曾蔭權指港人買樓心態奇特

原帖由 LN9267 於 2010-5-18 18:00 發表
大家説了住公屋的大學畢業生的前景問題。

反而我就有一個愚問,
就是本身住海怡、太古城這些私人樓宇的大學生,
多不多在大學畢業不久後便想置業？

Thx. ...

只可以講每個年代總有好高鶩遠的人. 但呢班人可以做代表嗎?

小弟夠膽講多年前仍在求學階段果陣, 幾乎人人都想置業. 當然係講緊儲若干年錢後的事.

而小弟的觀察, 好多係踏實ge, 但因種種因素令儲的錢難以夠俾首期. 中間的階梯又越來越窄, 令這一代的年青人有一股不滿.
我只係覺得呢股不滿被曲解成一出黎畢業就要買樓.

你呢篇文咪就係解釋到點解呢一代人買唔到樓囉...

1) 一畢業搵八九千蚊時已經要買樓
2) 搵得唔多但又要市區樓, 而且仲唔可以太舊
3) 首期要俾三成, 唔肯做按保借九成
4) 拍拖要大駛
5) 仲要買化妝品同做Facial

而家大學人話買樓係基本需要所以政府有責任去幫, 但原來無錢買樓嘅原因係要買化妝品同做Facial. 咁連買化妝品同做Facial都無錢嘅朋友, 係咪應該叫政府津貼?

另外, 大學生做五年搵萬五做主任非常平常, 你求其打開Classified Post同招職, 即使係大公司請主任都係3-5年經驗就OK. 你話上位難, 我又信呢一代大學生廿歲出頭入一間公司一做十幾年做到三十尾都未升職時竟然唔會轉工, 呢一代大學生幾時變得對公司咁忠心?

你拎Big 4出嚟比? 入得Big 4直情係中產入場券啦, 今年一入職過萬呀, 而且一年升一次職, 入去搏三年考到牌有三萬蚊人工, 兩公婆加埋成六皮野, 仲可以係功能組別投多一票呀!

[ 本帖最後由 PB602 於 2010-5-18 23:07 編輯 ]

原帖由 S3BL100 於 2010-5-18 22:30 發表


至少閣下不能否定「住公屋」的人，機會隨時比人少的事實吧。機會好多時係影響一個人的career path的關鍵因素。

住公屋就唔請呢個問題，好多年前已經聽過，住公屋唔係求職者本身想，為世所逼，
只有自己有料，住公屋根本不是問題，不過世事邊會咁美好咁公平。

不過可惜香港可說是全球最畸型的社會之一，很多香港人又太喜歡搞社會分化，不過真係無辦法，
貧富懸殊嚴重的地方好多都會有咁情況。別說Big 4見住公屋就唔請，我有位碩士畢業住公屋的朋友，
畢業後打算見份起薪近兩萬的政府工，完全符合入職要求的他，竟然音訊全無。我唔知政府的招聘條件，
不過相信係同公屋入息上限有關而令到我朋友連IN的機會都無。

住公屋，在很多行業來說的確係無咁好睇，例如做會計師話比人聽住公屋，都唔好意思講出口。

---DEL---

[ 本帖最後由 volvo_chan 於 2010-5-18 23:14 編輯 ]

原帖由 orange 於 2010-5-18 02:37 發表

無錯而家利率低到2.5%,借夠9成35萬都叫上到車,但當利率升多1%,
月入一萬應該無可能供到樓,別忘記層樓每個月都要交水電煤上網
同埋管理費,七除八扣唔好話要去旅行,分分鐘連你返工食飯搭車份錢
都無埋,唔通叫人行路返 ...

而家做H Plan唔駛1厘, 做P Plan都只係2厘至2.2厘.

我幫你計埋... 二百萬樓, 九成按, 借埋保險費, 分20年或25年還, 而家H Plan係1厘息, 月供七千幾至八千幾. 你話上一代供樓易? 30年前你阿爸阿媽如果要買樓, 要俾20厘息呀, 當年借180萬的話, 一個月淨係息都要供3萬!!

而家就算加16次息, 加多4厘, 上到5厘息, 借20年既先剛剛好去到四成分界線(供款應維持家庭收入四成之內). 加16次息都係好耐之後啦.

如果大公司只請市區居民呢個邏輯成立, 咁96X系一早都應該執笠啦, 仲拆咩線? 因為大西北根本唔會有人做中環白領.

原帖由 Snoopy@FB8617 於 2010-5-18 13:35 發表
若果連沙田都叫遠離市區既
咁係唔係要一定坐正市區先得?

若果自己能力不足既
點解仲要話二百萬咁貴?
有百三萬唔搵係要搵二百幾萬?

現實係而家連偏遠地區, 經包裝的樓都可以係 "豪宅". 而呢d所謂 "豪宅" 又往往影響到鄰近相對普通的樓價/租金.
小弟有朋友今年打算在元朗置家 (請留意, 係置家, 唔一定係置業), 準備結婚.
元朗站上蓋一推出, 連帶附近租/買價都即時明顯上升.

原帖由 Snoopy@FB8617 於 2010-5-18 13:35 發表
若果你又想要上車既
自己收入又唔高既
咁係唔係主力去儲錢
而去減少消費呢?
以前D人買樓都係要死省死抵先至買到樓
唔通因為80後就可以唔駛?

當然,現時既樓價係較貴
但對於一D收入唔算低
但消費高,又要住貴樓
咁呢D人真係咁值得支持?

小弟都同意要儲錢要先減少消費, 對於大花筒的人, 儲唔到錢小弟一樣會話佢咎由自取.

呢幾年的大環境己經大有不同,
呢一代人普遍比上一代遲幾年投入社會工作. 變相搵少幾年錢.
好多大專學生一出黎己經揹佐以萬計的債(grant loan).
中間又要投資一大筆去自我增值, 否則可能工作不保 (上一代進修主要係為上位).
呢D係最明顯的分別.