epsilon 發表於 2019-10-13 23:47
其實你自己已經講咗，67A去沙田唔係純粹鐵路接駁，此所以67A會入邨。
喺港鐵站旁邊，又已有67A做到接駁線 ...
你講得依4個商場, 就只係得大埔中心附近有好野食(昌運,近大埔中心巴士站附近),
用得金禧,希爾頓做例子,我都搞唔清你想反證樓主的說法是正確的,抑或另有目的...
而好運都是以連鎖的餐廳為主
感覺你不太熟沙田...
碩門無你想像中咁差, 至少我身邊朋友對碩門評價不錯, 而有些老人家真的會由顯徑特意搭車入去碩門搵野食
當然,碩門亦没有像樓主"吹"得咁吸引
=========================
返回正題, 我覺得274P並不是無得搞,
考慮到274P回車幾快,而且可以開發白石角<>大埔/馬鞍山客源,
加上小巴收費超貴,前景又唔會太差
車源方面, 可考慮縮短72A至太和並削減1架車給274P,
畢竟工業村唔太需要很多服務
樓主原文話："講返石門，其實沙田、馬鞍山、大埔都冇咩葵廣式、以小店為主嘅商場。
京瑞廣場卻係以民生小店為重，相信對中大學生係個吸引而就腳嘅消遣好去處......
以京瑞廣場食肆林立嚟計，相信亦可以吸納唔少住hall同學去搵食。"
要一個葵廣式小店為主嘅商場，同場本身有冇好嘢食嘅關係喺邊？
就算講埋食嘢，我上面舉４個商場，除咗個場本身，場嘅周圍
全部都係多嘢行多嘢食地方，你去好運行街，係咪一定要喺番好運搵食？
葵廣旺得起，除咗因為自己租戶組合，相當大原因係隔籬個新都會。
呢一點，石門京瑞嘅規模根本冇得比，想行/食第二樣就一定要先坐車。
有人反駁大埔廣場要Ｋ巴先到，咦點解假定咗全部潛在客源都來自中大先？
又話接駁東鐵係條小巴線重要功能嘅？我好想知以時間、車費、選擇去計，
大學以北搭車去京瑞消費嘅人會有幾多。
威院—大學站就無謂拉埋嚟講啦，呢點唔係條線一定要入石門內街嘅理由。
epsilon 發表於 2019-10-20 22:21
樓主原文話："講返石門，其實沙田、馬鞍山、大埔都冇咩葵廣式、以小店為主嘅商場。
京瑞廣場卻係以民生小店 ...
我認同葵廣未必係最貼切嘅比喻。我只想強調京瑞有好多小店。而就舖頭性質而言，你講個四個場的確係對年輕人吸引力低，同京瑞形成強烈對比。
至於話駁東鐵功能，係指813北延至大學站可以便利水泉澳邨、欣廷軒、第一城、碩門邨等屋苑居民有全日車便捷北上。雙向客源就係咁形成。
京瑞有嘅種類，唔見得有乜嘢係沙田市中心商場群搵唔到，
citylink咪係年青人客佔多數。
我唔反對呢一帶有北上線，不過用額外資源的話就應該砌大埔/北區線，
而且入碩門邨係無必要，否則水泉澳/黃廣、一城車程被拖慢，
濱景又唔用條線，只會順得哥情失嫂意。
本帖最後由 tzuyu.taiwan 於 2019-10-21 17:13 編輯
epsilon 發表於 2019-10-20 23:25
京瑞有嘅種類，唔見得有乜嘢係沙田市中心商場群搵唔到，
citylink咪係年青人客佔多數。
我之前講京瑞吸引年輕人嘅舖頭：模型舖、衫舖、結他舖、夾公仔舖、茶舖、小食舖、甜品舖，連城得衫舖(仲要貴好多)同茶舖。而連城的確有唔少後生仔女去搵食，因為新城市啲餐廳實在太貴。但當同京瑞相比，連城食肆嘅性價比、種類同數目明顯被比下去。
退一萬步，俾你證明到沙市商場群深受年輕人歡迎又點？係咪就代表佢哋會鍾意下下都去嗰度？講真，讀得中大，成日去沙市有幾奇；只係去得多都厭啦。如果有巴士路線打通大學站同石門之間嘅交通經脈，令中大/教大學生可以便捷往返京瑞呢個煥然一新嘅消遣場所，相信會造就一批穩定嘅學生客源。
本帖最後由 tzuyu.taiwan 於 2019-10-21 17:21 編輯
epsilon 發表於 2019-10-20 23:25
京瑞有嘅種類，唔見得有乜嘢係沙田市中心商場群搵唔到，
citylink咪係年青人客佔多數。
我絕對支持沙田各小區有大埔直車。只係呢，宜家運署已經招標緊黃泥頭－運頭塘同碩門邨－運頭塘兩條小巴線。但呢兩條小巴線偏偏唔經大學站，如果加經又會大大降低對大埔乘客嘅吸引力。所以先會諗透過延長813造就水泉澳－威院－插桅杆街－石門－大學站嘅直車服務。而由插桅杆街往返大學站，行經安明街、安耀街、安心街定係小瀝源路、大涌橋路嘅時間係相若。
tzuyu.taiwan 發表於 2019-10-21 17:19
我絕對支持沙田各小區有大埔直車。只係呢，宜家運署已經招標緊黃泥頭－運頭塘同碩門邨－運頭塘兩條小巴線 ...
一來 813 依家都頹到咁，營辦商有冇心延長繼續做都係問題
二來延長路線係唔係要經過運輸署批准先得 ? 始終條線係運輸署定出黎
如果想碩門有直車去大學站，可能運輸署招標多一條新小巴線仲簡單直接
當係碩門 - 運頭塘小巴線既短途輔助
首先,你街上問香港人,京瑞廣場係咩來, 本區人都未必答到你, 有D什至連石門站係咩都唔知
反之,你問邊度係新城市,十個有九個都答到你,至少答到係沙田站
本帖最後由 tzuyu.taiwan 於 2019-10-22 21:15 編輯
T277 發表於 2019-10-22 20:51
首先,你街上問香港人,京瑞廣場係咩來, 本區人都未必答到你, 有D什至連石門站係咩都唔知
反之,你問邊度係新 ...
所有新事物嘅知名度都係由零開始。你有呢種諗法，等同覺得香港人永遠只會識陳奕迅、容祖兒呢啲上咗岸嘅歌手，新人冇人識就唔值得推崇？
tzuyu.taiwan 發表於 2019-10-21 17:11
我之前講京瑞吸引年輕人嘅舖頭：模型舖、衫舖、結他舖、夾公仔舖、茶舖、小食舖、甜品舖，連城得衫舖(仲要 ...
假如A場群有五百間大大小小所有類型舖頭，
B場一樣乜都有，但只得五十間蚊型舖，
咁班客會持續咁去A定B ?
此話題已完結。