沙中線新車招標合約

原帖由 kitdog168 於 2012-10-25 09:33 發表
東鐵將來唔係九卡咩，仲咩拆到得番七卡？？

「東西線」（原馬鞍山線 + 大圍站至紅磡站 + 西鐵線）是最多以8卡行走，而「南北線」（原東鐵線 + 紅磡站至金鐘站）則改以9卡行走，因此原馬鞍山線的大部份車站（大圍站及車公廟站已興建了八卡的長度）需要擴建至八卡的長度。

至於上文的招標合約是指「東西線」的增購車卡合約。

[ 本帖最後由 hkaiw 於 2012-10-25 10:09 編輯 ]

原帖由 kitdog168 於 2012-10-25 09:33 發表
東鐵將來唔係九卡咩，仲咩拆到得番七卡？？

我估係會將SP1900全部改行東西線, 南北線則全線MLR及新列車, 但曾經有人講過MLR在沙中線通車後陸續退役(尤其是首批由鐵路局下訂單, 1981年到港果批), 可能南北線要買很多列新車也不定.

定另一個方案, 沙中線會是SP1900/1950/KRS991+新列車混編行走......

原帖由 gordon 於 2012-10-25 10:13 發表
南北線則全線MLR及新列車

早前曾有報導指南北線新車會更改門位，並會因應新車門位興建月台閘門。
相信會展及金鐘兩站會0係興建期間起埋月台幕門，以此估算，MLR車最遲2020年，南北線過海前就會全數退役。

就算要keep番幾架，頂盡至可以落到紅磡。


樓上有板友提到以全線7卡計，港鐵比實際需要買多好多卡車。
只係從通車時間考慮，有兩點考慮因素（先旨聲明，無考慮機械組合）：

1. 東鐵千九車、西鐵、馬鐵可以砌到幾多抽車。
2. 何時可以抽走東鐵線的千九車，調到東西線。

第一點，似乎砌盡都只係夠現馬鐵及西鐵全線7卡車，大圍 - 鑽石山 - 紅磡段仍需額外的列車。
第二點，如果全線1900/1950/991要在東西線通車時全數投入東西線，南北線的新車需要比東西線列車更早抵港，以維持現有服務。
東鐵線的千九車才可抽走，實現重組計劃。
相反，假如東鐵線的千九車2018年仍要服務東鐵線，東西線通車時就需要額外列車。
到千九車調走後，才實現全線8卡的計劃。



提外話，純綷從乘坐感估算，現馬鞍山線的性能似乎同MLR無異。

慳皮D諗，可唔可以用改裝較年輕的MLR去行住東西線先？最多只係行短途車，唔入西鐵線範圍？

[ 本帖最後由 s3n370 於 2012-10-25 14:31 編輯 ]

原帖由 s3n370 於 2012-10-25 14:24 發表
提外話，純綷從乘坐感估算，現馬鞍山線的性能似乎同MLR無異。

慳皮D諗，可唔可以用改裝較年輕的MLR去行住東西線先？最多只係行短途車，唔入西鐵線範圍？

聽聞MLR都已經五癆七傷，到東西線通車時最新的車廂已服役28-29年，
距離中期翻新亦有18-19年，而且MLR行尖東＞紅磡都唔夠力，行馬鐵我真係驚chok爆車。
而且搬到東西線牽涉要改駕駛室訊號系統，如果只係用三五七年唔化算。

如果真係想留MLR，我估只有北環線先適合佢地頤養天年，但到北環線有定案時佢地應該已經死晒。

[ 本帖最後由 DIH 於 2012-10-25 15:08 編輯 ]

其實呢D列車會唔會係用黎…加密西鐵線既班次？
(講笑)

其實小弟有個疑問，乜日本唔係已經唔再生產SP1900系列啦咩？姐係無論點都唔可能係日本買新車卡…

又不是100%沒可能, 一切都只是$的問題而已, 只要有$有單, 車廠肯接就會造, 反正圖紙都還在, 不存在任何技術上的問題(除非像Metro-Cammell那樣關門大吉就沒辦法啦)

原帖由 Hopuco 於 2012-10-25 20:14 發表
其實呢D列車會唔會係用黎…加密西鐵線既班次？
(講笑)

其實小弟有個疑問，乜日本唔係已經唔再生產SP1900系列啦咩？姐係無論點都唔可能係日本買新車卡… ...

唔再造千九嘅係Kinki
仲有Kawasaki呢？

其實東鐵到時cut到9卡,仲要延至金鐘東,咪會好迫?
始終北上北下既人已經多,再加上本身本地人一齊坐,唔30秒一班都唔得喎

原帖由 段飛 於 2012-10-26 10:58 AM 發表
其實東鐵到時cut到9卡,仲要延至金鐘東,咪會好迫?
始終北上北下既人已經多,再加上本身本地人一齊坐,唔30秒一班都唔得喎

30秒一班車?  實際上做唔做到?
淨係停定車 + 上落客 去到部車開始起動﹐30秒都唔夠啦。(仲未計車門重開問題)

原帖由 段飛 於 2012-10-26 10:58 發表
其實東鐵到時cut到9卡,仲要延至金鐘東,咪會好迫?
始終北上北下既人已經多,再加上本身本地人一齊坐,唔30秒一班都唔得喎

你一班車的間隔是如何定義？

正常我們計算的班次 (headway)，是 1 / 每小時每方向多少班車 (tphpd) ，
而路線的容量，或多或少會牽涉信號系統。

如果某站停定時間 (或dwell time) 是40秒，9卡東鐵列車加速駛離月台大約要23秒，
後車入站又要27秒左右，單是這樣最密都只可做到1分30秒一班。

不知你指的30秒一班是否指前車車尾完全駛離月台與後車車頭開始駛進月台的時間差，
如是者，即班次再加30秒，為2分鐘一班。