垃圾都不如的財政預算案

原帖由 nwfb94A 於 2011-2-25 00:07 發表

買定花生睇政府點平息民憤

算把啦......一個連粟米斑腩飯都未食過、係天水圍搭969 去中
環要幾錢都唔知0既父母官，點會知道我地呢班 N 無階層0既
生活係幾咁艱難0丫......

倒不如搵個機會逼佢去東廊橋底做返半年乞衣；或者踢佢住
大角咀板間房，做三個月酒樓洗碗，等佢知道咩叫做窮仲好
啦......

原帖由 hkth 於 2011-2-26 15:22 發表




OTIS401兄, 閣下是否忘記了強積金是僱主及/或僱員每月從薪金內供款各5%而累積呢? 這筆錢再加上政府註資的錢,會出現雪球效應, 不斷地增大. 到退休時, 最終可得的金額或可得數百萬的.


政府註資強積金, 絕 ...

當然我係知道，到65歲就可以從強積金中取到一大筆錢出黎
但我想講的係，到了我65歲的那一年，香港的通漲情況是如何呢?
幾百萬係今日黎講可以話係夠用，但幾十年後呢?
就好似幾十年前一萬已經可以開間鋪頭，但今日連買部Macbook Pro都就黎唔夠，甚至連鋪租都交唔
咁幾十年後呢?你問我我問邊個?
到時其中在今年派發的6000元，會不會連一個菠蘿包都買唔到呢?

最後都想講番句，小弟對MPF的認識有限
這次預算案中的六千蚊我不再評論了，有錯請指

原帖由 OTIS401 於 2011-2-26 23:30 發表


當然我係知道，到65歲就可以從強積金中取到一大筆錢出黎
但我想講的係，到了我65歲的那一年，香港的通漲情況是如何呢?
幾百萬係今日黎講可以話係夠用，但幾十年後呢?
就好似幾十年前一萬已經可以開間鋪頭，但今日連買部Macbo ...

最大問題強積金完全無任何保障,
比銀行投資完全跟唔上通脹,
本都保唔到反而蝕錢

原帖由 OTIS401 於 2011-2-26 23:30 發表


當然我係知道，到65歲就可以從強積金中取到一大筆錢出黎
但我想講的係，到了我65歲的那一年，香港的通漲情況是如何呢?
幾百萬係今日黎講可以話係夠用，但幾十年後呢?
就好似幾十年前一萬已經可以開間鋪頭，但今日連買部Macbo ...

MPF從來唔保證你儲$x, 退休最少有$x。
假設你今年20歲, 往後44年悉心經營, 筆數幾大都攞唔番出黎,
臨尾一年有金融海嘯,就可能一Q清袋。

尤其是前年, 我見到連最低風險既「保本選項」都會蝕錢時, 真係眼都突埋...
管理費就收足, 但冇一個option真係幫我保本。
我諗起上星期既新聞, 有個阿伯放幾萬銀係屋企餅乾罐,
火燭燒哂, 但憑銀紙角可以去換番D錢...
原來呢D婆仔方法, 仲穩陣過MPF！

政府不如直接話俾筆錢基金經理賺好過。

睇您點睇GEI。

您自己拿舊錢去投資，一下唔好彩，俾銀行職員點左您買類似雷曼果Ｄ產品，又或者是買左隻股票之後長期停版，結局又係死。

都係果句，天下烏鴉一樣黑。

本質有分別。

買股票係自己既選擇, 買乜野係要自己拍板決定,
蝕到損手爛腳只好怨自己眼光唔好。
如果我精明少少, 就唔會咁易俾人呃到。

MPF幫你投資, 唔係你自己既選擇,
買左乜野你未必知, 要有100%控制好難。
我唔可以同佢講︰
"我極度保守, 你將我所有錢用去養人仔得啦,
唔駛搞咁多野", 或者
"我都就退休咯, 唔好用我筆錢投資, 放係度唔好掂佢"

一切都係「專業決定」, 蝕哂你筆錢都係專業決定。
雖然天下烏鴉一樣野, 但呢隻用墨汁染過呢...

其實強積金或者叫做退休保障，都係睇下邊個要面對個risk。
有d係你肯供款，一早講定你退休個日有幾多，退休個日你一定唔會有多有少，唔理你經濟好定壞。

政府唔肯搞全民退休保障，一黎養肥班基金佬，
二黎就唔想食晒幾百萬打工仔長期既風險....

以下是我在朋友fb的留言：
　　今日整理文件，睇住強積金的單，都唔識計喇，
　　條數唔清唔楚，強積金，咪即係等於全民減薪5%，
　　次次出糧都見到個銀碼唔係合約上面個數，好冇癮。
　　自金融海嘯大蝕一餐後，我開始每日睇住基金上落，
　　到我65歲，條死蛇爛鱔都唔知起身未。
　　我有自由意志，到我又老又殘時睇醫生都冇錢你咪唔好醫我囉，
　　冇飯開你咪由我餓死囉，做乜要將原本屬於我的錢掟落鹹水海餵鱷魚。

上次注資$6000，只限低收入戶口，而且係經濟低谷，舊錢相對而言升值潛力較大。
今次注資$6000，全部人都有，但情況變成基金價格載浮載沉，日用品價格卻不斷上升，
這舊錢一來升值潛力不大，二來不解燃眉之急，梗係火滾啦。

其實曾俊華對他的理財方法有自己見解好正常，不過佢一係衰在「我唔鍾意食粟米斑塊飯」。
重話AO精英喎，做AO就唔可以將個人感情宣之於口，佢今次係犯了公關大忌，是為失策。
二係堂堂財政司司長，竟然將我呢個經濟白痴都睇得出的輸入型通脹，
當成消費帶動通脹，混淆視聽，荒天下之大謬，是為失職。
（我唔識經濟，如用錯術語請見諒，不過大家都應該知我講緊乜。）

我就真係唔係太識，加免稅額我應該有著數，入錢落強積金就真係雞肋，
其實今次與其話係就單一建議有意見，倒不如話市民已經睇通強積金的本質，
根本唔想再無了期的倒錢落鹹水海，你畀幾多我都係有得睇冇得食，最好就斬鬼左佢。

推出強積金，根本唔係強制你「積金」，而係夾硬用你份糧去養肥基金經理，
經濟差照收我手續費，經濟好又無錢落袋，道理上完全講唔通。
我而家都開個戶口將部分港元轉做人民幣保值，要為未來打算我自己識做，
驚我老時對社會資源造成負擔？
見到而家的公立醫院，我都識得儲定錢將來睇私家啦。
至於真係窮的一班，個強積金都唔知積到幾多，分分鐘到退休時，舊錢用一年半載都搣晒喇。

[ 本帖最後由 DIH 於 2011-2-28 11:04 編輯 ]