新人發問：關於馬鞍山綫的自動月臺閘門問題

原帖由 dennis28a 於 2015-5-31 23:47 發表
師兄，何必咁激動。



一句講晒，錢既問題，大圍站同荔景站完全唔同，
如果要起到你既要求，造價隨時要成 30-40 億（按：當年尖沙咀支線大約 40 幾億），因為咁樣同重新起過大圍站無分別。

點解咁講？本身大圍站係後期加建出黎，所以一直 ...

師兄，誤會了，我從來無要求整到荔景咁兩層島式月台兼充滿「未來」「科幻」「cyber」feel，點敢咁高要求？

我只要求肆肆正正，馬鐵月台就返東鐵月台高度，唔好一高一低(反正佢咁鐘意「同東鐵睇齊」，馬鐵係咁，落馬洲站係咁，偏偏東馬鐵唯一交匯站既月台高度，就唔見「睇齊」)，或者退一萬步黎講，就算一高一低，但中間條接駁通道可唔可以靚仔少少，唔好係要人ZZZ咁兜(下文回另一師兄會解說)

但偏偏佢連咁都做唔到，唔及人地荔景水準十份一。

原帖由 mckhgc 於 2015-6-8 20:55 發表

估唔到有人咁都唔明，會覺得咁樣係有問題，我畫公仔畫出腸去解釋喇：

最多客既時間，係返工放工繁忙時間，而當中又以上午繁時返工時間最趕同最多人。

上繁返工，點都比下繁放工要趕時間同要準時，不用解釋吧！

而且 ...

……

其實方便到馬鞍山去大圍嘅人係好事嚟嘅
我知道經由馬鐵出市區嘅人好多
見每班車到站啲人都衝去東鐵月台轉車就知…
但係朝早入馬鞍山嘅人其實都好多
我之前朝朝要搭馬鐵
啲人多到

我嘅意思係除左顧及出市區嘅乘客之外
亦可以方便入馬鞍山嘅乘客
做到兩個跨月台轉乘
而唔係好似南昌站咁得一個島式月台:L
同埋如果車站月台可以起得闊啲就更好

原帖由 Mos_Lok 於 2015-6-6 18:10 發表

大圍站兩邊月台一高一低係因為大圍站東鐵月台位於大斜路路段
馬鐵因為係空地建新站而係平路
所以兩邊月台北面高低差比南面大

至於Z形路我諗係唔想太斜有意外, 又唔想起梯級
另外亦分散到乘客去1-3, 6-7, 10-12卡
...

唔係想唔想既問題，係須知有極少數乘客，行唔到梯級，仲起梯級的話，即係「歧視」，平機會律師信都有得收！

我明白係有咁既情況、但使唔使極端到全部起ZZZ斜道？起一條ZZZ斜道，供該極少數乘客使用，其他起梯級加輪椅升降台，已經夠晒需求。總好過要絕大多數行到梯級既乘客(應該唔會少過99.99%)，做埋D無必要無意思既ZZZ兜路。

當然最好係整到東馬鐵月台同一高度水平。

冒著犯道德禁忌都要講：係，行動不便係好慘，係需要有方便到照顧到佢地既設施，但使唔使全世界乜都就晒佢地，有咩就唔到，就扯到去「歧視」？有時咁樣真係好令人煩厭。「勞工假」赤裸裸地歧視某些階層職業既從業員，我住呢條村，夠被某巴士公司嚴重歧視兼畀成個區踩著黎上位，呢D真真正正歧視，又有邊個去撥亂反正？！

好似大圍站呢個情況，為左遷就佢地，要全世界無選擇下陪佢地ZZZ咁兜，根本係矯往過正、逆向歧視。

原帖由 alexleechaksum 於 2015-6-8 21:49 發表

……

其實方便到馬鞍山去大圍嘅人係好事嚟嘅
我知道經由馬鐵出市區嘅人好多
見每班車到站啲人都衝去東鐵月台轉車就知…
但係朝早入馬鞍山嘅人其實都好多
我之前朝朝要搭馬鐵
啲人多到

我嘅意思係除左顧及 ...

......

