原帖由 FD5410 於 2014-7-16 15:20 發表 
301 咁耐都未被 104 食埋, 好似就係兩巴時段問題
所以要殺 301 唔係咁易
更遑論拉 301 上白田, 紅隧口加分段...
兩巴時段既問題就唔清楚啦。。反正果d有錢賺既聯營線，兩間公司分別都會間中開特別車搶對家生意。。 不過其實重點都唔係呢度，而係301 「繁時附減費」呢盤屎忽數。。如果104食番301，兩巴就發上發啦，事關位位收多一蚊喎。。。一日隨時收多幾千甚至幾萬蚊喎。。。
可惜要乘客位位比多一蚊，係好難過到區議會既一件事。。但係如果比全日行走既104 有一個特別優惠，隧道口收$8.4 罷就呢，其他區又會爭住要所有隧道線（至少係所有紅隧線）隧道口收$8.4，咪做壞個頭囉。。。
301 因為佢本身係繁忙時間優惠路線，所以先可以用「特別優惠」呢個理由解釋得到，但係如果要套落全日既104度，難度就高了。。。 
順便回應一下沖哥（91樓）對小弟就過海線幫流水線埋單既質詢，其實有如95樓FD5410兄既講法一樣，係一個無奈既事實，小弟都好唔想合理化呢個問題（我個荷包都因為呢個問題漏緊水架。。唔好當我唔關心先得架。。  ）大家都知道如果可以做番好本土流水線就梗係最好啦，但係問題係巴士公司偏向飛走某d區（例如水街以東，中環地鐵砵典戶街以西等地，即係西營盤+上環）唔做嘛。。。城巴新巴但求唔作出實際加價，影響所有路線既受歡迎程度（事關好客線都加價既話，可能會趕走一部分重價錢既乘客去MTR，結果到頭來可能仲賺少左），於是就諗出左「5X西行式」屎忽數執旺區流水客，順便跳左d地勢唔好，唔近快速公路（所以無法執行流水線改快「變相加價」）既位置，用隧道巴密車既形式「一雞兩味」地掠水：第一係開特車搶對家生意同流水客，第二係對西上環客進行持續既「耐力考驗加價」，最終趕晒d乘客上隧道巴以賺取最多利潤（雖然呢種流水要同對家拆賬，但由於係對家地頭都可以搶到生意，咪打和囉~ 最終都實無輸蝕架  ）
總結一下啦，我好認同樓上「殺301唔客易」既講法。另外就係流水線既問題，可作另文討論，以免騎劫左個post，因為呢個並唔係只關西區既事。。。  | 
