曾蔭權指港人買樓心態奇特

原帖由 PB602 於 2010-5-19 00:34 發表
以中學計，其實而家讀名校唔代表一定有好前途，畢竟幾十年前皇仁、庇利羅士畢業生壟斷政務官嘅年代已經過去。

但仔女入到星級名校，父母就絕對虛榮：

朋友甲：你個仔喺邊度讀？
家長甲：聖保羅男女！
朋友甲：嘩！叻仔！

朋友乙：你個仔喺邊度讀？
家長乙：香港道教聯合會鄧顯紀念中學(極少港島人認識嘅上水超勁地區名校，無舊生億億聲咁捐錢，無超貴學費，一切只靠政府津貼，但2009年會考所有考生所有科目無人唔合格，連續13年會考5科合格率100%；2009年八成半中七畢業生入讀港、科、中三大，連續12年中七畢業生符合聯招入讀本地大學最低資格，論成績聖保羅男女有排都追唔上)
朋友乙：嘩！咩學校嚟？會唔會好雜？

我本身係聖保羅男女校友。閣下所言甚是。

我果年，未轉直資，會考班都應該有五、六個人少過五科合格（詳細個數字已經唔記得），十四分樓下更加大把，
form 6個admission requirement係會考19分，呢個分數的人，有幾多入到大學，大家心照。而家轉左直資，個水平變成點，我真係唔敢睇。

我當然唔係呢d人的一份子，form 6之後就入左大學。大學入面都識得幾個鄧顯舊生（呢間野而家個知名度，其實未必如閣下所講咁差），
佢地academically係好勁。但係我可以話俾大家聽，on average，將佢地同埋名校出黎、學業水平相若或者少一兩條A的學生相比，
其實係有分別：名校學生比較識sell自己，英文普遍比較好，
（至少名校唔會將英文當考試科目咁教，加上周圍同學大把semi-native speaker甚至native speaker），
而social network亦明顯比非名校頂尖學生強好多。須知道名校精英圍內個圈子其實好細。

名校學生呢d先天條件比非名校生優越，短期內都無乜大機會改變。

所以，如果屋企無乜錢，但係somehow能夠有方法入到名校（我屋企環境其實係below我間學校個average），只要
get through到心理障礙，同埋唔單單rely on學校老師教學（唔好諗住名校一定教得好），計落其實有著數，而且終生受用。

只係轉左直資之後，階級觀念據知越來越重（以前都仲有好多舊生係屋企環境唔好，包括前任校長同好幾個而家幾出名的醫生），
而且校方同校友之間關係麻麻。

===

不過閣下所講個情況，就正如我將會去讀PhD果間學校咁，個field本身排全美國第三，仲有幾個諾獎得主，
但係間學校本身唔出名，overall全球首百名不入，其他科據聞幾垃圾下。呢間學校香港人應該無乜聽過，
我如果走去同班親朋戚友講，佢地一樣會話：「嘩！咩學校嚟？會唔會好雜？」

反而如果我入到Yale或者Columbia（兩間都唔係個field入面top 10，我兩間都無報），佢地肯定會話：「嘩！叻仔！」

實情係香港學生要入外地名校，先天上本身好難，我個department呢十年應該無人入過MIT同Stanford，我當初報左
十間有八間都係top 10，結果出名果堆全部衰晒，出動埋大學超高層、我個畢業論文導師的stellar recommendation letter都唔掂，
反而呢間唔出名，但係原先預計最難入的一間又入到。

講真，呢樣野，其實我都覺得好唔公平。

[ 本帖最後由 S3BL100 於 2010-5-19 14:54 編輯 ]

原帖由 區麗芝 於 2010-5-19 19:40 發表
一間150萬O既樓，首期要45萬。假設一個月儲$5000，都要7 年半時間至儲到首期。 ...

150萬樓, 最低首期只係7.5萬(借95%), 一般好少借到咁盡, 就一成首期(15萬), 儲兩年半OK啦.

原帖由 S3BL100 於 2010-5-19 14:09 發表
對於大機構任職女性來講，化妝品同facial幾乎係必需品。

我自己雖然極不認同此風，但係呢個係社會現實。

1) 如果唔係做Bank / 金融界 / 見客, 大機構女性不一定要化妝同做facial
2) 即使係必需, 既然做得大機構, 已經係Above Average, 大學畢業做5年, 人工一般都唔止15,000

原帖由 053h4 於 2010-5-19 15:11 發表
學術, 讀書, 考試係可以苦讀
但係, 其他方面, 好似虛幻到如見識, presentation skill, 人際網絡, 語言能力, 或者一大堆加份的體藝能力, 唔係話讀就讀到出離, 要長時間訓練, 培養
家庭, 財力等等都係決定性因素

平心而論, 以前傳統名校學生比較多搞學界活動, 好似個D聯校XX學會既幹事, 多數都係DGS, DBS, 喇沙, 協恩, 皇仁, 庇利羅士, 聖心, St. Joseph, 恆商... 搞得多活動自然比其他人見得多世面.

