101X 客量報告

始終覺得改為 901X 行西隧只做港島西會快啲, 佐敦/尖沙咀不設站, 如佐敦道東行塞車, 往觀塘方向可取道廣東道南行/梳士巴利道東行/紅磡繞道往紅磡歐化站,再上東九龍走廊!

東九龍走廊唔塞咪acceptable 囉。但係東九廊一塞，真係唔該哂。（通常星期五、六係塞到阿媽都唔認得）

按穩定性計，我情願641全日拉去西環

一來東隧無車落西環（我知，地區限制嘛），開到嘅話，應該幾多客肯係東隧轉；
二來東廊無東九廊塞得咁死

brianso198 發表於 2017-4-19 20:15
呢條線下繁行車時間可以好飄忽,難講條線有無得做不過呢點相信會令部分乘客卻步...
...

其實如果 101X 下繁過港島加到 6-8 班車，我諗應該有助解決條線去到紅隧口時間飄忽，搞到個個見到 104 就上車走先既問題

琴日紅隧口過左架上緊客既 104，當然未必個個 104 客都係去西區，但架九巴 ATENU 好明顯唔止上七個客，我架 5022 抽佢頭果陣，架 104 ATENU 已經差唔多滿窗口位

wingho_cwh 發表於 2017-4-19 22:36
其實今日條路係偏向順暢的，平時出左隧道喺灣仔運動場一路塞到恆生總行先會變返正常速度，今日大半條告士打 ...

想知道架九巴 101X 坐幾多人過海？紅隧口又上幾多個？

我都幾相信琴日條路偏順，我估告士打道比起東九廊已經唔算咩野

再之前一日，下晝五點坐緊 13X 寶達方向，見到東九廊往紅隧龍尾差唔多去到機隧出口，
都諗緊第二日坐 101X 會塞成點（不過無所謂，約人八點，我有的是時間），
點知今次龍尾淨係去到庇利街，漆咸道塊牌寫緊紅隧過海 13 分而西隧要 19 分，
而我坐緊部 101X 唔使呢個時間已經去到紅隧港島出口

PC2625 發表於 2017-4-20 01:25
始終覺得改為 901X 行西隧只做港島西會快啲, 佐敦/尖沙咀不設站, 如佐敦道東行塞車, 往觀塘方向可取道廣東 ...

佐敦道塞車的話，廣東道南行往九龍公園徑/尖沙咀一樣要慢慢塞

我就覺得中九龍幹線通車前，西區觀塘特快無理由行西隧

ky927 發表於 2017-4-20 01:39
東九龍走廊唔塞咪acceptable 囉。但係東九廊一塞，真係唔該哂。（通常星期五、六係塞到阿媽都唔認得）

按 ...

但如果 641 拉去西區，九龍方向要做埋中環電車路，已經慢左唔少

同埋行東隧本身係兜遠左唔少，港島方向東九龍走廊可以塞到好 hi，
但九龍方向點睇都係行紅隧快，九龍灣不在話下，就算觀塘巿中心都係

尤其是下繁，東廊入東隧一樣塞到傻，出左東隧，藍田至觀塘一段又係塞

琴日見到架九龍方向新巴 101X，1755 堅尼地城開，1844 康莊道上橋，時間係唔理想，
但如果回程行東隧，可能一粒鐘都未必過到海

當然另一個選擇係九龍方向行紅隧，港島方向行東隧，但琴日結果已經證明，
如果唔係太塞車，九龍灣過灣仔已經快過同時段仲要好彩唔塞車的 641

講到尾，問題係，行邊條路都會塞車，根本就係買大細

S3BL100 發表於 2017-4-20 11:22
想知道架九巴 101X 坐幾多人過海？紅隧口又上幾多個？

我都幾相信琴日條路偏順，我估告士打道比起東九廊 ...

我無計數喎。。不過樓下坐滿，樓上無單丁位，得返十個走廊位左右啦，基本上只要唔係長假期前夕，呢班車既客量都係咁上下

S3BL100 發表於 2017-4-20 11:15
其實如果 101X 下繁過港島加到 6-8 班車，我諗應該有助解決條線去到紅隧口時間飄忽，搞到個個見到 104 就 ...

其實加到兩班將班次間距縮短至15分鐘其實已經好好，尤其最大問題係呢條101X又無乜條件加到6-8班…

無辦法,太塞車,西區觀塘有客巴士都好難做得起

其實(101/101X, 102/102P, 106/106P)呢3個組合都可以正副線全日分工
係巴士公司唔敢行呢一步