點解香港火車無鐵路便當/小食賣?

台北, 大陸既火車都有便當/小食喺車上買, 點解香港火車無?
喺車上橫掂都無嘢做, 俾人食飯食嘢係完全合乎時間效益, 只要keep到車廂衛生就可以

如果係氣味問題既話, 可以喺頭等車廂辟一個餐飲區...
俾多少少錢, 就可以享受鐵路便當既樂趣

香港地方唔算好大, 鐵路定位係通勤為主, 車程亦唔會長到需要解決用膳嘅問題。

好多地方嘅通勤列車都係唔俾飲食，有D連清水都唔俾飲 (e.g. 新加坡)
城際列車就通常俾食，KTT九廣通 直通車就有野食賣，可以飲食囉！

你話台鐵俾因為台鐵主要以城際服務為主，台北捷運同樣不准飲食的！

YY487 發表於 2016-5-25 11:13
你將一個城市同一個國家比都幾好野
睇完你個帖，我差啲以為羅湖去紅磡要幾個鐘
...

台北車站去九份都係城市間既路段

15分鐘可以食到一個餐, 都市人繁忙
有時餐廳可能遠離鐵路站, 喺車上用膳可以節省唔少時間

其實東鐵頭等如果可以食嘢都唔錯,LOW/LMC第時去ADM要成個鐘,商務客真係可以省返食飯時間,其實未嘗不可

E3Tsubasa 發表於 2016-5-25 16:45
其實東鐵頭等如果可以食嘢都唔錯,LOW/LMC第時去ADM要成個鐘,商務客真係可以省返食飯時間,其實未嘗不可
...

唔會有人特登走落去落馬洲坐南北線到金鐘，
因為大部分人都會在福田站坐高鐵

羅湖應該仲會有人搭到金鐘，
但老街以西都應該會走哂去福田站坐高鐵

YY487 發表於 2016-5-25 11:13
你將一個城市同一個國家比都幾好野
睇完你個帖，我差啲以為羅湖去紅磡要幾個鐘
...

黃頭火車年代好似真係有小食。當年九廣鐵路根本就係通勤鐵路，俾人長途旅行用嘅（你諗下上水去到九龍車程幾長？），就連電氣化火車嘅廣告都唔會將火車講到係俾人打仗（通勤）用嘅交通工具咁，而係去郊遊、探親用嘅交通工具。九廣鐵路當時完完全全係英國國鐵規格。當年黃頭火車以座位為主，有頭等，有廁所，有行李託運同行李票，尤其是喺一條由大城市（九龍）通往國家邊境（羅湖）嘅鐵路（當年香港重係英國殖民地，而殖民地本質上同一個國家無乜分別），呢啲根本係必要服務。
我完完全全認為，香港政府後期將香港全境視作為一個城市咁管理完全係一個錯誤。機鐵俾地鐵公司做係錯誤、九鐵形象革新係錯誤、兩鐵合併更加係大錯特錯。

點解機鐵俾地鐵公司做係錯？因為當時地鐵公司只係做都市地鐵、九鐵公司只係做長途通勤鐵路。如果機鐵俾九鐵公司做，九鐵公司可以將電氣化火車嗰度搬落去，用英國規格來起，起到紅磡火車站，做埋貨運（貨櫃碼頭）同機場去深圳（羅湖）嘅空鐵聯運（可以用ＫＴＴ）。

東鐵翻新黃頭又係錯，因為東鐵明明係市郊鐵路（通勤鐵路），翻新完搞到內籠成部地鐵咁，根本唔係適合長途旅行用（例如上水、大埔呢啲遠郊去九龍），重要好衰唔衰裝埋ＡＴＯ，搞到車底長期超負荷，最終導致裂紋事件發生。西鐵車廂搞到成部地鐵咁我亦都覺得唔妥，跟黃頭近郊規格咪好啦。我次次搭西鐵啲車廂都係空空如也（６分鐘一班時段）。最好應該整埋頭等，西鐵咁鬼長途，由紅磡去屯門成３５公里，俾頭等車啲富貴人士坐下都好啦，使乜搞到好似地鐵咁啫，邊會好似地鐵咁由朝到晚都咁多人呀。地鐵市區線真係由朝到晚都企滿人，西鐵點會？頂多咪嗰兩三個鐘繁忙時間多人，根本就係通勤鐵路來。東涌線情況都一樣。

去到最後，兩鐵合併完全係地鐵公司吞併火車公司，用足地鐵嗰度思維去營運東鐵線呢啲近郊火車。大家都見到港鐵公司喺東鐵線到做咗啲乜好事啦？又取消行李託運、又取消行李票，你叫而家啲乘客點樣合法地將大型行李（例如雪櫃、電視機）咁運返大陸？根本上機場快線有嘅嘢、東鐵線都應該有（機場快線係機場去城市，東鐵線係邊境去城市，都係服務旅客為主）。之後重要連貨運都無埋。

至於九廣鐵路九十年代超負荷，同屯門公路塞車一樣，呢個根本係香港政府嘅錯，唔係九鐵公司嘅錯。八十年代香港經濟轉型，但係香港政府無將境內規劃做工業嘅城市（例如屯門）等等都一同轉型，更甚嘅係，去到九十年代之後香港政府已經將香港全境當成係一個城市咁看待。以前市區還市區、新界還新界，新界郊區嘅巴士貴過九龍，地鐵頂多起到荃灣同沙田呢啲近郊，大埔上水屯門元朗呢啲地方係耕田嘅，為全港供應食糧；以前好多公共服務都係分開咗港九市區同新界（市政局同區域市政局），收費設施新界係嘅平過港九嘅。

miklcct 發表於 2016-5-25 23:42
黃頭火車年代好似真係有小食。當年九廣鐵路根本就係通勤鐵路，俾人長途旅行用嘅（你諗下上水去到九龍車程 ...

樓上講左我心聲,東西機鐵咁長
東鐵
三者佢最ok,起碼有頭等,不過冇得食嘢真係唔太好,車箱地版又只係膠地版嘅,唔會太污漕(當然北國人民令人擔憂)
但佢Peak time 45秒一班真係值得小田急參考,而且沙田(火炭)-大學-大埔market/太和-粉嶺距離真係好遠,通勤線來說有D
試過大學-TPM間搭MLR佢電力固障得返1/3燈,荒山野嶺,都幾恐怖
西鐵
七(開始8)卡去到距離市區咁遠嘅TUM,鬼夠咩,冇頭等HUM-TUM係災難
本來可觀嘅計劃(客運．貨運 . 通大陸...)結果2003年開得(屯門居民爭取下:
TUM-NAC)同巴士一樣南不過深水埔,貨物線嘅港口線(荃灣西-大圍間好可能變左客運)消失
大陸線變左高鐵,西鐵第二期(北環線)變左夢咁
機鐵
揾URL線嘅公司(MTR)去整=大錯突錯
食嘢×,差電×
冇眼睇