12Lane 發表於 2023-10-12 18:26
點解唔會？政府而家好多錢？
個個部門都講cut cost。
交通行業既銀碼同cut cost既銀碼
真係蚊同牛比
GA6072 發表於 2023-10-12 18:29
交通行業既銀碼同cut cost既銀碼
真係蚊同牛比
咁點解政府要叫人唔好「濫用」兩蚊？
連兩蚊都要叫人㩒分段？
本帖最後由 asv98.kw131 於 2023-10-12 18:34 編輯
12Lane 發表於 2023-10-12 18:26
點解唔會？政府而家好多錢？
個個部門都講cut cost。
我諗佢係未試過交稅 / 體驗而家喪抄牌，又或者覺得叫人唔好濫用 $2、cut 鐵路警區係純粹貪玩，又或者覺得嗰啲「說好香港故事」、「夜繽紛」呢啲係純粹為咗軟實力掛;P
唔等錢使佢邊會搞咁多吖～ 而家香港經濟係點大家都知。
淨係「明日大嶼」已經等錢等到傻啦:lol
2003 年開 AC，我諗佢都就未至於要返學嘅，不過咁多年都入世未深，唔知係天真定係無知了。
本帖最後由 KE7066 於 2023-10-12 18:38 編輯
asv98.kw131 發表於 2023-10-12 18:27
公屋等幾耐？
公立醫院等幾耐？
咁飲食業你又點解釋？
排得耐唔等於無㗎喎
你自己選擇放棄係你嘅事唔通政府又要管咩
同時政府都宣稱努力解決公屋問題啦
咁執意講飲食，你不如睇下世界有咩地方會公營化飲食先再討論
真心 R 晒頭
12Lane 發表於 2023-10-12 18:30
咁點解政府要叫人唔好「濫用」兩蚊？
因為淨支出無收入
同錢收入政府袋先至派出去
係兩個故仔
二來,有地鐵呢個調節工具,入標既可以叫得幾貴ar
本帖最後由 12Lane 於 2023-10-12 18:44 編輯
GA6072 發表於 2023-10-12 18:36
因為淨支出無收入
同錢收入政府袋先至派出去
咁如果蝕錢點搞? 永遠政府墊底?你講到唔可以CUT線，咁減班又可唔可以?你心目中個運作模式其實係點架先?
UA2892 發表於 2023-10-12 18:40
米的價格受管制算唔算係公營飲食
唔係，因為管制唔等於補助
但你提咗我唔少國家其實會補貼自家農業
主要避免他國供應短缺嚴重影響到自身經濟
但我實在諗唔到香港搞呢啲有咩用，亦唔見有咩急需咁做
本帖最後由 asv98.kw131 於 2023-10-12 19:13 編輯
KE7066 發表於 2023-10-12 18:47
唔係，因為管制唔等於補助
但你提咗我唔少國家其實會補貼自家農業
Exactly，飲食業未有急切性資助市民，咁交通費用係咪真係好多人俾唔起先？
補貼，簡單講係有必要存在嘅行業面臨蝕錢，而且冇得取代，呢啲先要補貼。
況且樓主講嘅係月票，性質係補貼緊行業（令巴士公司更易賺錢）+ 提供優惠俾大眾（令市民稍為減少開支），但係本身政府都盡可能壓低需要補貼嘅金額。既然本身已經蝕錢，咁點解仲要出月票？政府出月票唔同巴士公司自己出。巴士公司自己出係令更多人乘搭自己公司嘅巴士，賺 $780 好過送客俾其他公司；但係政府出月票再俾固定營運費巴士公司就另一件事，本身搭巴士 / 港鐵嘅市民就係咁多，吸引乘客由巴士轉去另一間公司或者港鐵亦唔會影響整體收入，即係出月票只係純粹地減少咗交通行業嘅收入，令政府需要貼嘅錢多咗，納稅人點會收貨？
另外，既然成本轉嫁咗去政府庫房，咁其實同公營差唔多，由政府自負盈虧，亦都正如我所講政府會盡可能壓低需要補貼嘅金額，咁相信巴士只會得返基本服務，載客率稍低就即刻 cut。
主要避免他國供應短缺嚴重影響到自身經濟你都識講，補助蝕少少，唔補助後果更嚴重，所以政府先會補助。
咁如果巴士公司蝕錢，政府補助之後，可以換嚟咩效益？保住一間淨燒錢嘅巴士公司對政府又有咩好處？對政府嚟講，隨時自己公營會更加着數，起碼唔使俾中間組織賺。
本帖最後由 GA6072 於 2023-10-12 19:30 編輯
12Lane 發表於 2023-10-12 18:43
咁如果蝕錢點搞? 永遠政府墊底?你講到唔可以CUT線，咁減班又可唔可以?你心目中個運作模式其實係點架先?
入標果part同而家玩緊既無分別
全港分N張標一條標入面有N條線
每條線都有地鐵/政府心目中入標價
入標果個可以係標書寫每條線寫多寫少想收既營運價錢
全張標要睇埋間公司夠唔夠足夠車輛種類同品牌型象計分
低分過心目中服務就地鐵做,呢個入標價就係營運費用
而車費收幾銀就政府定
分別係
所有車費入左政府袋先
由政府比返固定營運費用
營運商要定時係總站出車
正苦要求開非表列班次有exact bonus
蝕錢？
你出價太高政府reject
正常出價月月有錢收
你做唔掂政府有地鐵包
錢就長期由政府管理
你怕政府用公帑
全個package可以由地鐵做,唔洗政府出手添