[路線計劃/RPP]
觀塘線延線通車後重組計劃最新安排
[複製鏈接]
|
我好狠心去討論幾點，先講荃灣走線。
我對荃灣走線態度非常開放，兜與唔兜真係事在人為。
如果入大河道浪費時間，我非常樂意棄客。
不過我留意到一點：930X。
930X 由愉景新城 - 沙咀道 - 德士古道，去到環宇海灣，要做咁多野，車程只需要 11 分鐘。
對比返西站開既 930A，其實時間又唔爭得遠果下至有趣。
而 Ricky403 兄指出一左點，完全想個個有區快線出尖沙咀，只要犧牲大家，唔入荃景圍，事實上係有方法限制到灣景去公路係 15 分鐘左右。
//我自己嘅屬意就係灣景開，經福來邨、沙咀道掃到去熊貓一帶再行德士古道上公路，回程就荃富街出一路行青山公路返灣景，荃灣市主做眾安街同荃富街一帶；咁樣灣景上公路都只係要15分鐘//
學 Ricky403 兄，跟 934+930X 依種行法大約要 15-20 分鐘內，視乎區內居民想要楊屋道定係沙咀道，依點可以討論。
對荃景圍而言，雖然係無咁快，但而家佢地上 234X 係唔係都要行落荃景圍天橋，所以無大分別。
而灣景、麗城、荃景圍由頭站去到尾站上公路，車程只係增加左 10 分鐘。
我 #254 提出過的兩種行法，不外乎係：
1. 荃景圍，大涌道直出
2. 荃景圍，大涌道，楊屋道直出
對比起你停完楊屋道仲要兜入唔知灣景定海濱，到底邊個先係「荃灣不停兜路」？唔好老屈人囉。
你建議既方案 1，荃景圍落大涌道直出依舊 10 分鐘，只係變左山上面既居民有車。
方案 2 仲大問題，因為 930A 同 930X 證實左一點，都一樣會引致車程加多 5 分鐘。
而且，灣景或者麗城？觀似乎你依兩種行法，似乎你想荃景圍做總站而放棄西約。
單憑荃景圍、大涌道做主力，而楊屋道已經有全日紅小出旺角，前者範圍太細，後者直頭有大大少旺角紅小執客。
無錯，我原建議進一步兜入海濱，跟 934+930X 行法，頂多只係再加多幾分鐘車程，
坦白講，頭站至公路口一定控制到係 20 分鐘鬆。
如果唔鐘意，大不了唔好入海濱，934+930X 20 分鐘上公路。
又或者為荃景圍居民著想，將依幾分鐘兜上半個荃景圍再沙咀道落山又得。
但好明顯荃景圍旺角對比起楊屋道/海濱尖咀特快更值得做，
上面 Ricky403 已經正確指出楊屋道/海濱唔少客搭西鐵落尖沙咀，巴士無得玩，係你偏要做呢個巿場
反而楊屋道去旺角（再加埋油麻地佐敦），巴士都仲叫做有得玩下
咁就睇下你點解釋，究竟你建議既線做唔做灣景、麗城，
而且單靠荃景圍同埋大涌道一帶，好難夠客玩全日。最後搞到依旺角特快，但非繁淨係做到 30 分鐘一班，咁仲樣衰。
起碼要做埋楊屋道，或者可以做得番非繁 15-20 分鐘一班。
至於楊屋道去旺角，車密就話有得玩姐。
而家條線楊屋道去尖沙咀客又唔會上（因為要兜旺角），旺角油麻地佐敦客比紅小正面抽擊，試問係唔係咁多肉食？
係咁肥仔，紅小一早密車係荃新天地添食，洗等巴士公司做？
如果飛西九龍公路直落尖沙咀，對比起經西九廊經旺角去尖沙咀，的確如上面版友 Ricky403 所言，慢八分鐘既話，
咁我大涌道直出落旺角，再掃到落尖咀，都係會比起你荃灣不停兜路後直落尖沙咀的定線仲要快；
就算係經楊屋道直出旺角定線同你兜海濱走的定線相比，都係打和正負幾分鐘
而你話係咪應該旺角併埋九龍城啟德，咁我想問下，
而家 30X 234X 服務範圍都去到油麻地甚至佐敦，咁如果開條旺角特快，係咪順理成章應該做埋佐敦？
如果旺角後就轉入九龍城，信和一帶行遠左，油麻地又應該點解決？由得人慢碌長沙灣，定係唔做佢地生意？
Flashback Ricky403 兄講既野：
//其實南行行三幹直落尖沙咀比行西廊經美孚、旺角、彌敦道落快約8分鐘
而行西廊（經美孚）比行長沙灣道落旺角都係快約8分鐘//
我先唔評論 Ricky403 兄車程合唔合理，但你既論述係：
1. 「慢碌長沙灣」係死罪，所以需要做旺角提速
2. 旺角直落彌敦道出尖沙咀只係比三幹快 8 分鐘，既然都係差唔多時間，點解唔做埋佢？
3. 我建議係荃灣兜路既時間，直頭可以抵消直出尖沙咀當 8 分鐘優勢
做人唔好咁雙重標準，如果都用人地個講點，「慢碌長沙灣」同「彌敦道直出」都係爭 8 分鐘。
你可以唔接受前者果 8 分鐘，但接受後者果 8 分鐘？
至於你認為兜路也好，係唔係直係抵消晒依 8 分鐘優勢？之後再討論。
不過我建議既九龍城線，只係當區居民其中一個訴求，方向係咁，唔一定要做。
而且我又問，如果你做左荃景圍去旺角特快，咁海濱去旺角呢？去美孚轉 BBI？
咁旺角返海濱呢？又係美孚轉 BBI？咁上 63X 定係上提速後既旺角特快線返新界？
夾完 30 分鐘既 63X 或者 20-30 分鐘荃景圍旺角特快，之後再要等 38A 同可能上唔到車既 238X。
如果你堅信「慢碌長沙灣」爭 8 分鐘的話，又點會用美孚 BBI 呢？
而且，我係居民打死都唔搞美孚 BBI，搞到意味著 238X 有機會進一步減班。
如果我係居民，我寧願要直出線，都唔好要小恩小惠，疏車轉疏車線點會快 238X？仲要減你 238X 班次。
至於點解唔將荃景圍旺角分開上菜：
1. 如上，落得旺角就起碼要掃埋落油麻地，但擺佐敦定尖沙咀都係要行咁耐，一樣要用咁多車，掃埋落尖咀可以用最少資源做到最多功能
2. 而家 30X 加 234X 得 24 部車，就算俾你拎埋區內線重組，可增加用車數都係單位數字；慢線一樣要行咁耐，邊度夠車俾你拆多條線？
3. 上面都講過，楊屋道、海濱去尖咀唔見得值得玩；對比起荃景圍直出經旺角掃落尖咀的定線，
頭站區兜餐飽，中途站地區無得玩，到頭來頭站區落尖咀無快過
計用車數我無你咁精明啦，不過你堅持擺總站問題，我就同你討論下先。
「落得旺角就起碼要掃埋落油麻地」，依點可圈可點，要睇下你條線想點分工，
我先當依個前設無錯（先唔討論同其他區夾），油麻地做分工線，依個正路既方向，我原則上認同。
