曾蔭權指港人買樓心態奇特

我諗咁
一班話緊樓貴上唔到車既人
但佢地睇既樓係旺區時
真係冇野好講...

細心搵既
其實較平既樓一直有
而交通亦唔算差

之前有個case我記得係講一個女士想上車
結果佢睇左沙田第一城
之後就總結就樓價好貴就上唔到樓...
但其實同樣既價錢已經差不多搵到大一倍既樓
同樣都係沙田入面

原帖由 區麗芝 於 2010-5-17 23:57 發表


問題係而家樓價同市民負擔能力愈拉愈遠

樓市係過去一年升左20-30%..同一般市民O既收入實在係唔成比例

但其實難聽D講
冇咩必要下下係高位入市先至開心...
若果覺得價貴既
咁係唔係非買樓不可?

雖則自己只係year 1，但係同班同學講到畢業之後都有d灰
而家好多人一grad都話要買樓
我會覺得呢個只係佢地既目標，而唔係想一出泥就即刻有能力買樓
如果要以正途儲錢去置業，就算係d夠二人家庭用既二手細單位都唔會平得去邊
（好遠果d係平d，但其他野會蝕返條數，所以係冇咩分別）
大學生畢業既起薪點都唔會太高，計一計，講緊都起碼要七八年時間仲要係死慳死抵咁得返泥
又好難怪d人唔嘈

冇人話要一步登天，但係可唔可以從改善現有問題，令個過程合理返少少

原帖由 053h4 於 2010-5-18 00:22 發表
而問題根本重點就唔應該係樓價貴定平, 而家社會重點只係講資產價格變動
貴同平都一定有人唔高興, 除時重話政 ...

同意，其實問題在於價格係咪平穩。樓價無論係升定跌30% p.a.都肯定係有問題。
或者只怪香港人太鍾意炒樓....

原帖由 ~誰@359~ 於 2010-5-18 00:18 發表
雖則自己只係year 1，但係同班同學講到畢業之後都有d灰
而家好多人一grad都話要買樓
我會覺得呢個只係佢地既目標，而唔係想一出泥就即刻有能力買樓
如果要以正途儲錢去置業，就算係d夠二人家庭用既二手細單位都唔會平得去 ...

二百萬單位香港大把, 用H Plan月供唔駛一萬，用九成按揭保險，20萬首期+15萬雜費加裝修，儲35萬可以上車。

大學畢業生，兩個人一齊儲，我當你第一年每人9,000一個月，五年後做到主任級每人15,000一個月，平均每人每個月儲起三分一人工，出雙糧或者花紅時又儲起佢，即使樓價期間再升一兩成(花無百日紅，樓價唔會有升無跌，唔好見個市係咁升就去追貨，入市要考眼光)，四五年後都一定儲夠錢上車。

要買樓，咩年代都要死慳死抵，以前嗰幾代後生仔仲要俾一半人工做家用添！但而家有好多大學畢業生，畢業之後要去歐洲玩一個月，之後年年去一次日本旅行Shopping浸溫泉，隔半年買一個「勝利二型」手袋，之後就呻無錢要政府幫佢買樓，你話點幫得落手？

不過，我認為年青人買唔起樓同「港女」文化有一定關係。大家要知道，「港女」出名大花筒，要佢同你一齊儲錢，又或者買少幾個袋去少幾次旅行，真係睬你都傻。如果你搵正個「港女」做女友，而佢嘅「港女」習慣又一日唔改的話，就算樓董建華番嚟樓價跌一半，你都無錢買啦，老友！

原帖由 PB602 於 2010-5-18 02:26 發表

二百萬單位香港大把, 用H Plan月供唔駛一萬，用九成按揭保險，20萬首期+15萬雜費加裝修，儲35萬可以上車。

大學畢業生，兩個人一齊儲，我當你第一年每人9,000一個月，五年後做到主任級每人15,000一個月，平均每人每個月儲起三分 ...

無錯而家利率低到2.5%,借夠9成35萬都叫上到車,但當利率升多1%,
月入一萬應該無可能供到樓,別忘記層樓每個月都要交水電煤上網
同埋管理費,七除八扣唔好話要去旅行,分分鐘連你返工食飯搭車份錢
都無埋,唔通叫人行路返工?