中文大學校園穿梭校巴服務大改革

原帖由 93A_S3_6:30am 於 2012-8-27 18:45 發表
http://www.hkitalk.net/HKiTalk2/viewthread.php?tid=710806

B6有人影到波板糖站牌, 唔知第日會唔會有埋豬紙添呢

個波板糖整 12 格咁多都唔知為乜, 九格乜都夠啦
編號又無規律, 好難記

原帖由 Quanta 於 2012-8-27 19:04 發表


個波板糖整 12 格咁多都唔知為乜, 九格乜都夠啦
編號又無規律, 好難記

「大學行政樓」站有十一條線停站
1A 1B 2 3 4 6A 6B 7 8 N H
所以要12格

幾點個人見解

1.1號線會因應兜定唔兜賽馬會研宿，而分成1A，1B，同樣，N號線亦有兜定唔兜研宿，H號線亦有分兜定唔兜39區，點解H同N號線就唔分兩個編號？如N1,N2.....

2.港鐵站分成三個上車點，「火車站」、「港鐵站廣場」、「康本園」，一時火車站，一時港鐵站，可唔可以統一？同埋「康本園」對生客黎講，未必知道就係港鐵站隔離。其實「火車站」應叫「港鐵站C出口」，「港鐵站廣場」應叫「港鐵站A出口」或「港鐵站博文苑」，「康本園」應叫「港鐵站康本園」或「港鐵站D出口」(假設北端新出口為D)，三站均加上「港鐵站」字眼，以顯示該處鄰近港鐵站。

3.雖然港鐵站上山方向分成三個上車點，但落山方向既劣習依然不改，一樣十次有九次半，係方樹樓對面就趕人落車(即使標明總站是「港鐵站廣場」既2號線都一樣)，跟著出現好似遊行咁既人群山長水遠行去A,C出口搭港鐵，完全達唔到分流作用。不過事實上，即使D出口啟用，但該出口似乎無新通道通去2號月台，所以搭南行東鐵線既人群，依然要山長水遠行去A出口.....

4.最大進步：多年黎，點樣o係冇半個指示牌既情況下，由百萬大道行去「飯記對面」「落返火車站」，相信難到唔少第一次黎中大既人，甚至可說係一個另類入學試(最頂癮既係，作為全中大大門口，服務大量第一次黎中大既人既入學部門，居然唔放最就腳易搵既港鐵站旁，而放o係百萬大道)。而家，「加班車」全日化成1A號線，百萬大道終於全日有車「落返火車站」，真係皇恩浩蕩 。不過要鬧既係，點解官方時間表居然一粒鐘得兩班？雖然實際班次唔止咁少，但可唔可以唔好寫到咁？其實，10分一班都好合理。

5.另一進步：大家都知，以前「火上新」同「新下火」，雖然同為15分一班，但事實上只要港鐵站旁有返十人八人排隊，「火上新」就會加車，即所謂「隱形車」，實際班次比15分密得多。但反方向「新下火」就只會照時間表15分一班(除左5:30pm-6:30pm既下繁)，呢類「隱形車」永遠有上冇落，「火上新」完就吉車落山，結果o係「飯記對面」等「落返火車站」，就經常條龍排到田家炳樓，都可以四五六七架掛「火上新」牌既車(通常係強記車)吉著車過唔載人，真係睇見都眼火爆(亦唔明點解咁多年黎，各學生會同工會都冇出聲投訴過？定係投訴極都冇人理？)。
而家，「火上新」同「新下火」合併成循環線2號線，加埋同樣係循環線既1A,1B,3,4 號線聯合班次，希望此「四五六七架吉車無視人龍」既討厭又荒謬之怪雞不復再。

其實呢個站，全部車都會停.....

原帖由 cla981024 於 2012-8-27 20:38 發表

「大學行政樓」站有十一條線停站
1A 1B 2 3 4 6A 6B 7 8 N H
所以要12格

其實1號線既的班次喺暑假20分鐘係可以接受, 不過記住要自己執生, 搭2號線可能仲快
另外明明3,4號線的總站己改名為康本園(康本國際學術園), 但係校方上星期依然好奇怪地將"兩座綜合教學大樓"的站名牌加到站柱上..................