問題係，如果真係做油麻地，擺佐敦定尖沙咀係唔係無分別，我答你唔係。
1. 尖沙咀最適合放新線又有車坑，只有麼地道
2. 如果擺佐敦，可以選擇九龍站、渡華路
無錯，佐敦道日日日塞夜塞，可能由渡華路塞到去彌敦道搞成起碼 10-15 分鐘。
不過唔好忘記，234X 同 280X 每日表演緊 7-10 分鐘由尖麼至中間道，
麼地道塞出站問題，有時離譜到部巴士用左成 10 分鐘時間先轉到出大馬路。
除非彌敦道北行果日好暢順，否則，中間道去到中郵起碼要成 10 分鐘。
如果係裕華轉出黎，裕華去中郵上落埋客，頂盡 5 分鐘。
所以擺麼地道同擺渡華路，唔一定完全無分別，就算彌敦道南行返尖麼，可能快過佐敦道西行，
擺麼地道絕對唔係一個好選擇，但無位既情況下無得唔擺。
咁唔擺麼地道，另一個合理選擇跟 260X 係紅磡站經紅繞出，
但出市區果程，又係要塞漆咸道南同理工返入紅磡，慳到出站反而蝕晒入站時間。
（如果真係堅持落尖沙咀，其實應該放黃埔／海逸豪園）
另一個問題係，所有渡華路做總站既線，一樣好鐘意出入佐敦道（歷史問題也好，實際需要都好）。
我每日問，如果中郵同炮台街上到 260X 返屯門，咁 60X 行佐敦道返屯門仲咩？唔係仲浪費時間咩？
回正題，如果真係做荃灣西 - 尖沙咀特快，先唔討論真旺角特快點行，咁首先要解決尖沙咀特快同 234X 分工問題。
我當唔考慮其他方案，好簡單將 234X 縮落佐敦，係唔係一定要來回行足佐敦道？
既然要跟 280X 行欣翔道可以有效回避 260X 同 268B 既悲劇，加上炮台街離柯士甸站只有幾分鐘，
尖沙咀特快返荃灣西無必要落佐敦道上三幹，仲可以繼續做中郵。
咁中郵有快線做，234X 係可以行廣東道（玉器街），只需要運輸署打通番新填地街一段彌敦道，234X 直頭可以大幅減低塞車問題。
如果唔鐘意 234X 擺落渡華路，215X 廣東道舊巴士總站（近中電）咁多年係無拆過，
最好去到眾坊街就轉入上海街，再睇下邊條內街最適合轉入廣東道。
234X 又唔係密，唔好咁細視，無總站其實可以泊街。D1A 路打通後，再考慮搬唔搬高鐵站都未遲。
不過旺角去尖沙咀要觸動到 30 分鐘係唔係咁難？50/50 啦。
當然，如果真係咁想拆條線專心做尖沙咀既話，因為楊屋道同海濱都無得玩既緣故，
荃景圍落山後最多兜灣景就大涌道甚至海興路直出，直落尖沙咀，然後 30X 就大涌道直出，美孚掃到落佐敦，再縮短 234X，都或者有得玩。
去旺角雖然無得行西廊，但係起碼飛起左現時定線荃灣最兜路路段，亦唔係太慢，只會比荃景圍經楊屋道直落旺角慢少少。
但問題同上面一樣，擺佐敦定尖沙咀都要咁多時間咁多車，
就算係落尖沙咀，如果要兜埋灣景，亦唔見得快過荃景圍大涌道直出西廊經彌敦道幾多，係灣景落尖沙咀真係快唔少
不過點都好，一定唔會係荃灣區內不停兜路，仲要兜埋無得玩既地區，然後直落尖沙咀就叫做快左
返番返兜路問題，我重申，荃灣區內點行可以討論，
但你一而再，再而三堅持，我咁行就唔會快，你就旺角就好快。
係，荃灣區內你係行快左，但事實上去到九龍點都會慢返轉頭。
好，我就同你攤開睇：
1. 灣景、麗城、荃景圍天橋、大涌道上橋（934 行法）：約 10 分鐘
2. 荃威落山、大涌道上橋：10 分鐘內
3. 荃威落山、大涌道、楊屋道上橋：約 15 分鐘
4. 荃威落山、灣景、大涌道／海興路上橋：約 15 分鐘
5. 灣景、麗城、荃景圍天橋、大涌道、楊屋道上橋（934+930 行法）：15~20 分鐘
6. 灣景、麗城、荃景圍天橋、大涌道、楊屋道、環宇海灣上橋（934+930X 行法）：15~20 分鐘
7. 灣景、麗城、荃景圍天橋、大涌道、楊屋道、海濱、環宇海灣上橋：約 20 分鐘
8. 灣景、麗城、半個荃景圍山、沙咀道、楊屋道、環宇海灣上橋：20~25 分鐘
9. 灣景、麗城、荃景圍天橋、大河道、楊屋道、海濱、環宇海灣上橋：約 30 分鐘
你講得無錯，落大河道時間會過長，咁係唔係好差？
咁我地再睇下九龍區唔塞車走線。
A. 大涌道／德士古道上橋、西廊、太子落橋：約 10 分鐘
B. 大涌道／德士古道上橋、美孚、西廊、太子落橋：15 分鐘內
C. 大涌道／德士古道上橋、三幹、佐敦出口：約 10 分鐘
D. 大涌道／德士古道上橋、三幹、西隧口：約 10 分鐘（參考用）
i. 太子 - 彌敦道 - 中間道：約 20 分鐘
ii. 佐敦出口 - 新港中心：5~10 分鐘
假設完全唔塞，由荃灣尾站去尖沙咁計：
B + i = 35 分鐘（旺角特快，經美孚，類 63X）
C + ii = 15~20 分鐘（尖沙咀特快，類 260X）
姐係意味著尖沙咀特快，起碼快成旺角特快近 15~20 分鐘，
同時意味著有成一般幾長既時間去比荃灣區內兜路，或者係比你係九龍區塞車。
再睇番大家上面荃灣走線既建議，我咁敢講我時間好準，但最低限度，
如果為左令區區有快車出，我唔係好睇得出 930X 落一落環宇海灣要幾耐同幾兜路，
坦白講，依類時間差直頭比落一落美孚果 5 分鐘完全抵銷。
所以係唔係真係無方法去阻止兜路？唔係，我對荃灣做幾多區係非常開放。
不過，你再睇番淨做荃景圍，10 分鐘上公路係好快，咁又點？當 238X 做咁多野，又係無方法加班。
淨做荃景圍範圍咁細邊得力支持全日 20 分鐘一班？（真係夠客，我唔反對大涌道直飛）
大家都認同，234X、30X、238X 搞成咁，唔係無客，而係範圍太細，路線性質太似，點會密得去邊。
換兜多 10 分鐘，可以令頭站（灣景）出新港控制係 35-40 分鐘，而尾站（環宇海灣）去新港係 15~20 分鐘。
如果硬係要落旺角，假設大涌道上橋，荃灣頂盡快得 5-10 分鐘，但落尖沙咀慢番 15-20 分鐘。
當然，如果真係咁想拆條線專心做尖沙咀既話，因為楊屋道同海濱都無得玩既緣故，
