kay 發表於 2024-8-4 15:27
電巴都唔易行
8910搶頭啖湯第一架雙層電巴
但電量又唔夠用
依家歐美都知電車靠唔住，一到冬天就死得，連歐盟都唔敢再揸咁緊話要禁油車。
香港就話無冬天問題啫，但放眼世界好多地方冬天會落雪會好凍，根本無可能禁油車全部用電車。
至於氫能係咪最終答案，就要睇有幾多人一齊推動呢樣野。商用車其實反而係幾合適用氫能，因為車身大相對有足夠空間擺氣缸，但私家車要塞個氣缸落去其實仲難過塞電池，你睇Toyota部Mirai擺完氣缸搞到咁大部車入面空間都可以咁細就知幾麻煩。
Man@MFHK 發表於 2024-8-4 17:10
依家歐美都知電車靠唔住，一到冬天就死得，連歐盟都唔敢再揸咁緊話要禁油車。
香港就話無冬天問題啫，但 ...
呢啲正宗連登假新聞
油車都要靠電池先著到車，天氣極端嚴寒，油電係一齊死
上次點解週街死車，係因為寒流影響本身唔凍既地方
加拿大挪威慣咗零下二三十度既人，自然有對策應對
In fact挪威宜家八成新車都係電車，冬天行唔到？
歐盟延遲個target，原因係德國幾間油車企業lobby，同冬天溫度一啲關係都無
castanopsis 發表於 2024-8-4 17:56
呢啲正宗連登假新聞
油車都要靠電池先著到車，天氣極端嚴寒，油電係一齊死
歐洲佬仲有柴油車可以揀，唔使靠電池點火喎。
而且油車只要著到車就贏，電車係你唔知佢行行下幾時突然死。
kay 發表於 2024-8-4 08:34
其實睇返之前報道
灰氫係已知因素
但佢地有講無理由等到綠氫READY先搞氫能
城巴自己啲宣傳差唔多完全避開曬 綠氫 藍氫 灰氫
問題係，一個正常既香港人，睇到城巴啲文宣，唔會意識到，原來架車碳排放同柴油車一樣
————————
退返一步，要先解釋下綠氫個定位喺邊
綠氫個概念係，用可再生能源，電解水變成氫氣
問題係，如果你有 太陽能/風能，點解唔直接駁落電網，取代 煤、天然氣？
綠氫未來可能好重要
但呢個願景有兩個前設——
1. 電網本身已經接近100%可再生能源，部分時段過剩，用來製造綠氫
2. 發電既地區人口稀疏，連HVDC都駁唔到去人口密集既地區，改用綠氫運過來
遺憾地，前設 (1) 怕且唔會喺呢十年內發生
前設 (2) 本身香港係apply
但近年HVDC技術有顯著改善，係咪無得遙距攞綠電，已經無以前咁絕對話唔得
—————————
我同意氫能宜家已經要試
等未來如果綠氫真係有突破可以快速轉型
但7:3比例+灰氫，搞到宜家減唔到碳，就好有問題
查實綠氫宜家已經有供應，只係運作成本好似貴柴油五倍
如果你純粹係試車然後做R&D，我寧願你掉返轉3:7，然後用節省既錢買啲綠氫返來
咁就真係環保過電車，真.zero
3ASV174 發表於 2024-8-3 04:25
載通自己都係上市公司
Internal transfer 當免息貸款都講得出真心痴線
講開借貸，新地啱啱响五月先至响內房巨企連環爆煲、
香港部分地產商財務受質疑下，成功取得銀團貸款。
唔駛靠新地另一個仔新鴻基財務，而係街外銀行都肯俾到個靚rate佢。
上市公司被母公司、大股東予取予攜雖然唔係新聞，施加影響力就更加唔奇。
不過新鴻基入股九巴時，九巴自己都有規模亦run得唔錯，
至少唔係要搵人去醫，甚至輸血救命果種。
呢D情況下商業決定係正路的話，
母公司大股東有冇施加壓力都係會咁做，唔駛圍威喂都可以共同得益。
就算係為個別地產項目成立嘅全資子公司亦然。
母公司大股東一對子公司施加得影響力，唔係權鬥就係自肥。
就算自吹自擂到幾強勁前景幾秀麗，上得市自由買賣就股價必然唔會好。
去到呢D位既得利益咪肥，係下面嘅庶民慘啫。
本帖最後由 castanopsis 於 2024-8-5 08:19 編輯
Man@MFHK 發表於 2024-8-4 18:57
歐洲佬仲有柴油車可以揀，唔使靠電池點火喎。
而且油車只要著到車就贏，電車係你唔知佢行行下幾時突然死。 ...
唔怪你
但都幾肯定你係睇咗連登轉貼美國寒流既新聞，所以有咁既印象
只可以話，連登新聞要小心解讀
好多時好刻意選擇攞某一類極左極右既新聞出來講
千其唔好以為係主流
極端寒流影響大既原因
係本地居民同基建，無應對嚴寒既經驗，而唔係本身電車天氣凍行唔到
即係好似香港如果落雪，路面交通肯定停頓
但唔代表路面交通應付唔到落雪，只係香港無準備
最簡單，如果電車嚴寒就行唔到，挪威/加拿大點會咁多EV？
castanopsis 發表於 2024-8-5 08:17
唔怪你
但都幾肯定你係睇咗連登轉貼美國寒流既新聞，所以有咁既印象
只可以話，連登新聞要小心解讀
電池效能喺寒冷天氣下會有唔同
就算著到車，續航力一樣會大跌
強國北方上年一樣試過天氣凍，電巴唔夠力行原定里程要大幅減班
Man@MFHK 發表於 2024-8-4 12:11
但從另一角度睇，城巴係現有框架下已經係好積極推動氫能發展，如果無城巴大力推動，我相信依家氫能車連隧 ...
氫巴依家喺香港個玩法係先有供應
再製造需求
係車廠買間巴士公司返嚟賣車俾佢
唔係巴士公司買間車廠返嚟生產車俾自己用
從來推氫能都只係車廠盤生意
s3n370 發表於 2024-8-5 07:56
講開借貸，新地啱啱响五月先至响內房巨企連環爆煲、
香港部分地產商財務受質疑下，成功取得銀團貸款。
唔 ...
一點更正：新鴻基財務並非新鴻基地產旗下公司，現屬亞洲聯合財務附屬公司。
3ASV174 發表於 2024-8-5 08:58
電池效能喺寒冷天氣下會有唔同
就算著到車，續航力一樣會大跌
強國北方上年一樣試過天氣凍，電巴唔夠力行 ...
咁北方嗰種嚴寒又點同？講緊零下幾十度嗰種
反觀香港，凍得嚟都未必會掂到零度（講緊市區）
所以呢種擔憂，係香港呢種地區，未必會存在