epsilon 發表於 2019-10-13 21:32
碩門邨同水泉澳山頂嘅交通規劃完全係兩碼子事。
喺正港鐵站旁邊，竟然話要一條入邨嘅港鐵站接駁線，
要轉 ...
雖然我都唔認同果位板友的理由，但石門商業大廈果邊近年多左好多餐廳（仲要有些餐廳價錢性價比可以），真係會有唔係當區居民會特意去搵食
本帖最後由 epsilon 於 2019-10-13 21:56 編輯
S3bl430 發表於 2019-10-13 21:43
雖然我都唔認同果位板友的理由，但石門商業大廈果邊近年多左好多餐廳（仲要有些餐廳價錢性價比可以），真 ...
咁你認為靠三/四個字一班嘅接駁線，
會吸到中大人專登等坐校巴落火車站等呢架車去石門，
然後同班白領排長龍爭位食飯,
再等三/四個字車返返大學站，
又再排隊搭校巴返上校園?
諗清楚宜家班區外人入石門食飯係坐咩交通工具先。
本帖最後由 S3bl430 於 2019-10-13 22:14 編輯
epsilon 發表於 2019-10-13 21:49
咁你認為靠三/四個字一班嘅接駁線，
會吸到中大人專登等坐校巴落火車站等呢架車去石門，
然後同班白領排長 ...
咁以你回應既果個板友的想像,那條石門<>大學 小巴線疏極有限(10分鐘內),應不存在等3-4個字一班的問題
另外,大學站去石門約4公里里數,
計返紅的車費41~43元左右,如果一班中大朋友出碩門消費,
每程的士除開4-5個人,每個人大概10元,來回20元, 又不是大學生不能夠負擔的範圍
以我所知,碩門晚市唔算太多人(平日假日食過幾次),
商廈裏面勁多選擇(韓式,日式,cafe, 中式, 西廳,茶記 乜都有),
大部份餐廳都係收街坊價,性價比偏高(新城市就偏貴了,尤其是晚市)
所以,吸引到中大學生唔算出奇
但我同意,中大客唔係主流
本帖最後由 epsilon 於 2019-10-14 00:44 編輯
S3bl430 發表於 2019-10-13 22:09
咁以你回應既果個板友的想像,那條石門大學 小巴線疏極有限(10分鐘內),應不存在等3-4個字一班的問題
另外, ...
10分鐘一班以內，只係佢(或者包括你)嘅想像。事實上用佢自己建議嘅813，未拉長都大部分時間疏過10分鐘，
加一架車就想拉到大學站兼做到10分鐘一班，完全係天荒夜譚。
用晚市嚟評價商貿區亦係冇意思, 大部分白領放工就走，
畀你喺晚市見到嗎? 同樣地, 中大師生如果唔係住hall,
放學後咁多地方唔去, 偏要揀去石門食飯?
住hall嗰班，來回淨係等4次車加加埋埋都要30-60分鐘，
再加車程來回30-40分鐘，點都唔可能成為熱門選擇。
如果為咗食你口中價錢相宜嘅嘢但又捨得搭的士，
咁的士已經係最好嘅交通工具，
開條接駁線係唔會令石門對中大人吸引咗。
本帖最後由 tzuyu.taiwan 於 2019-10-13 23:21 編輯
epsilon 發表於 2019-10-13 21:32
碩門邨同水泉澳山頂嘅交通規劃完全係兩碼子事。
喺正港鐵站旁邊，竟然話要一條入邨嘅港鐵站接駁線，
要轉 ...
你講到鐵路接駁線入碩門邨有問題，即係你覺得67A唔應該入碩門邨？
講返我813延長嘅方案，全新813全日班次係14-15。根據標書，813呢條線本身應該有4部車行，我嘅方案只係繁時加多一部車行。當然，宜家有公司開唔足車就另作別論(如果813/813A繼續維持宜家嘅服務質素，個人非常贊成轉營辦商)。
為免有人就我份方案有誤會/誤解/誤導，我貼條link出嚟：https://www.hkitalk.net/HKiTalk2/forum.php?mod=viewthread&tid=1147194&extra=page%3D1&mobile=2
點解揀延長813，因為咁做受益嘅絕對唔止石門。石門外，水泉澳邨、欣廷軒、第一城等屋苑都可以有車快速往返大學站。而更重要係，相比87K/289K/807系，全新813有更大嘅逆向客源。撇除石門，全新813可以提供中大<>威院特快接駁，方便醫學人員往來(中大醫院興建中)。
講返石門，其實沙田、馬鞍山、大埔都冇咩葵廣式、以小店為主嘅商場。京瑞廣場卻係以民生小店為重，相信對中大學生係個吸引而就腳嘅消遣好去處。而聞說唔少中大住hall嘅同學都會出馬鞍山食嘢。如果全新813做到大學站往返石門、三個字一班嘅穩定班次，以京瑞廣場食肆林立嚟計，相信亦可以吸納唔少住hall同學去搵食。
至於話轉馬鐵，我承認唔係一個理據充分嘅point。可以刪減。
本帖最後由 epsilon 於 2019-10-13 23:48 編輯
tzuyu.taiwan 發表於 2019-10-13 23:17
你講到鐵路接駁線入碩門邨有問題，即係你覺得67A唔應該入碩門邨？
講返我813延長嘅方案，全新813全日班次 ...
