少 客 路 線 難 取 消 變 相 增 成 本

原帖由 HM2767 於 2011-7-23 00:06 發表
其實大家唔好本末倒置, 客量低係因為班次疏, 而唔係因為客量低而要整疏o的班次~

一條巴士路線可以拍得住鐵路o既班次, 點到點o既服務點會冇人用??

73, 73A, 74A, 82K, 86A加到五分鐘一班, 我打死都唔信冇人搭~ ...

你講73, 73A 唔好話5 分鐘
齊頭15分鐘都可以搶返唔小客啦

搭佢地大埔返粉嶺南真係方便
行過去太和/大埔墟站咁鬼遠, 而非繁時K12 又唔係密, 仲要星期六日無轉乘免費

原帖由 JF1261 於 2011-7-23 10:54 AM 發表


你講73, 73A 唔好話5 分鐘
齊頭15分鐘都可以搶返唔小客啦

搭佢地大埔返粉嶺南真係方便
行過去太和/大埔墟站咁鬼遠, 而非繁時K12 又唔係密, 仲要星期六日無轉乘免費 ...

其實我昨天繁搭73A返都粉嶺南剛剛頂閘
當時73脫班(據在太和未能上車的友人所述，8分鐘後73先來，最少同前車相隔26分鐘)
綠小25K、25A、25B又清唔曬D客

當然星期日最多客

原帖由 KC3555 於 2011-7-23 02:58 AM 發表

算吧啦，少壯派不嬲都唔明白年老的需要，
如果唔係點解自古衝突都係呢兩方面最跨張。

低地台只係一個優點，不是必要條件
方便老人家
但小巴唔方便老人家上車都好，但老人家不會因此捨近取遠
正如九龍小巴線50聯合醫院 > 觀塘(裕民坊)V.S.23、23M、26M、95M的現象

我不否認小巴由地面上到第一級比較難上車
但此問題存在並不是近年的事
小巴點解多年來唔改善?點解唔模仿?
用腳踏輔助乘客上車的成本平
成本顯然不是一個問題


當幾十年都無人去改善依個問題
歷史已經話俾你知眾人的判斷

如果你兩個仲覺得依個驚世大發現不改不快的話
建議寫去醫院管理局爭取以巴士代替小巴
甚至寫信去運輸署 要求取締小巴
當然你應該去M1版要求取締小巴
始終小巴的問題應該在小巴版探討

[ 本帖最後由 GM 於 2011-7-23 11:45 編輯 ]

原帖由 HM2767 於 2011-7-23 00:06 發表
其實大家唔好本末倒置, 客量低係因為班次疏, 而唔係因為客量低而要整疏o的班次~

一條巴士路線可以拍得住鐵路o既班次, 點到點o既服務點會冇人用??

73, 73A, 74A, 82K, 86A加到五分鐘一班, 我打死都唔信冇人搭~ ...

師兄你呢個理論係單限於你舉例嘅五條路線定係所有班次疏+客量低嘅線先?

其實「客量低係因為班次疏,」同「客量低而要整疏o的班次」應該係兩個角度黎，
我先美化一下個用詞先，前者係「班次疏導致客量低」，後者係「客量低導致班次疏」。
前者可能係乘客(旁觀者)角度，後者就一定係巴士公司角度，但其實乘客呢個角度都幾有問題。
先講班次疏導致客量低先，根據呢個講法因巴士公司先行主動調低班次密度，令乘客不厭其煩而轉向其他交通公具埋手
簡單d講，即係巴士公司趕客。照咁睇又好似成立喎，例如73班次比502疏，結果502執左不少73客仔同吸納左唔少新客。
但呢個真係最根本原因? 有冇唸過502本身都係行同73相近嘅路，但502行車時間比73短不少呢? 呢個已經係致命位置喇。
作為一間以利潤為目標的公司，數據調查分析係非常基本，如果本身條線有肉食，巴士公司會任由條線繼續疏下去致使客量低? 我唔排除有部分路線係，但大體上唔會係。好喇，咁之後有版友可能會話，條線咁疏又無客係因為佢有好多地方應入唔入，不應入就入哂，咁修一修改行車路線,延長縮短未搞店囉? 好, 咁已經唔關「班次疏導致客量低」呢個問題喇。即係話，班次疏導致客量低呢個講法唔係太能站得住

再講，師兄指出客量低而要整疏班次呢個講法唔成立，係本末倒置，我就唔係太認同。如上面咁講，巴士公司作為要賺錢的公司係以數據分析為先，最簡單例子可睇九龍南線通車後268B客量大跌，然後九巴響班次上一減再減，就足以證明客量低而整疏班次呢個講法非本末倒置，反之係鐵一般事實。268B經九龍南線通車後應該唔係即刻就CUT車減班，但點解客量旋即下跌呢?

