sunhoo 發表於 2023-7-9 08:46
我覺得青將線主菜係旺角，有機會多人過山谷道。
朝早14x/215x只有山谷道多客。我日日在理工登車，除左九 ...
青將線只經佐敦道，不經旺角，但客量如何要開線才能揭曉
214P_world 發表於 2023-7-9 17:09
青將線只經佐敦道，不經旺角，但客量如何要開線才能揭曉
sorry搞錯左
Megabox背後常怡道盞燈係經常塞到頂出上游，但係估唔到可以好似今日咁九展過後塞十分鐘先埋到宏通街站。如果劃巴士線同加黃格，可能有助穩定巴士班次。
sunhoo 發表於 2023-7-10 09:40
Megabox背後常怡道盞燈係經常塞到頂出上游，但係估唔到可以好似今日咁九展過後塞十分鐘先埋到宏通街站。如 ...
呵, 你終於提呢個因素, 我仲以為呢個已經唔再係問題.:lol
咁加幾多車幾多路線落去都係塞車, 倒不如要求個站後移至宏光道路口草坪位置仲有利, 連98D 219X 296D都可以合法停站, 你地有多點選擇.
laikingsouth 發表於 2023-7-7 14:43
215X上唔到，返九龍灣嘅會唔會107都照上？
搭215x既人係會死搭215x/14x, 因為megabox個站實在無可取代，更加唔會有人肯搭107兜黎兜去
反而我以前有香港仔同事係搭107, 喺山谷道落車轉215x
本帖最後由 sunhoo 於 2023-7-10 13:58 編輯
EX-TL 發表於 2023-7-10 11:40
呵, 你終於提呢個因素, 我仲以為呢個已經唔再係問題.
咁加幾多車幾多路線落去都係塞車, 倒不如要求 ...
姑且唔講移站增加步行距離，唔郁私家車，只係巴士被動去適應私家車，係唔會有盡頭。我就建議由啟福道入常怡道繁時劃為巴士專用，私家車一律經宏光道常悅道入常怡道。非繁可以還原現况。宏光道直出支路去到巴士站前劃為讓線，唔會阻到巴士埋站。
sunhoo 發表於 2023-7-10 13:54
姑且唔講移站增加步行距離，唔郁私家車，只係巴士被動去適應私家車，係唔會有盡頭。我就建議由啟福道入常 ...
唔會啦, 當年開路口係為左方便車輛有條捷徑入郵碼同跑道區, 你改做巴士專線, 一來違背初心, 二來非繁一小時得4-5架巴士需要轉入去, 三來你咁樣要一堆私家車堵塞常悅道 宏光道係易過借火, 啓福道唔止一條行車線, 左線塞車仲有右線, 但內街呢!
草坪站可以set做只供早上10點前使用, 其餘時間繼續在綠在觀塘上落便可以.
你寧願忽然唔知邊日要在車上呆等10分鐘, 都唔願意早個路口落車行多少少? 況且落車行番入宏光道返工亦有人在.
EX-TL 發表於 2023-7-10 14:20
唔會啦, 當年開路口係為左方便車輛有條捷徑入郵碼同跑道區, 你改做巴士專線, 一來違背初心, 二來非繁一小 ...
或者私家車入宏光道再右轉出啓福道，唔影響常悅道。呢條出啓福道嘅支路划讓綫，唔阻巴士埋站。
sunhoo 發表於 2023-7-10 16:09
或者私家車入宏光道再右轉出啓福道，唔影響常悅道。呢條出啓福道嘅支路划讓綫，唔阻巴士埋站。
諗法係幾美好
但黃格無警察企係度就等同無用嘅, 而且仲要係咁長嘅黃格
睇番實際情況, 葵芳新都會出面都有好長嘅黃格
基本上個個司機都係照入黃格, 都係繼續頂死
或者咁講, 除非你影響到成個區嘅人 (e.g.屯公巴士線)
否則都好難為幾班車塞10分鐘內嘅客去做咁多野
sunhoo 發表於 2023-7-10 16:09
或者私家車入宏光道再右轉出啓福道，唔影響常悅道。呢條出啓福道嘅支路划讓綫，唔阻巴士埋站。
呢個想法幾好，甚至可應用於其他巴士站 (例如曲街)