其實你自己已經講咗，67A去沙田唔係純粹鐵路接駁，此所以67A會入邨。
喺港鐵站旁邊，又已有67A做到接駁線，仲有冇需要多一條？
大埔廣場係咪你口中嗰種類型商場？好運中心係唔係？
希爾頓中心呢？金禧商場又係唔係？中大附近真係冇其他選擇？
再者，京瑞廣場唔見得同葵廣係同一類型。
如果只係要民生小店，而你又認為領展商場冇資格的話，
沙田馬鞍山大埔隨便一個私人屋苑商場,以至墟市都得。
我都重申，石門+一城(甚至廣黃)唔係唔可以有全日北上線，
但考慮到將會開2條大埔綠小+B8，又有相當多火炭/沙田接駁線之下，
應該諗清楚係咪仲有需要再開/拉線去大學站。
如果唔需要額外資源都做到嘅話當然一試無妨，
如果牽涉額外資源的話，倒不如直接去到大埔或北區。
S3bl430 發表於 2019-10-13 22:09
咁以你回應既果個板友的想像,那條石門大學 小巴線疏極有限(10分鐘內),應不存在等3-4個字一班的問題
另外, ...
石門啲食店都係諗下點喺第一城搵客好過，畢竟一城差唔多成個場都係連鎖店。至於中大學生，晚黑快快趣趣canteen食完算啦，點會咁得閒出來食
本帖最後由 S3bl430 於 2019-10-14 23:48 編輯
MCMoore 發表於 2019-10-14 00:28
石門啲食店都係諗下點喺第一城搵客好過，畢竟一城差唔多成個場都係連鎖店。至於中大學生，晚黑快快趣趣ca ...
以我以前住hall 3年經驗...
住hall的人真係會外出搵食...（校園canteen好多都好難食，就算接受到，連食幾年都好痛苦）。另外，沙田馬鞍山太多連鎖式性價比低餐廳，後者更加成日比人講係美食沙漠。石門相對係比較好的選擇。
我重申，我唔覺得中大客會成為往返大學石門的主要客源，但應該可以幫補下。我只是列舉這個可能性。如果你有睇之前的post，我對果位板友提議有相當保留
epsilon 發表於 2019-10-13 23:47
其實你自己已經講咗，67A去沙田唔係純粹鐵路接駁，此所以67A會入邨。
喺港鐵站旁邊，又已有67A做到接駁線 ...
你講嗰四個場都係舊、殘、頹，單係呢點已被比下去。再講，埔廣要轉K巴先到，金禧就值頭冇嘢行，兼知名度低。更重要係，呢四個場有咩嘢啱年輕人？
京瑞廣場餐廳林立不在話下；二期二樓更有海量啱年輕人嘅舖仔(模型舖、衫舖、結他舖、夾公仔舖、茶舖、小食舖、甜品舖等)。更重要係，兩座大樓都有大量補習/興趣班中心，絕對係大學生做兼職嘅理想場所。
有時事實勝於雄辯：最近某平日下晝行咗轉京瑞二期，發覺在場大部份唔係中學生，就係廿幾歲嘅後生仔女。反之，去親新城市隔離啲商場仔，見到嘅唔係大陸客，就係中老年行街客。一個場受唔受年輕人青睞，現實足以說明一切。
本帖最後由 tzuyu.taiwan 於 2019-10-14 21:02 編輯
S3bl430 發表於 2019-10-14 09:22
以我以前住hall 3年經驗...
住hall的人真係會外出搵食...（校園canteen好多都好難食，就算接受到，連成幾 ...
我覺得石門有足大學生需要嘅嘢。要醫肚，有大量食肆。要行街，有京瑞二期二樓行。要做part time，有海量補習/興趣班中心。甚至想玩busking，都可以去兩座京瑞中間嘅空地玩。
再加上中大(醫學院，另加興建中醫院)<>威院之間醫護人員往來嘅實際需求，大學站<>石門<>威院之間嘅交通接駁根本有客有市，係差有人識開拓呢個市場啫。
P.S. 我係樓主，唔係「果位版友」，謝謝。