但其實自從有通識科之後, 而家其他非名校都開始好注重呢D課外活動. 星島日報成日都有報導學界辯論比賽消息, 好似早幾日就話陳樹渠打低高幾Brand既培正拎左個全港辯論比賽冠軍. 參加呢D學術比賽, 對Presentation Skill直情有幫助啦.

其實以前買樓個個都係借九成, 係肥彭九十年代中為打擊樓價先訂立七成按上限呢樣野.

我之前個表計得好清楚, 利息即使加十六次, 升四厘, 其實都係可負擔範圍之內.

一個月儲5K係做五年野期間既平均數, Fresh Grad時儲少D, 日後轉工 / 升職 / 加人工後儲多D, 都好合理. 唔好同我講咩大學生做到三十到尾都升唔到去主任呢樣野, 始終前途掌握自己手, 份工無前途 / 老闆唔好就應該考慮轉工. 低技術工人就話就業有困難, 大學生競爭力始終比好多人強, 而且而家個市旺番好多, 想轉工既朋友要留意啦.

原帖由 AVW56 於 2010-5-18 09:26 發表
遠離市區, 交通費基本上要千千聲,
交通時間一日來回閒閒地都兩個鐘

你可唔可以計下點樣千千聲??

當然你一定要一程過又要有位坐出中環就應該過千喇

而對比非核心市區如秀茂坪，新界交通時間又係咪真係長咁多??
搭車睇下報紙睇下書，時間唔會哂左之餘自己仲有得著



我識得有人出黎做野大概月入一萬，住屋企食屋企，冇進修，家用俾3千，
一個月竟然只儲到千零蚊，一個人一個月駛足5千幾蚊，係度嗌儲唔到錢買樓

佢永遠唔帶飯盒返工，嫌柒；手機一年換兩三次；夜晚放工蒲吧飲酒

都係個句，keep住高消費高享受有面子嘅生活態度，注定有部分人係永世買唔到樓

原帖由 PB602 於 2010-5-18 23:23 發表
Big 4大把人公屋出身, 有錢人子弟唔挨得, 邊做得掂Big 4.

政府工更加唔會睇出身, 一份政府筍工大把合資格人仕去申請, 你朋友唔得, 唔代表係因為佢住公屋而唔得, 可能好多住私家樓既都係唔得. ...

我有friend做Big 4，係不乏住公屋嘅d同事

[ 本帖最後由 Kaix 於 2010-5-23 11:08 編輯 ]

原帖由 PB602 於 2010-5-19 00:34 發表
朋友乙：你個仔喺邊度讀？
家長乙：香港道教聯合會鄧顯紀念中學(極少港島人認識嘅上水超勁地區名校，無舊生億億聲咁捐錢，無超貴學費，一切只靠政府津貼，但2009年會考所有考生所有科目無人唔合格，連續13年會考5科合格率100%；2009年八成半中七畢業生入讀港、科、中三大，連續12年中七畢業生符合聯招入讀本地大學最低資格，論成績聖保羅男女有排都追唔上)
朋友乙：嘩！咩學校嚟？會唔會好雜？

我就係鄧顯F.5理科畢業生，我當年攞15分，已經係全級入面最差嗰幾個，
理科生要26分先入得番原校

當年入番原校嘅，大部分都已經係港大中大最top個批畢業生，有唔少人做左一兩年野已經有樓有車

聽班同學啱啱入港大個陣，市區名校畢業生的確會對不知名新界學校畢業生作出歧視，仲要係上水
而好多鄧顯港大生都唔係住宿舍，朝朝返早堂，往往令一班港島學生非常驚訝

鄧顯學生好多都係住天平邨、華明邨，
住天平邨嘅就行15-20分鐘返學，住華明邨嘅就迫273A，有d可能會踩單車，
真係同市區名校好大分別

鄧顯應該係香港人「向上流」嘅最佳例子

[ 本帖最後由 Kaix 於 2010-5-23 11:40 編輯 ]