KE7066 發表於 2023-10-12 21:15
講到尾流動資金咪即係月結定日結 / 週結問題
八達通都唔可能即日有數啦，唔通巴士公司即刻倒閉咩
入得正苦大標,借錢點會難大把CIVIL JOB幾億幾億咁,都係事後找
:lol
asv98.kw131 發表於 2023-10-12 21:06
雙方風險都高，我諗難啲推行，我諗傾掂拆帳會容易過要做啲咁高風險但係回報唔會好高嘅投資。
你有冇做過 ...
其實,如果政府真係咁玩一張大標
個人估計
唔止係每月比錢
重有入場前會有initial setup呢大舊錢攞
大約係所有架撐夾埋40%
只係每月營運費用唔會比太多
值20-30%載客量
不過,會有爆客加車有extra bonus
地鐵出標果part只係亂up
可以由運輸署連區議會做
本帖最後由 asv98.kw131 於 2023-10-12 21:39 編輯
KE7066 發表於 2023-10-12 21:15
講到尾流動資金咪即係月結定日結 / 週結問題
八達通都唔可能即日有數啦，唔通巴士公司即刻倒閉咩
的確呢個唔係最重要嘅，不過佢本身設計嘅 Plan 好多問題，呢個只係其中一個啫。
我最主要係擔心一啲差少少符合載客量要求、現時巴士公司又有錢賺嘅路線俾人 cut 多啲，舉例 673 / 978 其實平日非繁嚴格上唔係好達到要求，呢啲路線收入應該只係稍為高過成本少少，如果政府要泵錢俾巴士公司，政府應該冇咩可以賺，咁就可能俾政府要求變平日得兩味。（不過前面講過怕 cut 線嘅問題，不贅）
本帖最後由 asv98.kw131 於 2023-10-12 21:54 編輯
GA6072 發表於 2023-10-12 21:26
其實,如果政府真係咁玩一張大標
個人估計
咁政府嘅成本好高，即係又要納稅人埋單
基本上呢個問題可以話係無限 loop 返轉頭，你要加大交通企業嘅保障，政府就要承受較高風險，而家呢個計畫最重要做係成本同效益嘅問題。
服務質素要好：即係政府同巴士公司都要有唔錯嘅利益，咁先唔會話政府 / 巴士公司覺得蝕抵而 cut 一啲有一定需求嘅線。不過成本好大機會係要乘客孭（可能月票會貴 / 車費會貴左）。同埋投標之後係咪唔憂做？如果係，咁就會犧牲質素；如果唔係（例如幾年之後大洗牌），咁巴士公司未必願意玩，甚至可能輸咗大標之後 hea 做，可以望下以前同而家澳門嘅新福利。
價錢要平：即係政府同巴士公司點都有一方要承受好大嘅風險，價錢平一係容錯嘅空間會細，一係就要犧牲服務質素去節省開支。
呢兩樣嘢係好難平衡到，又要平就要質素唔差，唯一嘅做法就係私營企業好好良性競爭，呢個先係最符合資本主義嘅自由市場。
本帖最後由 GA6072 於 2023-10-12 22:11 編輯
asv98.kw131 發表於 2023-10-12 21:36
咁政府嘅成本好高，即係又要納稅人埋單
基本上呢個問題可以話係無限 loop 返轉頭，你要加大交通企業嘅保 ...
其實,個topic係取消專營改為外判
你up既問題,其他外判都有
外判公共服務呢招,政府run左起碼40年
再追落去,我成本真正標書sample copy比你你都話唔ok
再講外判公共服務,政府係淨消錢無收入
一張咁既標
只係起座涼亭/公廁既價位,成本可以有幾高
好似為左一堆12米/12米8
政府每年都洗左都唔止一間九巴既銀碼
政府重要課金貼錢交通補貼
呢個銀碼遠遠多過咁樣出張標
比返合適既車行合適既路
政府重要有份食
而家講緊政府月月入袋,交通企業又月月入袋
只係交通企業食唔足
GD1570 發表於 2023-10-12 17:24
以轉乘網絡嚟計分真係無得玩...
過海線香港島城巴贏九龍新界九巴贏，咁計邊個贏呢？
54 區同皇后山單 Case，因為條插旗線 67A、78A，
紅巴所有屯轉、粉轉去到既目的地當現有服務範圍唔計分。
結果黃巴係九龍市區轉乘計分仲高分過紅巴，
所以當時遊戲規則，黃巴贏埋轉乘。
dennis28a 發表於 2023-10-12 22:15
54 區同皇后山單 Case，因為條插旗線 67A、78A，
紅巴所有屯轉、粉轉去到既目的地當現有服務範圍唔計分。 ...
如果咁講好公平
唔招標袋左條線落袋點會無代價
本帖最後由 12Lane 於 2023-10-12 22:28 編輯
asv98.kw131 發表於 2023-10-12 21:36
咁政府嘅成本好高，即係又要納稅人埋單
基本上呢個問題可以話係無限 loop 返轉頭，你要加大交通企業嘅保 ...
我諗問題係在於，現時政府好多招標制度已經比班判頭食水好深，做一堆小型工程，報標個價係可以高到嚇親人。
如果久而久之帶埋入交通行業，恐怕個支出唔係我地而家表面睇三巴年報咁簡單。例如政府心入面有個價，但入標者計到個man-day好鬆動、用車又多幾部，就算班（aka group C判頭）巴士公司超左價都好難唔判比佢做，唔通判比啲（aka group A判頭）小巴做咩。仲有就係入標低價，之後係咁額外加班claim 車claim加班，又係一堆會諗到喺工程合約會發生嘅事。到出意外啦，政府支標又有機會比人攞啲車長休息唔夠要加車加時大做文章，到時又VO，又係錢，無底深潭越食越多。
所以而家由得堆巴士公司自生自滅某程度上都有佢道理嘅，承包制嘅話出嘅錢分分鐘仲多同埋引伸更多問題，到時一闊三大支標支出年年加，最後咪又係番番去而家嘅結果，cut班同加價，
本帖最後由 12Lane 於 2023-10-12 22:37 編輯
GA6072 發表於 2023-10-12 21:23
入得正苦大標,借錢點會難大把CIVIL JOB幾億幾億咁,都係事後找
Civil job都有分milestone比錢嘅。
政府找錢就一定準時嘅，問題係收貨要求都好高啫。
假設真係行外判制，有冇咁多人去monitor住巴士公司同路線運作確保正常，有冇做數做假都係一堆資源，咩野情形先比巴士公司開加班claim錢又要訂晒好多準則防止濫用，仲要落埋場睇，做埋巴士公司果份。
以TD同呢個政府嘅效率黎講，搞呢種中央集權感覺就有心無力。
12Lane 發表於 2023-10-12 22:36
Civil job都有分milestone比錢嘅。
政府找錢就一定準時嘅，問題係收貨要求都好高啫。
假設真係行外判制， ...
Consultant睇....
Consultant就係地鐵
又得唔得呢