的自我感覺良好會唔會有點自欺欺人?

原帖由 238X 於 2010-4-28 11:48 發表
但 07 年兩鐵合併，前地鐵路線都有得減價，
計番條數，附加費可以話已經取消左。

九巴、新巴加價都唔止一毫啦，食肆甚至
一加就加好幾蚊。講增加市民負擔，有排都未輪到港鐵吧。

你GE思維, 同部分玩外幣GE師奶可以話係無咩分別...

打從2000年開始, 地鐵公司就已經將收費分成 "車費" 及 "幕門建造附加費" 兩部分, 呢兩個部分係獨立GE.
即使07年兩鐵合併，前地鐵路線係有減價, 又或者黎緊6月港鐵公司將會加價,
咁呢個都只係 "車費" 部分受影響, 而"幕門建造附加費" 係無變過, 照舊收一毫.

當然, 你心理上可以咁諗GE, 但呢D叫做自己呃自己.
好似部分玩外幣GE師奶咁, 存定期賺左息,
但因為經濟環境改變, 令其手持的外幣的匯率跌左,
之後就自己呃自己話: "雖然蝕左價, 但賺左息, 都算平手離場",
閣下同呢班人, 似乎無咩分別.
但實情係, 蝕左價就係蝕左價, 賺左息就係賺左息, 兩樣野係獨立GE.


至於有排都未輪到港鐵公司的問題,
唔駛有排啦, 6月開始就已經係增加市民負擔啦, 你咪睇下到時港鐵加價止唔止一毫子囉,
記得睇埋入新界同入東涌的長途線WO, 唔係只睇市區線WO.

原帖由 238X 於 2010-4-28 11:48 發表
但 07 年兩鐵合併，前地鐵路線都有得減價，
計番條數，附加費可以話已經取消左。

車費減左價就叫取消左幕門附加費？
似乎閣下基本小學學術水平-數學都好差喎。
以學生優惠合併前和和併後部份單一個站之車費計
車費+幕門附加費
$2.3+$0.1     = $2.4   附加費佔車費 4.54%
車費減$0.1
($2.3-0.1)+($0.1)
車費+幕門附加費
$2.2+$0.1     = $2.3    附加費佔車費 4.34%

附加費就係附加費，車費就係車費，
即如扣分一樣，你扣我分，佢加我分唔等你無扣我分，
呢d錢銀既野無可能夾硬溝亂黎講。

[ 本帖最後由 hv6817 於 2010-4-28 13:40 編輯 ]

原帖由 238X 於 2010-4-28 11:48 發表
唔係想護航，但講真，我真係覺得有 D 人將 D 本來只係
好小既問題放得好大，好似非要將自己不喜歡的東西
妖魔化不可。難聽點說，若非政客，實在沒有甚麼必要
講到咁誇張。九巴、新巴加價都唔止一毫啦，食肆甚至
一加就加好幾蚊。講增加市民負擔，有排都未輪到港鐵吧。

而家唔係講緊乜乜乜加價點增加市民負擔，而家係講緊港鐵公司收取月台幕門附加費是否合理
請勿 offtopic

同埋我想講如果你當$0.1係少既就當唔係問題既，咁我就覺得你個論點非常有問題，你可以知港鐵每日乘客量有幾多啦？集少成多，每年既收入幾乎夠你過世。

其實我講果時都預左你班人會大肆討伐，
我諗如果唔係我掛住個評分專員職銜，
你地一早扣分扣到飛起。

不過我唔 care，講真。

我自己都係日日搭港鐵，仲要係前地鐵果邊。
佢收附加費時，我都已經係用家。但我只 care
一件事： 2007 年 12 月 2 日之後，我搭既每一
程 (地) 鐵都係收少左 2 毫。

我作為用者，只要錢都係落番同一間公司既袋，
點解我要 care 佢果一兩毫上落係咩名堂？佢收
少左兩毫就係收少左兩毫，咁已經抵銷左所謂
既附加費。That's all I care。
（評分係唔同人俾你，你連企個位都唔同，根本無得比較）

而且，呢一毫影響係咪真係咁大？果 D 百分比
係人都識計，但實數上落呢？一日兩毫，五日一蚊，
一個月六蚊，你平時食飯上落肯定唔止呢個數
（除非好似大陸Ｄ飯堂咁既質素就另當別論），
屋主加你租已經夠冚條數有突。如果要計到個人支出，
其實係應該計下呢一毫對成個財政收支有咩影響，
而唔係單純計佢對交通費影響－－除非你係政客。

仲有，果個積少成多... 唔該自己諗下港鐵係咩機構。
佢唔係私營的，大佬，每年收入夠我過世啫，但港鐵唔
係一個人的，收多咁多錢，主席果 D 人無甜頭的。
所以講呢句野其實無意思，唔通收番來 D 錢用來整
六合彩，一個人食哂佢咩？


結論：

如果下下都要計到咁死，一係就神經有問題，
一係就係擺明車馬拗交，非要拗死討伐對象不可。

所以我先至話有人誇大問題。
當然，如果佢個附加費係一蚊，就唔同講法了。

[ 本帖最後由 238X 於 2010-4-28 14:27 編輯 ]