荃景圍落山後最多兜灣景就大涌道甚至海興路直出，直落尖沙咀，然後 30X 就大涌道直出，美孚掃到落佐敦，再縮短 234X，都或者有得玩。
去旺角雖然無得行西廊，但係起碼飛起左現時定線荃灣最兜路路段，亦唔係太慢，只會比荃景圍經楊屋道直落旺角慢少少。
如果荃景圍 + 灣景真係夠客，我歡迎去做，但唔夠客一定會變左個大頭佛出黎。
無錯，你用另一個角度睇，咁改都係慢 10 分鐘姐，但荃景圍夠客做非繁 20 分鐘一班？到時學 63X 變成 20-30 分鐘一班，請問有咩好處？
當然，如果真係咁想拆條線專心做尖沙咀既話，因為楊屋道同海濱都無得玩既緣故，
荃景圍落山後最多兜灣景就大涌道甚至海興路直出，直落尖沙咀，然後 30X 就大涌道直出，美孚掃到落佐敦，再縮短 234X，都或者有得玩。
去旺角雖然無得行西廊，但係起碼飛起左現時定線荃灣最兜路路段，亦唔係太慢，只會比荃景圍經楊屋道直落旺角慢少少。
如果荃景圍 + 灣景真係夠客，我歡迎去做，但唔夠客一定會變左個大頭佛出黎。
無想要減班，定係兜路？
可能你又會用，高鐵站 + 廣東道隨時塞多 10-15 分鐘，但彌敦道千變萬化，有人上 41A 旺角落尖沙咀成 30 分鐘，姐係入面起碼塞多 10-15 分鐘。
咁又點計？唔好講到廣東道塞車，就等於彌敦道唔會有交通意外。彌敦道轉返旺角道同佐敦道車，又係排晒彌敦道等轉入去。
值唔值為左荃景圍 - 旺角特快，去犧牲條特快既班次？完全唔值。
如果唔夠客你就兜落楊屋道走維持 20 分鐘一班，咁就變成慢 15 分鐘，走左部車又比紅小搶客，仲要一樣西廊，明明而經有一樣既線，你繼續堅持有得玩。
計返落條數，唔比西鐵強太多又點？個優勢都足夠做到全日 15 分鐘一班已經好足夠。
頭站（灣景）、中途站（荃景圍天橋）去尖沙咀明顯快左近半個鐘之餘（塞少長沙灣道同彌敦道）。
順手將荃灣 - 尖沙咀特快線放落海逸豪園（反正尖沙咀做邊總站都死），將 30X 縮線同將 8A、8P 合併。
而且 234X 好應該同 30X 合併同重組，去維持番一個比較密既班次。
你強行拆旺角特快，睇落好似好睇，咁慢碌長沙灣條線呢？我當 234X 同 30X 合併，淨做灣景／荃景圍（或倒轉） - 大涌道 - 長沙灣道。
去到太子放邊？做循環線？上大坑東？家陣旺角東又無位，如果最後擺係奧運／柏景灣，日日塞旺角又係浪費時間。
如果咁想巴士公司開條你心目中既大涌道直飛旺角？得。
當年 30X 轉建議特快，後果係要迫荃威班人，由得深水埗班客死去轉 BBI。
你認為九巴有心去做太子 - 美孚依段路咩？無左旺角客，有可能條長沙灣碌車線變成 20-30 分鐘一班，仲要由兩條線轉一條線。
如果最後去到咁既地步，又可以點算？服務明顯大倒退。
最後，反正九巴進一步準備為荃灣區削減資源，可能怕左大家最後係 234X 同 30X 就咁合併就算。 |
|
|
惡意回復是不道德的行為。
|
|
|
|
|
|
而家 39M 換坑，一換完之後四架車 o既線就用條雙坑根本就用唔哂，
換句話講塞多條線落去都仲得。
個問題又返去老九個到，究竟老九肯唔肯放水比荃景圍，
還是仲係只係不斷搞 39M，另外個幾條線就 hea 做算。 |
|
|
LJ7006 = MF5119 = AVD1
|
|
|
|
|
|
大家留意返，呢到係講觀塘延線，唔係荃灣巴士線既走向丫
|
|
|
|
|
|
|
|
|
本帖最後由 S3BL100 於 2017-1-1 00:44 編輯
不過我留意到一點：930X。
930X 由愉景新城 - 沙咀道 - 德士古道，去到環宇海灣，要做咁多野，車程只需要 11 分鐘。
對比返西站開既 930A，其實時間又唔爭得遠果下至有趣。
幾時 11 分鐘就可以行完？
我呢度搵到條 youtube 片，唔塞車情況下 930X 由總站去到環宇海灣 15 分鐘，上公路 18 分鐘。
呢點已經足以推翻你下面計算時間的前設。
https://www.youtube.com/watch?v=vDt4yLLlB90
而且，灣景或者麗城？觀似乎你依兩種行法，似乎你想荃景圍做總站而放棄西約。
單憑荃景圍、大涌道做主力，而楊屋道已經有全日紅小出旺角，前者範圍太細，後者直頭有大大少旺角紅小執客。
我又幾時講過我放棄西約呢請問？再望返我 #254，我係講緊
可以 30X 234X 各自拆兩條，一條美孚至太子，一條旺角至尖咀。
如果驚條長沙灣道線唔夠客，可以一條做荃景圍 - 灣景 - 大涌道 - 荃灣路 - 美孚至太子，時間同而家 30X 兜大河道相若，但至少出旺角至尖咀真係快左
現有車數，最多再加 1-2 部，係可以支持到咁拆。兩條油尖旺快線可以全日 20 分一班，梅花間竹咁開。
同埋我自己就唔認為楊屋道出旺角無得玩，條紅小都係開緊 15-20 分班仲要單向。
當然你又會話咁多客老早就開密好多，但紅小開密/疏，都可以有好多客量以外的原因囉。
至少條紅小唔係開緊個位數班次，巴士已經有空間可以入。
做人唔好咁雙重標準，如果都用人地個講點，「慢碌長沙灣」同「彌敦道直出」都係爭 8 分鐘。
你可以唔接受前者果 8 分鐘，但接受後者果 8 分鐘？
我又問返你，旺角至尖咀齊齊快 8 分鐘，受惠人數多D？定係尖沙咀去返某個小區快 16 分，去返另一個小區快 8 分鐘，受惠人數多D？
又，用返你好想減繁忙地區流量的觀點，
唔知旺角每小時塞八部半滿巴士落去，用唔盡運載力，問題大D，定係尖咀每小時塞六部半滿巴士落去，問題大D？
同埋即係咁，我發覺你口味好鍾意整D繁忙地區只做兩個地鐵站範圍就上公路既線，就覺得快左好多，
返到去點死兜爛兜就唔理，之前討論東九過線線已經係咁，而家又係咁；
但其他全日更多客的繁忙地區係點，就唔理
但大家對於邊D位真係全日有客，邊D位只係部份時間有客，邊D位比較多客，認知都唔同，你堅持自己與別不同的一套，講多都無謂
而且我又問，如果你做左荃景圍去旺角特快，咁海濱去旺角呢？去美孚轉 BBI？!
