hon_son_wilson 發表於 2019-1-29 07:47
你想做葵興芳果條
係全日恆耀直上青沙果條
抑或係富安濱景特班？
當然係海皮富安一城個條
你覺得點？
eternalflame 發表於 2019-1-28 19:07
如果真係要計到咁，你不如列晒所有86C vs 鐵路嘅優缺點，再加權計返個總分出黎吧
黃金站位靚唔見得好重 ...
我正想咁做，不過我會拉埋 286C 比較。
講真，點解黃金站位咁重要: 當你買完野返馬鞍山，黃金有兩邊出口，一邊就係出欽洲街，86C 食正。另一邊就深水埗站。講真你條 286C 係咪吸引到可以班客行過 86C 個站然後無視，直去過馬路再喺長沙灣道站柱堆揾返個站? 定係你覺得班客落咗地底，見到個地鐵站喺面前，但上返地面 (長沙灣道另一邊) 揾 286C 搭?
於是你會話我呢點係咪即係講緊搭鐵返馬鞍山有優勢。講真，巴士點到點已經係好大優勢，但唔代表可以無視收視問題。正如新西輕鐵大把人話廢，點解仲係咁多人搭，其中一個原因係因為樓下就有，收視好。你係咪真係確定到班客攞住一堆電子產品穿過地鐵站都唔入閘先...仲未計 286C 深水埗係頭站而唔係尾站上公路。
講真上面又係果個人拋數據...依家 86C 只要比預定班次開疏少少 (例如 20 變 25)，已經有機會留後。我唔覺得一條會留後的線有幾少客囉。
講返你個優缺點問題: 以下比較次序係 MTR/MTR-$2/86C/286C
先講價錢:
馬鞍山 -> 深水埗: $10.1/$8.1/$8.9/$9.9
馬鞍山 -> 長沙灣: $11.1/$9.1/$8.9/$9.9
石門/第一城 -> 深水埗: $8/$6/$7.8/$9.9
石門/第一城 -> 長沙灣: $9.2/$7.2/$7.8/$9.9
(石門無 $2 機，另外如果想返到馬市食個飯先，可以考慮用轉乘，例如 $0.1 87D 上山返屋企，286C 做唔到呢樣)
速度:
馬鞍山 -> 深水埗: MTR 36 分鐘 VS 86C/286C 打和，不過未計駁腳時間或拍 $2 機步行時間
馬鞍山 -> 茘枝角: MTR 40 分鐘 VS 286C 快
馬鞍山 -> 石硤尾: MTR 31 分鐘 VS 286C 到唔到
至於你問長茘會唔會好做過石硤尾，前者除非你覺得非繁客量遠多過石硤尾 (例如有行街客)，否則 286C 開兩繁已經足夠。呢度仲未計 86C 走線經過唔近鐵路站位置，例如青山道同南昌街北段。
站位: 講咗，唔重覆。不過睇返:
濱景: 行 7-10 分鐘
第一城: 視乎座數，例如住 44 座咁當然近鐵，但係 86C 經第一城北，行落鐵都要 7-10 分鐘。同埋第一城有 86 正線。
大涌橋路沿線: 富豪 MTR 行 10-15 分鐘，86C 樓下有站，286C 唔經，特別回程站位差。
麗豪: MTR 行 10 分鐘到沙田圍，行去搭慢線 86A 會慢 86C 7-8 分鐘 (未計步行)。
耀安、恆安: 視乎座數，7-10 分鐘先行到鐵路站。但對恆安商場以東、耀安、頌安等位置，巴士都係比鐵就腳。
馬鞍台: 唔使講，巴士贏。
馬鞍西: 欣安以南，大水坑站略近過富安花園站，鐵贏。
班次:
MTR: 等四次車: 荃灣線 2 分鐘，觀塘線 2 分鐘，東鐵 2 分鐘，馬鞍山線 6 分鐘，合共 12 分鐘。未計有時市區線會疏車，又或者撞正直通車/直通車啱啱走咗，所以留後。未計駁腳等車時間，例如上馬鞍台。
86C: 最密 12，平均開 15-20，但唔好唔記得 286C 全日即係有機會有新增資源，如果呢堆資源倒落 86C 可以做到更密車，例如全日 12-15。
286C: 你自己睇下拆線後班次幾疏。
搭感:
鐵: 逼到爆，特別係深水埗 <-> 太子、太子 <-> 九龍塘 同 九龍塘 <-> 大圍。大圍有機會有位坐，但要同人爭。南行馬鐵亦有機會有位坐，但要睇邊個站上車同埋時段。
286C: 正常情況下有位坐，但過咗長沙灣，繁時有幾大機會要企，除非取消 86C。
86C: 調返轉，黃金上應該無位坐，但如果 286C 有新增資源，如果 86C 可以加 1-2 車，唔開 286C，再加上唔收車，可以有機會只係坐滿企幾個返新界。
結論: 我唔知 286C 全日目的係想做到以上邊點，但我唔覺得 286C 有明顯優勢。
leo_ku 發表於 2019-1-28 19:39
多餘，太子1次九龍塘1次大圍1次, 邊有四程? 事實係轉上轉的鐵快過你86c多多聲，如果唔係86c載客率點會得7 ...
你睇下繁時幾多人搭先啦。
下下都用有水份數字，隔離 948 個 post 話 15:30 有 20 個人過海呀，一架 56XX 載到 59+31+47=137 個人，14.6% 係咪要將你條愛線摺咗佢? :L
leo_ku 發表於 2019-1-28 19:39
多餘，太子1次九龍塘1次大圍1次, 邊有四程? 事實係轉上轉的鐵快過你86c多多聲，如果唔係86c載客率點會得7 ...
74%好差咩
930X都只係得75%
如果你認同75%載客率既930X好客
74%載客率既86C都唔會差好遠,應該係好客水平
YY487 發表於 2019-1-29 11:58
小小人由始至終都唔敢面對馬鞍山來往非繁客倉深水埗，286C 慢過 86C 呢個事實 ...
呢個數據，有幾樣嘢講
第一
九巴網站咁樣比較車程係有問題
286C只係開繁時，所以九巴個車程都係計繁時
就算同一段路，286C網站列出來個車程都長過86C唔少
（馬鞍山市中心>沙田第一城，九巴網話286C要行20.4分鐘，但86C話用16.5分鐘已經行完）
第二
286C來回程時間差距咁大，除咗因為朝早比較塞車，西九走線亦係原因之一
我會覺得，286C出深水埗唔應該再行碧海藍天，應該用葵涌交匯處掉頭
食少幾支燈之下，車程應該可以即刻減4-5分鐘
仲可以順便做埋美孚
——————————
我傾向相信
86C雖然去深水埗快過286C，但其實時間差距無你上面幅圖寫出來咁大
只要286C肯恆耀上跑道，西行用葵涌交匯處掉頭，已經可以節省近15分鐘，足以令馬鞍山出深水埗都快過86C
286C如果維持現有走線，確實唔值得全日化
但參考返100兄/我/LAK2兄上面講既嘢，稍為執一執，其實拆線係可以有相當效益
castanopsis 發表於 2019-1-29 13:23
呢個數據，有幾樣嘢講
第一
其實呢
86C除左有深水埗同長沙灣之餘
石硤尾都有客
至於西九<>馬鞍山拆唔拆做到兩條全日線
我覺得就真係諗得太多太多
睇下東九/中九都拆到咁既款
更唔講完全唔夠車