2+2闊座位引進九巴18年, 新車舒適度卻大倒退

係V椅個網睇到Spot 400/6(圓蛋凳)同Revo S 480(E50D樓上雅座)既圖, 拎黎比對左下, 唔理比例大細果D啦

Spot 400/6個坐墊明顯厚過Revo S 3分1, 向後傾斜,
而Revo S椅身較高, 凳腳較長, 椅背較Revo S 直, 坐墊平整無傾斜,
另外椅背舊膠較後同成直角, 成為頂腳既罪魁禍首



試下2款凳各排4行, 坐Spot 400/6凳的話, 乘客隻小腿可以放去前面張凳的凳底,
而Revo S 480椅背底成直角, 雖然椅背已經兩邊做斜左黎偷位,
但明顯只係杯水車薪, 膝頭仍然會頂正前面椅背, 而九巴加多排椅令頂腳情況更甚

[ 本帖最後由 s3n354 於 2013-11-25 12:44 編輯 ]

原帖由 EX-TL 於 2013-11-23 02:14 發表
一講座椅舒適度就要暴露身高, 有d可笑, 身高一樣, 但身長同腳長都可以唔同, 腳一樣長,
大腿同小腿比例上應該差無幾, 但差個少少就係舒唔舒服o既關鍵, 不如以平時坐巴士唔同座位
有咩特別好處同唔好處, 去評論好唔好 ...

雖然我認同「唔能夠認定一張凳好唔好坐, 只能夠話張凳適唔適合你坐」呢句,
但張椅要乘客們符合身型, 注意坐姿, 自己去尋找最適合既坐法, 就唔係一張好椅,
你去買床褥買梳化時, 會唔會買張唔岩自己坐/訓既, 而返到屋企改自己姿勢, 坐法去迎合張床張梳化呢?

當普遍乘客都覺得快餐椅, 按摩椅, newchina硬凳, E50D張椅唔好坐時,
我只希望各巴士公司買椅排位時唔好再咁偏向小眾口味,
而唔係叫乘客自己去迎合張凳,
我自己由港島返屯門市中心時, 因為張凳而已經改搭962X, 起碼搭到L椅車機會高好多, 仲有機會搭到被站友劣評的半豪躉

我都覺得坐左新車後
腰酸背痛多左... 新車張椅真係好硬
當坐返舊直既時候...完全係一種享受

利申 : 無針對之言...請見諒

原帖由 DW8306 於 2013-11-22 23:55 發表

不過就上層梯位前果兩排凳,亞記車身舒適度明顯比其他牌子做得差
尤其係坐AV同ATS,坐位淺窄,張櫈成直角.坐落去簡直係慘過返印度

我諗講唔舒服，應該冇乜車衰過窄凳3ASV(樓上窄凳和樓下90' 餐廳卡位)

原帖由 arhang2001 於 2013-11-25 22:42 發表



我諗講唔舒服，應該冇乜車衰過窄凳3ASV(樓上窄凳和樓下90' 餐廳卡位)

3+2車應該會差過佢

小弟至今為止不幸（有幸？）未搭過E50D。

講到座距窄，應該不得不提亞記車身雞/鴨。請問兩者邊款頂腳D？

原帖由 HT3415 於 2013-11-25 14:02 發表
我都覺得坐左新車後
腰酸背痛多左... 新車張椅真係好硬
當坐返舊直既時候...完全係一種享受

利申 : 無針對之言...請見諒

中低客量路線，當然舊直坐得舒適。

但當乘坐例如281A一類常滿線，舊直掛牌真的超討厭!
上到車要企位時, 我實在寧願掛ATENU, 某至超頂腳ATR，有得坐頂下腳, 都好過罰企7、8個字。老實說，如非希望有位坐，確實寧願保鐵，座位亦是巴士相對鐵路其中一個大優勢啊！

自從直梯車面世後，我才發現3AD原來是現役車隊中最以人為本的車廂設計。
上層57座行距洽到好處;下層不設水塘，盡用空間設置座位，全車99座之餘，又不至如黃色大富豪下層超窄橫位坐得辛苦; 特短螺旋較後位置中梯，能略為減輕無水塘大富豪的假頂閘情況。以現實載客量比較，亦相信不比直梯車少，但卻能多提供多達19座位!

有次搭60M, 人龍雖然伸展至南豐中心一樓, 來架3AD, 竟然排到上車仍然有散座, 想到如果來架直梯，近廿人無端要罰企的境況，此時真的感到「新不如舊」！

個人認為，以前的巴士，儘管性能或有不如，但這才是一輛有效率，以人為本的巴士！

原帖由 s3n370 於 2013-11-26 00:23 發表
小弟至今為止不幸（有幸？）未搭過E50D。

講到座距窄，應該不得不提亞記車身雞/鴨。請問兩者邊款頂腳D？

冇得比!
亞記鴨可真算前無古人, 後無來者!

舊熱狗椅背格硬加木條偷短座位，記得減位前, 上層右車頭位及下層樓梯後第一排位，相信170cm或以上成年人，根本完全無法乘坐！

原帖由 s3n354 於 2013-11-22 20:09 發表
還記得18年前的生日, 100號開線,
開線第2日既星期六, 屋企人即刻同我去尖沙咀碼頭試呢條平價過海線順便慶祝生日,
用車係全新3AV, 第一個感覺係覺得部車白雪雪好新淨, 2+2座位同當時既冷氣巴唔同,
好闊好大張, 好似搭 ...

即係咁講,

大富豪坐感就真係同名一樣...好似富豪級享受
但新車坐位又未至於真係咁一文不值O既...
基本上現有新ATENU 坐位係應該足以比大部份香港人身材而設計,
身高米8 O既乘客,比你上到上層行都企到貼車廂頂o既時候,更惶論坐椅頂前面呢...
即係如果你怕坐位頂前方o既時候,我建議你落番下層搵位坐or企...
如果你想要近乎頭等艙o既享受,咁你搭"鑽的"啦...

唔係我想同有137載客量O既新車,而去打哂天空上O既飛機落黎...
但我份人真係好鬼實際,架車比得出全車90個座位真係算係咁,
比高客量線但係尾幾站上車O既乘客去選擇,我相信新車點都好過批直車...
至少起碼可以比佢地迫埋上車企...

不過,新型巴士車頭設計真係有點累事,
如果要平衡咁多位唔同乘客O既要求,同新車車頭O既"安全"設計
不如比新到港巴士車長酌量延長到12.1米,甚至外國版O既12.8米
去填補番新型突出式車頭設計令車廂實際空間減少呢之個缺點啦....

[ 本帖最後由 tkf_2005 於 2013-11-26 18:20 編輯 ]