咁旺角返海濱呢？又係美孚轉 BBI？咁上 63X 定係上提速後既旺角特快線返新界？
海濱而家約 10-12 分鐘車程都出到美孚
當然你會話，咁即係荃景圍去旺角特快唔需要、唔值得做，但完全唔去了解人地到底需要咩，
有人話完答案俾你聽後又千方百計去否定，即係同無視民間疾苦無分別。
為左達到自己心目中的重組，而否定其他區的需求。好似之前討論東九過海線咁，你死屈灣仔菲林明道至天樂里之間無客
荃景圍而家坐 30X，唔好講落旺角，淨係講美孚，又要幾耐？
而且根本我上面都講左，荃景圍出旺角角度，而家條線係九龍同荃灣段都慢，
問題係改快邊段。咁改快荃灣段再美孚經長沙灣道出旺角，其實時間都係合理，我都會收貨，
只係又會製造條美孚至少碌到佐敦既線，而沿途唔見得好需要太多新界巿區線分擔沿途流水客
計用車數我無你咁精明啦，不過你堅持擺總站問題，我就同你討論下先。
咁唔擺麼地道，另一個合理選擇跟 260X 係紅磡站經紅繞出，
但出市區果程，又係要塞漆咸道南同理工返入紅磡，慳到出站反而蝕晒入站時間。
（如果真係堅持落尖沙咀，其實應該放黃埔／海逸豪園）
咁中郵有快線做，234X 係可以行廣東道（玉器街），只需要運輸署打通番新填地街一段彌敦道，234X 直頭可以大幅減低塞車問題。
如果唔鐘意 234X 擺落渡華路，215X 廣東道舊巴士總站（近中電）咁多年係無拆過，
最好去到眾坊街就轉入上海街，再睇下邊條內街最適合轉入廣東道。
唔可以學 87D 經紅磡繞道返紅磡站？
擺廣東道泊街，咁你想打通邊段路？咁容易？就算入站避左塞車，咁出站應該點行？
而用車數目問題，如果慢線落到佐敦，點都一定比起太子調頭用多唔少時間，
仲要係 30X 234X 兩條，比起而家減車空間唔大，結果係基本上同你搵多 6-8 部車爆多條你口中的尖咀特快無分別
當然，我要重申，咁做的話我都會勉強收貨，但問題係用車數目上係咪可行？不如你計下你會點分配車輛？
咁我地再睇下九龍區唔塞車走線。
A. 大涌道／德士古道上橋、西廊、太子落橋：約 10 分鐘
B. 大涌道／德士古道上橋、美孚、西廊、太子落橋：15 分鐘內
C. 大涌道／德士古道上橋、三幹、佐敦出口：約 10 分鐘
D. 大涌道／德士古道上橋、三幹、西隧口：約 10 分鐘（參考用）
i. 太子 - 彌敦道 - 中間道：約 20 分鐘
ii. 佐敦出口 - 新港中心：5~10 分鐘
假設完全唔塞，由荃灣尾站去尖沙咁計：
B + i = 35 分鐘（旺角特快，經美孚，類 63X）
C + ii = 15~20 分鐘（尖沙咀特快，類 260X）
呢個唔係客觀比較，你走去搵停美孚版本同尖咀特快去比，點解唔搵不停美孚版旺角特快去同尖咀特快去比？
時間優勢係幾多就係幾多，唔係俾你夾硬用停美孚版本去比，再將個差距加多 5 分鐘落去
計返落條數，唔比西鐵強太多又點？個優勢都足夠做到全日 15 分鐘一班已經好足夠。
頭站（灣景）、中途站（荃景圍天橋）去尖沙咀明顯快左近半個鐘之餘（塞少長沙灣道同彌敦道）。
順手將荃灣 - 尖沙咀特快線放落海逸豪園（反正尖沙咀做邊總站都死），將 30X 縮線同將 8A、8P 合併。
而且 234X 好應該同 30X 合併同重組，去維持番一個比較密既班次。
你真係認為可以做到全日 15 分一班？尖沙咀真係咁多客？
隔離條 260X 受惠轉車站，幾乎做晒成個屯門，非繁都係 15 分一班囉…
又，如果要做全日 15 分一班，以行車時間估計，最少要 8-9 部車，
但 30X+234X 只係 24 部車，區內廢線只能貢獻個位數目車輛，
而荃景圍、西約去旺角至佐敦又有必要去維持，咁請問係為左要達到你既目的，
而不惜要將人地出美孚至佐敦沿線全線減至 20 分一班，甚至夾硬合併，荃景圍去旺角至佐敦完全無過速？
而且你以為合併好似想像中咁易？無錯而家變相係一村一線，但問題係荃灣咁既道路網，你無可能唔咁做。
如果夾硬合併，灣景無頭站線出深水步同油尖旺，人地又會嘈無位坐；
荃景圍兜埋西約走，其實咪即係同而家兜大河道差唔多，無提過速。
同埋你又有無諗過，你一方面覺得只做尖咀的特快線行得通，一方面又驚荃景圍加灣景唔夠客，係自打咀巴？
嫌唔夠客就兜埋楊屋道甚至海濱先出尖沙咀，會唔會弄巧反拙？
兜入去但巴士根本無得玩，執到幾多客？又唔會趕頭站/中途站乘客走？
又，只停荃景圍天橋，我唔覺得叫做做到幾多荃景圍，結果班人咪又日日迫 39M 出去轉地鐵。
根本重組其中一個目的就係要俾荃景圍有全日尖沙咀線，你就為左心目中果條只做尖咀的特快，
付出太多代價，連乘客需要都唔理，結果荃景圍同維持原狀無分別，甚至仲倒退，算唔算係本末倒置？
|
|
|
fb.com/scientisthk2usa/
|
|
|
|
|
|
本帖最後由 Ricky403 於 2016-12-31 17:59 編輯
