離島區議員要求改善東涌線

當然我諗都好少有人預到o甘盡要搭最遲果班又唔遲到，預親時間搭東涌線都係唔想等果10分鐘，
好似我o甘明知會走車就寧願唔入閘住，行下其他地方又好、去個洗手間又好都好過落月台企10分鐘，
而家一至五非繁忙6~10分鐘一班就真係焗住落月台，因為我唔知下一班要等6分鐘定10分鐘。

講埋哩次就吾想講,反正你個心態似同人拗交,容納吾到人地意見樣子,再講無嘜意思。

就算點到點,一般搭長程巴士乘客點會在車程上預多半小時至九個字,提防路面交通擠塞或其他事故造成遲到或影響所分配的時間。

港鐵網頁都有個車程預算俾你,吾見得有幾難預時間(不過個人主觀認為人地官方都錯,自己估計最正確就隨便)

我只知道若你指出元屯天出港島巴士線點吸引,相信九龍南線都吾會對佢地客量有個下趺,直到宜家客量仲有下趺,其中留意最多既968整體趺得較明顯,不同時段一個長時間觀察左起馬半年,明顯地有一個趺幅,我前幾晚五點至十點企係大馬路先見到968大部分班次得果半車客多少少,企都吾多見,成車空都有,吾止係一兩班,4點幾後出港島依舊同之前南線通時去睇一樣,平均得30-40人。

[ 本帖最後由 homan0323 於 2010-6-8 23:45 編輯 ]

我明日可以的話,就係哩個時段影低D相放上來俾大家觀摩(往元朗/港島),反正見到既事實又無妨,反正又吾係第一次俾我見到

希望你吾會當人吾清楚96X系客量,以為無憑無據,我諗我吾會連自己對眼都信吾過,每次講出D客量係晒吾少時間企係個站到睇每班車客量,記錄過既數據同班次仲係度。總知96X系無人講到客量點獨當一面,一條普通既過海巴士線而已。


至於點樣弱化鐵路而強化巴士論點由閣下自行演繹,不過巴迷用既手法基本上如出一轍,從而印證哩個term真如本人就南港島線回文所言,非常適用於廣大巴迷常用手法,仲有「等車及轉車時間」元素都再次被應用,上次係南港島線,不過今次換左對象係西鐵+東涌線,下次吾知嘜線,換湯不換藥。

到宜家討論方向,講真,背後原因咪因為不滿港鐵對巴士造成影響及對巴士不利而攻住人地進行無理抨擊,我睇到港鐵有少少問題就經常俾人大肆討論,諗住踩下人自己個心舒服D

今日時間有限,只係暫影數張三點後出港島客量,今日都有觀察4-6點客量,明日會將有關時段相片補上,正攝於968準備離開同樂街站,今日觀察往元朗客量與本人所講分別不大,相關時段相片亦會稍後補上。


等候下一班車前等車情況






[ 本帖最後由 homan0323 於 2010-6-9 21:56 編輯 ]

原帖由 053h4 於 2010-6-8 21:57 發表


巴士同鐵路最大的分別, 一個有公佈時間一個無
一個一程一車, 另一個要多次轉線

東涌線講到明幾點係南昌
西鐵係唔係一定配合到先?

垷時講緊東涌線班次，根本與西鐵是否一定配合並無關係，而就算東涌綫真係如願以償加密班次，我相信亦絕非為了增加荃灣綫或西鐵綫的競爭力而加班的，閣下實屬諗多左。

而我前文提到10分鐘一班時間比較好就，就是說東涌綫沿線的乘客比較容易就時間，並非說西鐵綫或荃灣綫的乘客容易就到轉乘時間。但當然，十分鐘一班的好處（相比起八分鐘一班），就是晚間於香港站乘車，很多乘客都知道列車於 07 分開出，多了時間可以慢慢行又得，諗住追車行快Ｄ又得，我就諗唔到八分鐘有幾好，請多多指教。

[ 本帖最後由 ahbong 於 2010-6-9 01:11 編輯 ]

原帖由 053h4 於 2010-6-9 00:06 發表

二來, 同等時段的南昌轉車人數就遠少過呢個數
比較就好難公平, 以晚上九點為例, 每卡南昌轉車一卡得十至二十個(有時更少), 每班西鐵屯元天轉車人數一般望晒成個月台頂多得幾十

