香港機場提取行李所需時間問題

近期成日見到報導，話香港機場經常有行李延誤。

想請教下大家，夜晚十點幾左右，呢個情況係咪普遍？一般要等幾耐？
例如，如果坐 2230 到達的 KE607，一般要幾耐先拎到行李？趕唔到 E22 0000 尾車的機會有幾大？

謝解答。

AA無任何公開服務承諾，但內部有要求地勤服務商由班機到gate計，25分鐘內出到第一件，40分鐘內出晒。
實際非繁忙時間，多數都做到40分鐘內出晒，但第一件就真係未必做到25分鐘內出。繁忙時間就真係要俾d耐性，等一個鐘好"正常"

KE607 呢類泊番 Main Terminal 既通常會好喲... 如果泊 Midfield Concourse 嗰邊就可能要預耐些少~

個人經驗：
如果泊喺中場客運廊或者outer bay
就肯定行到去行李帶都未見到有野出黎
幾乎每次都會有bags delay

OTIS401 發表於 2017-1-19 17:26
個人經驗：
如果泊喺中場客運廊或者outer bay
就肯定行到去行李帶都未見到有野出黎

而家就算泊main terminal都一定人等行李，擒日坐華航，停Gate 2x，慢慢行，都要等到泊gate後第25分鐘先出到第一件

我試過返泥泊衛星廊，搭巴士入埋境冇耐就出左第一水大約十件行李，之後等左一粒鐘先再有第二水

最頂癮係三人同行一齊寄倉，一件係第一水出左，其他都係第二水

rickywk 發表於 2017-1-19 14:13
AA無任何公開服務承諾，但內部有要求地勤服務商由班機到gate計，25分鐘內出到第一件，40分鐘內出晒。
實際 ...

夜晚十點半應該算係繁忙時間？

S3BL100 發表於 2017-1-20 11:48
夜晚十點半應該算係繁忙時間？

大量東亞航班在該時段百鳥歸巢，好繁忙。
以今日資料，22:00-23:00 有 28 班機到港，全部來自東亞，
其中 22:30-23:00 半小時內，有 3 班成田、4 班仁川，大部分廣體，
千幾人個個買多半間屋返香港，問你怕未。

個人經驗，近年在該段時間，入境後等候半小時以上係家常便飯
（註：近來搭快運多，outer bay 直接搭巴士，會快過泊 T1 尾百萬行），
部分行李帶同時顯示三班機，有時望穿秋水等到有新貨到，點知係上一班機的行李。

真係 22:30 到應該可以趕得切，但我見而家 KE607 係寫 22:55 到，難道你 book 的日期佢轉 schedule？
你可以 check 下 flightaware，枕住 around 11pm 先到。
如果係 22:55 到可以打定輸數，即使行李正常時間到達，要趕出去搭尾班車都好抆水。

DIH 發表於 2017-1-20 13:09
大量東亞航班在該時段百鳥歸巢，好繁忙。
以今日資料，22:00-23:00 有 28 班機到港，全部來自東亞，
其中  ...

我睇緊既日期（四月），KE607 係變返 22:30 到達，暫時仲未落手訂

是咁的，打算四、五月既時候返香港一轉，手上 KE miles 同 AA miles 各自可以換到張單程機票，
而家計緊有限 award ticket inventory 同埋有限年假下，點樣可以效率最高，暫時只係 hold 住張 AA HKG-DFW-ABQ award ticket

理論上最後一程坐 KE607 返香港，效率會最高，用最少 travel time，
而且會係第一次兼短期內唯一一次有機會坐 KE 747-8i 的機會，雖然我唔係無坐過 747-8i…

不過我發覺如果咁走既話，唔止香港入境可能會搞到好夜，就算係美國一邊都可能有風險，
因為我個 home airport 本身無 KE，要坐就一定係 WN ABQ-LAX + KE LAX-ICN-HKG，WN 都係用積分換

問題係 WN ABQ-LAX 0850 到，KE18 LAX-ICN 1240 起飛，而兩間公司無 interline 兼 LAX 要用唔同客運大樓，
要拖住行李離開 LAX T1 再入返 LAX TBIT，雖然 WN 早機 delay 機會少，但 3 小時 50 分轉機時間，值唔值得搏都要再諗

另一個選擇就係坐 WN 第二班 ABQ-LAX，1440 到，等九個鐘轉 KE12 + KE603（或者順便睇下可唔可以出巿區搵人食飯），
會變左第二朝先返到香港，實際放假日數少咁日。
斷估朝早十一點幾香港機場拎行李應該唔使等太耐掛？不過就坐唔到 747-8i…

如果調轉，返香港坐 AA ABQ-DFW-HKG，回程 KE HKG-ICN-LAX + WN LAX-ABQ，因為機位有限，我就要攞多日假，
而且出發果日要倒塔咁早起飛

其實 miss 左 E22 尾車都唔係最大問題，因為之後仲有兩班 N29，唔嫌貴仲有 NA29，
不過係搞到太夜先係最大問題，自己唔想咁辛苦，亦唔想屋企人咁辛苦…

上次搭 KE607 已經係好多年前既事，當時係專登為左坐到 KE A380 首航日，
當年香港機場當然仲未聽聞行李要出好耐，2230 降落，一切順利，結果係坐 E22 尾三車，果陣心諗下不違例

不過見你咁講，行李 delay 情況真係幾恐怖，都要再認真諗過，始終唔想出到大堂已經十一點半甚至十二點

上次坐UO，夜晚9點幾10點係中場落機
出到去等左20分鐘先陸續有行李送黎
結果等行李都要30分鐘以上