930X嘅走線，用得最耐應該係愉城巴總出大涌道，呢個位係支支燈都唔順（有次搭接近尾班A31，到愉景落哂客，司機似乎頂唔順堆燈，轉行美環街、大河道嗰邊走去如心）
大涌道到上公路，正常應會用大約12分鐘，加埋灣景／荃威落大涌道，都要19分鐘
但做尖沙咀特快我係唔贊成荃灣市中心用類似咁嘅走線
一黎避唔到青荃交匯處塞車；去程沙咀道，回程青公個行法起碼可以避開青荃交匯處塞得最勁嘅位，要知青荃交匯處，平時下繁冇咩事就塞5-10分鐘，一有TA，分分鐘淨係出口落個迴旋處都用你10-15分鐘；甚至衰起上黎，比交警指去北橋，咁就GG
二黎同西鐵太近，呢個前面都講過，不贅
反而旺角特快，去程咁行都可以接受，但回程又點樣喺唔塞青荃交匯處嘅情況下去做返呢批客？定係去程做荃灣南，回程轉做荃灣中？
你真係認為可以做到全日 15 分一班？尖沙咀真係咁多客？
隔離條 260X 受惠轉車站，幾乎做晒成個屯門，非繁都係 15 分一班囉…
旺區特快線係咪真係夠客多客，有時真係靠估
219X一個麗港城撐起一條全日15，繁時12嘅尖咀特快都令到好多巴迷覺得不可思議
260X非繁確係15分鐘一班，但個客量其實多人方向開12分鐘一班都過回本門檻，到咗星期六日，又開返密
但有一樣肯定嘅就係，對於荃灣市，疏車嘅特快就算時間同鐵差唔多甚至快過鐵都好，係唔多吸到鐵路客，尤其當荃灣東北行過去西站都係十零分鐘左右嗰陣，巴士開到20分鐘一班或更疏，吸客力自然減少
又，只停荃景圍天橋，我唔覺得叫做做到幾多荃景圍，結果班人咪又日日迫 39M 出去轉地鐵。
根本重組其中一個目的就係要俾荃景圍有全日尖沙咀線
荃景圍天橋個站其實好神奇
本身山上冇線嘅話，有一班荃景圍客係肯行落黎上車嘅，最明顯嘅例子就係48X同有934A之前嘅934
套用番屯門個例子，260X其實主要客源之一都係碼頭區嗰邊轉車，正正因為碼頭區接駁西鐵交通不便，所以唔少客都肯放棄平均$10-13一程嘅月票去屯轉轉260X
對於荃景圍山上，行落去荃景圍天橋個站的確係唔方便，但對比起行到去西站呢，又對比起逼39M落山轉紅線呢？同屯門碼頭客一樣，我信荃景圍客係識揀嘅
要留意，紅線由荃灣站開車到尖沙咀開車，都要25-26分鐘，加埋入站出站搭39M，保守估計要40分鐘，但盛惠$13.6，尖咀特快，點收貴都好都肯定$10樓下啦
如果重組主力想荃景圍有尖沙咀線，咁其實30X+234X，擺尖麼，荃景圍開，經麗城、海興路，大涌道搵過32/33A重組拆線去做已經得，兼且可以空到成8-10部車同其他線配合去做荃灣市
如果夾硬合併，灣景無頭站線出深水步同油尖旺，人地又會嘈無位坐；
荃景圍兜埋西約走，其實咪即係同而家兜大河道差唔多，無提過速。
荃景圍兜埋麗城走，速度係唔會點快到，但倒埋麗城客落黎，最後個班次一定可以密過全日20，晚間返麗城荃威，甚至可以開到10-12（柴灣角都收哂工，反方向可以開到25/30，盡量踢返車去九龍加快回車）
速度不變但班次加返密，對於荃景圍黎講又何嘗唔係好事？
而灣景麗城行海興路出入，起碼回程可以快5-8分鐘，去程又可以快3-5分鐘；至於冇位坐，而家234X開足班次嘅話，多人出九龍嘅時段，灣景麗城最多都係上四五十個左右；而30X荃景圍落黎好多時都係相若客量或更少，一架ATENU黎講其實啱啱好；況且真係多人嘅時段，其實可以加密班次 |
|
|
.
|
|
|
|
|
|
934+930X式走線，如果到最後係做沙咀道，咁同我之前提出個走線，就係多個環宇海灣，少咗熊貓一帶；但環宇海灣同熊貓嗰邊比，邊個好啲／易啲吸客？咁梗係熊貓嗰邊，況且將來仲有尚翠苑進駐可以搶下；環宇海灣／龍德街擺站，預期吸到嘅會係環宇海灣嘅客多，海濱同柏傲灣，都幾可肯定走去搭西鐵多
對荃景圍而言，雖然係無咁快，但而家佢地上 234X 係唔係都要行落荃景圍天橋，所以無大分別。
而灣景、麗城、荃景圍由頭站去到尾站上公路，車程只係增加左 10 分鐘。
無錯，我原建議進一步兜入海濱，跟 934+930X 行法，頂多只係再加多幾分鐘車程，
坦白講，頭站至公路口一定控制到係 20 分鐘鬆。
多10分鐘已經好多，再兜海濱就唔慌麗城會有人搭，因為到時係會由灣景巴總起步行到去西站架特快仲未上公路
而家234X都係10分鐘就上公路，要行荃灣市行多10分鐘，就算最終出到尖沙咀時間快咗，觀感上都會差咗；對於灣景開而經荃市嘅南九龍特快，上公路時間控制喺15分鐘左右就差唔多；反而荃威開就可以20分鐘先跑公路直達太子／佐敦啦，因為而家30X都用緊15分鐘先上公路
如果荃景圍 + 灣景真係夠客，我歡迎去做，但唔夠客一定會變左個大頭佛出黎。
荃景圍加麗城（你嘅4號行法）去做尖咀特快都唔夠客嘅話，灣景／荃威+福來邨+荃灣市其他地方（3、5-9）去做尖沙咀特快都唔會夠客，因為荃景圍山上／灣景麗城已經係西鐵+紅線最唔到嘅位（亦係可以做頭站嘅原因）
咁就荃景圍加麗城拆一條深長荔一條油尖旺算啦
P.S.: 我睇完你呢段先知原來我阿媽係女人 |
|
|
.