九龍南綫通車後，晚上於南昌上車基本上唔會有位坐，所以唔少本來於南昌轉西鐵的乘客改左去尖東轉車。

以往南昌 K16 + 東涌綫 + 701 / 702 先可以打爆南昌開出的西鐵（指坐滿加少量企人），現時所見，柯士甸開過來南昌的西鐵大多已企數十人一卡，所以明顯地乘客乘車模式已改變，不能單單以南昌轉乘人流減少就得出西鐵過海乘客減少的結論。

原帖由 053h4 於 2010-6-9 01:16 發表

而港鐵過去為縮短轉車時間, 所以優化時間表

恕我孤漏寡聞，請舉實際例子說明港鐵幾時為了縮短轉車時間而優化時間表。

同台換乘的車站做到兩列車盡可能一齊到站
唔通呢個安排唔會增加鐵路網絡的競爭力?

請問增加東涌綫的班次要如何調整，才能做到與西鐵綫的班次配合？又，是否只兼顧班次的配合，就不必理會到底實際上是否有足夠客量乘搭該些班次？鐵路不是載空氣，若果乘客量本來不足夠維持班次，你夾硬配合轉乘，根本都係無多到人轉乘。

另外，若果東涌綫的班次與西鐵綫配合了，又如何與荃灣綫與港島綫配合？又，若果又真的能與港島綫及荃灣綫配合後，又如何兼顧港島綫與將軍澳綫的班次？

[ 本帖最後由 ahbong 於 2010-6-9 01:39 編輯 ]

原帖由 053h4 於 2010-6-9 01:16 發表


鐵路營運係涉及整個網絡
根本與西鐵是否一定配合並無關係? 而港鐵過去為縮短轉車時間, 所以優化時間表
同台換乘的車站做到兩列車盡可能一齊到站
唔通呢個安排唔會增加鐵路網絡的競爭力?

香港站上車, 好多人都係由港島線轉過離
係唔係真係咁容易預到時間呢?

我覺得比較理想既做法係班次疏既線等一條相對無o甘疏既線(即係將荔景站套用o係南昌站)，
不過東涌線/西鐵線轉乘唔係限死兩個方向，而且大部份都要誇月台轉車，總唔可能確保所有乘客成功轉車，
班次配合變得無意義，尤其以最多都係等10分鐘一班車黎講，頂盡都係往香港方向同往屯門方向配合一下(但人數有限)，
非繁忙時段東涌線有時o係南昌站會停耐少少，一來可能等機鐵經過，二來可以等下西鐵轉乘客，
不過有幾次都係開車果陣先見到往屯門列車埋站。

由港島線轉東涌線經驗都唔少，如果真係知道下一班開車時間(例如我隻錶既08分會開出)，
趕得切會行快兩步，趕唔切就慢慢行，我觀察到有其他人似乎都知道就開車而行快兩步，不過為數唔多。

由於8分鐘班次唔可以俾60分鐘除整，要兩個鐘先重覆一次，所以相信都唔會有人預時間落月台，
除非日日都係果個時間搭車就大概會知前後一班幾多分開出。

[ 本帖最後由 on11358 於 2010-6-9 06:45 編輯 ]

原帖由 on11358 於 2010-6-9 06:39 AM 發表

由港島線轉東涌線經驗都唔少，如果真係知道下一班開車時間(例如我隻錶既08分會開出)，
趕得切會行快兩步，趕唔切就慢慢行，我觀察到有其他人似乎都知道就開車而行快兩步，不過為數唔多。

由於8分鐘班次唔可以俾60分鐘除整，要兩個鐘先重覆一次，所以相信都唔會有人預時間落月台，
除非日日都係果個時間搭車就大概會知前後一班幾多分開出。

現時平日非繁忙時間已經是8分鐘一班車﹐唔知你又會用什麼方法去預時間


真係咪用方便預時間去想啦﹐用番實際人流去看啦。

你自己都識講﹐如果天天都是相約時間到車站的﹐最接近的幾班車的開車時間已經在心中﹐2班車相距多少分鐘都無關係﹐心中已經知道是什麼時間 (例如13分及19分)﹐根本不需知班次疏密﹐因他們不是用班次相距時間去計算﹐而是記錄每天實際開車的時間去預時間。

所以﹐10分鐘一班方便預時間﹐根本是無需要的。反正每一班車都唔係 00,10,20,30,40,50分去開車﹐一般人都唔會容易計算到開車時間。

[ 本帖最後由 kei_hk 於 2010-6-9 15:40 編輯 ]