我近七八年都幾乎朝朝早搭馬鐵，但以我所見，朝早烏溪沙方向客量，未至於載空氣，但同大圍方向比，真係九牛一毛，仲要唔知點解烏溪沙方向比較密車。

到底閣下同小弟處於唔同平行宇宙，定係我時運比較高，有D客係閣下睇到，我睇唔到？

上繁時馬鐵，烏溪沙方向，主要係得大圍去城河東或馬鞍山返學，或城河東去馬鞍山返學既學生哥，而且佢地都係集中7:45AM前。打工仔翏翏可數，事實上整個城河東及馬鞍山，幾乎係全住宅區，近乎無就業機會，係得石門同威院有多少少工，但醫院工作又往往係輪班，不一定上繁返工。

但大圍方向，除左以上反方向既學生哥之外，仲有大量湧往市區挨世界既港奴....呀唔係，係打工仔。

邊一邊多人？

當然遷就到所有方向係好，最好增設同時有東馬鐵既顯徑站，做到類似太子站、旺角站式既雙站雙方向對面月台轉乘，但以環境(再加上某公司既車站設計智慧....)而言，做唔做到？呢樣野已另有師兄詳細分析。

只能夠遷就到一邊既情況下，應該以遷就邊一邊為先？唔再loop了。而馬鐵右上左落，就正正係要做呢一點，亦係做得比南昌站好，亦可能係馬鐵唯一優點，但偏偏閣下又好似好不滿咁:L。

就算馬鐵左上右落，唯一好處只係方便到東鐵南行轉馬鐵北行，但呢個似乎從來唔係任何時間既主流人潮方向(定係閣下係咁搭，就認為好多人都係咁搭？)，而且其實只要馬鐵到大圍係原位調頭(我亦認為應該要咁做)，同樣做到呢點。

原帖由 mckhgc 於 2015-6-8 21:51 發表

唔係想唔想既問題，係須知有極少數乘客，行唔到梯級，仲起梯級的話，即係「歧視」，平機會律師信都有得收！

我明白係有咁既情況、但使唔使極端到全部起ZZZ斜道？起一條ZZZ斜道，供該極少數乘客使用，其他起梯級加輪椅升降台，已經夠晒 ...

其實ZZZ斜道仲有一個牽強啲嘅原因（解釋到點解要zzz形咁起）

首先要諗住荔景站同大圍站最大嘅唔同，係荔景兩條線都可以入到CBD但係大圍唔係，荔景當TCL爆鑊，荃灣嘅人至少可以直接搭TWL出CBD，而大圍站，馬鐵所有乘客都要落車，一定要靠東鐵出市區。

如果東鐵上繁爆大鑊而馬鐵繼續3分鐘嚟，用ZZZ斜道至少可以令大圍嘅轉車客唔會淨係塞係月台，如果用樓梯嘅話好大機會會令大圍站嘅容量減少，當啲客倒灌返落去馬鐵月台嘅時候。咁會隨時影響埋馬鐵服務。

同埋斜道要起成Z型仲要考慮安全問題，以免輪椅或BB車失控直衝落路軌

原帖由 mckhgc 於 2015-6-8 20:56 發表

師兄，誤會了，我從來無要求整到荔景咁兩層島式月台兼充滿「未來」「科幻」「cyber」feel，點敢咁高要求？

我只要求肆肆正正，馬鐵月台就返東鐵月台高度，唔好一高一低(反正佢咁鐘意「同東鐵睇齊」，馬鐵係咁，落馬洲站係咁，偏偏東馬鐵唯一交匯站既月台高度，就唔見「睇齊」)，或者退一萬步黎講，就算一高一低，但中間條接駁通道可唔可以靚仔少少，唔好係要人ZZZ咁兜(下文回另一師兄會解說)

但偏偏佢連咁都做唔到，唔及人地荔景水準十份一。

其實係馬鐵興建果陣，真係有考慮過要平等高度，但問題係要將東鐵重置路軌同重置大圍站（前面有提過地理因素），
一係馬鐵同東鐵月台有瀝源橋咁長距離？

Z 斜道係有另一個原因，分散人流。
你可以唔同意依點，但情況係同港島線車站設計一樣，明明個扶手電梯係中間，但甚少有通道直接係扶手電梯中間去到月台。

https://www.youtube.com/watch?v=bOL2a1FXnS0
由此錄像可知幕門為自動關門

原帖由 ytxmobile 於 2015-7-12 11:34 發表
https://www.youtube.com/watch?v=bOL2a1FXnS0
由此錄像可知幕門為自動關門

其實關門同步到
應該唔等於係自動關門

[ 本帖最後由 alexleechaksum 於 2015-7-12 17:53 編輯 ]

如果係手動關門，兩道門關上應該會有一個明顯嘅時間差，就好似廣州地鐵2號線初期咁樣。（除非東鐵列車有兩個車長）

[ 本帖最後由 ytxmobile 於 2015-7-12 22:43 編輯 ]