|
|
|
|
|
|
本帖最後由 S3BL100 於 2017-1-1 00:39 編輯
反而旺角特快，去程咁行都可以接受，但回程又點樣喺唔塞青荃交匯處嘅情況下去做返呢批客？定係去程做荃灣南，回程轉做荃灣中？
其實可以咁行，避走青荃交匯處個迴旋處：
https://goo.gl/maps/bhzMR9pLY2M2
不過一樣野你好岩，就係青荃交匯處塞車可以浪費好多時間，所以如非必要無理由經環宇海灣出面一段德士古道上落，尤其是果段路已經有 238X。
930X 咁行可以，油荃咁行都可以，但油尖旺線一定唔可以。
如果重組主力想荃景圍有尖沙咀線，咁其實30X+234X，擺尖麼，荃景圍開，經麗城、海興路，大涌道搵過32/33A重組拆線去做已經得，兼且可以空到成8-10部車同其他線配合去做荃灣市
咁我覺得荃景圍尖咀同荃景圍旺角提速係可以同時做的
正如我所講，合理方法都有好多。你搵 32 33A 重組都合理，只係我會睇埋 big picture 拎 32 33A 做其他野。
當然呢個係口味問題，至少唔係好似上面版友整條荃灣兜到反艇再只做尖咀的特快線，然後又話為左呢條線而唔值得做荃景圍旺角特快
而我睇上面版友 #371 最新方案，好似直頭變左灣景做頭站，荃景圍天橋擺站就叫做做左荃景圍，
雖然荃景圍山下客可以行去搭，但對山上係完全不能接受。為左呢條尖咀特快，而連最基本重組目的都唔理，根本係本末倒置。
而且咁重組就意味住唔可以抽 30X 或 30 39A 等改造空間較大的內陸線資源去玩，234X 睇下佢有無本事唔加車拆到兩條線，一條美孚掃落佐敦，一條只做尖沙咀咁囉
而灣景麗城行海興路出入，起碼回程可以快5-8分鐘，去程又可以快3-5分鐘；至於冇位坐，而家234X開足班次嘅話，多人出九龍嘅時段，灣景麗城最多都係上四五十個左右；而30X荃景圍落黎好多時都係相若客量或更少，一架ATENU黎講其實啱啱好；況且真係多人嘅時段，其實可以加密班次
不過行海興路的一個問題係會影響祈德尊尾站，要好小心處理
所以我暫時都只係傾向兩村共用一條深長荔線，荃景圍兜灣景再返 234X 原線上公路，回程就飛大河道；
但潛在需求較大的油尖旺，我暫時都係傾向分家。如果做到非繁 20 分一班，梅花間竹聯合班次，兩繁視乎資源同客量加到 15，我覺得其實唔差。
|
|
|
fb.com/scientisthk2usa/
|
|
|
|
|
|
本帖最後由 dennis28a 於 2017-1-2 12:04 編輯
究竟你清唔清楚 30X、234X 發生緊咩問題？
先講 30X，數據一早存在，荃灣有成四成半客量要落南九龍，而依個數字係包括緊紅磡、黃埔客量。
當年 30X 改為 230X 全日化，目的係放棄荃景圍落長沙灣道批客（依批客只佔 1 成半 30X 客量），去換大涌道落彌敦道特快。
但再睇番 230X 當年同而家客量數據，觀塘綫延綫通車前後都係維持緊 7 成載客率，而 30X 係通車後，兩繁客量係急跌。
如今仲有無四成半既客會選擇用 30X 落南九龍？肯定無。
234X 發生既問題更加嚴重，今時今日 234X 客量比 30X 高，其中一個重點係荃灣市 - 尖沙咀，同埋 30X 批黃埔客跌走晒。
就算係正面同港鐵對打，事實上 234X 返荃灣市慢得黎未至於完全無客。
但睇番 234X 同小巴正面對打旺角 - 麗城／佐敦道 - 麗城，234X 直頭輸緊幾條街。
就算係福來邨一帶，真係認為 234X 同 30X 慢碌長沙灣，一早行左去朗豪坊上紅小。
而荃灣市落旺角直頭無得做（睇番 30X 同 234X 南行客量），得番灣景同大涌道有得玩。
你日日講荃灣市兜路，而且同鐵路有正面衝突而完全唔值得做，方向正確。
而家 234X 非繁客量已經麻麻，你建議提速，咁對最重點要做既尖沙咀客有咩優勢？
而你建議緊既 234X 提速，放棄埋長沙灣道批客、荃灣市批客，
234X 非繁客量已經麻麻，無晒上面批客，234X 單靠大涌道同一部份灣景客源，仲有咩野做？
好難非繁繼續開到 20 分鐘，依個係事實。
咁係唔係起碼兜番荃景圍、西約客量合併，先至將條線極大化？兜荃灣市只係想進一步提升客量，將本身 234X 潛在（或剩低）客量做番出黎，去令條線進一步加密。
我又幾時講過我放棄西約呢請問？再望返我 #254，我係講緊
可以 30X 234X 各自拆兩條，一條美孚至太子，一條旺角至尖咀。
如果驚條長沙灣道線唔夠客，可以一條做荃景圍 - 灣景 - 大涌道 - 荃灣路 - 美孚至太子，時間同而家 30X 兜大河道相若，但至少出旺角至尖咀真係快左
現有車數，最多再加 1-2 部，係可以支持到咁拆。兩條油尖旺快線可以全日 20 分一班，梅花間竹咁開。 又，用返你好想減繁忙地區流量的觀點，
唔知旺角每小時塞八部半滿巴士落去，用唔盡運載力，問題大D，定係尖咀每小時塞六部半滿巴士落去，問題大D
有無考慮過你咁樣拆法，先係最浪費緊運載力？
首先，你係建議緊 30X 同 234X 拆旺角待快出黎做緊聯合班次 10 分鐘一班，
唔計楊屋道，聯合緊既地區頂多只有大涌道同埋少量願意有上山線唔搭既荃景圍客。
出九龍，既然山上有直達車，荃景圍班人唔會落山（荃景圍天橋）搭車。
姐係咁樣，荃景圍同灣景會變相非繁得番 20 分鐘車出入九龍。
而且，荃景圍班人唔會上到灣景部車返到屋企，反之亦然。
另一個問題，究竟你對楊屋道 - 尖沙咀依批客有幾大信心？你而家係話無嫁嗎。
咁你比條 10 分鐘聯合班次比佢地係無用，直頭係明顯過密（之後仲話兩繁加班，7.5 分鐘聯合班次？）。
姐係部車起碼去到佐敦先起作用。
而且上面提到，佐敦道／旺角 - 西約問題，本身已經有特快小巴需求係度，
除去你灣景旺角特快放棄楊屋道，仲要放棄埋大涌道，咁可能吸引番旺角小巴客回流。
否則你灣景部特快可以載到幾滿？又係浪費緊運載力。
而家仲要講緊 10 分鐘聯合班次，以彌敦道下繁情況，仲好意思同我講運載力？
隨時去到旺角一拖二上西廊，完全係客量不均。
同埋我自己就唔認為楊屋道出旺角無得玩，條紅小都係開緊 15-20 分班仲要單向。