「班次疏導致客量低」 定係「 客量低導致班次疏」呢兩個問題從來都係乘客同巴士公司之間爭辯之點，巴士公司有主動權增減班次，但乘客又有主動權選擇搭唔搭。所以話呢個問題都幾值得深思一下，本來就好難分巴士公司整疏班次定乘客唔搭巴士係客量低元兇。強行要分的話，我自己會認為呢兩個問題係一個過程而非抵觸，本末倒置。應該係「 客量低導致班次疏」然後「班次疏導致客量低」不息的惡性循環，終點就係路線重組或取消

[ 本帖最後由 jd2522 於 2011-7-23 14:21 編輯 ]

原帖由 流星☆雨 於 2011-7-23 05:48 發表

要呢5條線加到5分鐘一班，需要嘅車唔會少，車從何來？！ ...

君不見仲有幾十廿架ADS做緊後備左攝右攝!?

原帖由 jd2522 於 2011-7-23 14:13 發表

師兄你呢個理論係單限於你舉例嘅五條路線定係所有班次疏+客量低嘅線先?

其實「客量低係因為班次疏,」同「客量低而要整疏o的班次」應該係兩個角度黎，
我先美化一下個用詞先，前者係「班次疏導致客量低」，後者係「客量低 ...

我唔係讀Econ或者Finance出身, 所以我都係從乘客最簡單(定係單純??) o既角度出發~

我係乘客, 我唔會願意企o係個站頭等班次疏o既車, 小巴開幾分鐘一班, 兜云成個區先到我都會上車~
好多時, 乘客唔會淨係計較錢o既o既問題, 時間都係考慮之列, 74A開十分鐘一班, 我諗觀塘/ 九龍灣去沙田o既乘客都會選擇佢, 咁我諗總好好過佢開廿幾三十分一班而班班都係載空氣好o卦~

有好多地方巴士都唔夠小巴鬥, 係因為有o的地方巴士真係入唔到, 而小巴又做到班次密, 車程快, 點到點. 由寶林出土瓜灣, 你會選擇93K定105?? 如果105比93K疏, 我都會選擇93K兜o下路. 路線重組要同加密班次一齊做先會有成效, 淨係改個總站, 拉長去邊去邊, 又唔加車, 咁咪又係一樣死~

273A, 74X, 101, 111, 112呢o的可以稱得上線王, 係因為真係做到班次密, 而又點到點~

一句講哂, 乘客唔會理巴士公司乜o野路線重組, 取消咩線, 總之有頻密o既車去到想去o既地方就係王道~

原帖由 HM2767 於 2011-7-23 15:51 發表


君不見仲有幾十廿架ADS做緊後備左攝右攝!?




我唔係讀Econ或者Finance出身, 所以我都係從乘客最簡單(定係單純??) o既角度出發~

我係乘客, 我唔會願意企o係個站頭等班次疏o既車, 小巴開幾分鐘一班, 兜云成個區先 ...

不如你有時間讀下RDP個堆"廢話"
寫明晒加班同減班既標準，巴士公司按程序做野

如果條條線都出車海，睇怕香港由朝塞到晚

又....問題係你開得密又點，有d線，堆客係咁多就咁多....
1架車載50個客同2架車載50個客，好簡單既數黎

有誰不想要密車線?大家都想，但係都知唔現實

巴士公司有時唔只睇乘客，如果油錢、隧道費、維修費成本高
就算夠客都有機會減班

原帖由 HM2767 於 2011-7-23 15:51 發表


君不見仲有幾十廿架ADS做緊後備左攝右攝!?

好老實講，我真係無留意呢樣。
但係遊戲規則唔會容許幾十廿架ADS忽然上掛呢幾種條線去加班
呢幾條線唔能夠符合遊戲規則嘅要求標準，就無辦法加班。
就算符合，都唔係一定有得加。

原帖由 HM2767 於 2011-7-23 15:51 發表

我唔係讀Econ或者Finance出身, 所以我都係從乘客最簡單(定係單純??) o既角度出發~
.

就係因為純粹從呢個角度出發咪就係有問題囉。有人話何達文呢樣唔掂個樣唔掂，因為人地真係從營運一間公司既角度去出發先會諗到咁多問題啊。
如果CEO純粹從乘客角度出發去營運九巴，駛乜用咁高人工請CEO? 清潔工人都知道密車好啦，咁用最低工資都夠請個CEO囉。

車長請病假有乜辦法？知道呃病假就學城巴咁一早兜走班人啦
唔夠車長開工，有乜辦法唔收車？俾高d人工囉，咁幾高先夠？
點解唔學其他公司開超級特快線？如果將舊線變新線之後所獲得既利益不大的話，咁做乜要變？好正路喎

如果70變5分鐘一班會唔會班班頂閘？112變一小時一班會唔會吉車遊街？
純粹用乘客既角度諗唔係唔得，不過用黎管理一間公司既話，營警都唔駛出喇，成副身家敗晒，好快唔駛做。

我想到的例子係嶼巴的嶼南路線，有時需求就係得咁多，開多班都無助增加需求

08年油價高企果陣,嶼巴係最蝕本果間
e+嶼巴都未黎嗌加價
九巴就要出黎呻?

當年嶼巴董事為左間公司的存亡，都要放棄酬金
點解九巴何達文唔學下佢?