23/23M/26M/28A合併

原帖由 dippy 於 2012-5-19 23:03 發表 http://www.hkitalk.net/HKiTalk2/images/common/back.gif

假定沒有坪石客會在重組後流向23A/B, 所有29M之乘客均為前往新蒲崗
且14D已載哂所有沿途的學生客(事實上現時14D仍有剩餘運力, 尤其較早班次, 加上有部份客在到逹四順前下車)
因現時95, 27等線均沒有加班計劃, 故本人當所有路線維持在不加班的上限, 即85%
依家29M當12個班次, 即係111X10X0.85=944個載客單位
即133X(5<-95班次+12<-27班次+2<-現時14D班次)X0.15+133X4<-新增14D班次(假定14D新增客量為0)+111X2<-新29M班次=1134
故剩餘載客量為190人
在這種計算情況下仍有剩餘運力, 因29M現時有處理坪石客, 故剩餘運力只會更多
故新網絡有能力吸納所有乘客.

你未見識過29M/27/95爆成點，95直頭係朝朝一出秀明道就頂閘，
就走去武斷推論條條線載客率得85%，你真係不識民間疾苦。

原帖由 dippy 於 2012-5-19 23:16 發表 http://www.hkitalk.net/HKiTalk2/images/common/back.gif

依家就係因為你呢種奇哉怪也既邏輯搞到海皮越黎越塞
基本上海皮一過左繁時已經開始塞貨車
跨區既268C, 269C等等非繁唔密都無咁大鑊
但23呢類線非繁根本無乜人坐來回工業區
結果工業區開就塞車, 入去一黎無乜人坐,  ...

我個point就係話，23而家非繁工業區少客，但係起碼有和樂村一個站大量乘客撐住，
唔係成個方向的運載能力都浪費晒。
你變23P，係講緊上山方向全段根本無咩客，唔通唔係更加浪費？

原帖由 dippy 於 2012-5-19 23:35 發表 http://www.hkitalk.net/HKiTalk2/images/common/back.gif


但另一個事實係13M近年加左特快班次
但紅小比人減班
咁證明左乜呢, 就各位版友自己解讀啦
仲未計98A, 95M, 93A都有秀茂坪客

當然, 我都無留到23M既, 你諗多左喇 ...

你又一次九唔搭八。

我只係話根據你的邏輯，樂華無必要留條線去四順。

13M特快班次係用來清果班上唔到98A的寶達/秀茂坪乘客，
客源本身同13M正線已經好唔同。正線係做南村同曉光街為主，
13M特班根本同紅小無任何關係，亦唔可以因為13M特班的存在
而推論到樂華開你條23A/23B可以同綠小鬥到。

至於紅小秀觀線減班更加代表唔到13M已經打贏紅小，
只係因為相比起秀旺線，秀觀線無咁多肉食，
於是自然拎車去做秀旺，班紅小載唔晒的客就夾硬俾1A/11C/13M食，
同樂華22M/28A之間更加係一D可比性都無。

原帖由 dippy 於 2012-5-19 23:39 發表 http://www.hkitalk.net/HKiTalk2/images/common/back.gif

夠左就寫左入加班表啦
寫得入去既就夠左, 但寫左唔一定加得成
如果夠左而唔寫入去, 比人嘈左九世啦
個標準又唔係我定既, 你咁勁咪自己去運吉查下佢載客率幾多囉 ...

你知唔知道大把頂閘線，官方載客率都係得七成幾？
前幾年仲好笑，263繁忙時間爆，官方只係計屯門西鐵站的客量，話載客率得1X %，
官方呢D數字參考價值有幾大？點解係信官方數字而唔係肉眼所見？

官方想做數都有好多方法，例如95而家擺明係一出秀明道就頂閘，
但係佢大可以average over成條線所有路段，咁未入秀明道之前仲未爆，
過左旺角又落左一大班客，average分分鐘七成都無。
唔通你對住架頂緊閘既巴士，仲可以指住官方數據，
指鹿為馬話架車仲有運載力，仲可以上多十幾個客？

原帖由 dippy 於 2012-5-20 00:19 發表 http://www.hkitalk.net/HKiTalk2/images/common/back.gif

仲有, 呀千里眼先生, 點樣喺外國觀察到一部頂閘既95喺秀明道駛出呢

咁你又點樣o係西九觀察到秀明道出泥既95冇一架頂閘？
又係既，因為即使你企o係路口日日望住，都根本唔會見到「95冇一架頂閘」

呢個現象我觀察到七年
呢d野網上冇數字睇，又唔可以用google map street view發現
又唔可以用正蛇比例去估，你唔知真係唔出奇，我大人有大量原諒你