當然你又會話咁多客老早就開密好多，但紅小開密/疏，都可以有好多客量以外的原因囉。
至少條紅小唔係開緊個位數班次，巴士已經有空間可以入。
唔認同，搭得小巴既人唔介意行，楊屋道行番去沙咀道／大河道已經有特快小巴出朗豪坊，依個就係疏既原因。
楊屋道淨番批客又願意得巴士／小巴出城，已經係少數。
只要紅頂司機睇住部巴士爬頭，已經掃得晒批客上車，到時更加唔洗玩。
西約部小巴直頭係創興等客，你建議巴士線仲要成 20 分鐘一班返麗城，點打？
反而巴士開到個位數班次，旺角特快咁就有得打啦。
呢個唔係客觀比較，你走去搵停美孚版本同尖咀特快去比，點解唔搵不停美孚版旺角特快去同尖咀特快去比？
時間優勢係幾多就係幾多，唔係俾你夾硬用停美孚版本去比，再將個差距加多 5 分鐘落去 同埋即係咁，我發覺你口味好鍾意整D繁忙地區只做兩個地鐵站範圍就上公路既線，就覺得快左好多，
返到去點死兜爛兜就唔理，之前討論東九過線線已經係咁，而家又係咁；
但其他全日更多客的繁忙地區係點，就唔理
又係你話停美孚做 BBI，神又係你，鬼又係你，家陣做定唔做先？
無錯，優勢係幾多就係幾多，就算唔落美孚，你改變唔到一個事實。
荃灣尾站 - 西廊（不停美孚） - 太子落橋 = 10 分鐘
荃灣尾站 - 三幹 - 西九出口 = 10 分鐘
（依兩個數字係有實際 Support（參考緊 41A 同西隧線））
你上面提出過，係 30X 同 234X 各區拆線全日特快出黎。
咁簡單，講咁多廢話仲咩，你建議其中一條特快，姐係 230X 全日唔做黃埔。
230X 由總站開，去到中間道大約要 45 分鐘。
當中用左 10 分鐘去大涌道上橋，姐係荃灣尾站出，經美孚出中間道，需時 35 分鐘，完。
如果唔經美孚，40 分鐘出中間道。
尾站行三幹出新港中心，15 分鐘。
我唔理客量同班次，你鐘意尾站係邊都得，荃灣邊度上公路既時間差事實唔會太大。
如果你夠膽，荃威經大涌道直出，到時條線快得驚人，25 分鐘出新港，起碼快成 20 分鐘。
就算唔經美孚，都起碼快 15 分鐘。
另一個問題係，你條線經唔經楊屋道？你搞清楚好。
我經楊屋道同你建議經既楊屋道，時間好似一樣只係多 5 分鐘。
唯一分別係入唔入環宇海灣同你入唔入美孚？
上面 Ricky403 兄提及過，如果願意放係荃景圍天橋，就算係灣景經 934+930X 全程只係 19 分鐘。
就算行入環宇海灣，預計最快 35 分鐘一到新港中心。
當然，楊屋道真係夠做，咁大不了可以放棄環宇海灣。
我都係果句，究竟邊區夠客，夠客事實上可以減。
當然你會話，咁即係荃景圍去旺角特快唔需要、唔值得做，但完全唔去了解人地到底需要咩，
有人話完答案俾你聽後又千方百計去否定，即係同無視民間疾苦無分別。
為左達到自己心目中的重組，而否定其他區的需求。好似之前討論東九過海線咁，你死屈灣仔菲林明道至天樂里之間無客
荃景圍而家坐 30X，唔好講落旺角，淨係講美孚，又要幾耐？
而且根本我上面都講左，荃景圍出旺角角度，而家條線係九龍同荃灣段都慢，
問題係改快邊段。咁改快荃灣段再美孚經長沙灣道出旺角，其實時間都係合理，我都會收貨，
只係又會製造條美孚至少碌到佐敦既線，而沿途唔見得好需要太多新界巿區線分擔沿途流水客
搞清楚件事，荃威落福來邨快極都要 7 分鐘，只要你條線一定要係山上面開，
而如果你繼續深信兜長沙灣道只係快 8 分鐘咁多。
就算你建議唔兜大河道兜楊屋道也好，頭站無可能快得去邊。
另外唔好咁唔公平，我幾時有講過唔做荃景圍落旺角特快？你好清楚我講過可以同步做。
我講左好多次，無論點做都好，唔應該盲目為左旺角特快，而犧牲落尖沙咀時間
究竟邊個無視緊民間疾苦？連「改快荃灣段再美孚經長沙灣道出旺角，其實時間都係合理，我都會收貨」都講得出？
老屈完人地之後又改口？
而且你以為合併好似想像中咁易？無錯而家變相係一村一線，但問題係荃灣咁既道路網，你無可能唔咁做。
如果夾硬合併，灣景無頭站線出深水步同油尖旺，人地又會嘈無位坐；
荃景圍兜埋西約走，其實咪即係同而家兜大河道差唔多，無提過速。
睇清楚一點，上面提及過，30X 只有 1 成半都唔夠客旺要就長沙灣道。
就算比你改快左 30X 旺角段車程又點，九巴係唔會願意單獨開一條獨立既深水埗特快出黎，
亦唔會同一時間兩區都會做旺角特快，只係求其塞個灣景 34M、234X BBI 出黎就算數。
所以荃景圍一定要夾埋西約一齊做，就算係深水埗也好、旺角也好、尖沙咀也好。
想唔夾？得，荃景圍要放棄 30 依條廢線。
而我睇上面版友 #371 最新方案，好似直頭變左灣景做頭站，荃景圍天橋擺站就叫做做左荃景圍，
雖然荃景圍山下客可以行去搭，但對山上係完全不能接受。為左呢條尖咀特快，而連最基本重組目的都唔理，根本係本末倒置。
我幾時講過一定要荃景圍天橋擺站就叫做做左荃景圍？
究竟做灣景再兜半個荃景圍，經柴灣角工業區出沙咀道可唔可以？
又或者荃威做總站，兜灣景出，如果真係有客我唔反對咁做。
不過反而本末倒置果個係你。
為左硬係要做荃景圍 - 旺角特快，所以唔係夾埋同一條線都講我出口。
灣景、荃景圍全部非繁變晒 20 分鐘，咁叫改善當區交通？
唔係應該諗方法增加客源去加密班次？
同埋你又有無諗過，你一方面覺得只做尖咀的特快線行得通，一方面又驚荃景圍加灣景唔夠客，係自打咀巴？
嫌唔夠客就兜埋楊屋道甚至海濱先出尖沙咀，會唔會弄巧反拙？
兜入去但巴士根本無得玩，執到幾多客？又唔會趕頭站/中途站乘客走？
所以依個平衡要做得好好。
30X 同 234X 大部份時間同路，但 30X 係荃灣市客量少，明顯反映出 234X 佐敦同尖沙咀並唔係無客。
你成日口口聲聲講旺角比尖沙咀更值得做，原因尖沙咀比班鐵路客吸晒，
咁 234X 旺角區直頭比港鐵加小巴夾擊，為左做你心目中旺角特快，而犧牲依一區出尖沙咀時間，唔係更加弄巧反拙？
234X 自從南環線通車，我幾深信有批客放棄左依條線，改特繼續落旺角，家陣彌敦道交通好好？
好聽少少朝早出城仲控制到時間，唔好聽下繁中間道塞到去旺角街市起碼要 30 分鐘（唔係 20 分鐘），
起碼做尖沙咀特快線，就算可能快唔過西鐵，吸引到一批唔近尖東站既客回流。