認同樓上建議1號線於時間表上應加密至十分鐘一班, 起碼會更切合實際情況, 觀感亦會較好,
否則的話, 唔熟既人就會覺得2號線密d, 個個去等2號線, 1號線就起唔到本身的分流作用

改線後既傻點:
1. 以往由本部落火車站, 如果miss咗30分由NA開的車, 就要等45分由NA/Shaw開的校巴, 經常都清不到長長的人龍, 反而現時有1,2,3,4號線, 每班車的間隔唔會超過十分鐘

改線後既缺點:
1. 所有路線改為循環線, 以往在NA/Shaw等校巴可以知實際開車時間, 但現時卻要計算校巴上山的時間
不過由於Shaw的校巴班次加多咗, 影響較為輕微, 反而以前在NA/UC較早落堂的同學可以搭NA開15分的校巴落山, 現時最快卻要等到18分先有6B, 大概25分架2號線先會上到山, 加重轉堂校巴的負荷
2. 轉堂校巴削減班次, 以往有一班轉堂校巴由Shaw開10分落山, 大概13/4分到NA, 與15分開的NA巴可以疏導較早落堂的同學, 但現時6A,6B,7卻統一開18分, 起不到分流作用
3. 以往30分NA開的下行校巴會經研宿, 方便研究生落堂返回宿舍, 現時卻只有00分的1B, 基本上就係逼班研究生由善衡行返去........
4. 以往Shaw巴會途經39區, 現時3號線卻不經39區, 本部再沒有車到39區, 影響理學院學生由本部課室前往實驗室大樓

改善建議:
1. 2號線改為雙向路線, 將NA開車的時間重新定為00, 15, 30及45分
2. 3號線於第一次經Shaw後加經39區, 使學生/職員能夠由本部前往39區
3. 將1A,1B編為十分鐘一班, 1A開10, 20, 40, 50, 1B開00, 30, 方便研究生落堂後返回宿舍
4. 假如過往I-house早上的特別轉堂校巴仍然存在, 應納入為6B線, 使時間表更能清楚表達所有校巴的班次
5. 如果3,4號線落山真係如校巴站牌所示, 停港鐵站廣場落客的話, 建議順道加停崇基教學樓, 以減輕6A, 6B, 7號線的負荷

以上第5項的建議應為臨時措施, 因為當新校巴總站建成後, 3,4號線應不會再繞經池旁路一帶, 不需停港鐵站廣場

原帖由 martin2000 於 2012-8-28 01:36 發表
5. 如果3,4號線落山真係如校巴站牌所示, 停港鐵站廣場落客的話, 建議順道加停崇基教學樓, 以減輕6A, 6B, 7號線的負荷

以上第5項的建議應為臨時措施, 因為當新校巴總站建成後, 3,4號線應不會再繞經池旁路一帶, 不需停港鐵站廣場

昨日所見「港鐵站廣場」站牌已遮蓋3,4號線。
如果係臨時就無謂停多個站，以免引起混亂。

我都贊成2號應該回復雙總站。
本部無車去39區亦係問題（單向無車，出來有4號）。

另問：新總站會在何處？係咪港鐵新出口旁邊停車場？

原帖由 DIH 於 2012-8-28 09:20 發表
另問：新總站會在何處？係咪港鐵新出口旁邊停車場？ ...

沒錯：
http://www.cuhk.edu.hk/campus-tr ... terminal-alteration
之前的相關討論：
http://www.hkitalk.net/HKiTalk2/ ... d=599897&page=1

原帖由 petcity 於 2012-8-28 22:31 發表
題外一講，中大新車今日應該已經到左
冇驚喜，中港殼，但側窗跟頭兩架中港車身校巴一樣

即係用返全隻活動窗？
好囉，有次搭中架半截窗，好焗。

開學後相信中大馬路將會比以前更加熱鬧，繁忙程度堪比假日大嶼山。

今日上左now新聞

http://news.now.com/home/local/player?newsId=44080