而中郵就更快，15 分鐘去到荃灣，福來邨部紅小行唔到三幹之餘仲要兜葵芳，
只要經楊屋道，巴士真係無得玩？最少北行唔係。
如果靠佐敦客量令將來下繁返荃灣加班，起碼對全個荃景圍同麗城係好事。
但你兜旺角有咩好處？我睇唔出對 234X 批客有咩大益處，又唔係旺角一上公路直返麗城。
既然荃景圍落旺角又唔係唔可以行開做，麗城落旺角做黎都唔夠入味，起碼搞尖沙咀特快線先係最正路。
而且，究竟有無諗過，點解當日係建議 30X 提速落旺角經尖沙咀，而唔係拎 234X 改？
又問，如果麗城咁想要旺角特快，234P 點解朝早得一班咁多？
最後，都係果句，如果荃景圍 - 麗城 - 大涌道 - 尖沙咀特快真係夠客做，
又維持到兩繁 15 分鐘一班，非繁 20 分鐘一班，我唔反對去做。
而唔係求其將條線係旺角提速叫解決晒荃景圍既問題，然後無理鬧人地做尖沙咀特快等於「無視當區需求」。
|
|
|
惡意回復是不道德的行為。
|
|
|
|
|
|
咁 30X 因觀延而無左成堆紅磡/黃埔客，唔係代表更加應該重組，拉去尖沙咀救亡？
另一個問題，究竟你對楊屋道 - 尖沙咀依批客有幾大信心？你而家係話無嫁嗎。
咁你比條 10 分鐘聯合班次比佢地係無用，直頭係明顯過密（之後仲話兩繁加班，7.5 分鐘聯合班次？）。
姐係部車起碼去到佐敦先起作用。
而且上面提到，佐敦道／旺角 - 西約問題，本身已經有特快小巴需求係度，
除去你灣景旺角特快放棄楊屋道，仲要放棄埋大涌道，咁可能吸引番旺角小巴客回流。
否則你灣景部特快可以載到幾滿？又係浪費緊運載力。
我幾時有講過灣景旺角特快要兜埋楊屋道？
因為而家 234X 係大涌道直出，如果兜楊屋道跑西廊，時間就唔會比而家快幾多，
順理成章，如果荃景圍、灣景各一條旺角快線的話，必然係齊齊唔兜楊屋道，或者荃景圍線兜而灣景經大涌道直出
如果係後者，雖然楊屋道尖咀係無得玩，但唔代表條線唔落得尖咀，至少荃景圍山上而家係無車落尖咀
即係到時條線係 for 荃景圍 - 旺角/佐敦特快、楊屋道 - 旺角/佐敦特快、荃景圍 - 尖沙咀
唔好又同我講咩 20 分一班唔算得係改善當區交通，「既然山上有直達車，荃景圍班人唔會落山（荃景圍天橋）搭車。
姐係咁樣，荃景圍同灣景會變相非繁得番 20 分鐘車出入九龍。」
事實係而家好多客走左去 39M 轉地鐵而唔搭 30X，而 39M 係爆到七彩。
而家屋企樓下就有架合理速度的直達車，唔係改善左？講到好似行落山搭車好過屋企樓下就有車搭，你根本係轉移視線。
又係你話停美孚做 BBI，神又係你，鬼又係你，家陣做定唔做先？
我一路係講緊，停美孚做 BBI 後直接跟 6X 落尖沙咀，都仲叫做有誘因；如果係旺角特快，根本無理由停美孚
230X 由總站開，去到中間道大約要 45 分鐘。
當中用左 10 分鐘去大涌道上橋，姐係荃灣尾站出，經美孚出中間道，需時 35 分鐘，完。
如果唔經美孚，40 分鐘出中間道。
尾站行三幹出新港中心，15 分鐘。
我唔理客量同班次，你鐘意尾站係邊都得，荃灣邊度上公路既時間差事實唔會太大。
吹夠未？
搵經旺角塞車時所需時間，同埋三幹直出唔塞車時所需時間、出三幹去到新港中心只需 5 分鐘去比，你玩晒
呢度我又搵到段 260X 行車片，0:44 出三幹，1:04 去到廣東道/九龍公園徑交界，用左廿分鐘。快係邊？
就算我當正常塞車情況打個七五折，出三幹去到新港中心落客都要 15 分鐘，
即係荃灣尾站去到新港都要 25 分，同經西廊旺角根本唔差得幾多
https://www.youtube.com/watch?v=rjgpp-xGvx8
再重申一次，我唔係一刀切話三幹尖咀特快唔值得做，但係唔該唔好吹到咁大。
而且荃景圍本身去整個南九龍都慢，資源又得咁多，再加上荃灣至南九龍之間的道路網，
我睇唔到理由點解要優先做尖咀特快，然後搞到荃景圍旺角特快無資源做。
基於偏頗數據、錯誤假設的論點，我睇唔到有幾多討論空間。
另外唔好咁唔公平，我幾時有講過唔做荃景圍落旺角特快？你好清楚我講過可以同步做。
我講左好多次，無論點做都好，唔應該盲目為左旺角特快，而犧牲落尖沙咀時間
究竟邊個無視緊民間疾苦？連「改快荃灣段再美孚經長沙灣道出旺角，其實時間都係合理，我都會收貨」都講得出？
老屈完人地之後又改口？
我又要再重複多次，你開左呢條尖沙咀線，會令到無資源再拆多條旺角特快
我之前都問過你，資源上你打算點解決，但你無答過
另一方面，如果 30X 荃景圍後大涌道直出，美孚掃到落佐敦，出旺角雖然無得跑西廊，但減少荃灣兜路，時間尚算合理。
不過如果 30X 234X 都打算咁做的話，以現時班次同行車時間計，至少每條要出 10 部車。
咁係咪剩返四部車開你口中覺得好值得做果條尖沙咀特快？區內線貢獻到既車又夠唔夠呢條線做到 15 分一班？
定係你打算兩條美孚掃到佐敦既線減到 20 分一班？
有好多野，資源上唔可行就係唔可行，唔係你唔去答、唔去理，就可以當無左件事
所以荃景圍一定要夾埋西約一齊做，就算係深水埗也好、旺角也好、尖沙咀也好。
想唔夾？得，荃景圍要放棄 30 依條廢線。
30 而家得荃景圍一個持份者？荔景山又唔使理？
就算荃景圍肯放棄，條線因為要照顧荔景山往返戴蹸趾診所，最多只能夠縮做荃灣西 - 荔枝角，理順荃涌一段走線，
減得兩部車咁囉，成條執笠係無可能
反而而家 30X + 234X 24 部車，係有條件做荃景圍/灣景分家往來旺角至尖沙咀，荃景圍兜灣景再大涌道出深長荔太子，而唔需要加車
我幾時講過一定要荃景圍天橋擺站就叫做做左荃景圍？
究竟做灣景再兜半個荃景圍，經柴灣角工業區出沙咀道可唔可以？
又或者荃威做總站，兜灣景出，如果真係有客我唔反對咁做。
灣景而家大涌道直出，你叫人兜上山？
反而係擺荃威，兜灣景再大涌道直出，時間會同而家兜荃灣巿中心差唔多，不過九龍段要夠快先好諗，而且你唔好諗住再兜埋楊屋道甚至環宇海灣或者海濱走囉
|
|
|
fb.com/scientisthk2usa/
|
|
|
|
|
|
|
Advertisement
Advertisement
Advertisement
Advertisement
Advertisement
|
